უცხოეთში გადახვეწილთა იმედად...
font-large font-small
უცხოეთში გადახვეწილთა იმედად...
მას შემდეგ, რაც მოსახლეობის ახალი აღწერის წინასწარ მონაცემებს გავეცანი და გავიგე, რომ ბოლო სამ-ოთხ წელიწადში შვიდასი ათას ადამიანზე მეტი წასულა საქართველოდან, მოსვენება დავკარგე.
სხვამაც რომ არ მითხრას, ბრმა ხომ არა ვარ და თავადაც სულ უფრო და უფრო ხშირად მესმის ხან სამეგობროში, ხანაც - სანათესავოში, რომ სამწუხაროდ, ისევ უცხოეთში გამგზავრებაში ხედავენ ადამიანები გამოსავალს.
ოცდაათი გამოკითხულიდან მხოლოდ ხუთმა მითხრა, რომ მისი ოჯახიდან ჯერ არავინ წასულა საზღვარგარეთ სამუშაოდ და ამ ხუთიდან სამი ამის გამო ძალიან წუხს, რადგან უკიდურეს გაჭირვებაში ცხოვრობს...

მანონი წაქაძე, 42 წლის, პედაგოგი:

- ჩემი ქმარი სეზონურ სამუშაოზე დადის თურქეთში და ბოლო ორი წელიწადია, ჩვენი ოცი წლის ვაჟიც მიჰყვება ხოლმე. ბევრს ვერ შოულობენ, მაგრამ ამის გარეშე მთლად დაგვექცეოდა ოჯახი, რადგან ყველანი უმუშევრები ვართ და საპენსიო ასაკამდეც ბევრი გვიკლია ჯერ. სამი წლის წინ მეც მომიხდა სკოლიდან წამოსვლა. რუსული ენის პედაგოგი ვარ და ისე შეამცირეს საათები, რომ ხელფასი გზის ფულადაც აღარ მეყოფოდა. ვზივარ ახლა სახლში და შვილიშვილებს ვუვლი.

მირზა სულამანიძე, 52 წლის, დროებით უმუშევარი:

- ინჟინერი ვარ, მაგრამ სამუშაოს შოვნაზე კარგა ხანია, აღარც ვოცნებობ. ჩემი მეუღლე რვა წელიწადია, საბერძნეთშია. გაუმართლა და კარგ ოჯახში მოხვდა: არც ხელფასს უგვიანებენ და საჩუქრებსაც "უკეთებენ", რადგან მართლა ერთგულად უვლის ქალს, რომელსაც დამოუკიდებლად ჭამაც არ შეუძლია, დამბლის გამო. მძიმე სამუშაოს შესრულება უხდება და ყველა ძვალი მტკივაო, - შემომჩივის, როცა ვურეკავ. აბა, როგორია ჩაწოლილი ავადმყოფის აწევ-დაწევა?! არადა, ვერც სახლში დაბრუნებაზე იფიქრებს ჯერ. ცერებრალური დამბლით დაავადებული ცხრამეტი წლის ქალიშვილი გვყავს, რომლის მკურნალობა ძვირი ჯდება და დედამისი რომ არ წასულიყო საზღვარგარეთ, ვერც იცოცხლებდა ალბათ ამდენ ხანს. ნინუცას მე და ჩემი ოცი წლის ქალიშვილი ვუვლით, რომელმაც სწავლის გაგრძელებაც ვერ შეძლო დის გამო...

ანა ბალავაძე, 78 წლის, პენსიონერი:

- ჩემი სამივე ქალიშვილი იტალიაშია და რამდენიმე წელიწადია, არ მინახავს. ოჯახებს ისინი არჩენენ: შინ შვილები, შვილიშვილები, უმუშევარი ქმრები ჰყავთ და დედ-მამასაც გვპატრონობენ. აბა, რა ქნან, პენსია წამლის ფულადაც არ გვყოფნის და სხვაც ხომ ბევრი რამ გვჭირდება?! მეშინია, რომ ისე მოვკვდები და გამასვენებენ, ვერც ერთი შვილი ვერ გამიწევს ჭირისუფლობას. არალეგალები არიან და ვერ მოახერხებენ ჩამოსვლას...

მერი თავაძე, 58 წლის, დიასახლისი:

- ჯერ რძალი წავიდა საბერძნეთში და მერე ჩემი ქალიშვილიც წაიყვანა. ღვთის მადლით, შემიძლია და შვილიშვილებს მე ვპატრონობ. ძალიან გვენატრება ოჯახის წევრები, მაგრამ ჯერ ვერ ჩამოვლენ: მათი დახმარების გარეშე საჭმელსაც ვერ ვაჭმევდით ბავშვებს...

