"ბიძინას 2000-დან 2005 წლამდე აღმაშენებელზე ჰქონდა კაზინო "ასტრა პალასი"

"თანამდებობიდან ჩამოშორებულია 6 პირი, რათა მათ გამოძიებაზე რაიმე მიზეზით გავლენა ვერ მოეხდინათ."

ექსკლუზივი: "ჩემი შვილის დაბრუნებაში დამეხმარეთ"

"ვფიქრობ, სკოლებში ფსიქოლოგის ყოფნა მნიშვნელოვანია, მან უნდა იმუშაოს სისტემატურად ბავშვებთან"

რა აკავშირებდა აზარტული მოთამაშის მკვლელობასთან პროკურორის მკვლელობაში ბრალდებულ ბიძინა კუჭავას?!

შეუსრულებლობის შემთხვევაში, შიმშილობით იმუქრება

განცხადება პროკურორმა რამდენიმე წუთის წინ სასამართლო დარბაზში გააკეთა

გასულ კვირას, შემზარავი სურათის თვითმხილველები გახდნენ სოფელ მანავის მცხოვრებლები.

14 დეკემბერს, ბერი გაბრიელის გამზირზე მდებარე 53-ე კორპუსში სპეცოპერაცია თითქმის ერთ საათს გაგრძელდა.

ალეკო ელისაშვილის მიერ მანანა კობახიძისა და ეკა ბესელიას მიმართ წაყენებულ ბრალდებებთან

ნოემბრის დასაწყისში შეგვძრა 18 წლის ქუთაისელი ბიჭის _ გიორგი გვიჩიანის სადისტურმა მკვლელობამ.

სახელმწიფო უსაფრთხოების სამსახურმა "ისლამურ სახელმწიფოსთან" შესაძლო კავშირის ბრალდებით 4 პირი დააკავა.

მთელი ტყიბული შეძრა გასულ კვირას მომხდარმა შემზარავმა ფაქტმა - სამი შვილის დედა, 41 წლის მაია კირკიტაძე ტყიბულის ტყეში სამართალდამცავებმა საშინლად ნაწამები იპოვეს. დასახიჩრებული ქალი მკვლელს ხრამში გადაეგდო. იგი ქალის საშინელ წამებას არ დასჯერდა და კვალის დაფარვასაც შეეცადა, ცხედარს ზემოდან ფოთლები და ფიჩხი მიაყარა.

სამართალდამცავებმა უმძიმესი დანაშაული ოპერატიულად გახსნეს და მკვლელობაში ბრალდებულიც დააკავეს. დამნაშავე მოკლულის მეზობელი, 18 წლის ნუკრი კაპანაძე აღმოჩნდა. ოფიციალური ინფორმაციით, მკვლელობა ურთიერთშელაპარაკების ნიადაგზე მოხდა, თუმცა ტყიბულში მომხდარზე უამრავი ვერსია ვრცელდება. ჭორ-მართალი ისეა ერთმანეთში არეული, სიმართლის გარკვევა ჭირს. ერთ-ერთი ვერსიით, მკვლე­ლობის მოტივი შურისძიება იყო. როგორც ამბობენ, ეჭვმიტანილს მოკლულის ქალიშვილი უყვარდა და მისი ცოლად შერთვა სურდა, თუმცა გოგონას ოჯახი მათი ურთიერთობის კატეგორიული წინააღმდეგი იყო. გოგონას მშობლები ნუკრი კაპანაძეს შვილთან მიახლოებას უკრძალავდნენ და ამის გამო იძია 18 წლის ბიჭმა შური. თუმცა, ამ ვერსიას კატეგორიულად უარყოფენ ჭირისუფლები. მათი თქმით, ეს ჭორია და სიმართლეს არ შეეფერება. ოჯახი სისასტიკით ჩადენილ განზრახ მკვლელობაზე საუბრობს და ექსპერტიზის დასკვნას ელოდება. როგორც ამბობენ, დამნაშავემ ქალი ჯერ მოკლა და შემდეგ გააუპატიურა. იყო თუ არა მოკლული ქალი გაუპატიურებული, ამას ექსპერტიზა დაადგენს. გავრცელებული ინფორმაციით, ბრალდებულმა ქალის გაუპატიურება აღიარა. დამნაშავის ოჯახი ტყიბულიდან გახიზნულია. მოსახლეობა და მოკლულის ოჯახის წევრები დამნაშავის უმკაცრესად დასჯას ითხოვენ.
იმ საბედისწერო დღეს, ახალ­გაზრდა ქალი ტყეში წაბლის საკრეფად წავიდა. მისი მეუღლე გელა, თბილისში სამუშაოდ იყო წასული. შებინდდა, მაია კი არსად ჩანდა. ამის შემდეგ დაიწყეს ძებნა. პოვნის იმედი რომ ამოეწურათ, პოლიციას აცნობეს. ძალოვანებმა მოკლული ქალი მოგვიანებით ხრამში გადაგდებული იპოვეს. ცხედარი დასახიჩრებული იყო. თვალები ამოყრილი ჰქონდა, სახე დასივებული, ყბა - მოტეხილი.
ბუხუტი კირკიტაძე, მოკლულის ძმა:
- შეძრულები ვართ მომხდარით. არ ვიცი, რა უნდა ვთქვა. მკვლელი დაკავებულია და მას წინასწარი პატიმრობა შეეფარდა. მივედით სასამართლო პროცესზე, მაგრამ დარბაზში არ შეგვიშვეს. ალბათ მოერიდნენ სიტუაციის დაძაბვას. იმ მანიაკმა და მომიკლა და საშინლად აწამა. უმკაცრესად უნდა დაისაჯოს. ჩემი დის ოჯახი თავის უფლებებს ვერ იცავს - ადვოკატი არ ჰყავს. მთლიანად პროკურატურაზე ვართ დამოკიდებული და გვინდა გვჯეროდეს, რომ გამოძიება სამართლიანად წარიმართება. ვერ შევეგუებით უსამართლობას. მას ყველაზე მკაცრი სასჯელი უნდა გამოუტანონ.
- ბატონო ბუხუტი, ვრცელდება ინფორმაცია, რომ დამნაშავეს თქვენი დისშვილი უყვარდა და თითქოს თქვენმა სიძემ სცემა კიდეც ადრე დამნაშავე. შურისძიების მოტივით მკვლელობაზე საუბრობენ, ამ ვერსიას ეთანხმებით?
- არა, აქ სიყვარული არაფერ შუაშია, ჭორია და არ დაიჯეროთ. მკვლელი სექსუალური მანიაკი იყო და ამ მანიაკმა მომიკლა და. ახლა ჩვენთან წაბლის საკრეფად დადის მოსახლეობა. ჩემი დის სახლთან ახლოს, სულ რაღაც 200 მეტრში ტყიანი ფერდობია, მაია იქ შესულა წაბლის მოსაგროვებლად. დაახლოებით დილის ათ საათზე გავიდა სახლიდან და მალე უკან უნდა დაბრუნებულიყო, რადგან ჩემი შუათანა დისშვილი მასწავლებელთან იყო წასასვლელი. სამი შვილი ჰყავს. უმცროსი 9 წლის არის და ბავშვი მაიას უნდა დაეტოვებინა. შუადღეს რომ აღარ დაბრუნდა, მეზობლებთან ერთად ყველგან ვეძებეთ. მერე ვიპოვეთ ტყის ნაპირზე, ხრამში ჩაგდებული. ცხედარს ხის ნაფოტები და ფოთლები ჰქონდა ზედ დაყრილი. დამნაშავე მეზობლად ცხოვრობს. ტყიბულის შახტაში მუშაობდა და ღამის ცვლაში ყოფილა, რომელიც 9 საათზე სრულდება. სადაც ის ცხოვრობს, იმ სახლიდან კარგად მოჩანს ტყის ის მასივი, სადაც მაია წაბლის შესაგროვებლად წავიდა. ეტყობა, შენიშნა მაია და უკან გაჰყვა, თან მოსაკლავად იყო მომზადებული. მაია თურმე დახრილი აგროვებდა წაბლს, ამ დროს მიეპარა მკვლელი და უკნიდან კისერზე მარყუჟივით გაუკეთა ქამარი. ამ ყველაფერს აღიარებს დეტალურად. საშინელ რამეებს უყვება გამომძიებელს. გაგუდა, მერე კი გარდაცვლილს სახეზე წიხლები ურტყა.
- სხვა დროს თუ შეგიმჩნევიათ რაიმე მსგავსი?
- მეზობლები ამბობენ, წინადღეს სადარბაზოში დახვდა და შეაშინაო. ჩემს დას რამდენჯერმე სხვა დროსაც გაჰყოლია თურმე ჩუმად. ეტყობა, ხელსაყრელ მომენტს ეძებდა. დამნაშავე ტანად პატარაა, ჩემი და - ახალგაზრდა, ფიზიკურად ძლიერი ქალი იყო და როგორც ჩანს, მოძალადეს წინააღმდეგობა გაუწია. ნაწამებია საშინლად.
- ვრცელდება ინფორმაცია, რომ მკვლელმა გაუპატიურებაც აღიარა, ეს სიმართლეა?
- ჩემს დას ექსპერტიზა ჩაუტარდა, მაგრამ ჯერ არ ვიცით ექსპერტიზის პასუხი. ეჭვი არსებობს, რომ გაუპატიურებულია.
- ამბობენ, რომ დამნაშავეს ფსიქიკური პრობლემა აქვს.
- ამას კატეგორიულად გამოვრიცხავ და ვერ შევეგუები, რომ გამოძიება ამ მიმართულებით წავიდეს. მას ფსიქიკური პრობლემა რომ ჰქონოდა, მართვის მოწმობას არავინ მისცემდა. დამნაშავეს ასევე ახალი დაწყებული აქვს მაღაროში მუშაობა და იქ `ფსიქოს~ გარეშე არავის იღებენ. ის არის ავადმყოფი მანიაკი. დაგეგმილი ჰქონდა ჩემი დის მკვლელობა და ვაცხადებ, ეს განზრახ მკვლელობა იყო. თანამონაწილეების არსებობასაც არ გამოვრიცხავ.
- კაპანაძეზე ეჭვი ვინ მიიტანა?
- ის სახლიდან არ გამოდიოდა და ეჭვი გამიჩნდა. ვთქვი ახლობელ ბიჭებთან, რაღაც საეჭვოდ ჩუმად არის-მეთქი და პირდაპირ პატრულს მივმართეთ. ადრეც მქონდა მოსმენილი, რომ მისი მეზობელი ქალების საცვლები იკარგებოდა. ცოტა ადრე, სკოლაში ხატვის მასწავლებლად ვმუშაობდი და იქ სწავლობდა ისიც, რამდენჯერმე გოგონების საპირფარეშოში შეიპარა სათვალთვალოდ. სექსუალური გადახრები ჰქონდა. პატრულმა აიყვანა და დაკავებისთანავე, მანქანაში უღიარებია მკვლელობა და ის ადგილიც მიუთითა, სადაც მოკლა. ბრალი განზრახ მკვლელობის ბრალდებით უკვე წაუყენეს, თუმცა არ არის გამორიცხული, სექსუალური ძალადობის მუხლით დაუმძიმდეს. ამბობენ, იმდენად ამაზრზენია დამნაშავის აღიარება, გამომძიებელი თურმე იძახდა, - ოთახიდან გაიყვანეთ, თორემ მოვკლავო. ისიც უთქვამს, რომ გავაუპატიურე, მაშინ მოკლული მყავდა და ქალი ხროტინებდაო. გავრცელებული ინფორმაციით, ძალოვანებმა დამნაშავის დედაც დააკავეს. მეზობლების ინფორმაციით, სავარაუდოდ თანამონაწილეობის ბრალდებას წაუყენებენ მას. არსებული ინფორმაციით, დანაშაულის ჩადენის შემდეგ მკვლელს ცხედრის გადაადგილებაში დედა დაეხმარა. რამდენად სარწმუნოა ეს ინფორმაცია, მოგვიანებით გახდება ცნობილი. ფაქტზე გამოძიება გრძელდება.


