"ხმა არ ამოიღო, თორემ მოგკლავო" - 18 წლის გოგონაზე მოძალადეს ეძებენ
font-large font-small
"ხმა არ ამოიღო, თორემ მოგკლავო" - 18 წლის გოგონაზე მოძალადეს ეძებენ
მომხდარზე სტატიას ჟურნალი "გზა" 7 მარტის ნომერში აქვეყნებს

გასულ კვირას გავრცელდა ინფორმაცია, რომ ზუგდიდში 18 წლის გოგონა 40 წლის მამაკაცმა საშინლად აწამა. მოძალადემ იგი გაუპატიურების მიზნით მიტოვებულ შენობაში შეიყვანა. მოგვიანებით გოგონა ქუთაისის საავადმყოფოში გადაიყვანეს. არსებული ინფორმაციით, მას სხეულზე უამრავი სისხლჩაქცევა და დაზიანებები აღენიშნებოდა. ექიმებმა სათანადო მკურნალობა ჩაუტარეს. ფაქტზე გამოძიებაა დაწყებული. გოგონას ოჯახის წევრები მომხდარზე არ საუბრობენ, თუმცა გამგებლის წარმომადგენელი ზუგდიდის რაიონის სოფელ დარჩელში, დავით ბიგვავა მომხდარს ადასტურებს.

დავით ბიგვავა:

- 18 წლის გოგონა სოფელ დარჩელში ბებიასა და ბაბუასთან სტუმრად იმყოფებოდა. იგი მშობლებთან ერთად გალში ცხოვრობს და რამდენიმე დღის გადმოსული იყო გალიდან. როგორც ირკვევა, მან ტელეფონით გაიცნო ზუგდიდელი მამაკაცი. იმ დღეს მან გოგონას შეხვედრა სთხოვა და ისიც ზუგდიდში წავიდა მასთან შესახვედრად. როგორც ჩანს, მოძალადემ გოგონა გაიტყუა და მასზე ძალადობა სცადა, გოგონა კი წინააღმდეგობას უწევდა. ამიტომ მოძალადეს ის საშინლად უცემია. დაზარალებული საავადმყოფოში გადაიყვანეს, სადაც ექსპერტიზა ჩაუტარდა. ჩემი ინფორმაციით, დამნაშავის ვინაობა უკვე ცნობილია, ის 40 წლის მამაკაცია, ზუგდიდში მცხოვრები ვინმე კუკავა. ჯერჯერობით დაკავებული არ არის. იმედია, სამართალდამცავები მის ადგილსამყოფელს დაადგენენ. გავრცელდა ინფორმაცია, რომ თითქოს გოგონას ყური აქვს მოჭრილი, ფეხი მოტეხილი, მაგრამ ეს არ დასტურდება. ვესაუბრე გოგონას ოჯახის წევრებს, ისინი მომხდარით შეძრულები არიან. ამბობენ, რომ მას სხეულზე აღენიშნებოდა დაზიანებები. ექსპერტიზა დაადგენს, არის თუ არა გაუპატიურებული. გავრცელებული ინფორმაციით, დამნაშავე ადრე ნასამართლევია, ორჯერ იყო კუკავა თურმე დაქორწინებული. გოგონას ოჯახის წევრებმა საჩივარი შეიტანეს პოლიციაში და დამნაშავის უმკაცრესად დასჯას ითხოვენ.

