მიტოვებულები და... გამეტებულები...
font-large font-small
მიტოვებულები და... გამეტებულები...
ცოტა ხნის წინ ახლობელი გარდამეცვალა. საცოდავი, ჯერ ორმოცი წლისაც არ იყო. თავის დროზე ფიზიკა-მათემატიკური სკოლა დაამთავრა და დიდ მომავალსაც უწინასწარმეტყველებდნენ უნიჭიერეს ფიზიკოსს, მაგრამ...
ჩვენს ქვეყანაში ვისი ცოდნა და შესაძლებლობები დაუფასებიათ და გამოუყენებიათ, მისი რომ გამოეყენებინათ?!

საზღვარგარეთ გადაწყვიტა წასვლა და არც ამაში გაუმართლა: რეკომენდაციები საქართველოდან იყო გასაცემი და მის ნაცვლად ის გაუშვეს, ვისაც გავლენიანი პატრონი და მფარველი აღმოაჩნდა...

დედამაც კი ვერ გაუგო ბოლომდე და პირველმა მან ჩაიქნია ხელი:
- შენ რომ გიყუროთ და გელოდოთ, მთლად დაგვექცევა ოჯახი. ისევ მე უნდა ვიმარჯვო და წავიდე საზღვარგარეთ, რომ შენს შვილებს ლუკმაპური მაინც არ მოაკლდეთო...

დედა საბერძნეთში წავიდა და მალე ქალიშვილებიც წაიყვანა. ლადოს (სახელი გასაგები მიზეზით შევცვალე) ფულს კი უგზავნიდნენ, მაგრამ არც მწარე შენიშვნებს აკლებდნენ:
- ხომ არ გგონია, ხეზე ისხამს აქ ევროებს, წელში ვართ გაწყვეტილები უმძიმესი შრომით და შენმა დებმა საკუთარ მომავალზეც ხომ უნდა იზრუნონ? შენი შვილები უკვე წამოიზარდნენ. მეტს მაინც არაფერს აკეთებ და მათ მოუარე, ცოლი კი გამოუშვი და დავასაქმებთ. დროა დამოუკიდებლად არჩინოთ ოჯახი, ჩვენ მეტი აღარ შეგვიძლიაო...

ლადო ცოლის გაშვების სასტიკი წინააღმდეგი იყო და სულ დაივიწყა თავისი წითელი დიპლომი და ფიზიკოსობა. ყველანაირ სამუშაოზე თანახმა იყო, ოღონდ ოჯახი არ დანგრეოდა და ქალი, რომელიც ჯერ კიდევ სკოლის მერხიდან უყვარდა, მისგან შორს არ ყოფილიყო... ხან ღამის დარაჯად იმუშავა და ხანაც - შავ მუშად, მშენებლობაზე, მაგრამ აღებული ფული ერთი კვირაც არ ჰყოფნიდათ და სულ უფრო გახშირდა ჩხუბი და კამათი ლადოს ოჯახში. ბოლოს ცოლმა ბავშვებს ხელი დაავლო და სოფელში ჩაუყვანა თავის მშობლებს, თავად კი დედამთილთან და მულებთან გაიპარა. სხვანაირად ვერ წავიდოდა, ქმრისგან ნებართვას არ ეღირსებოდა...

- რადგან ეს იკადრე, შეგიძლია, აღარც დაბრუნდე! - შეუთვალა "მოღალატე" ცოლს გულმოკლულმა კაცმა და არც მან დაიხია უკან: არც რამე მესაქმება შენნაირ უხეიროსთანო... ინტერნეტითაც აღარ ეურთიერთობებოდნენ ერთმანეთს და მონატრებას რომ ვეღარ გაუძლო, ლადო სასმელს მიეძალა. ხშირად შემხვედრია ქუჩაში მობანცალე და ერთხელ გავუბედე კიდეც: თავს რატომ იღუპავ-მეთქი? მას შემდეგ გამირბოდა, თვალს მარიდებდა...

სასმელმა ღვიძლი დაუზიანა და მკურნალობაც არ მიიყვანა ბოლომდე, რადგან სასმელის გარეშე ვერ გაძლო და ალბათ, სიცოცხლეც აღარ სურდა - ცხოვრებასთან ჭიდილში დამარცხებულსა და ყველასგან მიტოვებულს. როცა გარდაიცვალა, მერე ალაპარაკდა ყველა: მონატრებამ მიიყვანა ამ დონემდე, მარტოობას ვერ გაუძლო - ცოლიც სიგიჟემდე ენატრებოდა და შვილებიცო... დედას და დებსაც ამტყუნებდნენ: ავადმყოფიც კი არ დაინდეს და ერთიც არ ჩამოვიდა, მძიმე წუთებში მის გვერდით რომ ყოფილიყოო... მეზობლებმა ნახეს უკვე გარდაცვლილი და ვინ იცის, ვის ან რას ნატრობდა სიკვდილის წინ?!

...ვიცი, მძიმეა წასაკითხად ის, რაზეც ახლა ვწერ, მაგრამ არც უთქმელობა იქნება. ჩვენ ბევრს ვწერთ და ვლაპარაკობთ საზღვარგარეთ ოჯახების გადასარჩენად სამუშაოდ წასული ქალების უმძიმეს ყოფასა და მდგომარეობაზე, მაგრამ არაფერს ვამბობთ საქართველოში "უპატრონოდ" დარჩენილ მამაკაცებზე. თუ დავწერთ და მხოლოდ ცუდს: როგორ ცხოვრობენ "უდარდელად" ცოლების გამოგზავნილი ფულით, მთელ დღეებს დომინოს თამაშსა და სმაში ატარებენ. ხდება უარესიც - როცა ცოლის გამოგზავნილი ფულით სხვა ქალს ანებივრებენ და საბოლოოდ, ცოლადაც კი ირთავენ, მაგრამ ასე ხომ კაცების ძალიან მცირე ნაწილი იქცევა. უმრავლესობა კი ბავშვივით უსუსური ხდება მიტოვებული და თავისებურად გამეტებული: ზოგი სასმელში ცდილობს უსაშველო დარდის ჩახრჩობას და თუ ასე არ მოიქცა, გულს იხეთქავს არშემდგარ ცხოვრებაზე დარდით. ცოტა ხნის წინ ერთმა კარდიოლოგმა მითხრა: ინფარქტების რაოდენობამ ოცდაათ წელს გადაცილებული მამაკაცების ხარჯზე იმატა და სიკვდილიანობაც გახშირდა. ასეთი კაცების უმრავლესობას ცოლი არ ჰყავს გვერდით. კაცს მარტოობა განსაკუთრებით უჭირს და გამუდმებით შინაგან შფოთვას განიცდის, დეპრესია ეძალება, ეს კი გულის უპირველესი მტერიაო...

ალბათ მართალია ეს კარდიოლოგი. ბევრი ისეთი ფაქტის მომსწრე ვარ თავადაც, როცა პანაშვიდზე მისულს, გარდაცვლილის ჭირისუფლად არც ცოლი მინახავს და არც - დედა: უცხო ქვეყანაში არალეგალურად წასულებმა ჩამოსვლა ვერ შეძლესო და უარესი რაღა უნდა დაგვემართოს?!.
ინგა ჯაყელი
ბეჭდვაელფოსტა
კომენტარები (13)
21.06.2015
სხვა სხვის ომში ბრძენიაო-ხომ გაგიგიათ.ასე რომ ნურავის განიკითხავთ.
ანნ
07.05.2015
შენ ეტყობა არ გინახავს მშიერი და სიცივისგან დალურჯებული შვილების თვალები.იმიტომ ყბედობ ბევრს
777-ს
05.05.2015
სოფო არც ემიგრანტი მყავს არც ერთს ვამართლებ არც მეორეს,, მაგრამ შე ყლექალა ქართველ მამაკაცებს რომ მყრალებს და ლოთებს უწოდებ ალბათ სენ გარემოცვაშI არიან მასეთი მყრალები,, შე აქოთებულო დაბოღმილო ყლექალა.. დარწმუნებული ვარ 3 ლარის ნაცვლად მთელ ოჯახს გაყიდი არ გჯერათ ჩემი კითხეთ ფსიქოლოგებს შენნაირ ადამიანებზე,,
სოფო შენ პასუხად
05.05.2015
საბრალო, საცოდავი, უსუსური და უუნარო ქართველი კაცები!!! საწყლებმა რა ჰქნან?! მათ ხომ ლოთობის, ქალის ცემის და საკუთარ დედაზე გინების მეტი არაფერი იციან. როგორ შემეცოდაააააააააააააააააააააააააააააააა
სოფო
05.05.2015
სხვა სხვის ომში ბრძენიაო ნათქვამია.... ორივე მხარეა დამნაშავე... თუმცა საბოლოოდ მაინც კაცებს სუსტი ნებისყოფა აქვთ :(
ანი
05.05.2015
საცოდავი კაცები არა?! იმის მაგივრად, რომ აზრზე მოვიდნენ და ცოტა მხარში ამოუდგნენ ცოლს და ოჯახს, დგანან და ლოთობენ. ეგ კაციც ლოთობამ მოკლა. ეს ახალი ტენდენცია გინდათ დაამკვიდროთ არა?! უუნაროები არიან ქართველი კაცები. ლოთები და მყრალები (როგორც სულით ისე ფიზიოლოგიურადაც). საწყალი კაცი მიატოვეს და დარდს ვერ გაუძლო არა? თქვენ გყავდეთ ეგეთი ბედოვლათები.
სოფო
04.05.2015
ასეთია ცხოვრება, მგელი უნდა იყო, საწყალის და სუსტის ადგილი არაა ამ ქვეყანაზე. ქალებმა რამდენს გაუძლონ. მე ქედს ვიხრი ქართველი ქალის წინაშე, უკვე რამდენი ათეული წელია თავის თავზე აიღეს ოჯახების გადარჩენის მისია და წარმატებით ართმევენ თავს, აქაც და იქ უცხო ქვეყანაში და ვინ იცის რა ტანჯვის ფასად.ქალია ძლიერი სქესი და არა მამაკაცი.
გამგები
03.05.2015
yvelaze didi damnashave dedaaa radgan deda ojaxis deda- bocia da man es misia ver sheasrula radgan calian evropuli gamxdara neta vistvis shromobda?
nazi
03.05.2015
რა უნდა ქნას ქალმა როცა ქმარი არ მუსაობს და ვერ არცენს ოჯახს.კაცი წავიდეს საზყვარგარეტ და იქ კაცის სამუსაოს სოვნა დსნელია,ან ის გაიცენს იქ ვინმე სხვას და ოჯახი და ცვილები აგარ ახსოვტ,დედა კი სულ სხვაა,სვილებს არაფერს მოაკლებს ყველანაირი გაცირვების მიუხედავად
ნანა
02.05.2015
777-ს არ ვიცი ვინ ხარ და რა მდგომარეობა გაქვს საქართველოში,მაგრამ მშიერი შვილების ყურება როგორია,ჯერ ამაზე იფიქრე! რა მექნა აბა? როცა მომეცა შტატებში წასვლის შანსი,წავედი და ახლა ის მაინც ვიცი,რომ ჩემი შვილები სხვის შვილებს მშიერი თვალებით არ უყურებენ! ჩვენ,ემიგრანტებს რომ გვაკლია ჩვენს შვილებთან ჩახუტება და მოფერება,ისევ ემიგრანტი გაგვიგებს,სხვა ვერა! მეც მინდოდა და ახლაც მინდა ჩემს სახლში ყოფნა,მაგრამ.... ჯერ თეთრი მელას კასტა ვერ გაძღა ჩვენი სისხლით,მერე ამ საეჭვო წარმომავლობის მიშა და მისი ხროვა ვერა და ვერ გავაძღეთ,ახლა ახლები გვყავს გამოსაკვები და ვიღას აქვს ჩვენი დარდი :( ახლა ახალი უბედურება გველოდება-ისევ ამ შიზოფრენიკი მიშას და მისი შპანას დაბრუნებას გეგმავენ მათლად დიდი ბოსებიო და ხომ მთლად დავიღუპეთ! ისედაც წითელ წიგნში გაგვხადა მაგ ქართველთყლაპია შიზიკამ და მერე ხომ სულ ბოლოს მოგვიღებს.რაც დავრჩით,იმათაც მონათა ბაზარზე გაგვიყვანს და სათითაოდ გაგვყიდის :( ზოგ ტუტრუცანას ის უხარია,ფასადები შეგვიღებაო.ქართველებს რომ დედა გვიტირა,იმას აღარ ხედავენ.
დეა
კომენტარი, რომელიც შეიცავს უხამსობას, დისკრედიტაციას, შეურაცხყოფას, ძალადობისკენ მოწოდებას, სიძულვილის ენას, კომერციული ხასიათის რეკლამას, წაიშლება საიტის ადმინისტრაციის მიერ.
ამ კატეგორიის სხვა სიახლეები
მარკუს მეტრეველის გულახდილი ინტერვიუ
ინტერვიუ კარანტინში მყოფ ჟურნალისტთან
"ბევრი უსინათლო ადამიანი კარგად რეალიზებულია"
"გაზრდილია როგორც ძაღლის ჯიშების მრავალფეროვნება, ისე მათ მიმართ ინტერესი"
რა საწამლავს გვაწვდიან ქართველებს - ბექა ქურხულის თვალით დანახული რეალობა
რას ჰყვება უმცროსი ჯაბა ბაბუასა და "მხედრიონზე"
წაიკითხა ყველაფერი ამ დაავადების შესახებ და მაინც მხნედ არის
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2536 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2450 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი