ემიგრანტის ჩანაწერები
font-large font-small
ემიგრანტის ჩანაწერები
ქვეყნიერების დასასრულისგან უფალმა დაგვიფაროს, მაგრამ ყოველი თვის დასასრული რომ ჩემი ხელფასის აღსასრულია, ამას უკვე წვეთი წყალიც არ გაუვა! ახლა ბინის ქირაზე, რომელსაც ხელფასის დიდი "ნაჭერი" მიაქვს, აღარ ვილაპარაკებ და პირდაპირ გადასახადებზე გადავალ:
თვის ბოლოს ჩემი პატარა საფოსტო ყუთი თეთრი და "პუტკუნა-პუტკუნა" წერილებით რომ ივსება, გული მიღონდება!.. "პუტკუნა-პუტკუნა" რატომ არის კონვერტები? - შუქის, წყლის, გაზის, გათბობის, დასუფთავების, ბანკის (ალბათ მალე - ჰაერის) გადასახადებს 7-8 ახსნა-განმარტებითი ფურცელი მაინც მოჰყვება - თითქოს მხოლოდ გადასახდელი ციფრი საკმარისი არ იყოს მიკროინფარქტის მისაღებად!.. თან, ამ 7-8 ფურცლის გამოგზავნის თანხა გადასახდელ თანხას ემატება!.. უკაცრავად კი ვარ, მაგრამ აღარ მინდა ეს თქვენი ახსნა-განმარტებები, ბატონო!..

ამბობენ, ცოდვა გამხელილი სჯობსო!.. მეც გადავწყვიტე, საქვეყნოდ ვაღიარო ჩემი ცოდვა (ეგებ გულზე მომეშვას): უკვე მთელი ათეული წელია, ერთ სავალდებულო გადასახადს არ ვიხდი - ეს არის იტალიის ტელევიზიის პირველი არხის გადასახადი. რა ვქნა, ორგანულად ვერ ვიტან პირველ არხს (ალბათ, ფასიანი რომ არის, იმიტომ) და არც ვუყურებ. ისინი კიდევ, ამბობენ, - ტელევიზორი ხომ გაქვს და გვიყურებ თუ არა, არ გვაინტერესებს, მაინც უნდა გადაგვიხადოო!.. არ არიან ახლა, "უკაცრავად პასუხის" ღირსი?!.

ერთხელ, ერთმა დალოცვილმა ადამიანმა მირჩია, - არ შეცდე და ერთხელ არ გადაიხადო, თორემ მერე აღარ მოგეშვებიანო!.. არ შევმცდარვარ, ბატონო, მაგრამ ვინ მეშვება?! რეგულარულად მოდის და ყოველი წლის ბოლოს კონვერტი უფრო "პუტკუნა" ხდება! მეც რეგურალურად, გაუხსნელად (გულს რომ ჯავრი არ მივუმატო) გადავუძახებ სანაგვე ყუთში და გამომგზავნსა და მის სისხლით ნათესავებს "დიდი სიყვარულითა და რუდუნებით" მოვიკითხავ ხოლმე!

მაგრამ ვაითუ, ერთ დღეს "ამოხიკონ" ყველა, დააჯამონ, დაამატონ ამდენი წლის გადაუხდელობის ჯარიმა და "პოდნოსზე" დადებული კონვერტით მომართვან!!! არადა, მაგის გადამხდელი ვარ ახლა მე? როგორც იტალიელები ამბობენ, ფეხითაც რომ დამკიდონ, ერთი ევროც არ გადმომივარდება!.. ერთი გამოსავალი რჩება ალბათ: გადამპარსავენ თავს და ჩამაცმევენ ზოლიან პიჟამას! მაგრამ გავიგე, თურმე იქ, "შორეულში" ყველაფერი უფასოა: გაზი, წყალი, გათბობა, ჭამა-სმა, ჩაცმა; არ მუშაობ, ფსიქოლოგიც თავს გევლება და გიწყნარებს ცხოვრებისგან აწეწილ ნერვებს!.. არანაირი ბინის ქირა, არანაირი გადასახადის "პუტკუნა" კონვერტები და პლუს, უფასოდ გაყურებინებენ პირველ არხს!..

ახლა, ეს რომ დავწერე და მერე ჩემი ნაწერი გადავიკითხე, ერთი "ბრძნული აზრი" მომივიდა თავში: მგონი, დროა, გადაუხდელი ქვითრები მე თვითონ მოვძებნო ნაგვის ყუთში, დავაჯამო, გადაუხდელობის გამო ჯარიმაც გამოვუწერო საკუთარ თავს, მივიდე და ხელებაწეული ჩავბარდე მართლმსაჯულებას...

P.S. წელს ჩემს დაბადების დღეს, დილაუთენია, ფოსტალიონმა დაზღვეული წერილი მომიტანა! სიხარულისგან მუხლი მომეკვეთა, თვალზე ბედნიერების კურცხალი მომადგა, ხელები ამიკანკალდა და ლამის, გული შემიღონდა: ნეტავ, ვის ვახსოვარ და ვის ვუყვარვარ ასე, რომ ჩემზე ფიქრსა და წერილის წერაში ღამეს ათენებს-მეთქი?.. ფოსტალიონს სამახარობლო ორევროიანი ავაკარი შუბლზე!.. ღელვით გავხსენი დაა... საგადასახადო მილოცავდა დაბადების დღეს!!!

თითქოს, ცივი შხაპი გადამასხეს! გამოვფხიზლდი და თვალწინ წარმომიდგა ის ჟესტი, შეიარაღებულ განგსტერს (ამ შემთხვევაში - საგადასახადოს აგენტს) ორი თითი რომ მიაქვს საკუთარ თვალებთან, მერე შენ რომ მოგიშვერს იმ ორ "გაპარჭყულ" თითს და ამით გეუბნება: გაკონტროლებ და ჩემი მხედველობის არეს ვერ გაექცევიო!..

წერილში მოკლედ, კონკრეტულად და ყოველგვარი ახსნა-განმარტებითი ბარათის გარეშე ეწერა: "გილოცავთ დაბადების დღეს! გისურვებთ ჯანმრთელობას, მხნეობას და თქვენი მოქალაქეობრივი მოვალეობების პირნათლად შესრულებას! გულთბილი მოკითხვა! სა-გა-და-სა-ხა-დო".
ლია უკლება
ბეჭდვაელფოსტა
კომენტარები (4)
24.05.2015
diax italiashi ixdeba televizoris puli da pirveli arxi anu rai 1 signor berluskonis ekutvnis
nina
22.05.2015
მართალია ახლა უკვე ითხოვენ როცა პატრონი ნაგავია.ყველა არ მაგრამ იხდიან გოგოები ვისაც სამსახურის შენარჩუნება უნდათ ქვითრებს ურნაშიც ისვრიან მაგრამ ჯერ არავის მოსვლია ჯარიმა.პატრონზეა დამოკიდებული.ასე რომ გასაკვირი არაფერია აქ ყველაფერი ხდება.ამათთან კი სამადლობელი არაფერი გვაქვს ვმუშაობთ და ხელფასს ვიღებთ არავინ არაფერს გვჩუქნის.
ნელი
ამ კატეგორიის სხვა სიახლეები
პანდემია, ეკონომიკური კრიზისი და ვაქცინა - ასტროლოგის თვალით დანახული სამყარო
იყვნენ თუ არა ჩვენი წინაპრები უნაკლოები?..
რა ისწავლა საკუთარ შეცდომებზე თათა გიორგობიანმა
ძველად ყველა დედა უმღეროდა შვილს "იავნანას", ახლაც ასე უნდა იყოს
დილას 6-საათიანი ლოცვით ვიწყებ და მას მერე სულ ვმუშაობ
აუცილებლად ჩამოვიყვან საქართველოში, ხომ უნდა გაიცნონ რძალი
მეგობრობდნენ თუ არა ცეკას ბიუროს წევრების ცოლები
როგორ მოიწვია ვახტანგ ჭაბუკიანმა ვერა წიგნაძე თბილისში
რაც ონლაინგაკვეთილების ჩატარება დავიწყე, უამრავმა ბავშვმა შემიყვარა
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2451 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი