წარმოიდგინეთ, გვაქვს დენი, ინტერნეტი, იტყვის რაღაცას ენძელა, ან გუგული და...
font-large font-small
წარმოიდგინეთ, გვაქვს დენი, ინტერნეტი, იტყვის რაღაცას ენძელა, ან გუგული და...
პროვოკატორის ბლოგი

ესეც ასე, მოუგო ხორვატიამ რუსეთს ფეხბურთში და გაბედნიერებული ქართველები ისეთ ყიჟინას ვცემთ, თითქოს დიდგორი გაგვემეორებინოს. განა სამგლეთი დაიქცა, რუსეთმა რომ წააგო! თანაც, ჩვენებს მაინც მოეგოთ... როგორ მოვიგებთ, როცა ისეთი წყალწაღებულია ჩვენი ფეხბურთი, ხავსსაც რომ ვეღარ ეჭიდება?

არ დასრულდა საქართველოში წარუმატებელი სფეროების დოტაცია. მომაკვდავ ფეხბურთს რად უნდა ამდენი ფულის ფლანგვა? თუ გადასარჩენია, თავად გადაირჩინოს თავი, თუ არადა, ბარემ გადავუხადოთ ქელეხი და გავაცილოთ ოლიმპიურ სასაფლაოზე, ერთბაშად ფიფამ და საერთაშორისო ოლიმპიურმა კომიტეტმა შავები
არ ჩაიცვას ქართული ფებურთის გაუჩინარების გამო!

რუსეთ-ხორვატიის მატჩთან დაკავშირებით რაღაც კონსენსუსს კი მივაღწიეთ, მაგრამ ჰესებთან დაკავშირებით საშველი არ დაგვადგა. ჭუბერის სტიქიამ ორ ნაწილად გაგვყო: "ჰესისტებად" და "სტიქიოლოგებად". აი, ისაო, კაშხალი რომ ყოფილიყოო, ჰიდრორეგულაციას შევძლებდით, სულ კოვზ-კოვზად გავატარებდით ნენსკრას წყალს ხეობაში და არ დაიქცეოდა სოფელიო. გენაცვათ, ერთი ეს მითხარით, ერთგან რომ ააგებთ კაშხალს და მის ზემოთ არეგულირებთ წყლის დონეს, კაშხალს ქვემოთ რომ მოსწყდეს ტენით გაჯერებული მიწა და ხეობა ისევ გადაკეტოს, მერე რა ვქნათ? თუ ყოველ კილომეტრში ვაშენოთ კაშხლები, კასკადები და სვანეთი ჰესებად ვაქციოთ? ელემენტარული ჰიდროგრაფიული ცოდნა კმარა იმის გასაგებად, რომ წყლის დაგუბებას მოსდევს ჰაერში ტენიანობის გაზრდა, რაც კლიმატის გარდა სხვა ბევრ რამესაც ცვლის! შევირგოთ ერთი ენგურჰესი, ვაშენოთ პატარა ჰესები და დავიკმაყოფილოთ ეს გაზრდილი ენერგეტიკული მადა, არ სჯობს? 26 600 მდინარე გვქონია საქართველოში და ბარემ ერთ დიდ ენერგოწარმოებად რომ გვაქციონ, არ უნდათ? ეს რომ ვთქვი, სულ პუწინის მონა მეძახეს, - შენ არ გინდა ენერგოდამოუკიდებლობაო. გერმანიასაც აქვს ეკონომიკური კავშირები რუსეთთან, მიუხედავად იმისა, რომ სტალინურმა რუსეთის იმპერიამ 25 მილიონი კაცი მოუკლა- მეთქი და აი, მაშინ უნდა გენახათ თქვენ რისხვა: კერასინკისა და ჭრაქის ეპოქაში ჩარჩენილოო! ცოტა ხანს დავდუმდი და ვთქვი მერე, ჰელიოენერგეტიკაზე როგორა ხართ-მეთქი და ეგ არასტაბილური მიწოდების საფუძველიაო!

ადამიანებო, დღე მზემ გვაწოდოს დენი, ღამე - მდინარეებმა, არ შეიძლება?! ქარს რომ მიაქვს თრიალეთის ქედი კიდევ, მანდ ქარის ელექტროსადგურები გაკეთდეს და ეგებ გვეყოს, ეგებ გავხდეთ ენერგოდამოუკიდებლები-მეთქი! ვიღაც ჩიტთა უფლებების დამცველი გამომიხტა და - ბნელო, გინდა მაგ საფრთხობელა ქარის სადგურებით მწყერ-ოფოფები დაიხოცოსო? მწყრები და ოფოფები რომ ჰყავს ასეთ "სამოქალაქო სექტორს" ტვინში, ამიტომაც დუმილი ვარჩიე! ერთადერთი გზა დარჩენია საქართველოს, მთიანი ნაწილი წყლით უნდა დავფაროთ, მერე აღარ გვექნება ბუნება, მაგრამ გვექნება "ტოკი"! დენს დამატებული ინტერნეტი, ეს უკვე ნამდვილი ცხონებაა! მივუსხდებით კომპიუტერებს, დავიწყებთ ბრძნული აზრების ფრქვევას "ფეისბუკზე" და ქვეყანაც აშენდება! წარმოიდგინეთ, გვაქვს დენი, ინტერნეტი, იტყვის რაღაცას ენძელა, ან გუგული და ბრძნული სახეებით ექსპერტულ დასკვნებს დავწერთ... ვიანგარიშებთ, ეყოფა თუ არა 10 ლარი 4 ლიტრ ზეთს, დარჩება თუ არა წულუკიანი მინისტრად, გადავასწრებთ თუ არა ჩილეს ადამიანური განვითარების ინდექსით, პუტინი ცოცხალია თუ მისი ორეული მართავს რუსეთს, სულგუნი ღომითაა უფრო გემრიელი თუ მჭადით, ნიგვზიანი ჯონჯოლი სჯობს თუ მაიონეზიანი ბადრიჯანი და ასე შემდეგ! აბა, ეკონომიკური საფუძვლის განმტკიცებისთვის ხომ ვერ მოვიკლავთ თავს?! ჩვენ, მაშინაც კი არსტოკრატები და თავადები ვიყავით, ვიდრე დავიბადებოდით! ფიზიკური შრომა ჩვენი საქმე არაა, ჩვენ ინტელექტით ვშრომობთ მხოლოდ, ვირტუალურ სამყაროში!

პ.ს. ჭუბერის გამგებლისთვის ჯილდოს გაცემის თაობაზე მკვეთრად უარყოფითი აზრი გამოთქვა სამოქალაქო სექტორმა. მათი აზრით, ჭუბერის გამგებელი მცირე ხნით იდგა წყალში, ხოლო ტირიფების უმეტესობა მუდამ წყალშია და ჯერ ისინი უნდა დავაჯილდოოთ...
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
პოლიტიკურმა გაერთიანებამ "ძალა ერთობაშია" საერთო საპრეზიდენტო კანდიდატად გრიგოლ ვაშაძე ქუთაისში, ბაგრატის ტაძრის ფონზე წარადგინა.
ჰელსინკში რუსეთისა და ამერიკის შეერთებული შტატების პრეზიდენტებს პუტინსა და ტრამპს შორის შეხვედრა გაიმართა,
გცხელათ? დიდი ამბავი! ზაფხული იმისაა, რომ უნდა იყოს მზე, რუჯი, ზღვა, პლაჟზე ორლარიანი სიმინდის ტარო, ეროვნული გამოცდები და მაია მიმინოშვილი, უზარმაზარი ხელფასით!
სახელისუფლო გუნდი გიორგი კვირიკაშვილის გადადგომის მიზეზად ქვეყანაში არასახარბიელო სოციალურ-ეკონომიკურ ვითარებას ასახელებს.
იმ დროიდან მოყოლებული, რაც მამუკა ბახტაძე "საქრათველოს რკინიგზის" ხელმძღვანელად დაინიშნა, მუდმივად მიმდინარეობდა მითქმა-მოთქმა, რომ ის ბიძინა ივანიშვილის ოჯახთან მჭიდროდ იყო დაკავშირებული.
კვირის სიახლეები
"გმირია ქალი, რომელიც საცხოვრებლად მთაში წავიდა"
"ყველა ერთმანეთს მტრობს, ჭორავს - იშვიათად გაიგებ ტკბილ სიტყვას"
2 კომენტარი
ლაშა შუშანაშვილს საბერძნეთი საფრანგეთს გადასცემს - ქართველი "კანონიერი ქურდების" "შავი დღე" ევროპაში
საერთაშორისო სააგენტო Associated Press-ის ინფორმაციით, საბერძნეთის ხელისუფლებამ მიიღო გადაწყვეტილება, განახორციელოს ცნობილი ქართველი ავტორიტეტის ლაშა შუშანაშვილის საფრანგეთში ექსტრადიცია.
0 კომენტარი
"მწყემსმა თავად აჩვენა მაშველებს ის ადგილი, სადაც ბავშვის ცხედარი ჰქონდა გადამალული" - ვინ არის ხადას ხეობაში მოკლული ამერიკელი ცოლ-ქმარი
6 ივლისს მარნეულის მუნიციპალიტეტში მცხოვრები ამერიკელი ცოლ-ქმარი რაიან და ლორა სმიტები, 4 წლის ვაჟთან ერთად, დუშეთის რაიონის ხადას ხეობაში გაუჩინარდნენ.
1 კომენტარი
"მკვლელმა ლუკას დანა რამდენჯერმე დაარტყა და გაიქცა" - მესტიაში მომხდარი მკვლელობის დეტალები
მესტიაში ურთიერთშელაპარაკების შემდეგად 25 წლის ლუკა ფალიანი მოკლეს.
0 კომენტარი
"12 წლის ბიჭების ცხედრები წყალში ხელჩაჭიდებული იპოვეს"
SOS - ბოლო ორ თვეში 27 ადამიანი დაიხრჩო
3 კომენტარი
"ბრუტუსი, ანუ იულიუს კეისრის მკვლელობა" ახმეტელის თეატრში
"რამდენიმეწლიანმა კვლევამ მიჩვენა, რომ ის მოღალატე არ არის"
0 კომენტარი
ფულის შოვნის "თანამედროვე მეთოდები"
უმუშევრობის ფონზე ყველა თავისებურად ცდილობს ფულის შოვნასა და თავის გატანას, - გზები მრავალფეროვანია, გააჩნია, ვის როგორი ფანტაზია აქვს.
2 კომენტარი
სახსრებში მამტვრევს. ალბათ ბედნიერების ნიშანია.
LIFE
თანამედროვე მზევინარი და მთაში ნაპოვნი სილაღე...
რა პრობლემებს აწყდებიან რეგიონში ტურისტებთან ურთიერთობისას
4 კომენტარი
"ბრუტუსი, ანუ იულიუს კეისრის მკვლელობა" ახმეტელის თეატრში
"რამდენიმეწლიანმა კვლევამ მიჩვენა, რომ ის მოღალატე არ არის"
0 კომენტარი
ბავშვებად დარჩენილი მსახიობები
1946 წელს ქუთაისელმა ბავშვებმა დაუვიწყარი საჩუქარი მიიღეს - გაიხსნა თოჯინების თეატრი ღვინის ყოფილ სარდაფში.
0 კომენტარი
ნატუკა გულისაშვილის პროტესტი
"მეუბნებიან ხოლმე, მანქანას კაცივით ატარებო"
1 კომენტარი
"მამა "ჩარეცხილების" სიაშიც კი მოხვდა და პანთეონში მისი დაკრძალვა არც უფიქრიათ"
რამაზ ჩხიკვაძის შვილის გულახდილი ინტერვიუ
12 კომენტარი