სარფში შემოსულ ლევან ვარშალომიძეს მოქალაქემ ფეხსაცმელი ესროლა
"ნაციონალური მოძრაობის" წევრის, აჭარის მთავრობის ყოფილი თავმჯდომარის შემოსვლას მცირე ინციდენტი მოჰყვა. საზღვრის გადმოკვეთის დროს მას ღოღობერიძემ ფეხსაცმელი ესროლა და სიტყვიერი შეურაცხყოფა მიაყენა.
შსს-ს ცნობით, მოქალაქე ადმინისტრაციული სამართალდამღვევათა კოდექსის 166-ე მუხლით დააკავეს, რაც გულისხმობს წვრილმან ხულიგნობას.
ლევან ვარშალომიძემ საზღვარი დაახლოებით 13:30 საათზე გადმოკვეთა. მას სარფში ათობით მხარდამჭერი და მიხეილ სააკაშვილის მეუღლე სანდრა რულოვსი დახვდა. სარფში შეკრებილ მხარდამჭერებს ლევან ვარშალომიძემ სიტყვით მიმართა და აღნიშნა, რომ "გამარჯვების დრო დადგა".