"ორშაბათს კორონა გავიცანი"
font-large font-small
"ორშაბათს კორონა გავიცანი"
თერმოსკრინინგმაც აჩვენა,/ კორონავირუსს ვებრძოდი

კორონავირუსზე ხუმრობები სოციალური ქსელის საშუალებით უფრო სწრაფად გავრცელდა, ვიდრე თვით ვირუსი, რომელსაც არაერთი ლექსი თუ კაფია მიუძღვნეს. პოეზია და იუმორი პანდემიის ვაქცინააო, - ამასაც ხშირად წერდნენ. ამ პერიოდის განმავლობაში იმასაც მივხვდით, რომ სტრესი გაცილებით მეტად კლავს, ვიდრე ნებისმიერი ვირუსი. ამიტომაც, ხალისიანი განწყობის შესაქმნელად, კორონაზე დაწერილ რამდენიმე კაფიასა და სახუმარო ლექსს შემოგთავაზებთ.


მამუკა ჭიპაშვილი: "კორონას შიშით პლატონა/ ოთახში გამოიკეტა,/ წამლებიც ბევრი ყლაპა და/ ნემსებიც ბევრი იკეთა./ მოიმარაგა პირბადე,/ მოსპოს ვირუსის კერები,/ საპნით, ფხვნილით და შამპუნით,/ ბევრი იბანა ხელები./ თან დაიფიცა ხატებთან,/ თქვენ ხართო ჩემი დამცველი,/ სულ რომ დაინგრეს ქვეყანა,/ გარეთ არა ვარ გამსვლელი./ გამოელია პროდუქტი,/ არც პური ჰქონდა, არც წყალი,/ ორ კვირას უძლო და მერე,/ შიმშილით მოკვდა საწყალი!/ რაც გიწერია, ვერ შეცვლი,/ კაცი ვერაფერს გახდება,/ სადაც არ უნდა ემალო,/ მიქელა ყველგან დაგხვდება!"
"შენ არა გაქ მშრალი ხველა/ ფრთაფარფატა თოლია,/ მაშ, ვირუსი უცხოეთის/ რატომ გამოგყოლია./ შენს სიყვარულს დავიფიცებ,/ დაიჯერო იქნება,/ შავ პირბადეს ნუ გაიკრავ,/ თეთრი უფრო გიხდება!"

ლაშა ბიბიჩაძე:

შოთა ნიშნიანიძე კარანტინში
"ორშაბათს კორონა გავიცანი,/ კორონა უხანის კლანის არი,/ მისი კლასტერის გადამკიდე/ სამშაბათს პირბადე ავიკარი./ ოთხშაბათს სიცხემაც ამიწია/ და თავს მოსაკლავად ვიმეტებდი.../ ექიმს სიმპტომები ავუხსენი,/ ჩემი ეჭვები და იმედები./ პარასკევს პასუხი მომივიდა/ ვაიმე, ბედო უკეთურო./ დაგიდასტურდაო ვირუსი და/ ცოლ-შვილს მოერიდე, უბედურო./ თეთრად გავათენე პარასკევი,/ ბოქსში გავატარე შაბათ-კვირე./ გადამტანი ვარ-თქო, დავასკვენი/ ჰოდა, კარანტინიც დავაპირე./ გათენდა მეორე ორშაბათი/ ისევ შემეფეთა ეს უღმერთო,/ თავბრუმ დამიარა კოჭებამდე,/ გამოჯანმრთელებას გისურვებთო./ მე ახლა წამლის დამლევი ვარ?/ უნდა სხვანაირად ვძლიო, მარა.../ მე ვიცი, რაცხა ოხერი ვარ/ მოვიმარაგებ ჭაჭის არაყს./ ღმერთია ჩემი მწყალობელი,/ მე კი ამ ჩინელის მგალობელი".

მარინა ხევშელი-პატაშური: "იძულებულ "ლოკაციით"/ თავი ამოვყავ ვერაზე,/ რაღაც "ქეისი" რომ არა,/ ძაან ფრთხილი ვარ ყველაზე,/ ხიფათი მარტო მე დამდევს,/ ბედმა რაღა მე "დამტესტა",/ იმ ხალხში მხოლოდ მე მოვხვდი/ საბურთალოელ "კლასტერთან"./ მანამდე ჯანზე ვიყავი,/ ვგრძნობდი "ვიტალურ" ძალებსაც,/ მაგრამ ეშმაკს ხომ არ სძინავს,/ მალე თავს მეხი დამეცა!/ ცუდად შევიქენ, შევშფოთდი,/ სიტყვის "კონტენტსაც" ვერ ვგრძნობდი,/ თერმოსკრინინგმაც აჩვენა,/ კორონავირუსს ვებრძოდი./ მე ბევრი ვერა გავიგე/ უცხოურ ტერმინებიდან,/ მაგრამ მივხვდი, რომ მიქელა/ მოვიხმე ჩემი ნებითა./ ლეტალურ შედეგს რომ ასცდეთ,/ სახლში ყოფნაზე ვთანხმდებით,/ მე კი ქართულად დამმარხეთ,/ ზურნა-დუდუკის თანხლებით!"

ლექსო ტურაშვილი: "მინისტრის ბრიფინგს ვუსმინე,/ ფიქრმა გულ შამჭრა იარად,/ ორთვე-ნახევრის ტუსაღებ/ ახალ წელს დაგვაფრთიანა.../ ამდენ ხანს უქმად ვით გავძლო,/ რო არც სხვათ ვექცე ზიანად?/ ან ვისთან გამოვიზამთრო,/ თბილად და თავაზიანად?/ ვიფიქრე, დემოგრაფიას/ ვუშველო სამართლიანად,/ მაგრამ არც თავის ცოლი მყავ/ და არც სხვისი მყავ ზიარად./ სასწრაფოდ ძებნა დავიწყე/ პირშავის, პირიმზიანად,/ ახლებმა მაიწეროდით,/ ვადაგასულებმ კი არა".
"თურმე კორონავაქცინას,/ მაჰყვება იმპოტენცია,/ აცრილის კაცობა რა ვთქვი,/ ან წნევა, ან ინერცია.../ სამყაროს ისე დავჭირდი,/ რო დედამიწას ღერძია./ მსურველთ შამიძლავ მავუწყო/ აუცრელ ინტერვენცია".
GzaPress
სპარტაკ ლაცაბიძე: "ვერ გამიბედავს სათქმელი,/ სწუხს მთელი მოსახლეობა,/ გულს კი ერთი რამ ახარებს,/ აღარ ჩანს სმა და ღრეობა./ ტყუილად აღარ დადიან,/ გარეთკენ კაცი და ქალი,/ დამთავრდა, იქმნა როგორაც/ უქმი ბირჟა და ქაქანი./ მე რომ მეგონა,/ ჯერ ჩვენი ჭკუის სწავლება შორია,/ უკვე აღარც სხვის შურია,/ აღარც ბოღმა და ჭორია./ მოიკლო ფულის ჯან-ღონემ,/ მიწა კი ანაბარია,/ ფულიანი და უფულო/ დღეს ბედით თანაბარია./ თავსაც იდაბლებს ქალაქი/ აქამდე ყანის შემლახი,/ ფეხზე წამოდგნენ ღობენი,/ წელში გასწორდა ვენახი./ ახლა კი გახდა მიწასთან/ უბარი, ჭკუათმყოფელი,/ დაინთო ძველი ბუხარი/ ცივ კერებს ითბობს სოფელი./ დედის წინ კვიცის სირბილი/ ვიცით უბედურ დღეთია,/ ისე მოუშვავს აღვირს, რომ/ ახლა პატრონი ღმერთია./ ღმერთმა გვაშოროს პირდაპირ,/ რაც ვთქვა გადაკრულ ენითა,/ შენ გენაცვალე, ჭირო, რომ/ ზნეობა შვენობს შენითა".
"ფრთების სურვილი მაფიქრებს მეც ხან,/ არც ბორბალი სურს, არც თეთრი რაში.../ გადმოუკვეთავს საზღვრები მერცხალს/ და ათას ფრინველს ერევა ცაში./ მომნატრებია ქუჩების ხილვა,/ გულიდან ოხვრის იცლება მასრა,/ საზღვარგარეთად მიქცია ჭირმა,/ ჩემი სოფლიდან ქალაქში ჩასვლა./ ფიქრებით დამაქვს მოძმეთა ლხინი,/ და შეხვედრები მოღიმარ ხალხის,/ რადგან აკრძალვით ტკბილია ხილი,/ დღეები წლებს ჰგავს მხარეთა ნახვის./ ეს რა ბედი გვაქვს,/ მაგრამ რას ვიზამთ?!/ იაქის ადგილს გორდება შაში./ ქვეყნების კარი არა გვთხოვს ვიზას/ და ჩემი უბნის მჭირდება საშვი./ გვაშოროს ღმერთმა ერთობის ჩრჩილი,/ დროა ქნას იქნებ სვე-ბედის ჩარხმა,/ რომ ჭირმაც ჩვენი წაიღოს ჭირი/ გაგვცდეს და იქნებ გავიდეს გაღმა".
ნინო ჯავახიშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
ვცდილობ დავამტკიცო, რომ ყველა კაცი ერთნაირი არ არის
ერთი ფლაკონის ფასი 4.000 დოლარია, მკურნალობის კურსი 30-31 ფლაკონის მიღებას ითვალისწინებს
"თუ სალოცავად ხატთან მიდიან, მე სალოცავად თქვენთან მოვედი!.."
ფილმი მტვერსასრუტზე, რომელიც წყალტუბოში სტალინის სააბაზანოში "მუშაობს"
კახა კოჟორიძე პოლიტიკაზე, საქმიანობასა და ოჯახზე
ლანჩვალის უბნის ხედი, მარჯვნივ მარგიანების დასახლება
თავშესაფრად ქცეული პოეზია
ურთიერთობა, რომელიც სითბოს ჩაგიღვრით გულში
მსახიობობაზე მეოცნებე სამართალდამცველი ქალისა და მისი "შეგირდების" ტკბილ-მწარე ურთიერთობები
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2451 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი