სამი ადამიანის სასტიკი მკვლელობის ახალი დეტალები
font-large font-small
სამი ადამიანის სასტიკი მკვლელობის ახალი დეტალები
სამი მამაკაცის გახმაურებული მკვლელობის ვერსიები - ანგარებით ჩადენილი დანაშაული თუ შურისძიება?!

პაატა ჩუბინიძეს, გიორგი ფიჩხაძესა და მერაბ აბესაძეს ახლობლები 3 დღე-ღამე უშედეგოდ ეძებდნენ. ისინი ხორცის ბიზნესით იყვნენ დაკავებული, სოფლებში მოსახლეობისგან ცოცხალ პირუტყვს ყიდულობდნენ და მარნეულის ბაზარში ყიდდნენ. 9 თებერვალს, პაატა ჩუბინიძეს უცნობმა პირმა დაურეკა და უთხრა, რომ ზუგდიდის ერთ-ერთ სოფელში პირუტყვი ჰყავდა გასაყიდი. 10 თებერვალს, დილით ადრე, პაატა მეუღლის ბიძაშვილთან, გიორგი ფიჩხაძესთან ერთად თავისი მიკროავტობუსით ზესტაფონიდან სამეგრელოში წავიდა.


ხობში ახლობელს, მერაბ აბესაძეს შეუარა, რომელიც საქმიანობაში ეხმარებოდა და სამივენი ზუგდიდში ჩავიდნენ. პაატას ძმებიც წლებია, ამ საქმით არიან დაკავებული და განგაში მას შემდეგ ატეხეს, როცა მათი მობილურები გაითიშა. ახლობლებმა იმ ტერიტორიაზე დაიწყეს დაკარგულების ძებნა, სადაც ისინი ეგულებოდათ. ძებნის შემდეგ, ზუგდიდში, მდინარის პირას, პაატა ჩუბინიძის მიკროავტობუსს მიაგნეს. საქმეში სამართალდამცავებიც ჩაერთვნენ, მდინარე უჩაღალში ერთ-ერთი დაკარგულის მობილურიც იპოვეს. პოლიციამ მოგვიანებით ზუგდიდის სოფელ აბასთუმანში, ურთის მთასთან ცხედრებსაც მიაგნო. მათ თავისა და გულმკერდის არეში სასიკვდილო ჭრილობები ჰქონდათ მიყენებული. მკვლელობის მოტივად ანგარებით, ფულის გამოძალვის მიზნით თავდასხმა სახელდება. დანაშაული გახსნილად გამოცხადდა და სამი ადამიანის განზრახ მკვლელობის ბრალდებით, სოფელ ნარაზენში მცხოვრები, ყოფილი სპეცრაზმელი, 40 წლის დავით ბეჭვაია დააკავეს.
ძალოვანთა მტკიცებით, დაკავებულმა დანაშაული აღიარა და პოლიცია იმ ადგილას მიიყვანა, სადაც ხალხი ჰყავდა დახოცილი. ჩვენი ინფორმაციით, ცხედრები ხრამში იყო ჩაყრილი და ზემოდან ფიჩხი ჰქონდა მიყრილი. მართალია, ძალოვანები აცხადებენ, რომ დამნაშავემ დეტალურად აღიარა დანაშაული და ცხედრებიც აჩვენა, მაგრამ სასამართლო პროცესზე დავით ბეჭვაიამ წაყენებული ბრალდება კატეგორიულად უარყო. ირწმუნება, რომ შემზარავ საქმესთან კავშირი არა აქვს.
"ჩემი დაკავება უკანონოდ მოხდა. ბავშვები ჩამოვსვი სკოლასთან და ჩემი მეუღლის სამსახურთან, ზუგდიდის ბაზრის ტერიტორიაზე გავაჩერე მანქანა. ბაზარში შესვლას და პროდუქტის შეძენას ვაპირებდი. ამ დროს გაჩერდა "მერსედესის" მარკის შავი მიკროავტობუსი, იქიდან 10-მდე ადამიანი გადმოცვივდა, ძალით შემაგდეს მანქანაში და პოლიციის სამმართველოში აღმოვჩნდი... იქ იძულებით, მუქარით, თავიანთ დაწერილ ჩვენებაზე მომაწერინეს ხელი. წინასწარ გამიყვანეს იქ, სადაც მიცვალებულები იყვნენ, ცოტა ხანში ხელმეორედ წამიყვანეს და უკვე გადამიღეს ვიდეო და ფოტოები. მე ეს დანაშაული არ ჩამიდენია. თუ გამათავისუფლებთ დარბაზიდან, 3 დღეში მოვიპოვებ მტკიცებულებებს, რომ ეს ჩემი ჩადენილი არ არის..." - აღნიშნა სასამართლო პროცესზე ბრალდებულმა.
მისი ადვოკატი, თანდილა ჯოლოგუა ითხოვდა, დაკავებულის უდანაშაულობა დაემტკიცებინა, მაგრამ სასამართლომ მათი პოზიცია არ გაიზიარა და წინასწარი პატიმრობა შეუფარდა. ამის შემდეგ ბრალდებულმა გამოაცხადა, რომ პროტესტის ნიშნად შიმშილობას იწყებს.
ოფიციალური ინფორმაციით, საქმე დავით ბეჭვაიას წინააღმდეგ ოპერატიული ინფორმაციის საფუძველზე აღიძრა. ისიც დადასტურებულია, რომ წინადღეს პაატა ჩუბინიძის ტელეფონზე ბეჭვაიამ რამდენჯერმე დარეკა და ზუგდიდში ჩასვლა სთხოვა. ბრალდებული თურმე ირწმუნება, - გარკვეულ პირებს ჩემი დაკავება სურდათო. იმასაც ამბობს, ადრე დავალებული მქონდა "ნაციონალური მოძრაობის" ოფისზე თავდასხმა, მაგრამ შესრულებაზე უარი ვთქვიო. კონკრეტულად ვინ დაავალა, ამაზე არ ლაპარაკობს. თუმცა ამბობს, ამის შემდეგ მოვლენები ჩემს ირგვლივ უცნაურად განვითარდა: ჯერ გაურკვეველ ვითარებაში დავკარგე საკუთარი ტაბელური იარაღი, მაკაროვი, რომელიც, როგორც სპეცდანიშნულების რაზმის წევრს, სახელმწიფოსგან 200 ლარად მქონდა შეძენილიო. ბეჭვაიამ 2 წლის წინ აცნობა პოლიციას იარაღის დაკარგვის ფაქტი და საქმის გამოძიებაც დაიწყო. დაახლოებით 2 თვის წინ კი საკუთარ ავტომანქანაში აღმოაჩინა ასაფეთქებელი მოწყობილობა. მაშინაც გამოიძახა 112 და ამ ფაქტზე გამოძიება დღემდე მიმდინარეობს. როგორც ადვოკატი ამბობს, ამ ეტაპზე ბრალდებული საკუთარი ვერსიის დეტალებზე საუბრისგან თავს იკავებს. იმედი აქვს, რომ გამოძიება ნამდვილ მკვლელს დაადგენს, წინააღმდეგ შემთხვევაში გეგმავს იმ პირთა ვინაობის დასახელებას, რომლებიც მას უკანონო დავალებას აძლევდნენ.

თანდილა ჯოლოგუა, ბეჭვაიას ადვოკატი:

- მერწმუნეთ, დავით ბეჭვაიას წინააღმდეგ მტკიცებულება არ არსებობს. არც დანაშაულის იარაღია ამოღებული და არც რაიმე სამხილი დევს საქმეში, რომ ეს საზიზღარი დანაშაული მისი ჩადენილია. სააპელაციო სასამართლოში გავასაჩივრეთ გადაწყვეტილება და ვითხოვთ, დაუყოვნებლივ გაათავისუფლონ. საქმეში წერია, თითქოს ბეჭვაია დაიბარეს პოლიციაში და იქ დააკავეს, თუმცა უამრავი მოწმეა, რომ მისი დაკავება ზუგდიდის ბაზრის ტერიტორიაზე მოხდა. ხელები გადაუგრიხეს, მანქანაში ისე ჩატენეს და პოლიციის სამმართველოში მიიყვანეს. მას მოსთხოვეს, ეღიარებინა დანაშაული. დავით ბეჭვაიაზე ახდენდნენ ფსიქოლოგიურ ზეწოლას. ეუბნებოდნენ, - თუ შენ ამ მკვლელობებს არ აღიარებ, ახლა მოკლულების ოჯახებს მივუსევთ შენს მცირეწლოვან შვილებსა და მოხუც დედას და მთლიანად გაგანადგურებთო. მორალური წნეხის ქვეშ მოაქციეს, წინ დაუდეს დაწერილი ჩვენება, სადაც წერს, თითქოს მოკლულები ძროხის მომპარავები იყვნენ და იმიტომ მოვკალი ისინიო, რაც აბსურდია.

- სამინისტრომ კადრები გაავრცელა, სადაც ნათლად ჩანს, დაკავებული მკვლელობის ადგილს როგორ უთითებს. ამაზე რას იტყვით?

- არის ინფორმაცია, რომ პოლიციელებმა წინადღეს იპოვეს დახოცილები, რომლებიც იყვნენ დამარხულები. პოლიციამ ამოთხარა ცხედრები. მერე ეძებდნენ ადამიანს, ვისაც მიაკერებდნენ ამ საქმეს. ასე შეარჩიეს დავით ბეჭვაია. პოლიციამ მეორედ უკვე კამერების თანხლებით მიიყვანა შემთხვევის ადგილას და მუქარით აიძულეს ეთქვა ის, რაც არ ჩაუდენია. მას ის ტანსაცმელიც გახადეს, რაც შემთხვევის ადგილზე გაყვანისას ეცვა, კაცი გააშიშვლეს და ჩააცვეს ძონძები. არანაირი ექსპერტიზის პასუხი საქმეში არ დევს, ისიც კი არ ვიცით, რა იარაღით არიან ისინი მოკლული. ცხედრების ფოტოებიც დევს საქმეში. ფიჩხები აქვთ მიყრილი. აშკარად თვალში საცემია, რომ ტანზე მიწა აქვთ მოკლულებს. ეს ადასტურებს, რომ ამოთხარეს ცხედრები და მერე მიაყარეს ფიჩხი.

- დავით ბეჭვაია თურმე ესაუბრა მოკლულებს და სატელეფონო ამონაწერითაც დასტურდება ეს ფაქტი.

