კნეინა ელისაბედ წერეთელი
font-large font-small
კნეინა ელისაბედ წერეთელი
სიტყვა "მშვენიერი" თანაბარწილად ესადაგება ელისაბედ წერეთლის ფიზიკურ და სულიერ ცხოვრებას.
საწერეთლოში ყველაზე გავლენიანი თავადი ელისაბედ წერეთელი გახლდათ და მაინც, ამ თითქოს ეტალონად ქცეული ქართველი ქალის მთავარი მახასიათებლები ის მადლიანი საქმეებია, რომლითაც მთელი მისი ცხოვრება იყო გაჯერებული.

იმდროინდელ საწერეთლოში არ არსებობდა პირადი თუ საზოგადოებრივი პრობლემა, რომ მისი მოგვარებისთვის პირველს არ ებრძოლა თავგანწირვით, წერეთლიანთ "ოთარაანთ ქვრივს" - ელისაბედს.

ელისაბედ წერეთლის ინიციატივით საჩხერეში 1909 წელს გაიხსნა ქალთა ორწლიანი სასწავლებელი. სწავლის მსურველ 40 ახალგაზრდას სწორედ მან დაუთმო საკუთარი სახლის პირველი სართული; არც მოსწავლეებს ახდევინებდა სწავლის საფასურს და მასწავლებლებსაც თვითონ აძლევდა გასამრჯელოს.

GzaPressსაზოგადოებამ საჩხერეში ეკლესიის აშენება მოითხოვა და ელისაბედმა, სასამართლოს ჩინოვნიკ ფილიპე მგალობლიშვილთან ერთად, ქუდზე კაცს უხმო, შემოწირულობების შესაგროვებლად. ყველაზე დიდი შემოწირულობა, იმ დროისათვის ზღაპრული თანხა - 1.300 მანეთი მიხეილ, პეტრე და ლევან ალექსანდრეს ძემ და ელისაბედ გიორგის ასულმა წერეთლებმა გაიღეს. დღესაც არსებობს ელისაბედ წერეთლის ფრესკა საჩხერის წმინდა ნინოს სახელობის საკათედრო ტაძარში.

ელისაბედის სახელს უკავშირდება საჩხერეში პირველი ბიბლიოთეკა-სამკითხველო, კლუბი, თეატრალური საზოგადოების ჩამოყალიბება, საავადმყოფო, მდინარე ყვირილაზე ხის ხიდის მშენებლობა, ვიწროლიანდაგიანი რკინიგზა და დღესაც შესანიშნავი კულტურის ძეგლი - რკინიგზის სადგურის შენობა, "პოლიტიკური დამნაშავეების" (ივანე გომართელი და სხვა) გათავისუფლება.

აი, უმცირესი ჩამონათვალი იმ დიდი საქველმოქმედო ნუსხიდან, რომელიც ქედუხრელი ელისაბედის ნამოქმედარია! მე შენ გეტყვი და, მისი დასაბუთებული არგუმენტების წინაშე ბავშვივით დამყოლები არ ხდებოდნენ იმდროინდელი მაღალი რანგის ჩინოვნიკები.

ვინ იცის, რამდენი ნიჭიერი ადამიანი შეუფარებია თავისი კალთის ქვეშ და გზა მიუცია.

როგორც ქალბატონი ელისაბედის შვილობილი, სონია წერეთელი-ავალიშვილისა იგონებს, თვით გალაკტიონსაც კი მოსცხებია მისი ქველმოქმედების მადლი: სოლიდური თანხით დაუსაჩუქრებია, სასახლეში შემთხვევით მისული, შემდგომში ვეებერთელა პოეტი.

უანგაროდ, უმწიკვლოდ, ყოველდღიურად, უშურველად მადლის გამცემმა ელისაბედმა ტრაგიკულად დაასრულა სიცოცხლე: საქართველოს გასაბჭოების შემდეგ ქონება ჩამოართვეს, თვითონ კი თბილისში, ნესტიან სარდაფში ცხოვრობდა, სიდუხჭირეში. 1942 წლის 4 იანვარს, 85 წლის ასაკში, საავადმყოფოში გარდაიცვალა, იქიდანვე გამოასვენეს და დაკრძალეს ვერის სასაფლაოზე.
მარიამ ჯაფარიძე
ბეჭდვაელფოსტა
კომენტარები (3)
27.02.2016
სვიმონ წერეთელი ჩემი მეუღლის ბაბუა გახლდათ, გლეხებს ისე უყვარდათ, რომ 1937 ში სიკვდილს გადამალვით გადაარჩინეს...
მანანა წერეთელი
25.02.2015
საჩხერის წმინდა ნინოს სახელობის საკათედრო ტაძარის მშენებლობისთვის დიდი თანხა გაიღეს ძმებმა , გიორგი და სიმონ დავითის ძე წერეთლებმა .
თომა რუხაძე
ამ კატეგორიის სხვა სიახლეები
რატომ იწვევს დომენიკ მანგო ნანუკა ჟორჟოლიანს დებატებში
კომპოზიციის დასრულების შემდეგ ყველა გარს ეხვეოდა და ალაგ-ალაგ ვახერხებდი მის დამარტოხელებას
შემოქმედი, რომლის ნაწარმოებების მიხედვით სკოლებსა და საბავშვო ბაღებში წარმოდგენები იმართებოდა
შვილებისთვის შენარჩუნებული მშობლიური ტრადიციები
"20 ბავშვი გაცვლითი პროგრამით უნდა წაგვეყვანა საქართველოში"
"ყველაზე მეტად თქვენი სითბო, ზრუნვა და სიყვარული სჭირდებათ"
"ღირებულებები გადაეცემა თაობიდან თაობას"
"სადაც უცხოვრია თუ უმუშავია, ყველგან ვაზი აქვს დარგული"
რამდენი დაცვითი მექანიზმი ჰქონდა სახელმწიფოს, რომ ანტისაბჭოთა ტექსტი არ გაპარულიყო
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2451 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი