"მოვკვდები აქ და არ დავტოვებ სახლს!"
font-large font-small
"მოვკვდები აქ და არ დავტოვებ სახლს!"
ბათუმში 82 წლის ქალბატონმა ამწე დაიქირავა და თავისი საცხოვრებელი სახლის მეორე სართულის აივანზე სწორედ ამწეს დახმარებით ავიდა. ფაქტი საიათნოვას 4 ნომერში მოხდა, ამ სახლში ალექსანდრა ტერუნა 1983 წლიდან ცხოვრობს. როგორც ირკვევა, მას 25 დეკემბერს მეზობელმა კარი აუჭედა და მას მერე, მოხუცს სახლში აღარ უშვებდა. სწორედ ამიტომ, ბინაში ქალმა ასე შეაღწია.
პრობლემები მოხუცს მას შემდეგ გაუჩნდა, როცა მისმა შვილიშვილმა წლების წინ კერძო იპოთეკარისგან სესხი აიღო და ბინა იპოთეკით დატვირთა. შვილიშვილი საზღვარგარეთ წავიდა, მოგვიანებით კი ეს ბინა კერძო იპოთეკარმა მეზობელს მიჰყიდა. ქონება მეზობლის საკუთრებაა და თითქმის ორი წელია, ერთმანეთში დაობენ. მეზობელი სააღსრულებო ბიუროს მოხუცის გამოსახლებას სთხოვს, თავად მოხუცი კი სახლიდან გამოსვლას არ აპირებს.
ჟუჟუნა ჯიჯავაძე, მოხუცის ინტერესების დამცველი:
- ეს იტალიური ტიპის სახლია, სადაც სულ სამი ოჯახი ცხოვრობს. პირველ სართულზე ერთი მესაკუთრეა, რომელსაც ბინა გაქირავებული აქვს. მეორე სართულზე ცხოვრობდნენ ალექსანდრა და მისი მეზობლის ოჯახი. ერთმანეთთან ძალიან კარგი ურთიერთობა ჰქონდათ. ფაქტობრივად, ამ მოხუცის გაზრდილია ის და-ძმა, რომლებმაც მოხუცი ახლა სახლიდან გამოაგდეს. ალექსანდრას შვილიშვილმა კერძო იპოთეკარისგან ისესხა 17.000 დოლარი და ბინის ნაწილი, 17,9 კვადრატული მეტრი ფართობი ჩადო იპოთეკაში. შემდეგ შვილიშვილი საზღვარგარეთ წავიდა, დროულად ვერ შეძლო ქონების გამოსყიდვა, მერე დაბრუნდა ფულით ხელში, მაგრამ კრედიტორმა ბინა არ დაუბრუნა. მაშინ შეიტყვეს, რომ ალექსანდრას ბინა კრედიტორისგან ჩუმად უყიდია მათ მეზობელს, 17.500 ლარად, არადა, ქონება 17.000 დოლარად იყო ჩადებული იპოთეკაში. 2016 წლიდან მიდის ეს დავა. მეზობლებს შორის ურთიერთობა ისე დაიძაბა, რომ მოხუცს ფიზიკურადაც გაუსწორდნენ. სისტემატურად აყენებდნენ მას სიტყვიერ შეურაცხყოფასაც. მოხუცმა უჩივლა და ახლა ფიზიკური შეურაცხყოფის ფაქტზე სისხლის სამართლის საქმეა აღძრული. 25 დეკემბერს გაიგო მეზობელმა, რომ ალექსანდრა დაზარალებულად ცნო პოლიციამ და სახლიდან საქმეზე გამოსული მოხუცი სახლში ვეღარ შევიდა, კარი აჭედილი დახვდა. დეკემბრიდან მოყოლებული, თავს ნაცნობებთან აფარებდა. თავისი ნივთები, საპენსიო ბარათიც კი ბინაში ჰქონდა და ამდენ ხანს ვერ იღებდა კუთვნილ პენსიას. მერე ასეთი გადაწყვეტილება მიიღო: დაიქირავა კერძო ამწე და შევიდა საკუთარ სახლში.
- მეზობელთან მოლაპარაკება არ უცდია?
- მეზობელმა ყველაფერი ჩუმად გააკეთა. არც კი უკითხავს მოხუცისთვის, რომ მის ბინას ყიდულობდა. ის დაინტერესებული იყო, როგორმე ბინა ჩაეგდო ხელში. ამ მეზობელმა სხვენიც კი არაკანონიერად მიითვისა, გააყალბა კრების ოქმი და დაირეგისტრირა, მაგრამ მოხუცმა იჩივლა, დადასტურდა სიმართლე და სასამართლომ ალექსანდრას სხვენი უკან დაუბრუნა. ახლაც ჩივის ალექსანდრა ტერუნა, დააყადაღა თავისი ტერიტორია და უნდა, დაიბრუნოს ბინა, რომ ქუჩაში არ დარჩეს. ჩადებული იყო მხოლოდ ბინის ნაწილი იპოთეკაში, 17,90 კვადრატული, ახლა მას სხვა ფართობშიც არ უშვებენ, მთლიანად მიისაკუთრა მეზობელმა მისი ქონება. მანამდე ჩაუჭრეს შუქი, გაზი, წყალი, აუჭედეს საპირფარეშოს კარი. სემეკში იჩივლა ალექსანდრამ, მოვიდნენ წარმომადგენლები, რომ ჩაერთოთ მისთვის კომუნიკაციები, მაგრამ მეზობელმა ისინი არ შეუშვა შენობაში.
- ახლა მოხუცს შუქი არა აქვს?
- არც შუქი აქვს და არც წყალი, ვერც საპირფარეშოში შევა, კარი აჭედილია და რომ მოინდომოს, იქიდან გამოსვლასაც ვერ შეძლებს, თუმცა გამოსვლას არც აპირებს. "სასწრაფო" რომ დასჭირდეს, მასთან ვერ შევა. ჟურნალისტები მოვიდნენ და ვერც ისინი შევიდნენ. მეზობლები არავის ეკონტაქტებიან და კომენტარს არ აკეთებენ.
- შვილიშვილი სად არის?
- შვილიშვილი იყო ჩამოსული, მაგრამ იპოთეკარმა არ დაუბრუნა ქონება. ის ავად არის, უცხოეთში გაიკეთა ოპერაცია და ამიტომ ვერ ჩამოდის საქართველოში. მზად არის, რაც გადაიხადეს ბინაში, ის თანხა უკან დაუბრუნოს მეზობელს, მაგრამ ამაზე არ თანხმდებიან. მოხუცი უმძიმეს მდგომარეობაშია. აქვე კაფეა და პირველ დღეს მათ აუგზავნეს საჭმელი და წყალი თოკით. დღეს მისი მოხუცი მეგობარი მივიდა და იმან აუგზავნა საჭმელი. ითხოვს, სანამ სასამართლო დავა და საქმის გამოძიება არ დასრულდება, იყოს თავის სახლში.
მოხუცი ქალბატონი აივნიდან ესაუბრება ჟურნალისტებს. ის ამბობს, რომ იმ სახლიდან ცოცხალი არ გავა:
"მოვკვდები აქ და არ დავტოვებ სახლს! მეუბნებიან, რომ ყველაფერი მათია. ეს სახლი ჩემს სახელზე იყო. არც კი უკითხავთ ჩემთვის, ისე იყიდეს ჩემი ბინა. უკანონოდ გააკეთეს ყველაფერი, იმალებიან და პასუხს არ მცემენ. არც წყალი, არც შუქი და არც საჭმელი, არაფერი მაქვს. ბინაში დამწყვდეული ვარ. ცოცხალს ვერ დამატოვებინებენ ჩემს სახლს", - განუცხადა ჟურნალისტებს ალექსანდრა ტერუნამ.
როგორც ირკვევა, მეზობლებმა უკვე მიმართეს სააღსრულებო ბიუროს და ახლა ელოდებიან, როდის გამოასახლებს აღმასრულებელი მოხუცს ბინიდან. კანონი მყიდველის უფლებებს იცავს.
შინაგან საქმეთა სამინისტრომ კი სხვის ქონებაში უკანონოდ შეღწევის ფაქტზე საქმე აღძრა. სავარაუდოდ, მოხუცს ბინიდან მაინც მოუწევს გამოსვლა.
თეა ხურცილავა
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"ყველაზე მთავარი, რაც მაინტერესებდა ის იყო, ჩემი შვილისთვის მომაკვდინებელი ჭრილობა იყო თუ არა საქმეში არსებული დანით მიყენებული, მაგრამ მხოლოდ ის წერია, არსებული დანები ამ ჭრილობებს არ შეესაბამება, თუმცა შესაძლებელია ეს დანები გამოყენებული ყოფილიყოო"
13 აპრილს, საღამოს, ბარნოვის ქუჩაზე მისულ სამართალდამცავებს ბინაში უმძიმესი სურათი დახვდათ - 3 და 6 წლის პატარები საზარელი ტრაგედიის თვითმხილველი გახდნენ.
18 აპრილს, გვიან ღამით, კასპის მუნიციპალიტეტში, უმძიმესი დანაშაული მოხდა - 1992 წელს დაბადებული გ.მ. სამზარეულოს დანით სასიკვდილოდ დაჭრეს, მკვლელობის ბრალდებით დაკავებულია მისი 1978 წელს დაბადებული ძმა შ.მ. მომხდარის გამოძიება სისხლის სამართლის 108-ე მუხლით არის დაიწყო, რაც განზრახ მკვლელობას გულისხმობს.
ხარაგაულში მომხდარ ავტოკატასტროფას ორი 17 წლის ახალგაზრდის სიცოცხლე ემსხვერპლა, - შოთა ჭიპაშვილი და ალეკო ავალიშვილი "ბმვ" მარკის ავტომანქანით ხევში გადაიჩეხნენ, ბიჭები ადგილზევე გარდაიცვალნენ. მომხდარზე საქმე სისხლის სამართლის 276-ე მუხლის მეშვიდე ნაწილით აღიძრა, რაც ტრანსპორტის ექსპლუატაციისას უსაფრთხოების წესების დარღვევას გულისხმობას, რამაც ორი ან მეტი ადამიანის სიცოცხლის მოსპობა გამოიწვია.
საბერძნეთში, ქალაქ სალონიკში ე.წ. კანონიერი ქურდი" ლაშა შუშანაშვილი, მეტსახელად "ლაშა რუსთავსკი" დააკავეს
ევროპოლთან დაწყებული ეფექტიანი თანამშრომლობის შედეგად, საფრანგეთსა და საბერძნეთში 4 ქართველი ე.წ. "კანონიერი ქურდი" და ქართული კრიმინალური დაჯგუფების 34 წევრია დაკავებული.
"დედას ტელეფონზე ბრალდებულმა უპასუხა და კითხვაზე, სად არის ჩემი შვილიო? - უთხრა, თაკო მიწაშიაო"
თბილისში, ბარნოვის ქუჩაზე მოკლული ახალგაზრდა ქალის მკვლელობასთან დაკავშირებით ახალი დეტალები ხდება ცნობილი.
თბილისის საერთაშორისო აეროპორტში ახალგაზრდა მამაკაცი გარდაიცვალა. საქართველოს მოქალაქე თბილისი-სტამბოლის რეისის მგზავრი იყო.
კვირის სიახლეები
კოალიციამ აშშ-ის მეთაურობით სირიაზე ავიადარტყმები მიიტანა - როგორ ეხმაურება ვლადიმერ პუტინი მომხდარს?
14 აპრილს გამთენიისას საერთაშორისო კოალიციამ, რომლის შემადგენლობაშიც აშშ, საფრანგეთი და დიდი ბრიტანეთი შედის, სირიაში გარკვეულ ობიექტებზე დარტყმა მიიტანეს.
0 კომენტარი
"მეზობლებს კარზე კაკუნი რომ არ აეტეხათ, იმ არაკაცს შეიძლება, დედასთან ერთად, ბავშვებიც დაეხოცა"
ბარნოვის ქუჩაზე მომხდარი საზარელი მკვლელობის ახალი დეტალები
0 კომენტარი
საინტერესო დეტალები მსოფლიო ვარსკვლავებთან მუშაობის შესახებ
ქართულ სამზარეულოსა და კულტურაზე შეყვარებული გორან ბრეგოვიჩი
0 კომენტარი
"არ მინდა, ჩემმა შვილმა გაიგოს, რას ვსაქმიანობ" - ყოფილი ბიზნესლედი, რომელიც სასაფლაოების დამლაგებლად მუშაობს
38 წლის სასიამოვნო გარეგნობის ქალბატონი (რომელმაც ვინაობის გამხელა არ ისურვა) 2 წელია, ქალაქ რუსთავის სასაფლაოზე, საფლავების მომვლელია.
0 კომენტარი
სასამართლოში ნასროლი ბოთლი და გზა იურისტობიდან დიზაინერობამდე
დიზაინერობა 25 წლის ასაკში გადაწყვიტა და საბოლოოდ თქვა უარი იურისტობასა და ჟურნალისტობაზეც.
3 კომენტარი
ნანუკა ჟორჟოლიანმა ეფექტური და ჯანსაღი დიეტის რეცეპტი გაამხილა
ნანუკა ჟორჟოლიანი ბოლო პერიოდში შესაშურ ფორმაში ჩადგა. ტელეწამყვანი სხვადასხვა პერიოდში დიეტებით ებრძოდა ჭარბ წონას, თუმცა ზედმეტი კილოგრამების დაკლებასთან ერთად, მიღებული შედეგის შენარჩუნება არანაკლებ მნიშვნელოვანია.
2 კომენტარი
"დედამ ტელეფონში მითხრა, ჟენია დავკარგეთო და ყურმილიც გაითიშა... ისინი იღუპებოდნენ და მე ვერ ვუშველე"

25 მარტი მეორეკლასელი დარინასთვის ერთ-ერთი ლამაზი დღე უნდა ყოფილიყო, რომელსაც მეგობრის დაბადების დღეზე გასართობ ცენტრში გაატარებდა, თუმცა ყველაფერი ტრაგედიით დასრულდა... სავაჭრო-გასართობ ცენტრში მოულოდნელად ხანძარი გაჩნდა, შედეგად უამრავი ადამიანი დაიღუპა და მძიმედ დაშავდა.

0 კომენტარი
სახსრებში მამტვრევს. ალბათ ბედნიერების ნიშანია.
LIFE
უსინათლო ფეხბურთელთა პრობლემები და სპორტის მინისტრის შანსი
ახლახან სრულიად შემთხვევით გავიგე, რომ უსინათლო ბიჭები ფეხბურთს თამაშობენ და რომ ამ ჩემთვის სრულიად უცნობ სპორტის სახეობას ქართველი ახალგაზრდებიც მისდევენ.
0 კომენტარი
"თამარ მეფე იალბუზზე ცხოვრობდა" - ეროვნული გამოცდების "სალაღობო მაგალითები"
"ტარიელმა თავისი საცოლის საქმრო მოკლა და თვითონ ვეფხვის ტყავი ჩაიცვა, რომ მტერს ვეღარ ეცნო"
6 კომენტარი
მეფუტკრე გოგონა თონეთიდან
"მთვრალი ფუტკრები მეზობელ სკებს დაერევიან, მთელ თაფლს შენკენ გამოზიდავენო"
6 კომენტარი