"შვილი სახელმწიფომ მომიკლა"
font-large font-small
"შვილი სახელმწიფომ მომიკლა"
19 წლის სალომე ჯორბენაძის მკვლელობის საქმის სასამართლო განხილვა რამდენიმე დღის წინ დასრულდა და მკვლელობაში ბრალდებულ პოლიციელს, სერგი საცერაძეს მოსამართლემ 11-წლიანი პატიმრობა მიუსაჯა.
2014 წლის 25 ივლისს, ზესტაფონში, ე.წ. "ირინეს ბაღში", ხალხმრავალ ადგილას, თვითმხილველების თვალწინ, დღისით, ზესტაფონის პოლიციის სამმართველოს უბნის ინსპექტორ-გამომძიებელმა, სერგი საცერაძემ ყოფილ მეუღლეს ტაბელური ცეცხლსასროლი იარაღით 5 ტყვია დაახალა. ახალგაზრდა ქალი ადგილზევე გარდაიცვალა, მკვლელი კი პოლიციელებს ბრალის აღიარებით ჩაჰბარდა.

საქმეზე სისხლის სამართლის საქმე განზრახ მკვლელობის მუხლით აღიძრა. საცერაძისთვის წაყენებული ბრალი 13 წლამდე პატიმრობას ითვალისწინებდა. ბრალდებული და მისი ადვოკატი ირწმუნებოდნენ, რომ ეს არ იყო განზრახ მკვლელობა და დანაშაული აფექტის მდგომარეობაში ჩაიდინა. ისინი საქმის გადაკვალიფიცირებას ცდილობდნენ, მაგრამ პროკურატურამ კვალიფიკაცია არ შეცვალა.
გამოტანილი განაჩენით უკმაყოფილოა მოკლული გოგონას დედა, ფატი ჭელიშვილი. იგი დამნაშავის უმკაცრესად დასჯას ითხოვდა.

ფატი ჭელიშვილი:

GzaPress- არ ველოდი ასეთ მცირე სასჯელს. საცერაძე ხომ არ იყო ჩვეულებრივი მოქალაქე, პოლიციელს მოქალაქეების დაცვა ევალება, მან კი ჩემი უდანაშაულო შვილი სადისტურად ქუჩაში მოკლა. მოსამართლემ როცა განაჩენი გამოუტანა, დაამატა, - შეწყალებით მიმართვის უფლება გაქვსო. მითხარით, რომელ შეწყალებაზეა საუბარი? პოლიციელი ქუჩაში კლავს ადამიანს, ეს პიროვნება საშიშია საზოგადოებისთვის. მინდა, პროკურატურას მივმართო, - არ მიეცეს მკვლელს შეწყალების უფლება და საკადრისად დაისაჯოს. 13 წელზე ნაკლებს არავინ ველოდით, შოკის მომგვრელი იყო ჩემთვის მოსამართლის ვერდიქტი. აბსოლუტურად ყველა სასამართლო პროცესს ვესწრებოდი, ძალას ვიკრებდი, მინდოდა, უმკაცრესად დასჯილიყო საცერაძე და ამას ვერ მივაღწიე. სალომეს 40-მდე არ დავინტერესებულვარ გამოძიებით, მერე ვცადე, გამერკვია, რა ხდებოდა საქმეზე და დავინახე, რომ როცა შვილს ვგლოვობდი, ამ დროს ბრალდებული სასჯელის შემსუბუქებას ცდილობდა. მათ აუღიათ დასკვნა, თითქოს მკვლელმა აფექტის მდგომარეობაში ჩაიდინა დანაშაული. ამის შემდეგ ვწერდი საჩივრებს, ვითხოვდი კომპლექსურ ექსპერტიზას. დიდი ხმაურის შემდეგ მივაღწიე ახალი ექსპერტიზის დანიშვნას. მითხარით, ეს კაცი როგორ იყო ფსიქიკურად გაუწონასწორებელი, როცა მკვლელობამდე 5 დღით ადრე შინაგან საქმეთა მინისტრმა დააჯილდოვა და სტატუსი აუმაღლა? გაუწონასწორებელ პოლიციელს აჯილდოებდნენ? აშკარა იყო, ექსპერტმა ყალბი ცნობა გასცა. ეს კომპლექსურმა ექსპერტიზამ დაადასტურა. საქმეში დევს დასკვნა, რომ ის არ იყო აფექტში და ყველაფერი წინასწარ ჰქონდა დაგეგმილი. ექსპერტებმა თქვეს, აფექტი რომ ყოფილიყო, მას იარაღში 11 ტყვია ჰქონდა და მაშინ ყველა ტყვიას დაახლიდაო.

- რას ამბობდნენ ფაქტის თვითმხილველები?

- ნეიტრალური თვითმხილველები, რომლებიც ფაქტს შეესწრნენ, არც კი დაუკითხავთ. სხვა მოწმეები ადასტურებენ, რომ სალომე მაქსიმუმ 4 წუთი ელაპარაკა საცერაძეს, ამის მერე გაიგეს იარაღის გადატენისა და გასროლის ხმა. რა უნდა ეთქვა 4 წუთში სალომეს მისთვის ისეთი, რომ გაეგიჟებინა? მას სალომესთან შეხვედრა იმიტომ აინტერესებდა, რომ უნდოდა გაერკვია, რა მოხდა გენინსპექციაში. ყველამ იცის, ეს კაცი ჩემს შვილს ავიწროებდა და ამიტომ უჩივლა ყოფილმა ცოლმა. მან შვილი განზრახ მომიკლა. შვილი სახელმწიფომ მომიკლა, რადგან არ დაგვიცვა. ვჩიოდით, ვყვიროდით, რომ გვავიწროებდა, გვემუქრებოდა მკვლელი, მაგრამ ჩვენს დასაცავად არაფერი გააკეთა სახელმწიფომ. სწორედ ამიტომ ვუჩივი სახელმწიფოს სტრასბურგში და იმედი მაქვს, იქ მაინც მივაღწევ სამართალს. მინდოდა, ჯერ მკვლელი დასჯილიყო სამაგალითოდ, მერე - ის სამართალდამცავები, რომლებსაც მივმართავდით და ვთხოვდით დაცვას, მაგრამ ამ ქვეყანაში სამართალი არ ყოფილა.

- ამბობენ, საცერაძემ სასამართლო პროცესზე ბოდიში მოგიხადათ და რომ ის ძალიან ნანობს მომხდარს.

- მან სასამართლოზე წაიკითხა ადვოკატის დაწერილი სიტყვები, თითქოს ნანობს ჩადენილს და ბოდიშს უხდის ოჯახს, მაგრამ ასე არ არის. კარგად ვიცნობ მას, ვიცი, ეს არ იყო მისი სიტყვები. თან დავინახე, როგორ გადასცა ფურცელი მკვლელს ადვოკატმა. ჩემი შვილის მკვლელს ორი სახე აქვს...

- გენინსპექციაში რომ იჩივლა სალომემ, ამას ყურადღება არ მიაქციეს?

- რამდენჯერ იჩივლა სალომემ, მაგრამ არავის მოუხდენია რეაგირება. არც სასამართლოზე წამოწეულა ეს საკითხი, არავის უხსენებია, რომ ის დაცვას ითხოვდა. ამ საქმეზე ცალკე პროცესები თბილისში მიმდინარეობს, არც ეს უხსენებია არავის საცერაძის სასამართლოზე. მიკერძოებული იყო მოსამართლე. პროკურატურას ვთხოვ, გამოტანილი განაჩენი გაასაჩივროს. ვთვლი, რომ სახელმწიფო პოლიციელს იცავს და დაზარალებული დაუცველია. სალომე ბევრჯერ უნახავთ მის მეგობრებს დალილავებული, ნაცემი. მე მიმალავდა, მისი სიკვდილის მერე გავიგე ბევრი რამ. მისი სიკვდილის მერე წავიკითხე, მეგობარი გოგონასთვის "სკაიპში" მიწერილი ტექსტი, თუ როგორ ექცეოდა მას ქმარი, რატომ დარჩა არასრულწლოვანი მათ სახლში. ჩემი შვილი არასრულწლოვანი იყო, საცერაძემ რომ მოიტაცა და თურმე ემუქრებოდა. ყველა მასალა სტრასბურგში გაგზავნილ საჩივარში დევს და იქ ვიპოვი სამართალს. ამდენი რომ არ მებრძოლა, შეიძლება მკვლელი გარეთაც გამოეშვათ. პროკურორმაც მითხრა, - ბევრი ბრძოლა დაგვჭირდა, რომ საქმე 108-ე მუხლით დარჩენილიყოო.

- მკვლელობის დღეს რატომ შეხვდა ყოფილ ქმარს სალომე?

GzaPress- სანამ შვილს მომიკლავდა, მანამდე ჩემს სახლში მოვიდა მეგობართან ერთად, ბავშვს დაემშვიდობა, აკოცა სანდროს და წავიდა. სალომე იყო გენინსპექციაში, ეს იცოდა სერგიმ. რომ დაბრუნდა გენინსპექციიდან, დაურეკავს სერგის და უთქვამს, ბაღში წამოდი და დაგელაპარაკებიო. დაშორებულები იყვნენ, მაგრამ სალომე მაინც ყველაფერს ეუბნებოდა - სად მიდიოდა, რას აკეთებდა. არ ვიცი, ამას რა დავარქვა. ალბათ ეს სიყვარული იყო. სალომეს ბევრი თაყვანისმცემელი ჰყავდა, ერთი პიროვნება საცოლესაც უწოდებდა, მაგრამ ის არ მალავდა, რომ ისევ უყვარდა თავისი შვილის მამა. სულ ფიქრობდა, სერგი გამოსწორდებოდა. იყო შანსი, რომ შერიგებულიყვნენ. მარტო სერგი არ იყო პრობლემა, ცოლ-ქმრის კონფლიქტის მიზეზი დედამთილი იყო. დედამთილს არ უნდოდა, რძალს ესწავლა, გარეთ გაეხედა, ამიტომ ძალიან ავიწროებდა. სკოლის მოსწავლე მოიტაცეს, მისი სიკვდილის მერე გავიგე ბევრი რამე. თურმე კარს უკეტავდნენ, სკოლაში რომ არ წასულიყო და ოთახში კეტავდნენ. სერგი იყო მოთამაშე, დიდი თანხები ჰქონდა წაგებული, სახლი ბანკში ჩადო, მთლიანად დამოკიდებული იყო ოჯახზე, რადგან ისინი უხდიდნენ ფულს. საშინელია იმ ფაქტთან შეგუება, რომ სალომე არ მყავს, ვზრდი მის პატარას. მე მეძახის დედას. თან იმასაც იძახის, დედა ცაშიაო. ვერ შევეგუები ამ განაჩენს, ვიბრძოლებ ბოლომდე.

დავით ხომერიკი, სერგი საცერაძის ადვოკატი:

- სერგი ძალიან ნანობს ჩადენილ დანაშაულს. მას სალომეს მოკვლის განზრახვა არ ჰქონია, დანაშაული ძლიერი სულიერი აღელვების მდგომარეობაში ჩაიდინა, რადგან სალომემ მას სიტყვიერი შეურაცხყოფა მიაყენა და პიროვნული ღირსება შეულახა. არა მარტო სალომემ, სხვა გარე პირებმაც, - სალომეს რამდენიმე მეგობარმა. ისინი ურეკავდნენ სერგის და სახეზეა აფექტი. ამის მიუხედავად, 11 წელი მიესაჯა, ეს არ არის სამართლიანი ვერდიქტი. სერგი გადაწყვეტს, გაასაჩივრებს თუ არა განაჩენს. ექპერტიზით დადგინდა, რომ აფექტში იყო მკვლელობა ჩადენილი, მაგრამ ეს არ გაიზიარეს.

- როგორც ვიცი, არსებობს მეორე, კომპლექსური ექსპერტიზის დასკვნა, სადაც წერია, რომ აფექტი არ იყო.
- ორივე დასკვნა არსებობს საქმეში, ორივე ჩატარდა სამხარაულის ექსპერტიზის ბიუროში. არ მოეწონათ პირველი დასკვნა და მეორე დაინიშნა. ერთი ექსპერტი ამბობს, რომ აფექტში იყო საცერაძე, მეორე ამბობს, რომ აფექტი არ იყო. ასეთ დროს, როცა საეჭვოა საკითხი, უნდა გადაწყდეს ბრალდებულის სასარგებლოდ, თუმცა, ასე არ მოხდა. ჩვენ თავიდანვე არ ვეთანხმებოდით ბრალს. თუ დღისით, მზისით, ტაბელური იარაღით, ახლო მანძილიდან ესვრი ადამიანს ხალხის თვალწინ, მაშინ გიჟი ხარ. განზრახ მკვლელობა რომ ნდომოდა, პოლიციელი იყო და ისე მოახერხებდა, რომ კვალი არ დაეტოვებინა.

- თქვენი ვერსია რა არის, მკვლელობის მოტივი ეჭვიანობა იყო?

- კონფლიქტები მოსდიოდით ბავშვის გამო. ბავშვს განახებ - არ განახებ, ეს იყო პრობლემა. ეჭვიანობა ყველაზე ცოტა იყო. ძირითადად ბავშვი და პირადი შეურაცხყოფები იყო მიზეზი მკვლელობის. გართულდა მათი ურთიერთობები. იმ დღეს შეხვდნენ ერთმანეთს. აინტერესებდა, გენინსპექციში რა უთხრეს სალომეს. უჩივლა ცხელ გულზე, მაგრამ მერე აღარ ჩიოდა. ამის მიუხედავად, რეაგირება ხომ უნდა მოეხდინათ სამართალდამცავებს? დასაკითხად დაიბარეს. საერთოდ, ესენი სულ რიგდებოდნენ, სულ ჩხუბობდნენ. სიყვარულს რას გაუგებ. მართლა ძალიან ნანობს სერგი ჩადენილს, განიცდის და მთელი ცხოვრების მანძილზე გაჰყვება ეს ტრავმა, რადგან მოკლა საყვარელი ადამიანი და შვილს მოუკლა დედა.

- თუ ასე ძალიან ნანობს, ალბათ 11-წლიან სასჯელსაც შეეგუება და არ გაასაჩივრებს განაჩენს, ხომ?
- არ ვიცი, გაასაჩივრებს თუ არა, ეს საკითხი ამ დღეებში გაირკვევა.
P.S. რაც შეეხება სტრასბურგში გაგზავნილ საჩივარს, სალომე ჯორბენაძის საქმეზე საჩივარი სტრასბურგში "ახალგაზრდა იურისტთა ასოციაციამ" გაგზავნა. მათი თქმით, სალომე ჯორბენაძისა და სერგი საცერაძის ურთიერთობა ძალადობით დაიწყო - 2011 წელს, 17 წლის სალომე სერგი საცერაძემ იარაღის მუქარით მოიტაცა. ზესტაფონის პოლიციამ ბავშვის მოძებნაში სალომეს მშობლებს დახმარება არ გაუწია. ასე გახდა სალომე სერგის ცოლი. ქორწინების განმავლობაში, ასევე დაშორების შემდეგ, სერგი სალომეზე სისტემატურად ახორციელებდა ფიზიკურ და ფსიქოლოგიურ ძალადობას და იარაღით ემუქრებოდა. კონფლიქტების მიზეზი ეჭვიანობა იყო. მკვლელობამდე სალომემ ზესტაფონის პოლიციას, პროკურატურასა და გენერალურ ინსპექციას მიმართა და მოძალადისგან დაცვას ითხოვდა, მაგრამ მოძალადის შესაჩერებლად არაფერი გაკეთებულა. რამდენიმე მუხლის დარღვევაზე ჩივიან სტრასბურგში. ესენია: სიცოცხლის უფლების დარღვევა, წამების აკრძალვა, პირადი ცხოვრების დაცულობა და დისკრიმინაციის აკრძალვა.
ვნახოთ, რა ვერდიქტს გამოიტანს სტრასბურგი ამ საქმეზე.
თეა ხურცილავა
ბეჭდვაელფოსტა
კომენტარები (19)
29.05.2015
Saxelmcipo martlac ar zrunavs xalxze am xriv da yvelapris uplebas adzlevs aset degeneratebs. sanam msxverpli ar iqneba arcerti kanoni ar icavs nadzirala modzaladeebisgan adamians.11 celi ki ara mzis sxivi ar unda achveno aset xalxs sxvis cxovrebas da sicocxles Rom isakutreben
რიja
22.05.2015
დედამთილები კი არ ციდავენ მშობლები ცოდავენ. რატომ ამ შემთხვევისთვის გეტყვი რაომაც: პირველი ჩვიდმეტი წლის მოიტაცა იარაღის მუქარით, მეორე სიცოცხლეს უმწარებდა სახლში კეტავდა არ ასწავლიდა, მესამე გაშორდა და იარაღით ემუქრებოდა ცემდა ატერორებდა, სად იყო ამ გოგოს მშობელი მამამ ძმა თუ ყავდა რა უნდა ექნა კიდე ამ საცოდავი გოგოს ყოფილ ქმარს, რომ პასუხი გაეცათ? აქ კი დედამთილის ბრალიაო. ურემი რომ გადაბრუნდება მერე ვეძებთ ჩვენ დამნაშავეს და ყველაფერს სხვას ვაბრალებთ, ამით თავს ვიმშვიდებთ და სინდისი სუფთა გვაქვს ვითომ, მაგრამ რაც ხდება ყველაფერი სხვისი ბრალი არ არის, ჩვენს უნდა დავანძრიოთ ტვინი და ხელი. სხვისი დადანაშაულება იცოცხლე მაგარი ვიცით მაგრამ ჩვენ რას ვაკეთებთ რომ ჩვენ შვილებს დაიცავს უბედურებისგან.
თამარი-ს
ამ კატეგორიის სხვა სიახლეები
ბიზნესმენ ლევან სიგუას მკვლელობაში ბრალდებულის ვინაობა ამ დრომდე უცნობია.
"ახლახანს გამოსულა ციხიდან ეს მკვლელი და ყოფილ შეყვარებულზე შურისძიება გადაუწყვეტია. გაიგო ეტყობა საცხოვრებელი მისამართი, ჩაუსაფრდა მათ და გია მოკლა"
მესტიაში ურთიერთშელაპარაკების შემდეგად 25 წლის ლუკა ფალიანი მოკლეს.
2009 წლის 17 ივლისს ქვემო ფონიჭალა - შემზარავი ამბის მოწმე გახდა - 7 წლის ბიჭის გატაცებისა და სასტიკი მკვლელობისთვის პოლიციელი ჯემალ სამადაშვილი დააკავეს.
6 ივლისს მარნეულის მუნიციპალიტეტში მცხოვრები ამერიკელი ცოლ-ქმარი რაიან და ლორა სმიტები, 4 წლის ვაჟთან ერთად, დუშეთის რაიონის ხადას ხეობაში გაუჩინარდნენ.
საერთაშორისო სააგენტო Associated Press-ის ინფორმაციით, საბერძნეთის ხელისუფლებამ მიიღო გადაწყვეტილება, განახორციელოს ცნობილი ქართველი ავტორიტეტის ლაშა შუშანაშვილის საფრანგეთში ექსტრადიცია.
სა­ქარ­თვე­ლოს პრე­ზი­დენ­ტის, გი­ორ­გი მარ­გვე­ლაშ­ვი­ლის სიძე, მინ­დია გო­გო­ჭუ­რი 5 ივლისს, გვიან ღამით, ცე­ცხლსას­რო­ლი ია­რა­ღი­დან დაჭ­რეს. არ­სე­ბუ­ლი ინ­ფორ­მა­ცი­ით, მას სამი ტყვია ფეხ­ში აქვს მოხ­ვედ­რი­ლი.
რუს­თავ­ში, რუს­თა­ვე­ლის ქუ­ჩა­ზე მცხოვ­რებ­მა სამ­მა მო­ქა­ლა­ქემ ნარ­კო­ტი­კე­ბუ­ლი სა­შუ­ა­ლე­ბით ინ­ტოქ­სი­კა­ცია მი­ი­ღო,
ზუგდიდში, დადიანების სასახლეთა ისტორიულ-არქიტექტურული მუზეუმის ეზოში ძმამ შელაპარაკების ნიადაგზე, სავარაუდოდ დანით, და დაჭრა.
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2530 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2655 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
4 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
5 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
5 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2445 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1206 კომენტარი