აფხაზეთში დარჩენილი მოხუცი ქალბატონის ჩანაწერები
font-large font-small
აფხაზეთში დარჩენილი მოხუცი ქალბატონის ჩანაწერები
"სუფთა ჰაერი გვენატრებოდა..."

აფხაზეთის დაკარგვის შემდეგ, საკუთარი სახლ-კარი ბევრმა ადამიანმა არ დატოვა. ამბობდნენ, - უკაცოდ სახლი გაჩანაგდება და ვიდრე ოჯახის წევრები ისევ უკან დაბრუნდებიან, აქაურობას მივხედავთო... თითქმის ყველა მათგანი აფხაზი ახლობლის ან მეზობლის იმედად დარჩა. ისინიც საკუთარი სიცოცხლის ფასად იცავდნენ ახლობელ ქართველებს. აფხაზი ბოევიკები "სპეციალურ რეიდებს" ახორციელებდნენ ქართველების სახლებში და არაერთი შემთხვევა ყოფილა, როდესაც "მფარველ" აფხაზს მათი დახმარება ვერ მოუსწრია... გარკვეული დროის შემდეგ, ვინც კი ცოცხალი გადარჩა, თითქმის ყველამ დატოვა იქაურობა, რადგან ბოევიკები უკვე მათ "მფარველებსაც" ავიწროებდნენ.

ზოგს წამების პროცესში მოუსწრეს და გადაარჩინეს, მაგრამ რამდენიმე პირდაპირ დახვრიტეს. მათ საკუთარ ეზოში ვმარხავდით, რომ ოჯახს ცხედარი მაინც ჰქონოდაო, - ჰყვებოდნენ ისინი, ვინც იმ ჯოჯოხეთში რაღაც პერიოდი გაატარა.
აფხაზეთის დაკარგვის შემდეგ, ორ წელზე მეტი გაატარა სოხუმში ქართველმა ქალბატონმა ვერა თოდუამ. "ზოგჯერ ისეთი არაადამიანური სისასტიკის, ზოგჯერ კი თავგანწირის შემსწრე ვხდებოდი, ემოციების გაკონტროლება მიჭირდა. ზუსტად არ მახსოვს, რამდენჯერ გადავურჩი დახვრეტას. აფხაზებმა არაერთხელ განახორციელეს ჩემზე დახვრეტის იმიტაცია... ბოღმა და საკუთარი უსუსურობა მახრჩობდა. მივხვდი, სიგიჟის ზღვარზე ვიყავი. ცოტაც და, ნერვები მიმტყუნებდა და საგიჟეთში ამოვყოფდი თავს... შემდეგ გამოსავალი ვიპოვე - წერა! ღამე ვერ ვიძინებდი და გათენებამდე ვწერდი. ეს შვება იყო..." - ჰყვება სოხუმელი მოხუცი თავის ჩანაწერებში, რომლის დაბეჭდვის ნებართვაც მისმა შთამომავლებმა, ჟურნალ "გზას" ექსკლუზიურად მისცეს.
ქალბატონი ვერას ჩანაწერებს მცირედი შემცირებებით გთავაზობთ (სტილი დაცულია):
"ოქტომბერი, 1993 წელი. სოხუმი.
არ ვიცი, რა დღეა და რომელი რიცხვია. ვიცი, რომ ოქტომბერია. დღისით ძალიან ცხელა, ღამე გრილა... გაგრიდან სოხუმში გადმოვინაცვლეთ, იქაურობას უკვე აფხაზები აკონტროლებდნენ და იქ ყოფნა გაუსაძლისი იყო... მე და ჩემი მეუღლე სოხუმში დავრჩით. თუ რატომ, ამაზე ჩემს თავს შემდეგ ხშირად ვეკითხებოდი... სანამ სოხუმის აღების ეიფორია გადაუვლით, აფხაზ ნათესავებთან ვართ, მაგრამ მალე სახლში უნდა წავიდეთ. აუცილებლად წავალთ! სახლ-კარს პატრონობა სჭირდება... აფხაზი ნათესავის სარდაფში ვართ მე და ჩემი მეუღლე. სუფთა ჰაერი გვენატრება, სხვა დანარჩენზე - შიშზე, სროლებზე, სტრესზე არ ვფიქრობთ. ჩემი მეუღლე ვერ იტანს უჰაერობას, ასთმა აქვს, აღარ გვაქვს დამხმარე "ბალონიც" და მხოლოდ "ნოშპის" იმედად ვართ, რომ სპაზმი მოეხსნას... დღეს აფხაზები პატრულირებდნენ, მას კი ნერვიულობის ნიადაგზე სპაზმური ხველა დაეწყო. სხვა ვერაფერი მოვიფიქრე და პირზე ხელი ავაფარე. ჩვენს თავს ვინ ჩივის, მასპინძელ აფხაზებსაც დახოცავდნენ... რამდენიმე წამში გალურჯდა. მივხვდი, ვერ გაუძლებდა და ხელი მოვაშორე. ჭუჭრუტანიდან დავინახე, როგორ შემოაღო ჭიშკარი წვერიანმა, მხარზე ავტომატგადაკიდებულმა აფხაზმა. ძარღვებში სისხლი გამეყინა. პირდაპირ სარდაფის ჩასასვლელისკენ გამოემართა. ამ დროს სახლიდან მასპინძელი ქალი გამოვარდა, - "ჩტო პროისხოდიტ, ბრატ?" - "კტო უ ვას ტამ?" "ეტა მოი დომ! ვონ ატსუდა!" - დაუყვირა ქალმა. კაცი შეყოვნდა: "კტო ტამ, ჩტო ზა შუმ?" - ეჭვით იკითხა და კარს წიხლი ჰკრა... - "ეტა ია, ნუ ი ჩტო?" - ხრინწიანი ხმით იკითხა სარდაფის გვერდითა მხრიდან ვიღაცამ. ეს ოჯახის უფროსი, ევგენი მიხაილოვიჩი იყო. მას სიარული უჭირდა და ხელჯოხით დადიოდა... აფხაზი გაფითრდა, უფროსების მიმართ მათ ძალიან დიდი რიდი აქვთ. ამასობაში ჭიშკარში მეორე გამოჩნდა. - "ტამ ვსო ვ პარიადკე?" - ჰკითხა თანამებრძოლს. - "ნავერნოე, და!.. იზვინიტე!" - თქვა და გატრიალდა... ასე გადავრჩით პირველად. შემდეგ მსგავსი ფაქტი იმდენჯერ განმეორდა...


ლალი პაპასკირი
ბეჭდვაელფოსტა
კომენტარები (1)
01.08.2016
ანა ფრანკის დგიური.არაფერი არ იცვლება სამყაროსჰი
LILI
ამ კატეგორიის სხვა სიახლეები
გაერთიანებული ოპოზიციის წარმომადგენელი, "ეროვნულ დემოკრატიული პარტიის" ლიდერი ბაჩუკი ქარდავა მიმდინარე, პოსტ თუ წინასაარჩევნო საკითხებზე თავის მოსაზრებებს გვიზიარებს.
"მახარებს, რომ თბილისში რუს ტურისტებს მიესალმებიან" - ანგელა მერკელის ვიზიტის შუქ-ჩრდილები
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2530 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2655 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
4 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
5 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
5 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2445 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1206 კომენტარი