საქმის გარჩევა მკვლელობით დასრულდა
font-large font-small
საქმის გარჩევა მკვლელობით დასრულდა
გასულ კვირას, ქობულეთში მკვლელობით დასრულდა ახალგაზრდებს შორის მომხდარი ჩხუბი.
21 წლის აჩიკო ტოტორაშვილმა 4 ახალგაზრდა დაჭრა. მათგან ერთი _ 22 წლის ნოდარ გოგიტიძე საავადმყოფოში მიყვანამდე გარდაიცვალა. დაჭრილთა შორის პოლიციის თანამშრომელიცაა. როგორც ირკვევა, ის მოჩხუბრების გაშველებას ცდილობდა და ამ დროს ხელში დაჭრეს. შს სამინისტროს ცნობით, შსს-ს საპატრულო პოლიციის დეპარტამენტის გურიის მთავარი სამმართველოს პატრულ-ინსპექტორი მირიან ნოღაიდელი იმ დროს სამსახურებრივ მოვალეობას არ ასრულებდა. იგი ახლოს იყო შემთხვევის ადგილთან, ხმაური გაიგონა და ვითარების გასარკვევად მოჩხუბრებთან მივიდა. სამოქალაქო ფორმაში მყოფი, უიარაღო პატრულ-ინსპექტორი შეეცადა აჩიკო ტოტორაშვილის შეჩერებას, მაგრამ მოქნეული დანა მასაც მოხვდა და დაიჭრა. ტრაგედია ერთ-ერთ რესტორანში ბიჭებს შორის დაწყებულ კონფლიქტს მოჰყვა. კონფლიქტი ქუჩაში, რუსთაველის გამზირზე გაგრძელდა. სასწრაფო დახმარების ბრიგადას გოგიტიძე უმძიმეს მდგომარეობაში დახვდა, ის საავადმყოფოში მიყვანამდე გარდაიცვალა, სხვა დაჭრილებიც სასწრაფოდ ქობულეთის საავადმყოფოში მოათავსეს. ორი მსუბუქად იყო დაშავებული, ისინი მალე გაწერეს. ერთი პაციენტი კვლავ საავადმყოფოშია, მაგრამ მის სიცოცხლეს საფრთხე არ ემუქრება.
დანაშაულის ჩადენის შემდეგ შემთხვევის ადგილი დატოვა ტოტორაშვილმა, მაგრამ მისი დაკავება ძალოვანებს არ გასჭირვებიათ. იგი რამდენიმე საათში ქობულეთის რაიონის სოფელ აჭიში აიყვანეს.
როგორც ირკვევა, მოკლულსა და ბრალდებულს შორის უთანხმოება დიდხანს გრძელდებოდა.
გარდაცვლილი ნოდარ გოგიტიძე ქობულეთის საფეხბურთო გუნდ `შუქურაში~ თამაშობდა. მისი მეგობრები მომხდარით შეწუხებულები არიან:
_ ბომბორა ძალიან კარგი ადამიანი იყო. ძალიან მხიარული, საოცრად კარგად ცეკვავდა. მეგობრული იყო. მუდამ ღიმილიანი, უკონფლიქტო. რატომ გაიმეტეს სიკვდილისთვის, არ ვიცით. ძალიან განვიცდით მისი მეგობრები და განადგურებულები ვართ. ცხოვრების სურვილი დავკარგეთ, ჩვენი ენერგიული და სიცოცხლით სავსე მეგობარი აღარ გვყავს. საოცრად მოსიყვარულე იყო. სიტყვებით ძნელია, გამოხატო ის ემოცია, რასაც ახლა განვიცდით თითოეული მისი მეგობარი. არ ვიცი, მის გარეშე რა გვეშველება. მკვლელი უმკაცრესად უნდა დაისაჯოს. ასეთი კარგი ბიჭი მოგვიკლა. არ ვიცით, აწი ჩვენ თუ გავიღიმებთ, ჩაკვდა ჩვენი უბანი _ ამბობს მისი ერთ-ერთი მეგობარი.
სოციალური ქსელიც აჭრელებულია ტკივილიანი წერილებით. ვიდეოებითა და ფოტოებით, სადაც ბომბორას ცხოვრების დეტალები და ეპიზოდებია ასახული. კლიპიც კი მიუძღვნეს მეგობრებმა.
_ შეძრულები ვართ მომხდარით. ორივე ახალგაზრდას კარგად ვიცნობ. ძალიან კარგი ბიჭი იყო მოკლული, მოსიყვარულე და სიცოცხლით აღსავსე. სულ მოღიმარს ვხედავდი. ცუდს ვერც დაკავებულზე ვიტყვი. აჩიკოც კარგი ახალგაზრდაა. რა მოხდა ამ ბიჭებს შორის, არ ვიცი, მაგრამ აქ ყველამ იცის, რომ დიდი ხანია, მათ შორის იყო რაღაც უთანხმოება და გარჩევები. იმ დღეს თურმე ბიჭებმა გადაწყვიტეს, ისინი შეერიგებინათ და ამიტომ ერთად შეიკრიბნენ. როგორც ამბობენ, თითქოს ყველაფერი კარგად დამთავრდა. ის იყო, სუფრა იშლებოდა, რომ უცებ დაიწყო ჩხუბი. როგორც ამბობენ, მკვლელობაში ბრალდებულს თურმე მაგრად სცემეს, ამ დროს მან დანა ამოიღო, დაჭრა ისინი და გაიქცა. დანას თურმე გიჟივით იქნევდა. ამბობენ, მასაც აქვს დაზიანებები და ძალადობის კვალიც ეტყობაო. თურმე არ იცოდა, რომ ბომბორა მოკლული ჰყავდა. იქიდან გაქცეულა. მერე რომ მიაკითხეს და უთხრეს, კაცი მოკალიო, გაგიჟებულა. საშინელებაა, ფაქტობრივად, უმნიშვნელო კონფლიქტს შეეწირა ეს ლამაზი ბიჭი და აჩიკომაც საუკეთესო წლები ციხეში უნდა გაატაროს, _ ამბობს ერთ-ერთი მეზობელი.
ნარგიზ რომანაძე, ქობულეთის პირ­ველი საჯარო სკოლის დი­რექტორი:
_ ნოდარ გოგიტიძე ჩვენი სკოლის მოსწავლე იყო, სკოლასთან ცხოვრობენ და ჩვენ თვალწინ გაიზარდა. სკოლა დაამთავრა ექსტერნის წესით, ძალიან მოზომილი, უპრეტენზიო, რომ არ შეგაწუხებდა, ისეთი ზრდილი ახალგაზრდა იყო. არასოდეს არაფერი შეშლია. სპორტს მისდევდა, ფეხბურთელი იყო. ისე, ტრაგიკუ­ლი ოჯახია, ერთი წლის წინ მას ახალგაზრდა მამა გულის შე­ტევით გარდაეცვალა, ავარიით დაიღუპა ბიძა და ახლა ეს ამხელა ტრაგედია დაატყდა კიდევ ოჯახს. გვტკივა ძალიან. ჰყავს და და ძმა, ეს იყო ოჯახის უფროსი შვილი. ამბობენ, `სპიცით~ არის მოკლული. მკვლელობის მოტივზე ვერაფერს გეტყვით. ჭორებზე არ ვისაუბრებ, გამოძიება დაადგენს. რაც შეეხება დამნაშავეს, მასაც დადებითად ახასიათებენ. საშინელებაა, რაც მოხდა.
მომხდარზე გამოძიება განზრახ მკვლელობის მუხლით მიმდინარეობს, უკვე დაჰკითხეს სამართალდამცავებმა ჩხუბში მონაწილე ბიჭები და თვითმხილველები. ჩვენება მისცა ბრალდებულმაც, თუმცა მისი ჩვენების დეტალები ჯერჯერობით უცნობია. არც მკვლელობის მოტივზე საუბრობენ. ფაქტზე გამოძიება გრძელდება.

თეა ხურცილავა
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
ბიზნესმენ ლევან სიგუას მკვლელობაში ბრალდებულის ვინაობა ამ დრომდე უცნობია.
"ახლახანს გამოსულა ციხიდან ეს მკვლელი და ყოფილ შეყვარებულზე შურისძიება გადაუწყვეტია. გაიგო ეტყობა საცხოვრებელი მისამართი, ჩაუსაფრდა მათ და გია მოკლა"
მესტიაში ურთიერთშელაპარაკების შემდეგად 25 წლის ლუკა ფალიანი მოკლეს.
2009 წლის 17 ივლისს ქვემო ფონიჭალა - შემზარავი ამბის მოწმე გახდა - 7 წლის ბიჭის გატაცებისა და სასტიკი მკვლელობისთვის პოლიციელი ჯემალ სამადაშვილი დააკავეს.
6 ივლისს მარნეულის მუნიციპალიტეტში მცხოვრები ამერიკელი ცოლ-ქმარი რაიან და ლორა სმიტები, 4 წლის ვაჟთან ერთად, დუშეთის რაიონის ხადას ხეობაში გაუჩინარდნენ.
საერთაშორისო სააგენტო Associated Press-ის ინფორმაციით, საბერძნეთის ხელისუფლებამ მიიღო გადაწყვეტილება, განახორციელოს ცნობილი ქართველი ავტორიტეტის ლაშა შუშანაშვილის საფრანგეთში ექსტრადიცია.
სა­ქარ­თვე­ლოს პრე­ზი­დენ­ტის, გი­ორ­გი მარ­გვე­ლაშ­ვი­ლის სიძე, მინ­დია გო­გო­ჭუ­რი 5 ივლისს, გვიან ღამით, ცე­ცხლსას­რო­ლი ია­რა­ღი­დან დაჭ­რეს. არ­სე­ბუ­ლი ინ­ფორ­მა­ცი­ით, მას სამი ტყვია ფეხ­ში აქვს მოხ­ვედ­რი­ლი.
რუს­თავ­ში, რუს­თა­ვე­ლის ქუ­ჩა­ზე მცხოვ­რებ­მა სამ­მა მო­ქა­ლა­ქემ ნარ­კო­ტი­კე­ბუ­ლი სა­შუ­ა­ლე­ბით ინ­ტოქ­სი­კა­ცია მი­ი­ღო,
ზუგდიდში, დადიანების სასახლეთა ისტორიულ-არქიტექტურული მუზეუმის ეზოში ძმამ შელაპარაკების ნიადაგზე, სავარაუდოდ დანით, და დაჭრა.
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2532 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2656 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
7 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
5 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
3 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
904 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2446 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1207 კომენტარი