- მისი მობილურიდან, მისი მეუღლის ძმის ტელეფონიდან მართლა დაურეკა მან რამდენჯერმე ზესტაფონელებს, რადგან ჩასაბარებელი პირუტყვი ჰყავდა და გაყიდვა სურდა. წინადღეს დაუკავშირდა. მეორე დღეს ისინი მოვიდნენ, დაათვალიერეს პირუტყვი, მაგრამ ვერ მორიგდნენ ფასზე და მათ გზა განაგრძეს. დავით ბეჭვაია მერე ცოლ-შვილთან ერთად სიმამრის სახლში წავიდა. მისი საცხოვრებელი სახლი 3 კილომეტრით არის დაშორებული შემთხვევის ადგილიდან. პოლიციამ წინასწარ აზრი შექმნა საზოგადოებაში, რომ ეს სასტიკი დანაშაული ბეჭვაიას ჩადენილია. არადა, მას არასოდეს ჩაუდენია დანაშაული, ნასამართლევი არ ყოფილა, იყო სპეცდანიშნულების სამსახურის თანამშრომელი. ეს ბიჭი ტირის, - არ ჩამიდენია დანაშაულიო და შიმშილობა გამოაცხადა. მოკლულების ჭირისუფალსაც შეუძლია, ასეთ დროს შური იძიოს დამნაშავის ოჯახზე. მითხარით, რატომ უვრცელებენ ასეთ სიცრუეს? შეძლებული ოჯახი აქვს. 20.000 ლარზე მეტი ღირებულების ღვინო ჰქონდა გასაყიდი, საქონელი ჰყავს, თხილი აქვს და უამრავი შემოსავალი ჰქონდა ოჯახს. სად არის აქ ლოგიკა, სამი ადამიანი მოკლა 1.920 ლარის გამო? ის დაკავების წუთებიდან ითხოვდა საქმეში ჩემს ჩართვას, მაგრამ მოუყვანეს სახაზინო ადვოკატი. ესეც შეგნებულად მოხდა. ეჭვებს აჩენს ისიც, რომ ამ ამბამდე 2 თვით ადრე ვიღაცამ დავით ბეჭვაიას განადგურება მოინდომა და მისი მანქანა დანაღმეს, რაც მერე გაინაღმა სპეციალური სამსახურის მიერ.
- ვრცელდება ინფორმაცია, რომ მკვლელობა "მაკაროვის" პისტოლეტით არის ჩადენილი. ბეჭვაიას იარაღი ჰქონდა?
- ჯერ საქმეში არ დევს დასკვნა, თუ რა იარაღით არიან ისინი მოკლულები. რაც შეეხება მაკაროვს, დავით ბეჭვაიამ 2 წელზე მეტია, რაც "მაკაროვი" დაკარგა. ამაზე მას განცხადება დაწერილი ჰქონდა და არც ეს არის გამოძიებული. ვითხოვთ ციხიდან მის გათავისუფლებას, რადგან უდანაშაულოა. მერწმუნეთ, ეს მკვლელობები გაუხსნელია. გამოძიების მსხვერპლია დავით ბეჭვაია.
დავით ბეჭვაიას მეზობლებსაც ვერ წარმოუდგენიათ, რომ ამ დანაშაულის ჩადენა შეეძლო. მათი თქმით, 90-იან წლებში ბეჭვაიების ოჯახს რამდენჯერმე დაესხნენ თავს, თუმცა დათომ თავდამსხმელები მაშინ დაჭრა. იმასაც ამბობენ, გარკვეული პერიოდი მათ ოჯახს პოლიციაც იცავდაო.
დავით ბეჭვაიას სოფელი ნარაზენი და სოფელი აბასთუმანი მომიჯნავე სოფლებია. ადგილი, სადაც ცხედრები იპოვეს, მოსახლეობისგან ერთი კილომეტრითაა მოშორებული. შენიშნა თუ არა ვინმემ იქ უცხო ადამიანები ან გაიგო თუ არა გასროლის ხმა, ამ და სხვა დეტალებს ალბათ გამოძიება დაადგენს.
თეა ხურცილავა
ბეჭდვაელფოსტა
კომენტარები (3)
28.02.2016
საქმეში ბევრი უზუსტობა დევს, დაკავების მომენტიდან დაწყებული. ზუგდიდის შერლოკ ხოლმსებმა იმდენად უსუსური ვერსია შექმნეს ამ საქმეზე, რომ საზოგადოება ამას არ დაიჯერებს.ზუგდიდი პატარა ქალაქია და ძან კარგად ვიცით დათო ბეჭვაია ვინ არის. ასე რომ კარგი იქნება ობიექტური გამოძიება და უფრო დამაჯერებელი არგუმენტები.
ლილე
26.02.2016
რა ქვეყანაში ვცხოვრობთ;ეს რა ხდება;
პელაგია
ამ კატეგორიის სხვა სიახლეები
ბიზნესმენ ლევან სიგუას მკვლელობაში ბრალდებულის ვინაობა ამ დრომდე უცნობია.
"ახლახანს გამოსულა ციხიდან ეს მკვლელი და ყოფილ შეყვარებულზე შურისძიება გადაუწყვეტია. გაიგო ეტყობა საცხოვრებელი მისამართი, ჩაუსაფრდა მათ და გია მოკლა"
მესტიაში ურთიერთშელაპარაკების შემდეგად 25 წლის ლუკა ფალიანი მოკლეს.
2009 წლის 17 ივლისს ქვემო ფონიჭალა - შემზარავი ამბის მოწმე გახდა - 7 წლის ბიჭის გატაცებისა და სასტიკი მკვლელობისთვის პოლიციელი ჯემალ სამადაშვილი დააკავეს.
6 ივლისს მარნეულის მუნიციპალიტეტში მცხოვრები ამერიკელი ცოლ-ქმარი რაიან და ლორა სმიტები, 4 წლის ვაჟთან ერთად, დუშეთის რაიონის ხადას ხეობაში გაუჩინარდნენ.
საერთაშორისო სააგენტო Associated Press-ის ინფორმაციით, საბერძნეთის ხელისუფლებამ მიიღო გადაწყვეტილება, განახორციელოს ცნობილი ქართველი ავტორიტეტის ლაშა შუშანაშვილის საფრანგეთში ექსტრადიცია.
სა­ქარ­თვე­ლოს პრე­ზი­დენ­ტის, გი­ორ­გი მარ­გვე­ლაშ­ვი­ლის სიძე, მინ­დია გო­გო­ჭუ­რი 5 ივლისს, გვიან ღამით, ცე­ცხლსას­რო­ლი ია­რა­ღი­დან დაჭ­რეს. არ­სე­ბუ­ლი ინ­ფორ­მა­ცი­ით, მას სამი ტყვია ფეხ­ში აქვს მოხ­ვედ­რი­ლი.
რუს­თავ­ში, რუს­თა­ვე­ლის ქუ­ჩა­ზე მცხოვ­რებ­მა სამ­მა მო­ქა­ლა­ქემ ნარ­კო­ტი­კე­ბუ­ლი სა­შუ­ა­ლე­ბით ინ­ტოქ­სი­კა­ცია მი­ი­ღო,
ზუგდიდში, დადიანების სასახლეთა ისტორიულ-არქიტექტურული მუზეუმის ეზოში ძმამ შელაპარაკების ნიადაგზე, სავარაუდოდ დანით, და დაჭრა.
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2530 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2655 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
3 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
4 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
5 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2444 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1206 კომენტარი