"ეს ნიშნავს, რომ ღმერთს ვუყვარვართ" - რას ფიქრობდნენ და განიცდიდნენ კარანტინის დროს ცნობილი ადამიანები?
font-large font-small
"ეს ნიშნავს, რომ ღმერთს ვუყვარვართ" - რას ფიქრობდნენ და განიცდიდნენ კარანტინის დროს ცნობილი ადამიანები?
რას ფიქრობდნენ და განიცდიდნენ კარანტინის დროს ცნობილი ადამიანები?

პანიკა, მომავლის შიში, უიმედობა, გაურკვევლობა - ეს იმ გრძნობების არასრული ჩამონათვალია, რომელიც კორონავირუსის საშიშროებამ გამოიწვია. ძნელია იმ განცდების გამოხატვა, რაც წლევანდელმა, მძიმე გაზაფხულმა მოგვიტანა, თუმცა, ჩვენ მაინც შევეცადეთ გაგვერკვია, რას ფიქრობდნენ და განიცდიდნენ კარანტინის დროს ცნობილი ადამიანები ან - როგორ აპირებენ ჩვეულ რეჟიმში დაბრუნებას.

გთავაზობთ ამონარიდებს ინტერვიუდან, რომელიც ჟურნალში "გზა" გამოქვეყნდა:

სტეფანე მღებრიშვილი:
"ამ ორი თვის განმავლობაში, მეც სხვების მსგავსად, თვითიზოლაციაში ვიყავი და ძალიან ვფრთხილობდი. კანონმორჩილი ადამიანი ვარ და ყველა შეზღუდვას ვემორჩილებოდი. მარტო უახლოეს სუპერმარკეტში თუ გავიდოდი... კიდევ კარგი, კერძო სახლში ვცხოვრობ და ჩემი გასეირნება საკუთარ ეზოში ჩასვლით შემოიფარგლებოდა. როგორც ყველა, მეც განვიცდიდი, ვნერვიულობდი..."

ნინელი ჭანკვეტაძე:
"შეიძლება გაგიკვირდეთ, მაგრამ მთელი ამ ხნის განმავლობაში შიში საერთოდ არ მიგრძნია: ვუსმენდი ჩვენს პატრიარქს, ტაძარში დავდიოდი და სისტემატურად ვეზიარებოდი.
პატრიარქი მთელი მართლმადიდებელი მრევლის წინამძღვარია, ეს არის "მწყემსი კეთილი", რომელსაც ბევრი აქვს ნაფიქრი. თუ ყურადღებით მოუსმენ, ყველა კითხვაზე პასუხს მიიღებ..."

ავთო ცქვიტინიძე:
"თავდაპირველად გაურკვევლობა და სტრესი მეც დამეუფლა, მაგრამ მერე ჩემს თავს შემოვუძახე და ფერწერას დავუბრუნდი. ამ ორ თვეში ბევრი ტილო დავხატე, შესაბამისად, ეს დღეები ჩემთვის საკმაოდ ნაყოფიერი გამოდგა, რადგან ახლის ძიებაში გავატარე. რაც მთავარია, სასოწარკვეთილებას მოვერიე და ნერვული სისტემა არ დავიზიანე..."

ნანიკო ხაზარაძე:
"მქონდა თუ არა ვირუსის შიში? - არა, არ მქონია, რადგან თუ რაღაც უნდა დამემართოს, მაინც დამემართება და შიში ვერაფერს მიშველის. საერთოდაც, შიშში ცხოვრება დიდ შეცდომად მიმაჩნია. აკრძალვა რომ არ იყოს, პირბადესაც არ გავიკეთებდი, რადგან ადამიანთან ზედმეტად ახლოს მისვლა ისედაც არ მიყვარს..."

მედეა ლორთქიფანიძე:
"70 წელს ზემოთ ადამიანების ქუჩაში გამოსვლა არ შეიძლებაო და დავჯექი სახლში. ისეთ კარანტინში ვიყავი, დედიკო, ნაგვის გადასაყრელადაც კი ვერ ჩავდიოდი. ჩემი შვილი მოდიოდა და ის აკეთებდა ყველაფერს. ჩემი კარი სულ ღიაა და არავინ რომ აღარ მოდიოდა, ლამის გავგიჟდი..."

ზალიკო სულაკაური:
"მშობლებს ვეღარ ვნახულობდი - ისინი 80 წელს არიან გადაცილებული და შინ ჩაიკეტნენ. როგორია, ამდენ ხანს მშობლებს რომ ვერ ჩაეხუტები? მართალია, ჩემი ორი პატარა ქალბატონი თავს დამფოფინებდა და ამ დარდს მიქარვებდა, მაგრამ ჩვეულ ცხოვრებასთან განშორება მაინც ძალიან გამიძნელდა. ამას ისიც დაემატა, რომ ჩემი შვილი ახალი ნაოპერაციევი იყო, როცა კარანტინი გამოაცხადეს. ძალიან დიდი ნერვიულობა გადავიტანე..."

სტატიას სრულად ჟურნალ "გზის" 21 მაისის ნომერში წაიკითხავთ.

ხათუნა ჩიგოგიძე
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
გაჩნდა იდეა, სხვადასხვა საოჯახო ნივთი თუ აქსესუარი თიხის, მინისა და ხის სინთეზით შეექმნათ
რამ აიძულა ამერიკაში წარმატებული სპორტსმენი, საქართველოში დაბრუნებულიყო
ქართველი დიზაინერი, რომელიც ბარსელონაში საკუთარ პროდუქციას წარმატებულად ყიდის
რატომ თქვა ონლაინსწავლებაზე უარი მამუკა ლომაშვილმა
ამერიკელებმა ეს ჩემი გამოყვანილი ჯიში წაიღეს
რას ჰყვება 16 წლის გოგონა, რომელიც ძალადობის თემას ეხმაურება?
რამ აიძულა ამერიკაში წარმატებული სპორტსმენი, საქართველოში დაბრუნებულიყო
"ღმერთო, ამ ერთხელაც გადაარჩინე მამაჩემი და გპირდები, ასჯერ უკეთესი ირაკლი გავხდები..."
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.