არის თუ არა ამერიკაში ცხოვრება სახალისო
font-large font-small
არის თუ არა ამერიკაში ცხოვრება სახალისო
ალექსანდრე ზაზარაშვილი: "მადლიერი ვარ უფლის, რომ ქართული გული მაქვს"

ამერიკაში მცხოვრებ ალექსანდრე ზაზარაშვილს გამორჩეული ცხოვრება აქვს. მიუხედავად იმისა, რომ ის ჯერ არასრულწლოვანია, მის შემოქმედებით ბიოგრაფიას აქვს ბევრი გამორჩეული ფურცელი, რომელიც საერთო ეროვნულ სიამაყედ უნდა ვაღიაროთ. სანდრო არ აპირებს შეჩერებას და მიღწეულით დაკმაყოფილებას. სახელოვნებო პარნასზე მეტად წინსვლას აპირებს და მოკლე ხანში კიდევ ერთი წარმატებით გვასახელებს.


- ჩემი ყველაზე დიდი მიღწევა უკრაინის ბავშვთა "ვოისის" გამარჯვება იყო 2019 წელს. ჩემი პირველი სიმღერა გახლდათ "ლალე", რომელიც ჩემი სოფლის სამუსიკო გუნდთან ერთად შევასრულე. მაშინ ყველაზე პატარა წევრი ვიყავი იმ გუნდის, რომელთა შორის შემთხვევით აღმოვჩნდი. ჩემი და იყო გუნდის წევრი და 3 წლის ვიყავი, როცა დედაჩემმა საყურებლად წამიყვანა, მაგრამ იმდენად კარგად ავყევი გუნდში ბავშვებს, რომ მასწავლებელმა სახლში აღარ გამიშვა. წინა რიგშიც დამაყენა. სოლო ყოველთვის მე მხვდებოდა ხოლმე. მახსოვს, პირველად ფესტივალზე რომ გაგვიშვეს, გავიმარჯვეთ და მთელი დღე დიპლომს ხელს არ ვუშვებდი, ვიდრე არ მომატყუეს, რომ ბუა მოვა და წაიღებსო... ეს იმისთვის, რომ არ გამეფუჭებინა.
- საყვარელი სიმღერა...
- ყოველკვირა თუ არა, ყოველ თვეში მაინც მეცვლება საყვარელი სიმღერა. მე ვფიქრობ ჩემი იღბლიანი სიმღერა სელინ დიონის Aლლ Bყ Mყსელფ არის, რადგან მან უდიდესი წარმატება მომიტანა ცხოვრებაში...
- გამორჩეული კომპოზიტორი...
- გამორჩეული კომპოზიტორი დღევანდელი ინდუსტრიიდან არის ალისია კეისი. ერთ-ერთ ინტერვიუში მან თქვა: "როდესაც სიმღერის წერას ვიწყებ, ენერგიები სხვა სამყაროში მაგდებს. ვერ ვიგებ, სად ვარ, მაგრამ სადაც უნდა ვიყო, იქიდან რა გამომივა, არის "ეს" და "ეს" არის ის, რასაც მე ვეძახი მაგიასა და ჯადოქრობას". მეც ვწერ სიმღერებს და ვიცი, ეს ყველაფერი რასთანაა დაკავშირებული.
- გამორჩეული შემსრულებელი...
- ბევრი მომწონს, მაგრამ გამოვარჩევ ბილი ეილიშს, ის ყოველთვის რაღაც ახალს აჩვენებს მაყურებელს და მის სიმღერებში დიდი სული დევს! ეს არის მომღერალი, რომელიც ისტორიას დარჩება.
- საყვარელი ჟანრი...
- ჩემი საყვარელი მუსიკის ჟანრი არის პოპი და სოული; ეს ორი ჟანრია ის, რომლის შესრულებისას ყველაზე კარგად ვგრძნობ თავს.
- პირველი წარმატება, რომელმაც განსაზღვრა შენი ცხოვრების მიზანი.
- ეს იყო ბულგარეთში ფესტივალზე, როდესაც პირველად ავიღე გრან-პრი კონკურსზე. ამ კონკურსში ბევრი ქვეყნის წარმომადგენელი მონაწილეობდა. კონკურსის ორგანიზატორმა გრიგოლ ჟღენტმა ჩემში დაინახა დიდი მომავალი და აი, სწორად ის იყო ადამიანი, რომელმაც გზა გამიკვალა "ვოისამდე" და ბოლომდე ჩემ გვერდით იდგა.
- შემოქმედებითი ბიოგრაფიის ყველაზე წარმატებული მომენტი ამერიკამდე, რომელმაც საზოგადოებრივი აღიარება მოგიტანა...
- ისევ და ისევ უკრაინის საბავშვო "ვოისში" გამარჯვება, რაც მანამდე ვერც წარმომედგინა! იცით, რატომ? იმიტომ, რომ ყოველთვის, როდესაც წინ მივდიოდი, საქართველოში ფეხს მადგამდნენ და უკან მწევდნენ. ყველგან "მბლოკავდნენ", რადგან მე არ მყავს დიდი კომპანიების მეპატრონე მამიკო ან დედიკო. ზუსტად იმიტომ, რომ უბრალო და პატიოსანი ოჯახიდან მოვდივარ, ეს მწევდა უკან ქართულ სატელევიზიო პროექტებში. ჩემთვის საქართველოში მიუღწეველი იყო ის წარმატებები, რასაც მივაღწიე სხვაგან. სამშობლოში "დაბლოკვის" შემდეგ მე დამასახელეს ტოპათეულის საუკეთესო ვაჟ მომღერლებს შორის პირველ ადგილზე. ბევრი სხვა ასეთი ჯილდოც იყო მერე... არასოდეს შემშინებია, არასოდეს დამიყრია ფარ-ხმალი. მინდა, არც სხვებს გაუტყდეთ გული. საქართველოში ათასობით უნიჭიერესი მომღერალი კონკურსიდან კონკურსებზე მიდის, მიუხედავად იმისა, რომ "ბლოკავენ". სხვა გზა არ არის, მეგობრებო, უნდა გავძლიერდეთ და ერთად შევქმნათ საქართველოს დღევანდელი კულტურა!
- ამერიკული ცხოვრების პერიპეტიები...
- ამერიკული ცხოვრება არც ისე ადვილი და სახალისო აღმოჩნდა, როგორც მეგონა. ამ ბოლო ერთი წლის განმავლობაში დიდ სირთულეებსა და მორალურ ტკივილს გავუძელი, მაგრამ არასოდეს მიფიქრია, რომ დავნებებულიყავი. ყოველთვის ვშრომობ, რათა მივაღწიო მიზანს.
- ახლო მომავლის გეგმები...
- სამომავლო გეგმებზე საუბარი არ შემიძლია გასაგები მიზეზების გამო, მაგრამ გეტყვით იმას, რომ დიდი ამბები გველოდება...
- სად აპირებ შენი ცხოვრების ყველაზე მნიშვნელოვანი მონაკვეთის გატარებას?
- ჩემი ცხოვრების ყველაზე მნიშვნელოვან მონაკვეთის გატარება მინდა ამერიკაში - ეს ის ქვეყანაა, რომელიც დამეხმარება მიზნების მიღწევაში, რა თქმა უნდა, ამას თუ დავიმსახურებ.
- სამშობლო შენს ცხოვრებაში...
- ჩემი სამშობლო არც აზიაშია, არც ევროპაში, არც კავკასიაში! ის ჩემს გულშია და იცოცხლებს ყოველთვის. სადაც უნდა წავიდე, ჩემ გვერდით იქნება. მადლიერი ვარ უფლის, რომ საქართველოში დავიბადე და ქართული გული მაქვს, ესაა მთავარი.
- ჰობი...
- ჩემი ჰობია მსახიობობა, რეჟისურა. ძალიან მინდა მომღერლობასთან ერთად, რეჟისორი და მსახიობიც გავხდე. მსურს ჩემი ჰობი პროფესიად ვაქციო.
- რას ეტყვი ამერიკიდან სამშობლოს, შენს ხალხს?
- ძლიერად უნდა იდგეს ჩემი სამშობლო. საქართველოს ჰქონია უარესი გაჭირვებისა და დამარცხების მომენტები, მაგრამ ჩვენ ქართველები ვართ; ქართველები, რომლებიც ყველაზე პატარა ჯარით უდიდეს გამარჯვებას ვაღწევდით. მთავარია, გვიყვარდეს ერთმანეთი და პატივი ვცეთ, ეს გადაგვარჩენს...
როლანდ ხოჯანაშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
რატომ არ უნდა გამოავლინოს ემიგრანტმა თავისი სისუსტე
"ზოგჯერ ვგრძნობ, ჩემი "ახირების" გამო ალმაცერად მიყურებენ..."
"საქვეყნო საქმეში ყველა თუ არ ჩავერთეთ, ჩვენს შვილებს გაუპატიურებულ ქვეყანაში მოუწევთ ცხოვრება"
"ბებია ვერ იჯერებდა, რომ ტიციანი დახვრიტეს და ბოლომდე ელოდებოდა მას"
ემიგრანტი ქალის ტკბილ-მწარე მოგონებები
"სახლში ძალიან დაღლილი მივდივარ, შვილიშვილების მოფერების თავიც არ მაქვს"
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2451 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი