უნიკალური ქართული ჩაი - თუშეთის კლდეებიდან ჩინეთისა და გერმანიის ბაზარზე
font-large font-small
უნიკალური ქართული ჩაი - თუშეთის კლდეებიდან ჩინეთისა და გერმანიის ბაზარზე
"უცხოელებმა ბევრად მეტი იციან ამ ჩაის შესახებ, ვიდრე თავად ქართველებმა"

წარმოშობით თუში, არქიტექტურის ფაკულტეტის მეორე კურსის სტუდენტი, 19 წლის გიორგი სეხნიაიძე უკვე ორი წელია სოფელ შენაქოს კლდეებზე მოკრეფილი ბალახისგან ჩაის აწარმოებს. ჩაი სამკურნალოს გარდა, უნიკალური გემოვნური თვისებებით გამოირჩევა და არა მხოლოდ ქართველების, არამედ უცხოელი ტურისტების ყურადღებასაც სულ უფრო მეტად იპყრობს. მალე მას ჩვენი ქვეყნის საზღვრებს გარეთ, კერძოდ, ჩინეთსა და გერმანიაშიც დააგემოვნებენ.
როგორ შეიძლება სასარგებლო, საინტერესო და სახალისო საქმე შემოსავლიანიც გახადო - გიორგი საკუთარი აგროწარმოების შესახებ გვიყვება...



- მცენარეების მიმართ ინტერესი ბებომ გამიჩინა. ის, როგორც ყველა თუში ქალი, ხელსაქმითაა გატაცებული, ქსოვს, ამუშავებს თექას, იყენებს მატყლს და ბუნებრივ საღებავებს. სხვათა შორის, არ არსებობს მცენარე, რომელიც ქსოვილს რაიმე კონკრეტული სახის ფერს არ აძლევს. მცენარეების მოსაგროვებლად ბებოს ხშირად დავყვებოდი, ბალახების შესახებ მისგან ბევრ ინფორმაციას ვიღებდი. ბოლო ორი წელია ამ საკითხს მარკეტინგული კუთხით მივუდექი, მოვიძიე ლიტერატურა, დავამუშავე, შევისწავლე ქართული ბაზარი და აღმოჩნდა, რომ ბალახეული ჩაი ბაზარზე თითქმის არ მოიპოვება. გარდა ამისა, არ მინდა ამ მცენარეების შესახებ ცოდნა დაიკარგოს და შესაბამისად, მათი მოხმარება შეწყდეს. რატომ უნდა ჩაანაცვლოს 100%-ით ქიმიურმა პრეპარატებმა ჩვენი სამკურნალო მცენარეები და საღებავები?! თუშეთში კაფეტერიას ვამუშავებთ, სადაც ბალახეულის ჩაის უცხოელებს ვთავაზობდი. ერთ-ერთი დიდი სტიმული ჩაის წარმოების დასაწყებად ტურისტების მიერ გამოჩენილი მოწონება და ინტერესი იყო. ჩაი ერთნაირად მოსწონთ ევროპიდან, აზიიდან, აფრიკიდან თუ ამერიკიდან ჩამოსულ მომხმარებლებს. ისინი აღფრთოვანებული და განცვიფრებული არიან როგორც თუშეთის არქიტექტურითა და ლანდშაფტით, ისე სამზარეულოთი.

- ეს მცენარეები თუშეთისთვის ენდემურია?

- ენდემური არ არის, მაგრამ გემოვნური თვისებები აბსოლუტურად განსხვავებული აქვს და გარდა ამისა, ეკოლოგიურად სუფთა გარემოში ხარობს.

- გარდა სასიამოვნო გემოვნური მახასიათებლებისა, რა სამკურნალო თვისებებით გამოირჩევა ხსენებული ბალახების ნაყენი?

- რამდენიმე სახეობაა და ყველას თავისი დანიშნულება აქვს - ამშვიდებს, არეგულირებს წნევას, შველის კუჭ-ნაწლავის პრობლემებს. მისი სხვადასხვა სახეობა გულის, კბილის ტკივილის, ღრძილების, ჰეპატიტების, ღვიძლის, გამონაყარისა და დიაბეტის სამკურნალოდ გამოიყენება. საწყის ეტაპზე დაფასოებული სახით ბეგქონდარა, თავშავა და კრაზანა წარმოვადგინე. ეს სამი მცენარე მაისიდან აგვისტოს ბოლომდე ყვავის. შევარჩიე ის სახეობები, რომლებიც შედარებით დიდი რაოდენობით მოიპოვება და სამკურნალო თვისებებითაც გამოირჩევა.GzaPress

- ამბობთ, რომ ამ მცენარეებს გადაშენების საფრთხე ელით. ამის გამო მათ "მოშინაურებას" ხომ არ აპირებთ?

- გადაშენების საფრთხე არ ემუქრებათ, თუკი მოკრეფის წესს დავიცავთ. ამიტომ, ბალახის მოკრეფის მსურველებს ყოველთვის ვაძლევ რეკომენდაციას, რომ ის აუცილებლად მაკრატლით მოიჭრას, რათა ფესვთა სისტემა არ დაზიანდეს. ძირიანად არ უნდა ამოვიღოთ. ჩვენს თაობებს უნდა შემორჩეთ ეს მცენარეები. მოუფრთხილდნენ, შეისწავლონ. რაც შეეხება მოშინაურებას, არ ვფიქრობ, რადგან მისი უნიკალურობა სწორედ მისი ველურ ბუნებაში არსებობაა. მთავარი ღირებულება ეს გახლავთ. თანაც, ჩვენი მარკეტინგული გათვლა ხარისხზე გადის და არა რაოდენობაზე.

- თავად ბალახის მოპოვების პროცესი რაიმე სირთულესთანაა დაკავშირებული?

- რთულ რელიეფში იკრიფება, კლდოვან ადგილას. ზოგჯერ უფსკრულის პირასაც კი გვიწევს მისი მოძიება. ზოგიერთ სახეობას მაღალ ბალახში ვკრეფთ, რაც არანაკლებ რთული სამუშაოა. საკრეფად დილით ადრე გავდივართ, სანამ ბალახი ცვრიანია. ამას მნიშვნელობა აქვს, რადგან როცა ბალახი შრება, ვიტამინები ფესვურ სისტემაში გადადის. ღოლოს შემთხვევაში, პირიქით, სჯობს, მშრალი დაიკრიფოს. დაკრეფილ ბალახს მე და დედა ვკონავთ და თავდაყირა ვკიდებთ. ერთ კვირაში შრება. ვცდილობთ საქმეში ადგილობრივებიც ჩავრთოთ, ვიბარებთ ქონდარსა და სხვა მცენარეებს. მხოლოდ, მთავარი პირობაა, მცენარეები არ დავაზიანოთ, მათი მოპოვება მათ გადაშენებად არ უნდა დაგვიჯდეს...

- მომხმარებლისთვის ჩაის გაცნობის პროცესი რთული არ იყო?

- ძალიან რთული იყო და შესაბამისად, რეალიზაციაც ნელა ხორციელდებოდა. თანდათან ჩაის შესახებ ბევრმა გაიგო და მისი პოპულარობაც და რეალიზაციის მაჩვენებელიც დღითი დღე იზრდება.

- ამბობთ, რომ ჩაი უცხოელებისთვისაც საინტერესო პროდუქტია. ხომ არ აპირებთ მის ექსპორტზე გატანას?

- მოლაპარაკებები მიმდინარეობს და შემოდგომაზე თუშური ჩაი ჩინეთისა და გერმანიის დახლებზე დაიდება.

- ევრობაზრზე ქართული პროდუქტების გატანის ერთ-ერთი ხელის შემშლელი პირობა პროდუქციის მცირე რაოდენობით წარმოებაა ხოლმე. ჩაის დიდი რაოდენობით არც თქვენ აწარმოებთ. ამ მხრივ არ შეიქმნება პრობლემა?

- ეს არ არის ყოველდღიურად მისაღები ჩაი. გარდა ამისა, პრიორიტეტი, როგორც მოგახსენეთ, ხარისხია და არა რაოდენობა. სწორედ ამ საკითხებზე უნდა შევჯერდეთ საექსპორტო ქვეყნებთან.

- ალბათ, შავ ჩაისთან შედარებით, ბალახეულის ჩაის ღირებულება ბევრად მაღალია...

- საკმაოდ მაღალია, თუმცა, ამის გამო დაბრკოლება არასოდეს შეგვქმნია. ვინც იცის მისი თვისებების შესახებ, ფასის გამო უკან არასოდეს იხევს. GzaPress

- თქვი, რომ პატარა მაღაზიას, სასტუმროს და კაფეტერიას ამუშავებთ, სადაც სტუმრებს ეკოლოგიურად სუფთა პროდუქტით უმასპინძლდებით. გამოდის, აგროტურიზმის განვითარების მიმართულებითაც მუშაობთ...

- დასანანია, მაგრამ მსგავსი პროდუქტების, თუნდაც, ჩაის შესახებ ქართველებზე ბევრად მეტ ინფორმაციას უცხოელები ფლობენ, რადგან აგროტურიზმი და აგროკულტურა ჩვენს ქვეყანაში ახლა იდგამს ფეხს. გარდა ნატურალური პროდუქტებისა, სტუმრებს იმითაც ვხიბლავთ, რომ ჩვენი სახლიდან ყველა მხარეს თვალწარმტაცი ხედი იშლება.

- არქიტექტურას სწავლობ. ბიზნესის მიმართულებითაც ხომ არ აპირებ სწავლის გაგრძელებას?

- მინდა მთლიანად არქიტექტურას ვემსახურო. როგორც ბუნება, ისე არქიტექტურაც უნიკალური გვაქვს, რასაც ასევე სჭირდება პატრონობა. ძველი შენობების აღდგენის მიმართულებით ვიმუშავებ. როგორღაც უნდა მოვახერხო ამ ორი საქმის ერთმანეთთან შეთავსება. მაისიდან სექტემბრამდე დროს თუშეთში ვატარებ. კაფეტერიასა და სასტუმროს თონესაც ვამატებთ. სასტუმროში მისი გაუმჯობესების მიზნით სარემონტო სამუშაოები მიმდინარეობს. მალე ჩაის პარალელურად ახალ პროდუქციას ვაწარმოებთ.

შორენა ლაბაძე
ბეჭდვაელფოსტა
კომენტარები (1)
28.09.2017
წარმატებებს გისურვებ.
*
ამ კატეგორიის სხვა სიახლეები
საზღვაო აკადემიის სტუდენტი გოგონების მარშს მაშველი გოგონები მიუძღოდნენ
საჯარო სკოლა, რომელიც წელს მხოლოდ ერთმა მოსწავლემ დაამთავრა
აქტიურად ვთანამშრომლობ სტამბოლის "შოთა რუსთაველის სახელობის კულტურის ცენტრთან"
"გამიჭირდა შვილების დატოვება, მაგრამ სხვა გზა არ მქონდა"
"ასეთი მადლობა ჩემთვის არასოდეს უთქვამთ"
თბილისის ავტობუსის მძღოლი ქალის ცხოვრება
ჩემს ტანსაცმელს, დაახლოებით, 25-45 წლის ასაკის ქალბატონები იცვამენ
ვის აღარ მივმართე, მაგრამ ყურად არავინ იღო ჩემი გასაჭირი
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2530 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2655 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
3 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
4 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
5 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2444 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1206 კომენტარი