ბანკისგან ნაჩუქარი გვარი და რუსთაველის თეატრის სცენის ქვეშ დამალული ფურცელი
font-large font-small
ბანკისგან ნაჩუქარი გვარი და რუსთაველის თეატრის სცენის ქვეშ დამალული ფურცელი
10 მარტს უკვე 10 წელი შემისრულდა, რაც რობერტ სტურუამ დასში ამიყვანა

მსახიობი ედმონდ მინაშვილი მეორე გვარსაც (აბაშიძე) ატარებს. ამბობს, რომ თავადური გვარი ერთ-ერთმა ბანკმა აჩუქა. ის გვიამბობს, სპონტანურად მიღებულმა გადაწყვეტილებამ როგორ გაუკვალა გზა წარმატებისკენ...


- 2010-2011 წლებში ერთ-ერთი ბანკის სარეკლამო პროექტში ვმონაწილეობდი. გაიხსენეთ "ედმონდის დღიურები", გრძელი თმა მქონდა, ფულს ვმარხავდი და მერე მთელი დედამიწა ჩემს დამარხულ ფულს ეძებდა... მოკლედ, რეალურად, ედმონდ მინაშვილი ვარ - იმერელი გლეხი, მაგრამ როდესაც რეკლამის კასტინგზე გავედი და დამამტკიცეს, ამიხსნეს: შენი გმირი მისტიკური პირია, მდიდარი. მას შენს სახელს დავუტოვებთო. ვინაიდან ჩემი პერსონაჟი არისტოკრატიული ფენის წარმომადგენელი იყო, თავადი, ამიტომ, აბაშიძედ მიმაწერეს და ახლა ყველა აბაშიძედ მიცნობს. აი, ასე "მაჩუქა" ბანკმა გვარი...

- სახელი როგორ შეგირჩიეს?

- "გრაფ მონტე კრისტო" - ედმონდ დანტესი. ბაბუაჩემი ამ წიგნსა და გმირზე გიჟდებოდა...

- მსახიობობა რატომ გადაწყვი­ტეთ?

- მეექვსე კლასში ვიყავი და ერთხელაც, სკოლიდან სახლში რომ მოვედი, ტელევიზორში წარმოდგენა გადიოდა - ვიღაც კაცი საოცრად ახალისებდა დარბაზს, ხუმრობდა, მღეროდა. ვუყურებდი და ისე გამიტაცა, რომ დამთავრდა, დედა გავაოცე, - თეატრალურში უნდა ჩავაბარო-მეთქი. ის სპექტაკლი კი მარჯანიშვილის თეატრის წარმოდგენა - "ძველი ვოდევილები" იყო, ხოლო მსახიობი, ვინც მე ამანთო, ვასო გოძიაშვილი. მას მერე დედას ვაშანტაჟებდი, მსახიობი თუ არ გამოვალ, გავლოთდები და ცუდი ბიჭი გავხდები-მეთქი. დედას, როგორც მშობლების უმეტესობას, უნდოდა, ექიმი გამოვსულიყავი. სკოლა რომ დავამთავრე, ჯერ ატესტატიც არ მქონდა აღებული, გიგა ლორთქიფანიძის განცხადება მოვისმინე ტელევიზიით: თეატრალურ უნივერსიტეტში 21-23 ივნისი საბუთების მიღების ბოლო ვადააო. 21 ივნისი იყო და ვთქვი, - დედა, სასწრაფოდ უნდა წავიდეთ თბილისში-მეთქი... მოკლედ, ყველა საჭირო საბუთი ერთ დღეში მოვაგროვე. 22-ში ღამე მატარებლით წამოვედი და 23-ში აქ ვიყავი. კიდევ ერთი მნიშვნელოვანი დეტალი - წამოსასვლელი ფული არ მქონდა და სკოლის ბანკეტის შეგროვილი თანხიდან ვისესხე. კლასელებს ვუთხარი, თბილისიდან რომ ჩამოვალ, დავაბრუნებ, მამიდა მომცემს-მეთქი. იმედი მქონდა, რომ 23-ში საბუთებს შევიტანდი, ბანკეტზე ჩავიდოდი და მერე უკვე გამოცდებზე წამოვიდოდი, მაგრამ შევიტანე თუ არა, მითხრეს, 25-ში გაქვს პირველი ტურიო. ამიტომ, ბანკეტზე ვერ ვიყავი... ჩემი კლასელების ბანკეტის ვიდეოს რომ ვუყურებ, გულში სევდა მაქვს, - ერთი მხრივ მიხარია, რომ ის გავაკეთე, რაც მინდოდა, მაგრამ გული მწყდება, რომ იქ არ ვიყავი.

- გამოცდები ადვილად ჩააბარეთ?

- საოცარი ჟიური დამხვდა: ლილი იოსელიანი, გოგი მარგველაშვილი, ლეილა კაპანაძე, მანანა ბერიკაშვილი, გიორგი შალუტაშვილი, კოტე ფურცელაძე, კოტე მახარაძე. ადამიანები, ვინც მხოლოდ ტელევიზორში მყავდა ნანახი და მათ წინაშე 16 წლის, სოფლიდან ჩამოსული ბიჭი წარვდექი. გამოცდაზე დიდხანს გამაჩერეს და გავაკეთე აბსოლუტურად ყველა სისულელე, რაც შეიძლებოდა. ერთმა წევრმა მითხრა, - თქვენი სახელი სად გვხვდება, თუ იცითო? - ალექსანდრე დიუმას "გრაფ მონტე კრისტოში", ედმონდ დანტესი-მეთქი. - კიდევ, სად? თუ მსახიობობა გინდა, უნდა იცოდეო, მერე დასძინა: ვინმე შექსპირი გაგიგონიაო? დავიძაბე, ვინმე შექსპირი უცებ წარმოვიდგინე, კიდევ ხომ არ იყო უილიამის გარდა სხვა-მეთქი. - ვინმე არა, უილიამ შექსპირი კი გამიგონია-მეთქი. - ეს უზრდელიც ყოფილაო, - ჩათვალა, რომ თავხედურად ვუპასუხე: - მერე "მეფე ლირში" რომ ედმონდი არის, არ იციო? - ის ედმუნდია-მეთქი, - ამაზე სულ გადაირია. იმის მერე ჩემზე გადაკიდებული იყო... გამოცდიდან რომ გამოვედი, კოტე მახარაძემ თავზე ხელი გადამისვა: შენ გამო ბევრი ვიბრძოლე. იმედია, არ გამიცრუებ იმედსო. ღმერთმა გაანათლოს მისი სული, მის საფლავზე ხშირად მივდივარ...

თეატრალურში ჩაბარების შედეგ მეორე ოცნება ის გახდა, რომ რუსთაველის თეატრის მსახიობი გავმხდარიყავი. სწავლის პერიოდში რუსთაველის თეატრის წინ გავივლიდი, ვლოცულობდი (ჩემი ლოცვა მქონდა), ღმერთს თეატრის შენობაში მოხვედრას ვთხოვდი. მესამეკურსელი გახლდით, როცა "რუსთაველში" რემონტი იყო, ბავშვები უნივერსიტეტიდან მოვდიოდით და დიდ სცენაზე ვთამაშობდით. მაშინ ჩემი სურვილები ფურცელზე დავწერე და სცენის ქვემოთ, ისეთ ადგილას ჩავაგდე, რომ ვერავინ იპოვიდა. მეოთხე კურსზე ვიყავი, როცა გიგა ლორთქიფანიძემ "წათეს წითელი წაღები" დადგა და სცენაზე მეც აღმოვჩნდი...
2017 წლის 10 მარტს უკვე 10 წელი შემისრულდა, რაც რობერტ სტურუამ დასში ამიყვანა. მან ახალ თაობას მოგვცა საშუალება, გვეტარებინა ის უდიდესი წოდება, რასაც რუსთაველის თეატრის არტისტობა ჰქვია... თეატრში დამხვდნენ: გურამ საღარაძე, მურმან ჯინორია (ჩემი პედაგოგი), ზაზა პაპუაშვილი, დათო დარჩია, თემიკო ჭიჭინაძ, მახო ქვრივიშვილი, იაშკა, დათო იაშვილი, ლევან ბერიკაშვილი (ბერდო), ჩვენი მამობილი და საერთოდ, ამ თეატრმა, როგორც შვილები, ისე გაგვზარდა... ვფიქრობ, ამაზე დიდი თეატრი არ არსებობს, აქ სხვანაირი მეგობრობა იციან. მეამაყება, რომ ამ თეატრის მსახიობი ვარ!

ლალი ფაცია
ბეჭდვაელფოსტა
კომენტარები (1)
14.09.2017
გაიხარე შვილო, წარმატებები,რა ვქნა ასეთი ადამიანები სხვისიც მიყვარს და ჩემიც,უვარგისი ჩემიც არ მინდა
ნანა
ამ კატეგორიის სხვა სიახლეები
ბავშვის თვალებში ჩაბუდებულ ტკივილზე უარესი არაფერია ამ ქვეყნად, არც შვილის სენთან ბრძოლაში დამარცხებულ მშობლებზე სულისშემძვრელი...
ბაზიერი ქორ-შევარდენთა სანადიროდ დამგეშავ-მწვრთნელი და მეთვალყურეა.
"ბიძინას სკოლაში გოგოებისთვის ჩურჩხელა მოჰქონდა, ჩვენ კი ტყლაპი მიგვქონდა მისთვის. გაკვეთილის მოსაყოლად რომ გავიდოდი, ტყლაპს ამოიღებდა და ენას უსვამდა. მე კი ნერწყვი მომდიოდა", - იხსენებს თინათინ გამგებელი, რომელიც სოფელ ჭორვილაში, ბიძინა ივანიშვილის კლასში სწავლობდა...
მარიკა კახაძე - ჟურნალისტი, პუბლიცისტი, მწერალი - იმ თაობის წარმომადგენელი გახლავთ, რომელიც ბარიკადებზე იდგა... მინდა, მის შესახებ გიამბოთ.
ალექს კიკვიძისთვის, რომელიც "X ფაქტორის" ერთ-ერთი მონაწილე გახლავთ, ყველაზე დიდი ბედნიერება შვილებია.
43 წლის სოფო კვაშილავა 11 შვილის დედაა. ასაკთან შედარებით ბევრად ახალგაზრდულად და მოხდენილად გამოიყურება.
თელავის სოფელ წინანდალში, ნიკო ნიკოლაიშვილის ეზოში ხარობს თითქმის საუკუნე-ნახევრის ვაზი, რომელიც კარგა ხანია, მასპინძლის საოჯახო მარნის სავიზიტო ბარათად იქცა.
მომღერალ გიო ხუციშვილის სამოქალაქო პანაშვიდზე "ქართული ოცნების" თავმჯდომარე ბიძინა ივანიშვილი შვილთან, ბერასთან ერთად მივიდა.
ჩვენი გიო წავიდაო, - 11 ივნისს, ღამის 2-3 საათი იქნებოდა, მომღერალმა მერაბ სეფაშვილმა რომ დაწერა "ფეისბუქის" პირად გვერდზე და...
მძიმე ავადმყოფობის შედეგად, მომღერალი და მსახიობი გიო ხუციშვილი გარდაიცვალა.
კვირის სიახლეები
კოალიციამ აშშ-ის მეთაურობით სირიაზე ავიადარტყმები მიიტანა - როგორ ეხმაურება ვლადიმერ პუტინი მომხდარს?
14 აპრილს გამთენიისას საერთაშორისო კოალიციამ, რომლის შემადგენლობაშიც აშშ, საფრანგეთი და დიდი ბრიტანეთი შედის, სირიაში გარკვეულ ობიექტებზე დარტყმა მიიტანეს.
0 კომენტარი
"მეზობლებს კარზე კაკუნი რომ არ აეტეხათ, იმ არაკაცს შეიძლება, დედასთან ერთად, ბავშვებიც დაეხოცა"
ბარნოვის ქუჩაზე მომხდარი საზარელი მკვლელობის ახალი დეტალები
0 კომენტარი
საინტერესო დეტალები მსოფლიო ვარსკვლავებთან მუშაობის შესახებ
ქართულ სამზარეულოსა და კულტურაზე შეყვარებული გორან ბრეგოვიჩი
1 კომენტარი
"არ მინდა, ჩემმა შვილმა გაიგოს, რას ვსაქმიანობ" - ყოფილი ბიზნესლედი, რომელიც სასაფლაოების დამლაგებლად მუშაობს
38 წლის სასიამოვნო გარეგნობის ქალბატონი (რომელმაც ვინაობის გამხელა არ ისურვა) 2 წელია, ქალაქ რუსთავის სასაფლაოზე, საფლავების მომვლელია.
3 კომენტარი
სასამართლოში ნასროლი ბოთლი და გზა იურისტობიდან დიზაინერობამდე
დიზაინერობა 25 წლის ასაკში გადაწყვიტა და საბოლოოდ თქვა უარი იურისტობასა და ჟურნალისტობაზეც.
3 კომენტარი
ნანუკა ჟორჟოლიანმა ეფექტური და ჯანსაღი დიეტის რეცეპტი გაამხილა
ნანუკა ჟორჟოლიანი ბოლო პერიოდში შესაშურ ფორმაში ჩადგა. ტელეწამყვანი სხვადასხვა პერიოდში დიეტებით ებრძოდა ჭარბ წონას, თუმცა ზედმეტი კილოგრამების დაკლებასთან ერთად, მიღებული შედეგის შენარჩუნება არანაკლებ მნიშვნელოვანია.
5 კომენტარი
"დედამ ტელეფონში მითხრა, ჟენია დავკარგეთო და ყურმილიც გაითიშა... ისინი იღუპებოდნენ და მე ვერ ვუშველე"

25 მარტი მეორეკლასელი დარინასთვის ერთ-ერთი ლამაზი დღე უნდა ყოფილიყო, რომელსაც მეგობრის დაბადების დღეზე გასართობ ცენტრში გაატარებდა, თუმცა ყველაფერი ტრაგედიით დასრულდა... სავაჭრო-გასართობ ცენტრში მოულოდნელად ხანძარი გაჩნდა, შედეგად უამრავი ადამიანი დაიღუპა და მძიმედ დაშავდა.

1 კომენტარი
სახსრებში მამტვრევს. ალბათ ბედნიერების ნიშანია.