მარინე ცარციძე, სოფელ დარჩელის პირველი საჯარო სკოლის დირექტორი:
- ძალიან წყნარი, წესიერი ბავშვია. მისი ოჯახი გალიდან დევნილია და ამიტომ გოგონა ბებიასა და ბაბუასთან იზრდებოდა. ჩვენს სკოლაში სწავლობდა უმცროს ძმასთან ერთად. 2012 წელს, IX კლასის პირველი სემესტრიდან გაიყვანეს სკოლიდან. როგორც ვიცი, მშობლებმა ის გალში წაიყვანეს. აქ როცა იყო, ბებია სულ აკითხავდა, ძალიან ყურადღებიანი ოჯახია. ფაქტის ირგვლივ სოფელში უამრავი ინფორმაცია ვრცელდება. ჭორ-მართალი ერთმანეთშია არეული. როგორც ვიცი, საქმეში ფსიქოლოგი ჩაერთო და ბავშვის სტრესიდან გამოყვანას ცდილობს. გოგონა მოძალადეს ტაქსიში ჩაუსვამს და მიტოვებულ ადგილას წაუყვანია, იქ კი ძალადობა უცდია. მოძალადე მასთან შედარებით ასაკოვანია, 40 წლამდეა. ძლივს დააღწია თურმე თავი. ექსპერტიზა ჩაუტარდა, დადგინდება, არის თუ არა გაუპატიურებული. 18 წლის გოგონას ფსიქიკა დაუნგრია მოძალადემ და გაანადგურა. დღემდე დაჭერილი არ არის დამნაშავე. შეიძლება ის უკვე გალში გადავიდა. ასეთი ნაძირალები გადადიან ოკუპირებულ ტერიტორიაზე და თავს აფხაზეთს აფარებენ. ამ ფაქტის მერე შიშმა დაისადგურა სოფელში, უკვე სხვებსაც ეშინიათ ბავშვების ქუჩაში მარტო გაშვების. ჩვენც, სკოლის პედაგოგები, ძალიან ვფრთხილობთ, ფეხდაფეხ დავდევთ ბავშვებს, სახლებში სამარშრუტო ტაქსით ვუშვებთ. ნაძირალებს რა გამოლევს ქვეყანაში? საპირფარეშოშიც კი არ ვუშვებთ ბავშვს უმეთვალყურეოდ. სოფელში იმასაც ამბობენ, სხვა ბავშვზეც იყო ძალადობის მცდელობაო, არ ვიცი, რამდენად შეეფერება ეს სიმართლეს.
"ბავშვი გაუპატიურებულია, მთელი სხეული დალურჯებული აქვს. ტელეფონით გაცნობილთან შესახვედრად პირველად წავიდა, სახლში კი არ უთქვამს, პაემანზე რომ მიდიოდა. რას წარმოიდგენდა ასეთ რამეს? თურმე მოძალადემ მას ასაკიც კი დაუმალა, თორემ ამხელა კაცთან შესახვედრად არ წავიდოდა. ცოტა ხანს უსაუბრიათ, მერე იმ ნაძირალას უთქვამს, - სადმე გავისეირნოთო. ჩაუსვამს ტაქსიში და მიტოვებულ შენობაში მიუყვანია. გოგონა როგორც კი მიმხვდარა, რა მიზანი ჰქონდა, თავის დაღწევა უცდია, ყვიროდა კიდეც, მაგრამ ახლოს მოსახლეობა არ არის და ვინ დაეხმარებოდა. თურმე მან პირზე ააფარა ბავშვს ხელი, - ხმა არ ამოიღო, თორემ მოგკლავო. იმასაც ამბობენ, დანა ეჭირა ხელშიო. გოგონა თურმე წინააღმდეგობას უწევდა, მაგრამ გარეწარი მხეცი, მასზე ძალადობდა. ისეთ სტრესშია ბავშვი, ახლოს არავის აკარებენ. თურმე სულ ტირის, საშინლად განიცდის მომხდარს. რას იფიქრებდა, ასეთ გარეწარს რომ ხვდებოდა? როგორც სოფელში ამბობენ, დამნაშავე რამდენჯერმე ნასამართლევია, ციხიდან ახალი გამოსული უვარგისი ადამიანი. ის უმკაცრესად უნდა დაისაჯოს. ერთხელ და სამუდამოდ ხომ უნდა დამთავრდეს ქვეყანაში ძალადობა? როცა ასეთი ფაქტები ხდება, სულ იმას ვფიქრობ, რატომ არ არის ქვეყანაში დახვრეტა. ასეთმა ნაძირალებმა ქუჩაში არ უნდა იარონ. მისი ოჯახის წევრები განადგურებულები არიან. ყველამ თავისი თავი წარმოიდგინოს მათ ადგილას. ის ხომ მთელი ცხოვრება ვერ დაივიწყებს იმ საშინელ წუთებს? ძალიან პატიოსანი, მშრომელ ოჯახში გაზრდილი ბავშვია. ყველას გული შეგვტკივა. რომ გვქონდეს უფლება, ჩვენ თვითონ გავუსწორდებით ამ ნაძირალას და სასამართლო არ დაგვჭირდება, - ამბობს ერთ-ერთი იქაური მცხოვრები.

ფაქტზე სისხლის სამართლის საქმე აღიძრა. სამართალდამცავებმა უკვე დაჰკითხეს დაზარალებული. მის ვინაობას შეგნებულად არ ვასახელებთ. ჩვენი ინფორმაციით, ამჟამად გოგონა დარჩელში არ იმყოფება, ის ნათესავმა წაიყვანა. გოგონასთან ფსიქოლოგი მუშაობს. მთელი სამეზობლო სამართალდამცავებს მოუწოდებს, დროზე დააკავონ დამნაშავე. იმედია, ასეც მოხდება და კუკავა უმკაცრესად დაისჯება.


თეა ხურცილავა
ბეჭდვაელფოსტა
კომენტარები (3)
12.04.2016
ჰმ, მართალია სააკაშვილს ვლანძღავთ და არმოგვწონს ბევრირამ მაგრამ ასეთების წამალი იყო , რასტრელ ნამესტე ! მე ასეთ გადაწყვეტილებას ამნაირ ადამიანებზე ვემხრობი
რეზო
11.04.2016
სად მიდიოდა ან ვისთან შესახვედრად ა? სულ გამოეცალათ ტვინი ამ გოგოებს..არ იცნობ შვილო სად მიდიხარ ა?
mancho38
ამ კატეგორიის სხვა სიახლეები
ბიზნესმენ ლევან სიგუას მკვლელობაში ბრალდებულის ვინაობა ამ დრომდე უცნობია.
"ახლახანს გამოსულა ციხიდან ეს მკვლელი და ყოფილ შეყვარებულზე შურისძიება გადაუწყვეტია. გაიგო ეტყობა საცხოვრებელი მისამართი, ჩაუსაფრდა მათ და გია მოკლა"
მესტიაში ურთიერთშელაპარაკების შემდეგად 25 წლის ლუკა ფალიანი მოკლეს.
2009 წლის 17 ივლისს ქვემო ფონიჭალა - შემზარავი ამბის მოწმე გახდა - 7 წლის ბიჭის გატაცებისა და სასტიკი მკვლელობისთვის პოლიციელი ჯემალ სამადაშვილი დააკავეს.
6 ივლისს მარნეულის მუნიციპალიტეტში მცხოვრები ამერიკელი ცოლ-ქმარი რაიან და ლორა სმიტები, 4 წლის ვაჟთან ერთად, დუშეთის რაიონის ხადას ხეობაში გაუჩინარდნენ.
საერთაშორისო სააგენტო Associated Press-ის ინფორმაციით, საბერძნეთის ხელისუფლებამ მიიღო გადაწყვეტილება, განახორციელოს ცნობილი ქართველი ავტორიტეტის ლაშა შუშანაშვილის საფრანგეთში ექსტრადიცია.
სა­ქარ­თვე­ლოს პრე­ზი­დენ­ტის, გი­ორ­გი მარ­გვე­ლაშ­ვი­ლის სიძე, მინ­დია გო­გო­ჭუ­რი 5 ივლისს, გვიან ღამით, ცე­ცხლსას­რო­ლი ია­რა­ღი­დან დაჭ­რეს. არ­სე­ბუ­ლი ინ­ფორ­მა­ცი­ით, მას სამი ტყვია ფეხ­ში აქვს მოხ­ვედ­რი­ლი.
რუს­თავ­ში, რუს­თა­ვე­ლის ქუ­ჩა­ზე მცხოვ­რებ­მა სამ­მა მო­ქა­ლა­ქემ ნარ­კო­ტი­კე­ბუ­ლი სა­შუ­ა­ლე­ბით ინ­ტოქ­სი­კა­ცია მი­ი­ღო,
ზუგდიდში, დადიანების სასახლეთა ისტორიულ-არქიტექტურული მუზეუმის ეზოში ძმამ შელაპარაკების ნიადაგზე, სავარაუდოდ დანით, და დაჭრა.
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2530 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2655 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
3 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
4 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
5 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2444 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1206 კომენტარი