თეა ხურცილავა

საფრანგეთში, ტერორისტული აქტების განხორციელების შედეგად რვა ტერორისტი დაიღუპა.

შემზარავი კადრების ნახვა ყველასთვის ხელმისაწვდომი გახდა

ახალგაზრდა ძალიან ღელავდა, მთელი ღამე ნერვიულობისგან თვალი არ მოუხუჭავს, მეორე დღეს სასამართლოს მისი ბედი საბოლოოდ უნდა გადაეწყვიტა:

მუხიანის მე-4 ა მიკრორაიონში ცოტა ხნის წინ ცეცხლსასროლი იარაღიდან სროლის ხმა ისმოდა

გამოძახებაზე გასულ სასწრაფო სამედიცინო დახმარების ბრიგადის მანქანას ნასვამ მდგომარეობაში მყოფმა მამაკაცმა საქარე მინა ჩაუმტვრია.

რობერტ დარსტის ცხოვრება და... სიკვდილები

რამდენიმე დღის წინ მოსამართლემ განზრახ მკვლელობაში ბრალდებულ ნოვრუზ ქარიმოვს უმძიმესი ბრალდება მოუხსნა, საქმე გადააკვალიფიცირა და მას 5 წელი მიუსაჯა.

პროკურატურის შუამდგომლობა დაკმაყოფილდეს, კახი მამულაშვილი დარჩეს პატიმრობაში

კახი მამულაშვილს, იგივე "მამულიჩას" ბრალის დამტკიცების შემთხვევაში მაქსიმალურ სასჯელად 14 წლით პატიმრობა ემუქრება.

"იმ გარეწარმა მომიკლა შვილი და ეჭვი რომ არ მიეტანათ, საავადმყოფოშიც კი გამოგვყვა"

ხარაგაულის რაიონის სოფელ ხუნევში მომხდარმა დანაშაულმა საზოგადოება შეძრა. მთელი სოფელი 20 წლის რეზო ლომიძის ლინჩის წესით გასამართლებას ითხოვს.

ქრთამის სახით მოსთხოვა და გამოართვა 13 000 ლარი