ვალიდა დოლიძე, 43 წლის, გარემოვაჭრე:

- ჩემი დები წავიდნენ და მეც მირჩევენ, საბერძნეთში ჩამოდიო, რადგან მთელი დღე ქუჩაში მიწევს ვაჭრობა და დები რომ არ მეხმარებოდნენ ზოგჯერ, მაინც მშივრები მეყოლებოდა შვილები - 15 და 12 წლის გოგონები მყავს. ქვრივი ვარ და ვის დავუტოვო შვილები? ცოტა რომ წამოიზრდებიან, ალბათ, მეც მომიწევს ქვეყნიდან წასვლა, რადგან აღარაფრის იმედი არ მაქვს. ყველა მთავრობამ მოგვატყუა და არავინ გააკეთა რამე ხალხის დასასაქმებლად. როგორმე თავად უნდა გადავირჩინოთ თავიც და ოჯახებიც!..

...აღარ გავაგრძელებ, რადგან ყველა რესპონდენტის ისტორია საოცრად ჰგავს ერთმანეთს - ისინი ხომ "ბედკრული საქართველოს" შვილები და რეალობის ამსახველი სარკეები არიან. ამ სარკეებში კი ხშირად უნდა ჩაიხედონ იმ ადამიანებმა, რომლებმაც ინებეს ქვეყნის სათავეში დგომა და თუ აქამდე არ გაუაზრებიათ, რომ ამ ხალხის სიცოცხლეზე პასუხისმგებლობაა მათი უპირველესი მოვალეობა, დროა, ახლა მაინც აჩქარდნენ და იმოქმედონ, ვიდრე ყველა არ გაქცეულა. ცუდია, რომ კიდევ ერთხელ მიხდება უბრალო ჭეშმარიტების შეხსენება - უხალხო ქვეყანა არ არსებობს, თორემ უმეფო ან უპრეზიდენტო - რამდენიც გინდათ...
ინგა ჯაყელი
ბეჭდვაელფოსტა
კომენტარები (2)
01.07.2015
ვაი შენნ ბედკრულო საქარტველოვ. საქარტველო გა ხარრ ახლაა ახლა საქურტველო და სათათრელო და საციგნელო ხარრ .სადღაა ქარტველი მანდ? მამლუქებივიტ გავხდით მსოპლიოში მოპანტულნნი
?????
30.06.2015
გადახვეწის პროცესი დღეს არ დაწყებულა, სამწუხაროდ. იგი 9O-იანი წლებიდან დაიწყო და აღარც შეწყვეტილა. შეწყდება კი ოდესმე? 'ჩემო სამშობლო მხარევ, მომეც ამის პასუხი!'(ილია) ესეც რომ ვერ მოეხერხებინა ხალხს, მართლა გავწყდებოდით. ჩემს სამეზობლოში გადავხედე ოჯახებს. ათი ოჯახიდან 8 ოჯახში ერთი გადახვეწილი მაინცაა, რომელიც დანარჩენებს ინახავს. და ეს (შენახვა)რა ჯოჯოხეთური ამტანობის ფასად ხდება, მხოლოდ უფალმა უწყის...... ყველა, მცირე გამონაკლისით, განადგურებული ჯანმრთელობით დაბრუნდება, თუ ეღირსათ დაბრუნება და უცხო მიწაზე არ აღმოხდათ სული.... შენდობა ჰქონოდეთ სამშობლოსგან შორს გარდაცვლილებს, რომელთა რიცხვი მცირე არაა. საწყენია, რომ ზოგი ტვინმრუდე ცინიზმით იხსენიებს გადახვეწილებს. მათ ვეტყოდი:ევროპელებს კარგი ხელფასები აქვთ, მაგრამ კიდევ უკეთესისთვის უკეთეს ქვეყნებში გადადიან სამუშაოდ და უშემოსავლო ქართველები როგორ უნდა განიკითხოს ვიმნმემ სადღაც გადახვეწის გამო?!
მეგი
ამ კატეგორიის სხვა სიახლეები
მარკუს მეტრეველის გულახდილი ინტერვიუ
ინტერვიუ კარანტინში მყოფ ჟურნალისტთან
"ბევრი უსინათლო ადამიანი კარგად რეალიზებულია"
"გაზრდილია როგორც ძაღლის ჯიშების მრავალფეროვნება, ისე მათ მიმართ ინტერესი"
რა საწამლავს გვაწვდიან ქართველებს - ბექა ქურხულის თვალით დანახული რეალობა
რას ჰყვება უმცროსი ჯაბა ბაბუასა და "მხედრიონზე"
წაიკითხა ყველაფერი ამ დაავადების შესახებ და მაინც მხნედ არის
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2536 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2450 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი