"დედის სიკვდილის გამო დანაშაულის შეგრძნება გახდა მიზეზი, ნარკოტიკს დავბრუნებოდი"
font-large font-small
"დედის სიკვდილის გამო დანაშაულის შეგრძნება გახდა მიზეზი, ნარკოტიკს დავბრუნებოდი"
"მსურს ვიქცე მაგალითად სხვა ნარკომომხმარებლებისთვის"

ქალბატონი, რომელმაც თავისი ამბის დღის შუქზე გამოტანა გადაწყვიტა, მკურნალობის ბოლო ეტაპზეა. მან გვარი იმ მიზეზით არ გაგვიმხილა, რომ სიმშვიდე სჭირდება, საზოგადოების მხრიდან აგრესიას ვერ გაუძლებს. მას მარინა ჰქვია. სურს იქცეს მაგალითად სხვა ნარკომომხმარებლებისთვის. იმის გამო, რომ საქართველოში რეაბილიტაციის კურსის გავლა გაუჭირდა, ესპანეთს, კერძოდ, ბარსელონას მიაშურა. რთული იყო მისი მოსმენა ემოციების გარეშე.


- სიბნელე, ქაოსი, ტკივილი, ცრემლები - ეს ყველაფერი ერთმანეთში ირევა, უფასურდება დღეები, სიყვარული, თანაგრძნობა და რეალობის შიში გეუფლება. გეშინია, შეებრძოლო სამყაროს, რომელიც ჭაობს ჰგავს, დღითი დღე იძირები, ჭაობი გითრევს და არავის შესწევს ძალა, გიხსნას. საშინელებაა, საკუთარ "მეს" კარგავ, გრიყავს საზოგადოება, ოჯახი, მეგობრები. შენი უღალატო მეგობარი სიბნელეა, რომელიც არ გტოვებს. უფრო მეტიც, მთლიანად ცდილობს გშთანთქოს, ნათელის აღქმის შეგრძნებას გართმევს. 19 წლის ვიყავი, როდესაც ანტიდეპრესანტების მოხმარება დავიწყე, ეს იყო ჩემი პირველი ნაბიჯი ჭაობისკენ. შემდეგ უფრო ძლიერ წამლებზე გადავედი და ნარკოდამოკიდებულად ისე გადავიქეცი, ვერც მივხვდი.
- გქონდათ გამოფხიზლების მცდელობა, არ ებრძოდით თავს?
- როგორ არა, 2 თვე ვიყავი ფხიზლად, შემდეგ დედა გულის ინფარქტით გარდაიცვალა, რაც დიდი დარტყმა იყო ჩემთვის, თავს ვიდანაშაულებდი. იმაზე ფიქრს, რომ დედა ჩემ გამო გარდაიცვალა, ვერ გავუძელი და ისევ ნარკოტიკებს დავუბრუნდი, მხოლოდ მასში ვხედავდი შველას.
- მინდა გკითხოთ, რა შეცდომას უშვებს ამ დროს ოჯახი ან საზოგადოება?
- ამ დროს დიდ შეცდომას უშვებს ოჯახიც და საზოგადოებაც. კონტროლი, ნდობის დაკარგვა, დისკრიმინაცია - ეს არის უდიდესი დანაშაული. მაშინ, როდესაც საზოგადოება უარგყოფს, ზღვისგან გარიყულ ნაფოტს ემსგავსები, გამოჯანმრთელების სურვილს კარგავ.
- რა გახდა თქვენი ემიგრაციის მიზეზი?
- ვიყავი ინიექციური ნარკოტიკის მომხმარებელი. დიდი ფიქრის შემდეგ გადავწყვიტე, რომ უნდა გამოვჯანმრთელდე და შევებრძოლო რეალობას. მაშინ მივიღე ევროპაში წამოსვლის გადაწყვეტილებაც. საჭირო იყო შორს ვყოფილიყავი იმ გარემოსგან, რომელიც აუცილებლად ჩამითრევდა. როდესაც ნარკომომხმარებელი ხარ, შენი წრეც ასეთივეა. ჯანმრთელი და საღად მოაზროვნე მეგობრები თითქმის აღარ გყავს.
გარდა ამისა, საქართველოში არ არის რესურსი, რომ ნარკომომხმარებელს დაეხმაროს რეაბილიტაციაში, ამ ქვეყანაში კი შეგიძლია ისარგებლო გამოჯანმრთელების სრული პროგრამით - ეს იქნება დეტოქსიკაცია, ჩანაცვლებითი პროგრამა, რეაბილიტაცია, პრევენცია და სხვა, ბოლო ეტაპი კი სემინარებია.
- ხართ თუ არა მზად საზოგადოებასთან შესახვედრად?
- დიახ, ჩვენ მზად ვართ მათთან შესახვედრად, თუ დახმარების ხელს გამოგვიწვდიან. საზოგადოებამ უნდა გაიგოს და გაითავისოს, რომ ავად ვართ; კრიმინალებად კი არა, დაავადებულ ადამიანებად უნდა მიგვიღონ. მე არ ვუწევ ნარკოტიკს პროპაგანდას, პირიქით, სწორედ იმიტომ გადავწყვიტე ჩემი ამბავი საჯარო გამეხადა, რომ მაგალითად ვიქცე სხვებისთვის. ქართველები თუ არ შეცვლიან მიდგომას ამ ადამიანების მიმართ, ეს პრობლემა ვერასდროს მოგვარდება. თქვენ ხომ არ რიყავთ არავის, თუ გაიგებთ, რომ შაქრიანი დიაბეტი ან სიმსივნე აქვს? ჩათვალეთ, რომ ესეც იმავენაირი დაავადებაა, უბრალოდ, ჩვენ უფრო მეტი სითბო გვჭირდება და დიდი დრო გამოჯანმრთელებისთვის.
- შეიძლება ითქვას, რომ უკვე სრულიად გამოჯანმრთელდით?
- ფაქტობრივად, სრულად გამოვჯანმრთელდი და ამისთვის ჩემს მეუღლეს დიდი მადლობა მინდა ვუთხრა. რომ არა მისი მხარდაჭერა და თანადგომა, მე ამ ეტაპამდე ვერ მოვიდოდი. მას ჩემთან ერთად სტკიოდა, ყველა ეტაპს ჩემთან ერთად გადიოდა და არც ერთხელ არ დავუტოვებივარ მარტო. როდესაც ჭამაც კი არ შემეძლო დამოუკიდებლად, ის თავისი ხელით მაჭმევდა. ყოველთვის მიმეორებდა: მარტო არ ხარ, შევძლებთ, ერთად დიდი ძალა ვართ და ამ დაბრკოლებას ერთად გავუძლებთო. ეს დიდი სტიმული იყო ჩემთვის და მისთვის იმედის გაცრუების უფლება არ მქონდა. მხოლოდ მან იწამა ჩემი და ვერ დავაღალატებდი. ამიტომაც მინდა ვთხოვო ყველას, ნუ ახდენენ ჩვენს დისკრიმინაციას. ჩვენ მხარდაჭერა და რეაბილიტაცია გვჭირდება, დაჯარიმება და პატიმრობა კი რეაბილიტაცია არ არის. არც ჩანაცვლებითი პროგრამაა ეფექტიანი და მისაღები, 10 წელი რომ მეტადონის პროგრამაზე არიან ნარკომომხმარებლები. ამით ვერავინ გამოჯანმრთელდება, პირიქით - მეტადონზე დამოკიდებულები ხდებიან. დღევანდელი ნარკოპოლიტიკა მათ პრობლემებს გაუათმაგებს და დღითი დღე ჩაიძირებიან ჭაობში. უბრალოდ, მიიღეთ ისინი ისე, როგორც ამას ევროპის ქვეყნები აკეთებენ. ნუ გაუჩენთ შეგრძნებას, რომ არ გჭირდებათ და უსარგებლოები არიან. იცოდეთ, თუ სიყვარულით მიიღებთ, აუცილებლად გადარჩებიან.
ფიქრია რობაქიძე
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
რა ემართება მოზარდს საკანში მოხვედრისას
რას სთხოვს საქართველოდან გაქცეული ტრანსგენდერი დედას
"ამერიკამ ბევრი მომცა, მაგრამ ჩემი "შინ" საქართველოა!"
"დაჰკარი დაფდაფებს, ჯერ ასე ძლიერად არავის უმღერია..."
ვახტანგ ჭაბუკიანის უცნაური და ცუდი შედარებები
"ნამუშევარს რესტავრაცია ჩაუტარეს და გაირკვა, რომ რაზმი ღამით კი არ გამოდიოდა, არამედ - მზიან დღეს"
რა შეიძლება ვისწავლოთ მტრისგან და როგორ გავამრავლოთ სიკეთე
"ეს იყო საოცარი სამყარო, სადაც შური და ბოროტება არ არსებობდა"
"ბედნიერება უნდა მოითმინო"...
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2450 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი