ჯგუფ "სეიშენის" წევრი მამის სიკვდილში პოლიციელებს ადანაშაულებს
font-large font-small
ჯგუფ "სეიშენის" წევრი მამის სიკვდილში პოლიციელებს ადანაშაულებს
"პოლიციელებმა ის მოტყუებით წაიყვანეს..."
ჯგუფი "სეიშენის" წევრი - ლაშა აბზიანიძე მამის სიკვდილში სამართალდამაცავებს ადანაშაულებს. გასულ კვირას, 56 წლის ლევან აბზიანიძე ნარკოლოგიური შემოწმების შემდეგ გარდაიცვალა.

სიკვდილამდე მან ოჯახის წევრებთან საუბარი მოასწრო, მერე კი ერთადერთ ვაჟსა და მის მეგობარს ჩააკვდა ხელში. ლაშა აბზიანიძე საქმის გამოძიებას და დამნაშავე პოლიციელების დასჯას ითხოვს. გარდაცვლილს ექსპერტიზა უკვე ჩაუტარდა და ახლა ოჯახის წევრები პასუხს ელოდებიან.

ლაშა აბზიანიძე:

- მამაჩემი 56 წლის იყო. იმ ტრაგიკულ დღეს ერთად ვიყავით. შუადღეს სახლში დამტოვა, თვითონ სამუშაოდ წავიდა - სახლთან ახლოს "ტაქსაობდა". ცოტა ხანში დავურეკე, მაგრამ მისი ტელეფონი გათიშული იყო. გამიკვირდა. პერიოდულად მეც ვურეკავდი და დედაც. სამ საათზე მეტხანს ვცდილობდით, მაგრამ ვერ დავუკავშირდით. მერე როგორც იქნა, ჩართო ტელეფონი და მაშინვე დამირეკა, - ლაშა, სახლში მივდივარ და დროზე მოდი, საქმე მაქვს შენთან, პოლიციელებმა ნარკოლოგიურში წამიყვანესო. დაახლოებით 8-ის ნახევარი იყო, სახლში რომ მივედი. მამა უკვე ეზოში, სკამზე იჯდა. გვერდით მივუჯექი და ვკითხე, - რა ხდება-მეთქი? მიამბო: ტაქსიში ორი უცნობი მამაკაცი ჩამიჯდა და წყალტუბოში წაყვანა მთხოვეს. სამოქალაქო ფორმაში იყვნენ. მოვილაპარაკეთ, რომ 10 ლარად წავიყვანდი, დავძარი მანქანა და წყალტუბოსკენ წავედი. ქუთაისის სამხარეო პოლიციას რომ მივუახლოვდი, მითხრეს, მანქანა გააჩერეო. მივხვდი, რაშიც იყო საქმე, მაგრამ წინააღმდეგობას როგორ გავუწევდი და სამმართველოს შენობაში შევედიო.
GzaPress
- ადრეც ხომ არ ჰყავდათ გადაყვანილი ნარკოლოგიურში? ნარკოტიკის მომხმარებელი იყო?

- მანამდეც ბევრჯერ ჰყავდათ გადაყვანილი. მამას პირობითი სასჯელი ჰქონდა, რადგან ადრე "მარიხუანას" მოხმარებისთვის დააკავეს. 2000-ლარიანი ჯარიმა გადაახდევინეს და ერთი წელი პირობითი მიუსაჯეს. სასამართლოს გადაწყვეტილება ჯერჯერობით,Yპრობაციის სამსახურს გადაცემული არ ჰქონდა, ამიტომ პრობაციაში არ დადიოდა. როცა შეატყობინებდნენ, მაშინ დაიწყებდა ხელის მოსაწერად სიარულს. მამა სულ ამბობდა: არ მეშვებიან. პოლიციელები მეუბნებიან, ითანამშრომლე ჩვენთან და დაგიცავთო. ამას არ დათანხმდა. არ იყო ისეთი ადამიანი, რომ პოლიციის აგენტი გამხდარიყო, სხვანაირად ცხოვრობდა. რომ ვერ დაითანხმეს, მერე გადაეკიდნენ, სისტემატურად აჩერებდნენ და გადაჰყავდათ ნარკოლოგიურში შესამოწმებლად. მითხრა, იქ რომ მიმიყვანეს, კიდევ ერთი ადამიანი ჰყავდათ დაკავებული, რომელსაც "მარიხუანა" ჰქონდა. მასაც და მეც, ორივეს შარდმდენი დაგვალევინესო. ვეუბნებოდი, რომ სუფთა ვიყავი, მაგრამ პოლიციელმა მითხრა, უეჭველად გექნება მოხმარებული. თუ არ აღმოგაჩნდა, მაშინ თავს მოვიკლავო. მამას უთქვამს: მოამზადე თოკი თავის ჩამოსახრჩობად, რადგან მართლა სუფთა ვარო. ოქმში წერია, თითქოს მამა ოპერატიული ინფორმაციის საფუძველზე წაიყვანეს. სამწუხაროდ, პოლიციელებს არავინ მოსთხოვს განმარტონ, კონკრეტულად რა ინფორმაცია ჰქონდათ. ცხადია, ეს მათი დაკავების მეთოდია, ასე "მუშაობენ". თურმე, მამა ვერ შარდავდა და ანალიზი რომ აეღოთ, 3 აბი შარდმდენი დაალევინეს. თურმე, 3-საათნახევარი ჰყავდათ დაკავებული. შარდმდენის მიცემის შემდეგ ბიოლოგიური ანალიზი აიღეს, მერე ისევ დააბრუნეს სამმართველოში. სუფთა აღმოჩნდა და გაათავისუფლეს. არანაირი მოხმარება არ დადასტურდა ექსპერტიზით. მერე მოვიდა სახლში. ჯერ დედასთან უსაუბრია და უთხოვია, - მგონი წნევა დამივარდა და ყავა დამალევინეო. ყავა დაულევია და ამის მერე გარეთ, ეზოში იჯდა. ჩემი მეგობარი ბიჭიც იქ იყო და ისიც ისმენდა მამას მონაყოლს. სხვებისთვისაც ჰქონდა მოყოლილი და ალბათ, ისინიც დაადასტურებენ. ვისაუბრეთ, "სკამეიკაზე" დავტოვე და სახლში შევედი, - მალე მოვალ-მეთქი. გვერდით ჩემი მეგობარი ეჯდა. მისთვის უთქვამს, რაღაც კარგად არ ვარო. ოთახში ფეხი შევდგი თუ არა, მეგობრის ყვირილი გავიგონე, - ჩქარა, წყალი, წყალი მოიტანეთო. რომ გამოვედი, მამას უკვე სიცოცხლის ნიშანწყალი არ ეტყობოდა. ყველაფერი წამებში მოხდა. გამწარებული, მის გადარჩენას ვცდილობდი და თან, დახმარებას ვითხოვდი. არ დავბნეულვარ, ხელოვნური სუნთქვა ჩავუტარე, ყველა გზა ვცადე მის გადასარჩენად, მაგრამ ვერ ვუშველე. მივხვდი, უკვე გარდაცვლილი იყო, მაგრამ მაინც არ ვეშვებოდი, იქნებ გადავარჩინო-მეთქი. "სასწრაფო დახმარებაც" 5 წუთში მოვიდა, მაგრამ აზრიც აღარ ჰქონდა არაფერს.

- მამათქვენს ჯანმრთელობის პრობლემა ჰქონდა?

- არა, ჯანმრთელობის პრობლემა არ ჰქონია. ბუნებრივია, პოლიციელები წინ და უკან რომ დაატარებდნენ, ამას ნერვიულობდა და განიცდიდა. სამმართველოში რა სახის დიალოგი ჰქონდა პოლიციელებთან, არ ვიცი, დეტალები ჩემთვის უცნობია... მამა ძალიან თბილი, კომუნიკაბელური ადამიანი იყო. ყველას უყვარდა, ყველა ენდობოდა, ისიც ყველას ენდობოდა. ორჯერ იყო ნასამართლევი, ამიტომ არ ეშვებოდნენ პოლიციელები და სისტემატურად დევნიდნენ. ჩვენთვის ცნობილია იმ პოლიციელების ვინაობა, ვინც მამა მოტყუებით წაიყვანა. მითხრან, რატომ დაალევინეს სამი აბი შარდმდენი? კანონმდებლობით შეუძლიათ, 12 საათი ჰყავდეთ პირი დაკავებული და ამ პერიოდში აიღონ ბიოლოგიური ანალიზი. თურმე, ერთი აბიც ცუდად ხდის ადამიანს, მამას კი სამი აბი დაალევინეს. დარწმუნებული ვარ, ამან გამოიწვია სიკვდილი. ალბათ წნევა დაუვარდა, სითხისგან დაიცალა მისი ორგანიზმი ან ამ ტაბლეტებმა თირკმელი გაუჩერა. სამხარეულის სახელობის ექსპერტიზის ბიუროში ექსპერტიზა ჩავუტარეთ და ახლა პასუხს ველოდები. დარწმუნებული ვარ, პოლიციელების ბრალეულობა დადასტურდება და მერე ამ ადამიანების უმკაცრესად დასჯას მოვითხოვ. არ გავჩუმდები, საქმის გამოძიებას ბოლომდე მივყვები. იცით, იმაზე საშინელი არაფერია, როცა ხედავ, ჯანმრთელი მამა გიკვდება და ვერაფრით შველი. დიდი ტრაგედია დამატყდა თავს, ძალიან ცუდად ვარ, მაგრამ მამის სიკვდილს არავის შევარჩენ.

შინაგან საქმეთა სამინისტრომ მომხდართან დაკავშირებით გამოძიება სისხლის სამართლის 115-ე მუხლით დაიწყო, რაც თვითმკვლელობამდე მიყვანას გულისხმობს. სამინისტროში არ ადასტურებენ, რომ პოლიციელებმა დაკავებულ ლევან აბზიანიძეს 3 აბი შარდმდენი დაალევინეს. ამ საქმის გამოძიებაში აქტიურად ჩაერთო ახალგაზრდა იურისტთა ასოციაცია და არასამთავრობო ორგანიზაციები.

ზაზა ქარჩხაძე, ორგანიზაცია "რუბიკონის" გამგეობის თავმჯდომარე:

- სამწუხაროდ, ეს არ არის ერთადერთი შემთხვევა, როცა მოქალაქეები ამბობენ, რომ ნარკოლოგიურში გადაყვანის დროს მათ შარდმდენს ასმევენ. ლევან აბზიანიძე ტაქსის მძღოლი იყო და მოტყუებით წაიყვანეს პოლიციელებმა. ის აღმოჩნდა სამხარეო პოლიციაში, იქიდან კი ნარკოლოგიურში გადაიყვანეს, დაალევინეს სამი აბი შარდმდენი ბიოლოგიური მასალის ასაღებად, რაც ყოვლად დაუშვებელია! ამის შემდეგ ჩააბარა ანალიზი, სუფთა იყო და გამოუშვეს. სახლში მისულმა ამბის მოყოლა მოასწრო ახლობლებისთვის და მერე მოულოდნელად გარდაიცვალა. მსგავსი ფაქტები სამწუხაროდ, ადრეც დაფიქსირებულა. ხშირად მოგვმართავენ დაკავებულები და ამბობენ, რომ მათ შარდმდენს ასმევენ - ეს პოლიციაში მიღებული პრაქტიკაა. მართალია, თავად პოლიციელები უარყოფენ ფაქტს, მაგრამ ცალსახაა, ასე იყო. ჩვენც ჩავერთვებით ამ საქმეში, რათა პოლიციელებმა მსგავსი მეთოდებით ადამიანების ხოცვა არ გააგრძელონ. როგორც ამბობენ, გარდაცვლილი დაბალ წნევას ატარებდა და აბების მიღებამ ალბათ, მასზე ცუდად იმოქმედა. ახლა ველოდებით ექსპერტიზის შედეგებს - ოჯახს პასუხს ერთ თვეში ექნება.
თეა ხურცილავა
ბეჭდვაელფოსტა
კომენტარები (13)
28.07.2015
ნეოს მინდა ვუთხრა რომ მერაბიშვილის დროინდელები აგარ არიან უკვე ყველა განტავისუფლებულია,და ლაშას ვეტყვი რომ ბოლომდე მიყვეს ამ საქმეს,დიდათ არ მაქ იმედი რომ რამეს გახდება მაგრამ მაინც
ია
27.07.2015
1. სამი აბი შარდმდენი ადამიანს ვერ მოკლავს; 2. რამდენჯერმე იყო ნასამართევიო. ანუ ეს ადამიანი იყო კრიმინალი.
სოფო
ამ კატეგორიის სხვა სიახლეები
ბიზნესმენ ლევან სიგუას მკვლელობაში ბრალდებულის ვინაობა ამ დრომდე უცნობია.
"ახლახანს გამოსულა ციხიდან ეს მკვლელი და ყოფილ შეყვარებულზე შურისძიება გადაუწყვეტია. გაიგო ეტყობა საცხოვრებელი მისამართი, ჩაუსაფრდა მათ და გია მოკლა"
მესტიაში ურთიერთშელაპარაკების შემდეგად 25 წლის ლუკა ფალიანი მოკლეს.
2009 წლის 17 ივლისს ქვემო ფონიჭალა - შემზარავი ამბის მოწმე გახდა - 7 წლის ბიჭის გატაცებისა და სასტიკი მკვლელობისთვის პოლიციელი ჯემალ სამადაშვილი დააკავეს.
6 ივლისს მარნეულის მუნიციპალიტეტში მცხოვრები ამერიკელი ცოლ-ქმარი რაიან და ლორა სმიტები, 4 წლის ვაჟთან ერთად, დუშეთის რაიონის ხადას ხეობაში გაუჩინარდნენ.
საერთაშორისო სააგენტო Associated Press-ის ინფორმაციით, საბერძნეთის ხელისუფლებამ მიიღო გადაწყვეტილება, განახორციელოს ცნობილი ქართველი ავტორიტეტის ლაშა შუშანაშვილის საფრანგეთში ექსტრადიცია.
სა­ქარ­თვე­ლოს პრე­ზი­დენ­ტის, გი­ორ­გი მარ­გვე­ლაშ­ვი­ლის სიძე, მინ­დია გო­გო­ჭუ­რი 5 ივლისს, გვიან ღამით, ცე­ცხლსას­რო­ლი ია­რა­ღი­დან დაჭ­რეს. არ­სე­ბუ­ლი ინ­ფორ­მა­ცი­ით, მას სამი ტყვია ფეხ­ში აქვს მოხ­ვედ­რი­ლი.
რუს­თავ­ში, რუს­თა­ვე­ლის ქუ­ჩა­ზე მცხოვ­რებ­მა სამ­მა მო­ქა­ლა­ქემ ნარ­კო­ტი­კე­ბუ­ლი სა­შუ­ა­ლე­ბით ინ­ტოქ­სი­კა­ცია მი­ი­ღო,
ზუგდიდში, დადიანების სასახლეთა ისტორიულ-არქიტექტურული მუზეუმის ეზოში ძმამ შელაპარაკების ნიადაგზე, სავარაუდოდ დანით, და დაჭრა.
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2530 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2655 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
3 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
4 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
5 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2443 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1206 კომენტარი