"არავინ შემიწუხებია, მშიოდა თუ მწყუროდა"...
font-large font-small
"არავინ შემიწუხებია, მშიოდა თუ მწყუროდა"...
გვეგონა, ვირუსი ჰქონდა და ექიმთან მივიყვანეთ

6 წლის დათო იგიტიანის მშობლები დღემდე თვითონ უმკლავდებოდნენ ყველა პრობლემას. დათოს ცერებრალური დამბლის დიაგნოზი 4 წლის წინ დაუსვეს. ჯანმრთელობის არაერთი პრობლემა აქვს, ოჯახი კი ქირით ცხოვრობს, სოციალური დახმარებისა და ბავშვის პენსიის იმედად.

რუზანა აკოფიანი, დათოს დედა:
- დათო სრულიად ჯანმრთელი დაიბადა. 3 თვის ასაკში გვეგონა, ვირუსი ჰქონდა და ექიმთან მივიყვანეთ. უმკურნალეს და ერთ კვირაში გამოგვწერეს, მაგრამ მალე კრუნჩხვები დაეწყო. ეს იყო 2014 წელს. ნეფროლოგთან მიყვანა გვირჩიეს - შეიძლება, თირკმელებზე ჰქონდეს პრობლემაო. ციციშვილის კლინიკაში, ქალბატონ მედეა ცანავასთან გავიარეთ კონსულტაცია. სწორედ მან იეჭვა მენინგიტზე. გაუკეთეს პუნქცია და ციტოზის ისეთი მაღალი მაჩვენებელი ჰქონდა, ყველას გაუკვირდა. ერთთვიანი მკურნალობის შემდეგ, დაუზუსტებელი ბაქტერიული მენინგიტის დიაგნოზით გამოვეწერეთ. გამოწერიდან ერთ კვირაში კი ბავშვი ისე ცუდად გახდა, თითქმის მკვდარი გადავიყვანეთ კლინიკაში. კვლავ გაუკეთეს პუნქცია და იმაზე მაღალი მაჩვენებელი ჰქონდა, ვიდრე წინა კვლევის დროს. 10 დღე გათიშული იწვა რეანიმაციაში. ექიმები ამბობდნენ, რომ გადარჩენის შანსი ნულის ტოლი ჰქონდა. დაეწყო ჰიდროცეფალია, სითხე რამდენჯერმე ამოუღეს თავიდან და ნელ-ნელა მდგომარეობიდან გამოვიდა. ერთი თვის თავზე, დაუზუსტებელ ბაქტერიულ მენინგიტთან ერთად, დასვეს ახალი დიაგნოზიც - კუპირებული ჰიდროცეფალია. ნევროლოგის დანიშნულებით, ფინლეფსინი უნდა ესვა, ანტიეპილეფსიური საშუალებაა. ვატყობდი, რომ ბავშვი 5 თვის ასაკის შესაბამისად არ ვითარდებოდა - ვერ ჯდებოდა, თავს ვერ იმაგრებდა... დავიწყეთ მასაჟები, მაგრამ მდგომარეობა უკეთესობისკენ არ იცვლებოდა. 2 წლისას ცერებრალური დამბლა დაუდგინდა. მაშინ არ ვიცოდი, რა იყო ეს დაავადება და როგორ უნდა მომევლო ბავშვისთვის, ჩემ გარშემო არავის ვიცნობდი მსგავსი პრობლემის მქონეს. გული მტკიოდა, რომ ჩემი შვილი სხვებისგან განსხვავდებოდა. მინდოდა, ჩვეულებრივი ბავშვივით ეცხოვრა. ამიტომაც ბაღში მიყვანა გადავწყვიტე. 66-ე საჯარო ბაღის დირექტორმა უარი არ გვითხრა, მიუხედავად იმისა, რომ დათო დამოუკიდებლად ვერ ჯდებოდა და ჭამაც უჭირდა. იმდენად კარგად მიიღეს ბავშვებმა, ვერ წარმოიდგენთ. თვითონაც ძალიან მოსწონდა მათთან ურთიერთობა.
ინტენსიური რეაბილიტაცია დავიწყეთ. ნეიროგანვითარების ცენტრში 4 წლამდე დამყავდა, მაგრამ შედეგი არ იყო - ეტლშიც კი ვერ ჯდებოდა. გვირჩიეს ბალნეოლოგიურ ცენტრში მასაჟებისა და ვარჯიშების კურსის გავლა. მისმა ატროფირებულმა კუნთებმა სხვა ფორმა მიიღო. შარშან ოქტომბერში მყესების ოპერაციაც გაიკეთა, მარჯვენა მხარე ნაინსულტარი ჰქონდა და ხელ-ფეხი მოკლე. ოპერაცია შედეგიანი აღმოჩნდა. დღემდე ვაგრძელებთ მასაჟებსა და ვარჯიშებს, დაგვყავს ცურვაზე, ახტალის ტალახით მკურნალობს. 3 წლიდან სახელმწიფო პროგრამაშია ჩართული. უფინანსდება 10 ვარჯიში, ლოგოპედსა და ონკოპაციურ თერაპევტთან 4-4 კონსულტაცია, მაგრამ ეს საკმარისი არ არის. დამატებითი რესურსების მოპოვებაზე გვიწევს ზრუნვა. სჭირდება მასაჟი, რომელიც 29 ლარი ღირს; გვიფინანსდება 250 ლარი, ამიტომ კურსს ვერ ვასრულებთ. მეუღლე "საპოჟნიკია" და ხან აქვს საქმე, ხან - არა. მე აეროპორტში დამლაგებლად ვმუშაობდი. ბაღში 1-2 საათით რომ ვტოვებდი, თუ ვინმეს სჭირდებოდა სახლის დალაგება ან სხვა საქმის კეთება, იქ გავრბოდი. ახლა ვეღარ ვტოვებ მარტოს: კრუნჩხვა რომ ემართება, შიშით ვერც დედაჩემი იტოვებს დიდხანს და ვერც ჩემი მეუღლე. არადა, რაც უფრო იზრდება, მეტი რამ სჭირდება. ჩვეულებრივი ეტლით ვერ სარგებლობს. ყიდვა რომ ვერ შევძელით, მეზობელმა "კალიასკა" გვათხოვა. ჭოჭინა ჩვენ თვითონ გავაკეთეთ პლასტმასის მილებით და მიხარია, რომ ოპერაციის შემდეგ ახერხებს გადაადგილებას, მუდმივად აღარ ზის.
უკვე რამდენიმე წელია, მხედველობის პრობლემაც შეექმნა. ვიდრე საშუალება გვქონდა, გამოკვლევებს ვუტარებდით, მაგრამ უმეტესობა ნარკოზით კეთდება და თანაც, მხოლოდ საზღვარგარეთ. თურქეთის კლინიკას მივმართეთ და მოვიდა პასუხი, რომ 8.000 დოლარი ღირს ოპერაცია, მხედველობა რომ აღუდგეს. ინვოისი კი გვაქვს, მაგრამ თანხის მოძიება დღემდე ვერ შევძელით...
რაც დავოჯახდით, ქირით ვცხოვრობთ. 250 ლარს ვიხდით ამჟამად. სოციალური დახმარება 240 ლარი მერიცხება. ეს არის ჩემი ძირითადი შემოსავალი და კიდევ, დათოს პენსია. ქირის თაობაზე მივმართეთ გამგეობას, მაგრამ უარი მივიღეთ. მერიაშიც შევიტანე განცხადება, ორჯერ გავიარე კომისია, მაგრამ დღემდე პასუხი არ მიმიღია. იქნებ პატარა ფართით მაინც დამაკმაყოფილონ, რომ ქირა მაინც არ მქონდეს სახდელი. წამლებიც ძალიან ძვირია, არადა შედეგი აქვს. მინდა, იმდენს მივაღწიო, რომ თუნდაც ჩემი დახმარებით ფეხზე დადგეს. ელექტროსტიმულაციებს კარგი შედეგი ჰქონდა, მოძრაობა გაუუმჯობესდა. 2.000 ლარი ჯდება, 500 ლარი ჯანდაცვის სამინისტრომ დამიფინანსა, დანარჩენი თანხა ვერ მოვაგროვე.
ძალიან მერიდება, ამაზე ლაპარაკი რომ მიწევს. სულ ვცდილობდი, ყველაფერი ჩემით გამეკეთებინა, არავინ შემიწუხებია, მშიოდა თუ მწყუროდა, მაგრამ მივხვდი - მას საკუთარი ძალებით ვეღარ ვშველი და დახმარება მჭირდება...
P.S. თუ ოჯახთან დაკავშირებას გადაწყვეტთ, დარეკეთ ტელეფონის ნომერზე: 5(79) 04.41.01.
ნინო ჯავახიშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"ის მორალურ პოლიციად ექცა ბავშვებს და დიდებსაც"
"კახეთში რამდენიმე წელიწადში სულ სხვა ცხოვრება იქნება"
რატომ იწვევს დომენიკ მანგო ნანუკა ჟორჟოლიანს დებატებში
კომპოზიციის დასრულების შემდეგ ყველა გარს ეხვეოდა და ალაგ-ალაგ ვახერხებდი მის დამარტოხელებას
შემოქმედი, რომლის ნაწარმოებების მიხედვით სკოლებსა და საბავშვო ბაღებში წარმოდგენები იმართებოდა
შვილებისთვის შენარჩუნებული მშობლიური ტრადიციები
"20 ბავშვი გაცვლითი პროგრამით უნდა წაგვეყვანა საქართველოში"
"ყველაზე მეტად თქვენი სითბო, ზრუნვა და სიყვარული სჭირდებათ"
"ღირებულებები გადაეცემა თაობიდან თაობას"
"სადაც უცხოვრია თუ უმუშავია, ყველგან ვაზი აქვს დარგული"
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2451 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი