ქალი, ვინც მთელი თავისი ცხოვრება ბალეტს მიუძღვნა
font-large font-small
ქალი, ვინც მთელი თავისი ცხოვრება ბალეტს მიუძღვნა
როგორ მოიწვია ვახტანგ ჭაბუკიანმა ვერა წიგნაძე თბილისში

სიფრიფანა, ჰაეროვანი, ფერია, ჰარმონიული... - მარადიულად ამგვარი ეპითეტებით აფასებდნენ ქალს, რომელმაც მთელი თავისი ცხოვრება ბალეტს მიუძღვნა. მას ვახტანგ ჭაბუკიანის "დეზდემონასაც" უწოდებდნენ. ვერა წიგნაძე ის ბალერინა იყო, რომლის ბრწყინვალე ფუეტეს, მსუბუქ ნახტომს, საოცარ პლასტიკასა და გარდასახვის უნარს, არაერთხელ მიეძღვნა ბრწყინვალე რეცენზიები.


საბალეტო ხელოვნების შესწავლა ბაქოში დაიწყო. ეს მეორე მსოფლიო ომის პერიოდია. სწორედ იმ დროს, ჭაბუკიანი თავის იმდროინდელ პეტერბურგელ სასცენო პარტნიორ პრიმა ბალერინა მარინა სიმიონოვასთან ერთად ბაქოში გასტროლზე ჩადის. ვერას პედაგოგმა ვახტანგის სახელზე წერილი დაწერა, სადაც ვერას უბადლო ნიჭზე საუბრობდა და ხელშეწყობას სთხოვდა. ბარათი თავად ვერას გაატანა, მაგრამ გოგონამ ვერ გაბედა ვახტანგთან მისვლა, წერილი მარინა სიმიონოვას გადასცა და მისი ხელით აღმოჩნდა მასთან. ვახტანგს წერილი წაუკითხავს, მაგრამ მხოლოდ ღიმილით შემოფარგლულა და ფურცელი ჯიბეში ჩაუდვია.
ვერას, როგორც ქართველის ოცნება იყო არა მხოლოდ სამშობლოში დაბრუნება, არამედ ვახტანგთან ერთად ცეკვა, მაგრამ... ბაქოს ქორეოგრაფიული სასწავლებლის დამთავრების შემდეგ, ვერა წიგნაძე ბაქოს ოპერისა და ბალეტის თეატრში მოხვდა. 16 წლისას ბალეტში "რაიმონდი" მთავარი პარტია ანდეს.
მორიგი რეპეტიციაა. ვერას დეპეშას აწვდიან. ჭაბუკიანია, მაესტრო ვერას სწერს სასწრაფოდ ჩავიდეს თბილისში. წამში გაბედნიერდა და არც დაფიქრებულა, ისე ჩაალაგა ბარგი. 1946 წლიდან ვერა წიგნაძე თბილისის ოპერისა და ბალეტის თეატრის წამყვანი მოცეკვავე გახდა. ეს იყო ერთადერთი შემთხვევა, როცა დებიუტანტი მოცეკვავე არა კორდებალეტში, არამედ თავიდანვე მთავარი პარტიების შემსრულებლად დააწინაურეს. ამ დროიდან იწყება ვერას აღმავლობა, როგორც მოცეკვავის, ისე ვახტანგის პარტნიორის და ქალი ჭაბუკიანის მიერ განხორციელებული ყველა რეფორმის თანამონაწილეც ხდება...
GzaPress
24 სექტემბერი ვერა წიგნაძის დაბადების დღეა. წელს მას 96 წელი შეუსრულდებოდა. სწორედ ამ დღეს გაიხსნა ვახტანგ ჭაბუკიანის მემორიალურ ბინა-მუზეუმში ვერა წიგნაძის შემოქმედების ამსახველი გამოფენა: "ბალეტის ვარსკვლავი". მუზეუმის სტუმრებს საშუალება ჰქონდათ ვერა წიგნაძის შემოქმედებითი გზის ამსახველ ფოტოებთან ერთად, ის კლიპიც ენახათ, რომელიც ბალერინას ძმისშვილმა ანა წიგნაძემ მოამზადა.
"ვერა წიგნაძე იყო ის ბალერინა, რომელიც დრომ ვერ წაშალა. ფაქტობრივად, მისი ცეკვა დღევანდელი კლასიკური საბალეტო ხელოვნებისთვისაც კი მისაღები, ნოვატორი და თანამედროვეა. მას არა მხოლოდ საოცარი ჰარმონია და პლასტიკა ჰქონდა, არამედ დრამატული მსახიობის ნიჭის მატარებელიც გახლდათ. ფოტოებიდანაც კი ნათლად ჩანს, რომ ის თითოეულ როლში იყო განსხვავებული, ქამელეონივით იცვლიდა ვიზუალს თავისი შინაგანი მდიდარი სამყაროს წყალობით", - აღნიშნავს თბილისის მერიის მუზეუმების გაერთიანების, სტრუქტურული ერთეულის ვახტანგ ჭაბუკიანის მემორიალური ბინა-მუზეუმის კურატორი თამარ ცაგარელი, რომელმაც ბალერინაზე მესაუბრა და მუზეუმში გიდობა გამიწია.
GzaPress
ვერა წიგნაძე თბილისის ოპერის თეატრში 1970 წლამდე მუშაობდა, რის შემდეგაც ქორეოგრაფიული სასწავლებლის პედაგოგი გახდა და არაერთი მოსწავლე აღზარდა. ისინი დღეს არა მხოლოდ საქართველოში, არამედ მსოფლიოს საბალეტო სამყაროში პოპულარობით სარგებლობენ. მიუხედავად ასაკისა, თითქმის სიცოცხლის ბოლომდე მუშაობდა მოსწავლეებთან.
იმხანად და დღესაც, მისი და ვახტანგ ჭაბუკიანის სახელი თითქმის ყოველთვის ერთად ისმის - უცვლელი პარტნიორები სცენაზე, კარგი მეგობრები იყვნენ "რეალურ სამყაროშიც". ჭაბუკიანი აღმაშენებლის გამზირზე, მარჯანიშვილის მოედნის ერთ-ერთ სახლში ცხოვრობდა, იმავე ქუჩაზე მოპირდაპირედ კი - ვერა წიგნაძე. გარდა იმისა, რომ მოცეკვავეებს თავიანთი შემოქმედების გამო ერთად დიდი დროის გატარება უწევდათ, ვერა ხშირად ყოფილა მეზობლის სტუმარი შინაც. განსხვავებული ხასიათები ჰქონდათ, მაგრამ ალბათ, სწორედ ეს აბალანსებდა და იდეალურს ხდიდა მათ ურთიერთობას.
ფართო საზოგადოება მათ მხოლოდ შემოქმედებით, შესრულებული როლებითა და საოცარი ტექნიკის წყალობით იცნობდა, რადგან არც ერთს არ უყვარდა საჯარო ცხოვრება და ინტერვიუები. არც ჩანაწერებს აკეთებდა რომელიმე, არც შთამომავლობა დარჩენიათ, უცვლელ პარტნიორებსა და ახლო მეგობრებს არც თავზე და არც ერთმანეთზე უსაუბრიათ ბევრი. დღეს მხოლოდ ფოტოები და ჩანაწერები "ყვებიან", თუ რა საშემსრულებო სიმაღლეზე იდგა ეს ორი, თავის საქმეზე უზომოდ შეყვარებული ხელოვანი.
ანა კალანდაძე
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"ის ხშირად იდგა ეზოში და ცას უყურებდა..."
"ციდან ბევრჯერ გამოვიქცევი, სიკეთე რომ გავაკეთო"
ჩემი ოცნება იყო, მეთამაშა დიდი ფეხბურთი
"ხან ფერმაში ვმუშაობდ, ხან ცხვათ ძროხის ჯერში ვიარიდ, იმაშ ერთ დღეს რო ძროხაში გამგზავნიდეს, 5 ლარს მიხდიდნენ"
"ძალიან მინდა, ჩემი ნახატები საკუთარი თვალით ვნახო"
რა საქმე გააკეთებინა ერეკლე მეფეს ხელმომჭირნე ხიზაბავრელმა
"ჯადოებით და ლოცვებით გამოჭერილი მამაკაცი საბოლოოდ მაინც გაგექცევათ"
ანუ სახლი, სადაც დავით სარაჯიშვილის სიცოცხლე დასრულდა
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2451 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი