მუხრან მაჭავარიანის ბოლო გამოსვლა
font-large font-small
მუხრან მაჭავარიანის ბოლო გამოსვლა
სიტყვა, რომლის დამთავრება პოეტმა ვერ მოასწრო

"2010 წლის 17 მაისს, ფრიდონ ხალვაშის საიუბილეო საღამოზე მისასალმებელი სიტყვით გამოსვლისას, რუსთაველის თეატრის სცენაზე, ქართული სიტყვის მსახურთა და დამფასებელთა თვალწინ, გამოეთხოვა წუთისოფელს დიდი პოეტი მუხრან მაჭავარიანი. უაღრესად თვითმყოფადი შემოქმედის ცხოვრების ეს ბოლო აქტი, უფლის ნებით, გულისმომკვლელი, მაგრამ ამავდროულად ამაღლებული განსვლა გამოდგა ამ ქვეყნიდან. პოეტი მეგობარი პოეტის დღესასწაულზე მეგობრული მოვალეობის აღსრულებისას გამოგვეთხოვა, მარადისობაში გადაინაცვლა, თან გაიყოლა მთელი საქართველოს ელდა და გაოგნება. გთავაზობთ სიტყვას, რომლის ბოლომდე წაკითხვა მუხრან მაჭავარიანმა ვერ მოასწრო", - წერს ლევან ბრეგაძე.


კვლავაც მრავალგზის
"თბილისო, მე რომ შენთან მოვედი,/ სიყვარულივით ვიდექ მდუმარი.../ მეც უნდა ვიყო შენი პოეტი,/ მე არ ვიქნები შენი სტუმარი!" - ასე მიმართა საქართველოს დედაქალაქს, ნახევარი საუკუნის წინათ, ჩვენმა დღევანდელმა იუბილარმა, რომელიც უკვე კარგა ხანია ღირსეული პოეტი გახლავთ არა მარტო თბილისისა, არამედ სრულიად საქართველოსი.
წინათაც და დღესაც, ყოველი ჭეშმარიტი ქართველი პოეტი საქართველოთია დაავადებული:
- ღმერთო, სამშობლო მიცოცხლე,
ძილშიაც ამას ვდუდუნებ! - წერდა ვაჟა.
- დავბადებულვარ, რომ ვიყო მონა
და საქართველოს მედგას უღელი! - წერდა ტიციანი.
- სამშობლო არ დაგავიწყდეთ,
სამშობლო უმთავრესია! - წერდა გალაკტიონი.
- როცა გიჭირს შინ და გარეთ/ და ქვეყანა ჩვენი გოდებს,/ ღმერთმა ნუ ქნას, სადმე ქართველს/ ქართველობა არ უნდოდეს! - წერს ფრიდონ ხალვაში.
არადა, არამცთუ სხვაგან, ამჟამად, თვით საქართველოში, სამწუხაროდ, არიან ქართველები, რომლებსაც, მაინცდამაინც, დიდად არაფრად მიაჩნიათ შენი ქართველობა!
მაგრამ, დარწმუნებული ვარ, ღმერთი თავისას მიუზღავს ყველას და, დღეს არა, - ხვალე, ამ ე.წ. ქართველთაგან, არც ერთ მათგანს არ ასცდება ბედი აკაკი წერეთლის ნათაგვარი ღამურასი!
იშვიათია პოეტი, რომელსაც სხვა პოეტის დანახვისა და მისი აღიარების უნარი შესწევს.
GzaPress
ფრიდონ ხალვაში სამაგალითოა ამ მხრივაც:
"მიყვარს ნაავდრალი მთები, მთები ნისლებაჩალული,/ კვნესით დახნულ-დანათესი, იარებით დაშარული,/ როგორც გორგილაძის ლექსი - დიდქართული, აჭარული".
ჭეშმარიტად, უშურველობისა და კეთილშობილების ზენიტია ფრიდონ ხალვაშის ეს "გულიდან ხორცად გამონატანი" სიტყვები.
უდავოდ, "დიდქართულია" თვითონ ფრიდონის შემოქმედებაც. ხალხმა ზეპირად იცის მისი მადლიანი ხელიდან გამოსული არაერთი სტრიქონი.
"მითხარ, როგორაა მემლექეთი,/ ჩემი სანატრელი საქართველო,/ რამე იმნაირი გამაგონე,/ გული დაკოდილი გავამრთელო".
მთელ ქართულ პოეზიაში თითო-ოროლა თუა ესოდენ გულში ჩამწვდომი ლექსი.
ფრიდონი პროზაშიც ისევე წრფელი და ელვარეა, როგორც პოეზიაში: მრავლისმეტყველია მისი რომანი "შეიძლება თუ არა, მუსლიმანი იყოს ქართველი?"
შესანიშნავია მისი მემორიალური ხასიათის წიგნი "ომრი"...
ჭეშმარიტ პოეტს, მხურვალე მამულიშვილს, დაუცხრომელ საზოგადო მოღვაწეს, ჩემს ძველ მეგობარს ფრიდონ ხალვაშს სულითა და გულით ვულოცავ დაბადებიდან 85 წლისთავს და ვუსურვებ, კვლავაც მრავალგზის გაეხარებინოს ქართველი კაცის გული თავისი ლექსითა თუ პროზით.
მუხრან მაჭავარიანი
15.05.10".
ნანული ზოტიკიშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
გენაცვალეთ, გამიკეთეთ, იმხელა ვარ, ყველას გეყოფითო...
"ფუნჯთან ჩემი ზიარება ხატწერით მოხდა"
ქართველი წყვილი, რომელიც ესპანეთის მოქალაქეებს ცეკვას ასწავლის
პატრონებისგან უარყოფილი დალმატინელის ამბავი
ირმა შამათავა-შუბითიძე: პანდემია ახალ შესაძლებლობად გამოვიყენე
გოგონა, რომელიც ყვავილებს ქარგავს
"მინდა ჩემი ხელნაკეთი ნივთები ხელმისაწვდომი იყოს"
დიმიტრი ერმაკოვის ფოტოების მიხედვით აღდგენილი ინტერიერი
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.