რას შეეწირა მსაჯის სიცოცხლე?
font-large font-small
რას შეეწირა მსაჯის სიცოცხლე?
გამოვიდა და მითხრა, ჯიგარი ბიჭი ყოფილაო


გასულ კვირას ფეხბურთის მსაჯი, 33 წლის ილია ტუღუში პატრულის თანამშრომლებმა ფოთში, მალთაყვის ტყეში, ნაძვნარში, ხეზე ჩამომხრჩვალი იპოვეს. იქვე იყო მისი ავტომობილიც. ოჯახი და პოლიცია მას 2 დღე და ღამე უშედეგოდ ეძებდა. მომხდარზე სისხლის სამართლის საქმე თვითმკვლელობამდე მიყვანის მუხლით აღიძრა. თუმცა, თვითმკვლელობის არ სჯერათ ოჯახის წევრებს და ისინი საქმის მკვლელობის მუხლით გადაკვალიფიცირებას ითხოვენ. მათი მტკიცებით, ვიღაცამ თვითმკვლელობის ინსცენირება მოაწყო ან აიძულა, თავი მოეკლა.


გარდაცვლილი მსაჯის ოჯახს კონკრეტული ვერსია აქვს და პირდაპირ ამბობს, რომ ილია ტუღუშის გარდაცვალება ჩაწყობილ თამაშებს უკავშირდება. "თამაშში გადახდილი იყო 5.000 ლარი, მერე კი ჩემს შვილს ფულის დაბრუნება უკან მოსთხოვეს, 5 ათასი ლარის გამო მოსაკლავად გაიმეტეს ჩემი შვილი", - ამბობს გარდაცვლილის დედა, მარინა ტუღუში.
ოჯახი აცხადებს, რომ ილო ტუღუშს წინადღეს სახლში მიაკითხეს: - ჩემი ქმარი თავს არ მოიკლავდა, მკვლელობის წინაღამეს ჩვენთან მოვიდნენ ირაკლი ბახტაძე, გიორგი ინაიშვილი და ნუგზარ ჩხაიძე. შავი "მერსედესით!" იყვნენ. ისინი ილიას 5.000 ლარს სთხოვდნენ. უკან უნდა მიეტანა. ეტყობა ვერ მიუტანა და იმიტომ მოხდა ასე. ფული თამაშის წინა დღეებში მიუციათ, ფეხბურთის მატჩი უნდა მოეგოთ თურმე. მეკითხებოდნენ, თავისი მანქანით მოძრაობსო? პასუხი მოსთხოვონ გიორგი ინაიშვილს, რომელიც დამემუქრა: ხვალ მივფრინავ, ვტოვებ ჩემს ძმაკაცებს და ისინი მოუვლიან შენს ქმარსო. ჩემი ქმარი თავს არ მოიკლავდა, - ამბობს მსაჯის მეუღლე ეკა.

ილია ტუღუში როგორც ეროვნულ მატჩებზე, ასევე მთავარ ლიგაში მსაჯობდა. იგი ლანჩხუთის ერთ-ერთ სოფელში, ოჯახთან ერთად ცხოვრობდა. გარდაცვლილს სამი შვილი დარჩა. მას დადებითად ახასიათებენ მეზობლები და ისინიც გამოძიების შედეგებს ელოდებიან:
- ჩვენ თვალწინ გაიზარდა ილია, ძალიან თბილი და მოსიყვარულე ბიჭი იყო. კარგი ოჯახი ჰქონდა, სამი ანგელოზივით ბავშვი დარჩა უმამოდ. ძალიან განვიცდით ამ ამბავს. წარმოუდგენელია, ილოს თავი მოეკლა 5 ათასი ლარის გამო. ძვირად ღირებული მანქანა ჰყავდა, კიდევ - სხვა მანქანა, ბოლოს და ბოლოს, იმას გაყიდდა. ოჯახის წევრები საშინელ დღეში არიან. ამბობენ, რომ ამ საქმეში "მაზავშიკები" არიან გარეული. ეტყობა, "მაზავშიკებიც" დარწმუნებულნი იყვნენ, რომ ყველაფერი მოგვარებული იყო, გუნდი მოიგებდა და ალბათ, დიდი თანხა დადეს ფსონად. რომ წააგეს, გამწარდნენ და ასე იძიეს შური. არ ვიცი, რა ვთქვა, ველოდებით გამოძიებას. ჩაწყობილი თამაშების გამო თუ მოხდა ამხელა ტრაგედია, იმედია, ამის გარკვევა არ გაჭირდება", - ამბობს მეზობელი.

ცნობილია, რომ 3 დეკემბერს ლანჩხუთის "გურია" და თელავის გუნდი შეხვდა ერთმანეთს. ერთ-ერთი ვერსიით, სწორედ ეს თამაში იყო გაყიდული და თამაშში ლანჩხუთის "გურიას" უნდა გაემარჯვა. როგორც ამბობენ, გიორგი ინაიშვილი და ირაკლი ბახტაძე "მაზავშიკები" არიან და ამიტომაც მსაჯების მოსასყიდად მათ ტუღუშს 5.000 ლარი გრიგოლეთში, ლანჩხუთის "გურიის" აღმასრულებელი დირექტორის მოადგილის, ნუგზარ ჩხაიძის შუამავლობით გადასცეს. თუმცა, საქმე ისე არ წავიდა, როგორც მოილაპარაკეს, მატჩი ფრედ დამთავრდა, და "გურიამ" მეორე ლიგა დატოვა. რადგან შეთანხმება ვერ შესრულდა, გავრცელებული ინფორმაციით, ისინი ფულის დაბრუნებას სთხოვდნენ ტუღუშს. მას კი თანხა უკვე დახარჯული ჰქონდა და ვერ დააბრუნა. ოჯახის მიერ დასახელებული ნუგზარ ჩხაიძე სოციალური ქსელით გამოეხმაურა ამ ფაქტს:

"ვითვალისწინებდი მის რჩევებსა და დარიგებებს. ჩვენი საუბრები ყოველთვის კონსტრუქციული და ობიექტური იყო. ჩემი და მისი შეხედულებები წინააღმდეგობაში არასდროს მოდიოდა. სწორედ ასეთი მეგობრული ურთიერთობის გამო, თელავში ჩატარებული მატჩისას, მსაჯის არაობიექტურობის გამო, როდესაც გავიგეთ 3 დეკემბერს ლანჩხუთში თელავთან მატჩის მომსახურე არბიტრების შემადგენლობა, ბუნებრივია, მე მას დავურეკე და ვკითხე, როგორი იყო მისი შეხედულება აღნიშნულ სამსაჯო ბრიგადასთან დაკავშირებით, რაზედაც მან ტელეფონშივე მიპასუხა, რომ ძალიან კარგი შემადგენლობა იყო და ილია ტუღუში დამპირდა, რომ მსაჯებს, როგორც ლანჩხუთელი, სთხოვდა ლანჩხუთის "გურია" არ დაეჩაგრათ. თან შემეკითხა, სად ვიყავი ფიზიკურად. ვუთხარი, რომ ლანჩხუთში ვარ. მთხოვა, ერთმანეთს შევხვედროდით, დავეთანხმე და შევთანხმდით, რომ მის ზარს დაველოდებოდი. ეს ყველაფერი ხდებოდა 1-ლ დეკემბერს, სადღაც, 13 საათიდან 15 საათამდე. იმავე ღამეს გრიგოლეთის ბაზაზე ვიყავი და იქ მოვიდა. დაახლოებით 21 საათისთვის. ჩავსხედით ჩემს მანქანაში და ისევ მსაჯთა შემადგენლობაზე ვილაპარაკეთ, სადაც მან კიდევ ერთხელ ხაზი გაუსვა ამ ბიჭების პატიოსნებას და კვალიფიკაციას... ამის შემდეგ მთხოვა, ფული გიორგი იმნაიშვილისათვის მეთხოვა, რომელიც იმ დროს ბაზაზე იმყოფებოდა. ვუთხარი - მაგას შენც იცნობ, ისეთი ბიჭია, არ გაგაწბილებს და ჯობია, შენ უთხრა-მეთქი. გადმოვიდა მანქანიდან და შევიდა იმ ოთახში, სადაც გიორგი და მისი მეგობარი იმყოფებოდნენ. რამდენიმე წუთის მერე გამოვიდა და მითხრა, ჯიგარი ბიჭი ყოფილაო. დამემშვიდობა და თავისი მანქანით წავიდა. როგორც შემდეგ გავიგე, მას სწორედ ის თანხა უთხოვია გიორგისთვის, რაზედაც ამჟამად არის საუბარი და რაც გიორგის მეორე დღეს მისთვის უსესხებია... მეორე დღესაც, ლანჩხუთის "გურიის" და "თელავის" თამაშის დღეს შევხვდი ილიას, გვქონდა ჩვეულებრივი შეხვედრა. 5 დეკემბერს კლუბის ოფისში ვიმყოფებოდი, ალბათ 3-4 საათი იქნებოდა, გიორგიმ დამირეკა და მითხრა, ილო უნდა ჩამოსულიყო, არ მპასუხობს და იქნებ, შენ გადაურეკოო. დავურეკე ილოს. მითხრა, რომ ვიღაცას ელოდებოდა და აუცილებლად ბათუმში ჩავიდოდა. ვთხოვე, გიორგისთვის დაერეკა, რაზეც მიპასუხა, რომ უკვე ელოდებოდა. საღამოს 6 საათი იქნებოდა, გიორგის დავურეკე და ვკითხე, - თუ ჩამოვიდა-მეთქი? არ ჩამოსულა და არც ტელეფონზე პასუხობსო. მეც დავიწყე რეკვა ილოს ტელეფონზე, არც მე მიპასუხა. გიორგი იმნაიშვილის ჩამოსვლამდე ვიდექი ჩოჩხათის ცენტრში, სადაც პოლიციის საპატრულო მანქანაც იდგა. შემდეგ მე მივედი პირველად მის ჭიშკართან. დავიძახე. შორიდან გამომძახეს, ვფიქრობ, დედამისი იყო. ვკითხე, ილო ხომ არაა სახლში-მეთქი? მითხრეს, არა, ჩვენც ვეძებთ, შვილო და ვერ ვპოულობთო. მოვბრუნდი უკან და დაველოდე სოფლის ცენტრში მათ ჩამოსვლას. ჩამოვიდნენ, მანქანა დატოვეს ჭიშკართან და ჩემი მანქანით ავედით ილოს კოლეგასთან, რომელიც სახლში არ იყო. ჩამოვედით და დავიძახეთ ილოს ოჯახში. ჭიშკართან ჩამოვიდნენ მამა, დედა და მეუღლე. ვკითხეთ, სად შეიძლებოდა ილოს ნახვა. დედამ სიტყვასიტყვით ასე გვიპასუხა: - დილას რომ ადგა, ძალიან შეწუხებული და უხასიათოდ იყოო. ამ დროს მეუღლემ იკითხა - რაშია საქმე, რატომ ეძებთო? ფეხბურთის ფულთან დაკავშირებით ხომ არაო? მე გამიკვირდა მისი ტონიც და კითხვის შინაარსიც. რა ფეხბურთის ფული, მეგობრისგან ნასესხები ჰქონია და ამიტომ უნდა მისი ნახვა-მეთქი. შემეკითხა, - შენ ვინ ხარო? ვუთხარი, რომ ნუგზარ ჩხაიძე ვარ და შენ როგორ ვერ მიცანი-მეთქი? ამ დროს ჩვენ სამიდან ერთ-ერთმა, ირაკლი ბახტაძემ უთხრა - მე ირაკლი ვარ, ილოს მეგობარიო. გიორგი იმნაიშვილმაც უთხრა მისი პიროვნების შესახებ. ერთი სიტყვით, შემიძლია ხატის წინაშე ჩემი ექვსი შვილიშვილი დავიფიცო, რომ არავითარი ზეწოლა არ ყოფილა. არავითარი ხმამაღალი საუბარი არ ყოფილა, ასეთი რამ რომ ყოფილიყო დაახლოებით 150 მეტრში მყოფი პოლიციის ეკიპაჟი უთუოდ გაიგონებდა და მოვიდოდა. გიორგი იმნაიშვილმა ტუღუშის ოჯახის წევრებს უთხრა, მე ისეთი კაცი არ ვარ, რომ ასეთ საქმეზე პიროვნება შევავიწროვო. ხვალ საქმეზე წასასვლელი ვარ, მან კარგად იცის, ვის შეიძლება ეს ფული დაუტოვოს, აგერაა ირაკლი, თქვენი ახლობელი ყოფილა. ილოს გადაეცით, მე თუ არა, ეს ხალხი ნახოსო. დავემშვიდობეთ. და პირადად, ბოდიში მოვუხადე შეწუხებისთვის. მე წამოვედი გულიანის მხრიდან ლანჩხუთში, ისინი ბათუმში წავიდნენ. მეორე დღეს ვიგებ ამ საშინელ ამბავს", - წერს ჩხაიძე და იქვე აღნიშნავს: - "სამსახურებრივი უფლებებიდან გამომდინარე, თავს არ მივიჩნევ ვალდებულად, პროფესიულ საქმიანობასთან დაკავშირებულ კონფიდენციალურ ინფორმაციაზე ვინმეს ანგარიში ჩავაბაროო. როგორც ცნობილია, სამართალდამცავებმა ნუგზარ ჩხაიძე ორჯერ უკვე დაჰკითხეს, თუმცა რა ჩვენება მისცა მან გამოძიებას, ჯერჯერობით უცნობია.

თავად ჩხაიძის მონათხრობიდანაც ჩნდება კითხვები: თუ იმნაიშვილმა სამი დღით ადრე ასესხა ფული ტუღუშს, რატომ გახდა სამ დღეში აუცილებელი ბათუმიდან სასწრაფოდ ჩამოსულიყვნენ და სახლში მოეძებნა და კატეგორიულად მოეთხოვათ მისთვის მიცემული ვალი? ამას ჩხაიძე ასე პასუხობს: როგორც ვიცი, იმნაიშვილს მან ფული სამი დღით სთხოვაო.

მისი მისამართით გამოთქმულ ბრალდებაზე ამბობს, რომ არასოდეს დაინტერესებულა ჩაწყობილი თამაშებით და ამის არანაირი ფაქტი არ არსებობს: "ილო მეგობრების საშუალებით გავიცანი. დახმარება მთხოვა და სამი დღით ისესხა ჩემგან 5 ათასი ლარი. ის თანხა მეც სხვისთვის მქონდა მისაცემი. მანქანის ფული იყო. ამიტომაც მივაკითხე იმ დღეს სახლში. თუმცა, მისი ოჯახისთვის არ მითქვამს, რომ ვალისთვის ვიყავი მისული. მანქანიდან არც კი გადმოვსულვარ. მასთან ბოლო საუბარი 5 დეკემბერს მქონდა. მითხრა, რომ 6 დეკემბერს თანხას მომცემდა. არც დაძაბული საუბარი ყოფილა ჩვენ შორის, რა გარიგებული თამაშები, რა ჩაწყობა?! ჭორია, რომ თითქოს მან "გურიის" მოგების პირობა მომცა. ამაზე სიტყვაც კი არ თქმულა. მართალია, ის გარდაცვლილია, მაგრამ ყველამ იცის, რომ ილო თამაშობდა ტოტალიზატორში, კაზინოში. სერიოზულად თამაშობდა. გამოვრიცხავ, რომ მან თავი ჩემგან ნასესხები ფულის გამო მოიკლა", - ამბობს იმნაიშვილი.
გამოძიებამ უკვე დაკითხა გარდაცვლილის ოჯახის წევრები და დასახელებული პირები. ამბობენ, რომ ტუღუშის ტელეფონში აღმოჩენილია მიმოწერა და ეს დეტალები საინტერესოა გამოძიებისთვის. გარდაცვლილს ექსპერტიზა უკვე ჩაუტარდა. ცნობილია ისიც, რომ აღნიშნულ ფაქტზე გამოძიება ინტენსიურად მიმდინარეობს და ალბათ გამოძიება გასცემს ყველა კითხვას პასუხს.

თეა ხურცილავა
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
ბიზნესმენ ლევან სიგუას მკვლელობაში ბრალდებულის ვინაობა ამ დრომდე უცნობია.
"ახლახანს გამოსულა ციხიდან ეს მკვლელი და ყოფილ შეყვარებულზე შურისძიება გადაუწყვეტია. გაიგო ეტყობა საცხოვრებელი მისამართი, ჩაუსაფრდა მათ და გია მოკლა"
მესტიაში ურთიერთშელაპარაკების შემდეგად 25 წლის ლუკა ფალიანი მოკლეს.
2009 წლის 17 ივლისს ქვემო ფონიჭალა - შემზარავი ამბის მოწმე გახდა - 7 წლის ბიჭის გატაცებისა და სასტიკი მკვლელობისთვის პოლიციელი ჯემალ სამადაშვილი დააკავეს.
6 ივლისს მარნეულის მუნიციპალიტეტში მცხოვრები ამერიკელი ცოლ-ქმარი რაიან და ლორა სმიტები, 4 წლის ვაჟთან ერთად, დუშეთის რაიონის ხადას ხეობაში გაუჩინარდნენ.
საერთაშორისო სააგენტო Associated Press-ის ინფორმაციით, საბერძნეთის ხელისუფლებამ მიიღო გადაწყვეტილება, განახორციელოს ცნობილი ქართველი ავტორიტეტის ლაშა შუშანაშვილის საფრანგეთში ექსტრადიცია.
სა­ქარ­თვე­ლოს პრე­ზი­დენ­ტის, გი­ორ­გი მარ­გვე­ლაშ­ვი­ლის სიძე, მინ­დია გო­გო­ჭუ­რი 5 ივლისს, გვიან ღამით, ცე­ცხლსას­რო­ლი ია­რა­ღი­დან დაჭ­რეს. არ­სე­ბუ­ლი ინ­ფორ­მა­ცი­ით, მას სამი ტყვია ფეხ­ში აქვს მოხ­ვედ­რი­ლი.
რუს­თავ­ში, რუს­თა­ვე­ლის ქუ­ჩა­ზე მცხოვ­რებ­მა სამ­მა მო­ქა­ლა­ქემ ნარ­კო­ტი­კე­ბუ­ლი სა­შუ­ა­ლე­ბით ინ­ტოქ­სი­კა­ცია მი­ი­ღო,
ზუგდიდში, დადიანების სასახლეთა ისტორიულ-არქიტექტურული მუზეუმის ეზოში ძმამ შელაპარაკების ნიადაგზე, სავარაუდოდ დანით, და დაჭრა.
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2530 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2655 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
4 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
5 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
5 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2445 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1206 კომენტარი