ეკატერინე გოგლიძის წარმატებული მუსიკალური კარიერა
font-large font-small
ეკატერინე გოგლიძის წარმატებული მუსიკალური კარიერა
"არ არის აუცილებელი, ერთ კონკრეტულ განზომილებაში იცხოვრო"

პირველი სიმღერა, რომელიც ეკატერინე გოგლიძის შესრულებით BBC-ის რადიო ეთერში მოხვდა, "ლოვე ინსანე"-ია. ეს მოხდა ხუთი წლის წინ. ამ პროდუქტის (ვოკალურ-ინსტრუმენტული მუსიკის) ავტორი თავად ეკატერინეა. მისი ახალი კლიპის წარდგენა მოხდება ბრიტანეთში, 5 მარტს. ინფორმაცია ამის შესახებ დაანონსებულია გაერთიანებული სამეფოს პრესაში. კლიპის სახელია "Changes" და გადაღებულია საქართველოში. გთავაზობთ ბლიცინტერვიუს ეკატერინესთან.

- მუსიკა და შენ...
- ერთად მოვდივართ ბავშვობიდან. მუსიკა ძალიან დიდ როლს თამაშობს ჩემს ცხოვრებაში და ბედნიერი ვარ, რომ დღესაც შემიძლია ჩემი კარიერა დავუკავშირო მუსიკას, რომელსაც ვასრულებ, თავად ვქმნი...
- ბავშვობის მოგონებები...
- ბევრი სასიამოვნო მოგონება მაქვს, ძირითადად, ოჯახთან დაკავშირებული, რადგან ბევრს ვმოგზაურობდით, სხვადასხვა ქვეყანაში გვიწევდა ცხოვრება, მაგრამ თუ მუსიკაზეც ვისაუბრებ, ჩემი პირველი გამოსვლები მახსენდება კვიპროსში ფესტივალებზე, სადაც 5 წელი ვიცხოვრეთ.
- დედა, მამა და შენ...
- მშობლებთან ძალიან ახლო ურთიერთობა მაქვს. აქტიურად არიან ჩართული ჩემს საქმიანობაში და მეც მათ ცხოვრებაში ასევე ჩართული ვარ.
- ძმა როგორ შეხვდა შოუბიზნესში შენს პირველ ნაბიჯებს?
- ძალიან დიდი მხარდაჭერით. ინგლისში ხშირად მოდიოდა ჩემთან ერთად, ხმის ჩამწერ სტუდიაში და ახლაც მეხმარება ბევრ საკითხში.
- გაერთიანებულ სამეფოში შენი პირველი ნაბიჯები...
- პირველი დამოუკიდებელი ნაბიჯი, ალბათ, ის იყო, როცა კემბრიჯის სკოლიდან ლონდონში გავიქეცი მეგობრებთან ერთად, ხმის ჩამწერი სტუდიის მიერ გამოცხადებულ კონკურსზე და მოვიგე კიდეც. აქედან იწყება ინგლისში ჩემი მუსიკალური კარიერა.
- ქართული და ევროპული თანამედროვე მუსიკის შესახებ შენი აზრი.
- ქართულ თანამედროვე მუსიკას რაც შეეხება, სამწუხაროდ, კარგად არ ვიცნობ და ვერაფერს ვიტყვი. ევროპულს, თუმცა რატომ მარტო ევროპულს, ამერიკულს, ზოგადად, დასავლურ მუსიკას ვეცნობი. საერთოდ, ყველა ჟანრი მომწონს. ძველ ქართულ სიმღერებს სიამოვნებით ვუსმენ. თანამედროვე მომღერლებს არ ვიცნობ.
- რომელ ჟანრში გრძნობ თავს კარგად?
- როკი, პოპროკი.
- შენი მუსიკის ინსპირაცია რა არის?
- ყველა ჩემი სიმღერა ცხოვრებისეულია.
- საყვარელი კერძი თუ გაქვს?
- ერთს ვერ გამოვყოფ.
GzaPress
- და რისი მომზადება გიყვარს სამზარეულოში?
- უფრო ხშირად, აზიურ კერძებს ვამზადებ.
- ჰობი?
- ალბათ, მოგზაურობა.
- პროფესიაზე რას გვეტყვი?
- უნივერსიტეტი დავამთავრე საერთაშორისო ურთიერთობების, პოლიტიკისა და მედიის მიმართულებით. მუსიკალური განათლება არ მაქვს, მაგრამ ვცდილობ, მაქსიმუმი გავაკეთო ამ მიმართულებითაც.
- ბრიტანეთის მერე თბილისი და ლეჩხუმი - პანდემიის დროს...
- ინგლისიდან მარტის ბოლოს ჩამოვედი და მთელი ეს პერიოდი ოჯახთან ერთად გავატარე საქართველოში, თბილისსა და ლეჩხუმში, რომელიც ძალიან მიყვარს. პარალელურად, დისტანციურად ვმუშაობდი და ვფიქრობ, ეს თვეები შედეგიანი იყო ჩემთვის.
- საყვარელი შემსრულებელი, ვოკალისტი, ინსტრუმენტალისტი - ვის დაასახელებ?
- ბევრი საყვარელი მომღერალი მყავს, ვერ გამოვარჩევ. მამასთან ერთად ბავშვობიდან ვუსმენ "ლედ ზეპელინს". ალბათ, ყველაზე დიდი გავლენა ამ ჯგუფმა მოახდინა ჩემს გემოვნებაზე.
- სამშობლო თუ ევროპა - სად ხედავ თავს პროფესიულად?
- დღეს ყველა საზღვარი გახსნილია. არ არსებობს აუცილებლობა, ერთ კონკრეტულ განზომილებაში იცხოვრო. მთავარია, კარგი მუსიკა შექმნა.
როლანდ ხოჯანაშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"თუ არც არავის მოუგია და არც წაუგია, მაშინ ადგილი აქვს არამყარ მშვიდობას"
ვის უმღეროდნენ ქუჩაში "დღისით შენს ბაღში ვღიღინებ..."
გენაცვალეთ, გამიკეთეთ, იმხელა ვარ, ყველას გეყოფითო...
"ფუნჯთან ჩემი ზიარება ხატწერით მოხდა"
ქართველი წყვილი, რომელიც ესპანეთის მოქალაქეებს ცეკვას ასწავლის
პატრონებისგან უარყოფილი დალმატინელის ამბავი
ირმა შამათავა-შუბითიძე: პანდემია ახალ შესაძლებლობად გამოვიყენე
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.