სტატია ქალის შესახებ, რომელიც სახელს ამართლებს
font-large font-small
სტატია ქალის შესახებ, რომელიც სახელს ამართლებს
ალექსანდრე ზაზარაშვილის ოჯახის ნაკლებად ცნობილი ამბავი

დედა სიცოცხლის უკანასკნელ დღემდე აკითხავდა თავის შვილებს და ამბობდა, კარგად თუ გავხდები, წავიყვან, თუ დავიღუპები, იმ ქვეყნად ბედნიერი წავალ, რომ მათ შენს ხელში ვტოვებო.
ჩემს ერთ მეგობარს, ია ჯღარკავას ვესაუბრე იმასთან დაკავშირებით, რომ ჟურნალი "გზა" ალექსანდრე ზაზარაშვილის ბლიც-ინტერვიუს გამოქვეყნებას აპირებდა. ქალბატონმა იამ ზაზარაშვილების ოჯახთან დაკავშირებით ისეთი ინფორმაცია მომაწოდა, ვფიქრობ, მისი გაცნობა ქართველი მკითხველისთვის საინტერესო იქნება ჰუმანისტური და სოციალური თვალსაზრისით.

ია ჯღარკავა:
- ალექსანდრე ზაზარაშვილი თავის ოჯახთან ერთად ხშირად სტუმრობდა ყინწვისისა და სარკის წმინდა გიორგის მონასტრებს. ალექსანდრე პატარაობიდან ღვთისმოშიში, მორწმუნე იყო და სტიქაროსანი გახდა. ის მეუფესთან ერთად ბევრ კეთილ საქმეს აკეთებდა, მათ შორის, მონასტერში თავშეფარებულ ბავშვებს წერა-კითხვას ასწავლიდა.
ალექსანდრემ მონასტერში მყოფი ბავშვები შინ წამოიყვანა. ეს ჯერ კიდევ მაშინ გადაწყვიტა, როცა 7 წლის იყო და საზოგადოება არც იცნობდა. მშობლები დაარწმუნა და შეიფარეს 4 და-ძმა, რომელთა დაშორებაც არ შეიძლებოდა. ლექსომ ბავშვებს თავისი ოთახი დაუთმო და დღემდე ყველაფერს აკეთებს მათთვის. ამ საქმეში უდიდესი წვლილი მიუძღვის ალექსანდრეს დედას, გული ეგნატაშვილს. გულის ჩემთან საუბარში აქვს ნათქვამი, - ამ ბავშვების დედა ავად იყო და არ შეეძლო მათი მოვლა. გვეგონა გამოჯანმრთელდებოდა. სიცოცხლის უკანასკნელ დღემდე აკითხავდა შვილებს და ამბობდა, - კარგად თუ გავხდები, წავიყვან, თუ დავიღუპები, იმ ქვეყნად ბედნიერი წავალ, რომ მათ შენს ხელში ვტოვებო.
დედის დაკარგვა ბავშვებმა ძალიან განიცადეს. უმცროსი დედას გულის ეძახის. მან ყველაფერი გააკეთა, მათთვის ღირსეული დედობა რომ გაეწია. ამ პატარების გამო ბევრ რამეზე თქვა უარი. ალექსანდრეს, რომელიც ახლა ამერიკაში დედის გარეშე ცხოვრობს, სწავლობს და განიცდის უდედობას, ერთხელაც არ დაუწუწუნია. პირიქით, დედა საქართველოში დატოვა, რათა ამ ბავშვებს ყურადღება არ მოჰკლებოდა. ბავშვები სკოლაში სწავლობენ, იქამდე საბავშვო ბაღში დადიოდნენ. სხვადასხვა წრეზე დადიან, უფროსი გოგონა ხატვასა და მუსიკაზე, ბიჭი - ჭიდაობაზე, ყველაფერში პირველი არიან.
როცა დედა შეუძლოდაა ან სანდროს გამო ღელავს, განცდები ანაღვლიანებს, შემოეხვევიან და გულწრფელად ეუბნებიან, - დედი, დედი, შენ გარეშე ვერ ვიცოცხლებთო...
დედა მათ ყველაფერს ასწავლის: საოჯახო საქმეს, საჭმელების მომზადებას, ცხობას, სუფრის გაწყობას, ხელსაქმეს. პატარებს უამრავი ტანსაცმელი აქვთ, რომლითაც ალექსანდრე ანებივრებს ამერიკიდან. გული ამბობს, ვიდრე სრულწლოვანი გახდებიან, ვუპატრონებო.
თავად ალექსანდრეს ძალიან ენატრება და სჭირდება დედა, მაგრამ შინაგანად უძლიერესი ბავშვია და ბევრს უძლებს. ის ახლა სწავლობს და კარიერას ამერიკაში იწყობს. დედას უჭირს უმისობა, მაგრამ შვილების კეთილდღეობისთვის ითმენს და გამძლეობისთვის უფალს მადლობას უხდის. მისთვის უდიდესი სტიმული ალექსანდრეს სიტყვებია, რომელშიც დედას სიყვარულს უმტკიცებს.
როლანდ ხოჯანაშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
რატომ არ უნდა გამოავლინოს ემიგრანტმა თავისი სისუსტე
"ზოგჯერ ვგრძნობ, ჩემი "ახირების" გამო ალმაცერად მიყურებენ..."
"საქვეყნო საქმეში ყველა თუ არ ჩავერთეთ, ჩვენს შვილებს გაუპატიურებულ ქვეყანაში მოუწევთ ცხოვრება"
"ბებია ვერ იჯერებდა, რომ ტიციანი დახვრიტეს და ბოლომდე ელოდებოდა მას"
ემიგრანტი ქალის ტკბილ-მწარე მოგონებები
"სახლში ძალიან დაღლილი მივდივარ, შვილიშვილების მოფერების თავიც არ მაქვს"
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2451 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი