"ხელში აყვანილი მატარა ჩემმა ქმარმა ექიმებთან"
font-large font-small
"ხელში აყვანილი მატარა ჩემმა ქმარმა ექიმებთან"
"თურმე დედობა ყველაფერზე მეტი ყოფილა"


დიანა ჯიშიაშვილს, მსოფლიოს და ევროპის პრიზიორს ფარიკაობაში, 2 წლის წინ შევხვდი. 17 წლის ოცნებებით სავსე გოგო იყო, როდესაც უბედური შემთხვევის გამო საწოლს მიეჯაჭვა და მას შემდეგ უკვე 15 წელია, ეტლით მოსარგებლეა. შეხვედრისას მითხრა, ვოცნებობ, რომ დედა გავხდე და როგორც ექიმები მეუბნებიან, ეს ჩემს მდგომარეობაში შესაძლებელიაო.


"18 წელი საავადმყოფოში შემისრულდა. უმძიმეს მდგომარეობაში ვიყავი - კისრის მალები მქონდა ჩამტვრეული. არავის ეგონა, თუ გადავრჩებოდი, მშობლები ჩემი სიცოცხლის შენარჩუნებას ნატრობდნენ, ექიმებს კი იმედი არ ჰქონდათ, - ხომ ხედავთ, კვდება და სახლში წაიყვანეთო, ეუბნებოდნენ თურმე მამას. გადარჩენის შემთხვევაში გამორიცხავდნენ, რომ ოდესმე უკეთესად გავხდებოდი. ერთ-ერთ ექიმს, გოგი მაღალაშვილს შევცოდებივარ, რისთვისაც დღემდე მისი მადლობელი ვარ და უთქვამს: მოდი, გავრისკოთ და ოპერაციის გაკეთება ვცადოთო. შემდეგ, როდესაც ურთულესი ოპერაცია გადავიტანე და გადავრჩი, ჩემი ექიმი სიხარულისგან აღარ იყო, რომ მისმა ცდამ შედეგი გამოიღო და სიცოცხლე შემინარჩუნა! როცა ადამიანი ასეთი პრობლემების წინაშე აღმოჩნდება, სიცოცხლე ძალიან უნდა უყვარდეს, რომ ყველაფერს გაუმკლავდეს. მაშინ უფრო მეტად გიყვარს და აფასებ ყველაფერს, უფრო მეტი სწრაფვა გაქვს სიცოცხლისკენ, შანსი გეძლევა, რომ თავიდან დაიწყო ყველაფერი და ეს შანსი აუცილებლად უნდა გამოიყენო!" - ეს ნაწყვეტია ჩვენი მაშინდელი საუბრიდან. ამ 2 წელში დიანასთვის ბევრი სასიკეთო რამ მოხდა - 6 აგვისტოს ვაჟი, ანდრია შეეძინა, 20 დეკემბერს კი საქართველოს პარლამენტის აპარატის საქმის წარმოების დეპარტამენტში დაიწყებს მუშაობას. ამჯერად სწორედ ამ სიახლეებზე ვისაუბრეთ:
- პარლამენტს თვითონ მივმართე დასაქმების თხოვნით, ისევე, როგორც სხვა უწყებებს. დამიკავშირდნენ პარლამენტის თავმჯდომარის აპარატიდან და დამასაქმეს. მიხარია, რომ იქ შშმ პირებისთვის ადაპტირებული გარემოა და მუშაობა არ გამიჭირდება. ბევრი ხარჯი აქვს ეტლით მოსარგებლეს, ბავშვსაც უამრავი რამ სჭირდება, ამას სხვა პრობლემებიც ემატება, ასე რომ, მართლაც ძალიან მჭირდებოდა სამსახური. თან, ეს რამდენიმე თვეა, ჩემი მეუღლე სამსახურის გარეშე დარჩა და ვიდრე იშოვის, ანდრია მასთან იქნება. ისედაც, ის უვლის ძირითადად, მე რამდენიმე საათით მყავს ბავშვი, ანდრიასთვის დედაც არის და მამაც.
GzaPress- ანდრიაზე მითხარი, როგორი ბიჭია?
- როცა რაღაც ძალიან გინდა, აგიხდება კიდეც, სამყარო სარკისებურად უკან გიბრუნებს ყველაფერს. ხომ იცით, შვილი ყველასთვის განსაკუთრებულად კარგი და ლამაზია. ფეხმძიმობის დროს ნაყოფს არანაირი პრობლემა არ ჰქონდა. ამიტომაც სულ ვამბობდი, მაგარი ბიჭია-მეთქი. ბორბლებიანი დედიკოს მუცელში დახტოდა 7 თვე (იცინის); უნდოდა, თავისი დაბადებით ჩვენი გულები გაეხარებინა. ისიც მებრძოლია, გენებით გადავეცი ალბათ. სხვა რა გითხრათ, ჭკვიანი ბავშვია, უპრობლემო. მთავარია, რომ მყავს - ეს ჩემთვის უდიდესი სიხარული და მოტივაციაა, ცხოვრება სულ სხვანაირად გამიფერადდა. საკეისრო კვეთის დროს გული ხომ აჩქარებული მქონდა, მაგრამ მერე, ანდრია რომ დავინახე, საერთოდ მქონდა თუ არა, ვერ გეტყოდით. სიხარულისგან ცრემლები წამომივიდა. მეგონა, ძალიან პატარა იქნებოდა და მეშინოდა, პრობლება არ ჰქონოდა. თურმე დედობა ყველაფერზე მეტი ყოფილა. ახლა დედაჩემს კიდევ უფრო მეტად ვაფასებ, რადგან კარგად ვხვდები, რისი გადატანაც უწევდა შვილების გამო. სხვანაირად აღვიქვამ დედაშვილობას. ყოველ დილით თავის არსებობას იმით მახსენებს, რომ თვალებს ახელს და საჭმელს ითხოვს. ძალიან მსუნაგი არ არის, მაგრამ უყვარს ჭამა. 4 თვისაა და უკვე 5 კილოა, არადა, კილო და 750 გრამი გაჩნდა.
- დიანა, ორსულობის დროს რა დაბრკოლებები გქონდა?
- რა თქმა უნდა, ორსულობა გარკვეულ რისკთან იყო დაკავშირებული, მაგრამ მჯეროდა, რომ ყველაფერი კარგად დასრულდებოდა. ახლა რომც მოვკვდე, მგონია, მარადიულად ვიარსებებ, რაკი ჩემს ნაწილს ვტოვებ აქ. ამაზე უკეთესი გრძნობა არ არსებობს. რთული ორსულობა არ მქონდა, მაგრამ გართულებების თავიდან ასაცილებლად საკეისრო გამიკეთეს. ორსულობის დროს წნევა მივარდებოდა, სხვას არაფერს ვუჩიოდი. ხშირად ვიტარებდი გამოკვლევებსაც, მაგრამ სირთულეს მიქმნიდა არაადაპტირებული გარემო. ამხელა მუცლით, ხელში აყვანილი მატარა ჩემმა ქმარმა ექიმებთან. ვერც ერთ უფასო გამოკვლევას ვერ ვიტარებდი და კერძო კლინიკაში დავდიოდი. ჩემამდე იმ ტრავმითა და დაზიანებებით, რაც მე მქონდა, ბავშვი არავის გაუჩენია. ამიტომაც ყველას უკვირდა ჩემი ამბავი. სიმართლე გითხრათ, ზოგჯერ მეც არ მჯერა, რომ ნამდვილად ჩემი შვილია.
ნინო ჯავახიშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
ანუ რას გვაჭმევენ ჩვენი მეწარმეები
პოლიტიკოსი ქალბატონის ბელგიური წარმატება და გულის ამაჩუყებელი ინტერვიუ
80 წლის ქალბატონი, რომელიც ინფორმაციული ტექნოლოგიების შესახებ კითხულობს ლექციებს
ძლიერი, წარმატებული, გამოუსწორებელი ოპტიმისტი და ცოტათი ბუტია საპატარძლო
ბოლოს დროს სულ უფრო ხშირად იწერება იმის შესახებ, რომ სულ სხვანაირი, ე.წ. ინდიგო
ქვემო ქედი შირაქის ვაკეზე, ზღვის დონიდან 700 მეტრზე მდებარეობს, დედოფლისწყაროდან 41 კილომეტრით არის დაშორებული.
"ჩემს წარსულში ბევრი საინტერესო თავგადასავალია"
საახალწლო და საშობაო ტრადიციები საზღვრებს მიღმა
ზამთრის დადგომასთან ერთად, როგორც ყოველთვის, გრიპის ვირუსით დაავადებულთა რიცხვი იზრდება და წელსაც სეზონის ყველაზე აქტუალური თემა სწორედ ვირუსია.
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2534 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2656 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
7 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
5 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
3 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2213 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2448 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1207 კომენტარი