საქართველოში სიკვდილიანობა შობადობას აჭარბებს
font-large font-small
საქართველოში სიკვდილიანობა შობადობას აჭარბებს
"თუ ასე გაგრძელდება, ქართველებით დასახლებული რეგიონები გაუკაცრიელდება"

ის, რომ საქართველოს მოსახლეობა თანდათან მცირდება, საიდუმლო არავისთვისაა. დემოგრაფები მიიჩნევენ, რომ ქართველი ერი დემოგრაფიული კატასტროფის წინაშე დგას და ამაზე ციფრებიც მეტყველებს. საქართველოს მოსახლეობა 3 718 200 ადამიანს შეადგენს, რაც 2002 წელთან შედარებით 15%-ით, ანუ 657 731 ადამიანით ნაკლებია. საყოველთაო აღწერის მონაცემებით, ყველაზე მეტად - 37%-ით რაჭა-ლეჩხუმისა და ქვემო სვანეთის მოსახლეობაა შემცირებული და დღეისთვის ამ რეგიონში მხოლოდ 32 ათასი ადამიანი ცხოვრობს. გასული წლების მსგავსად, მოსახლეობის შემცირების ტენდენცია 2017 წელსაც გაგრძელდა: "საქსტატის" ინფორმაციით, 2017 წლის პირველ ნახევარში საქართველოში 25 543 ადამიანი დაიბადა, გარდაცვლილთა რაოდენობამ კი - 25 954 შეადგინა, რაც დაბადებულებზე 411-ით მეტია.



შექმნილი სიტუაციის გაანალიზება ვთხოვეთ დემოგრაფს, პროფესორ ანზორ თოთაძეს:
- დემოგრაფიული მდგომარეობა საქართველოში ბოლო 2 ათეული წლის განმავლობაში ძალზე მძიმეა, რაც შემდეგ წლებში კიდევ უფრო დამძიმდება - მოსახლეობის ბუნებრივი კლება გაგრძელდება. კლების ტენდენცია განსაკუთრებით იმ რეგიონებში შეინიშნება, სადაც ქართველი მოსახლეობა ცხოვრობს. ეს გახლავთ: რაჭა-ლეჩხუმი, ქვემო სვანეთი, სამეგრელო, ზემო სვანეთი, იმერეთი, გურია და კახეთი. ამ რეგიონებში გარდაცვალების შემთხვევები უფრო მეტია, ვიდრე დაბადების.

- რატომ ფიქრობთ, რომ ქართველი მოსახლეობის შემცირება მომავალშიც გაგრძელდება?

- ეს პროცესი კიდევ გაგრძელდება და ამას თავისი ლოგიკური საფუძველი აქვს: 1980-იან წლებში საქართველოში 455 ათასი გოგონა დაიბადა, 20-25 წელიწადში ისინი დედები გახდნენ და შვილები გააჩინეს, მაგრამ 2000-2009 წლებში გოგონების რაოდენობა ლამის განახევრდა - სულ დაიბადა 236 ათასი გოგო. ახლა ისინი ფერტილურ ასაკში შედიან და საქართველოში უფრო ცოტა ბავშვი გაჩნდება, ვიდრე 20-25 წლის წინ. ეს შემცირება 2025 წლისთვის უკვე პიკს მიაღწევს. თუ რაიმე არ ვიღონეთ და საჩქარო ღონისძიებები არ გავატარეთ, შობადობა საქართველოში ყოველ წელიწადს შემცირდება. ამის შესახებ ქართველი დემოგრაფები უკვე რამდენიმე წელია ვწერთ.

- ე.ი. გოგონების დაბადებას განსაკუთრებული მნიშვნელობა აქვს?

- რა თქმა უნდა, ერი ხომ გო­გონებმა უნდა გაამრავლონ? მართალია, ბიჭის დაბადება მსოფლიოს ყველა ქვეყანაში უხარიათ, თვით ამერიკაშიც კი, სადაც გამოკვლევამ აჩვენა, რომ პირველი ვაჟი ბევრ ოჯახს უნდა, მაგრამ გოგონების სიმრავლეს ნებისმიერი ქვეყნისთვის გადამწყვეტი მნიშვნელობა აქვს. ამიტომ, შერჩევითი აბორტები არავითარ შემთხვევაში არ უნდა გაკეთდეს. ასეთი აბორტების მსხვერპლი ყველაზე მეტად, გოგონები ხდებიან.GzaPressGzaPress

- სად არის შემცირებული მოსახლეობა ყველაზე მეტად?

- იმ რეგიონებში, რომლებიც ქართველებითაა დასახლებული, ხოლო რეგიონებში, სადაც ქართველები ნაკლებად ცხოვრობენ, ბუნებრივი მატება მაღალია. ასეთი რეგიონებია: ქვემო ქართლი, სამცხე-ჯავახეთი და აჭარა. ამას თავისი საფუძველი აქვს და მათ შორის, წამყვანი რელიგიური ფაქტორია. მაგალითად, ქვემო ქართლში მოსახლეობის მატებას რელიგიური რწმენა განაპირობებს, რადგან მაჰმადიანური სარწმუნოება ხელს უწყობს მრავალშვილიანობას.

- ეს ქართველებით მჭიდროდ დასახლებულ რეგიონებსაც ეხება?

- დიახ. მაგალითად, იმერეთი ყველაზე ხალხმრავალი რეგიონია საქართველოში, მაგრამ იქაც უფრო მეტი ადამიანი კვდება, ვიდრე იბადება. 1989 წელს ჩატარდა მოსახლეობის აღწერა, რომლის მიხედვითაც, იმერეთში 767 ათასი კაცი ცხოვრობდა, 2012 წელს - 700 ათასი კაცი, ხოლო 2014 წელს - 534 ათასი. თუ ეს პროცესი გაგრძელდება, იმერეთიც ისევე გაუკაცრიელდება, როგორც მთის სოფლებია დაცლილი. წლების განმავლობაში მოსახლეობის რაოდენობით მეორე ქალაქი ქუთაისი იყო, ამჟამად მეორე ქალაქი ბათუმია, ქუთაისი კი - მესამე ადგილზე გადავიდა. ქუთაისში მოსახლეობის კლება შეინიშნება. იგივე ხდება გურიის მუნიციპალიტეტში - ოზურგეთში, ლანჩხუთსა და ჩოხატაურში. ამ რეგიონებში მოსახლეობა ძალიან დაბერებულია და ეს პროცესი აქტიური დემოგრაფიული პოლიტიკის გატარების გარეშე ვერ შეჩერდება.

- მოსახლეობის მატება დაფიქსირდა თბილისში. რით აიხსნება ეს?

- თბილისში შობადობაზე მრავალი ფაქტორი ახდენს გავლენას, მათ შორის, ეკონომიკური პირობები, რომელიც თბილისში უკეთესია, ვიდრე რომელიმე სხვა რეგიონში. აქ კომერციული ბანკები, უმაღლესი სასწავლებლები, საწარმოებია... თბილისი რეგიონებთან შედარებით, სუნთქავს და ეკონომიკაც უფრო მაღალ დონეზეა.
დაბოლოს, ვფიქრობ, უნდა მივიღოთ დემოგრაფიული განვითარების პროგრამა, სხვადასხვა ღონისძიება უნდა გატარდეს შობადობის ზრდის წასახალისებლად. როგორმე უნდა გავზარდოთ შობადობის მაჩვენებელი რეგიონებში, სხვაგვარად კარგი არაფერი გველის.


ხათუნა ჩიგოგიძე
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"ხალხი ერთმანეთს გაღატაკებაში ეჯიბრება, რომ სოციალური დახმარება მიიღონ"
"30 წლის ვარ და ცალი თვალით ისევ მშობლებს შევყურებ"
"ერთ-ერთი "ნაციონალი" მომვარდა და ყელში მწვდა"
"ყველას თავისი სახელი ჰქვია, მაგრამ მიზეზთა გამო, გასაიდუმლოებულია"
სამხედრო პირი ვარ და ტყუილის თქმის უფლება არა მაქვს
რა პრობლემები აქვთ გლეხებს და რას გეგმავს სოფლის მეურნეობის სამინისტრო
რას ურჩევს დიზაინერი ლაკო ბუკია ქალებს
სიმართლე დეტალებშია, იყავით დაკვირვებულები!
"მნიშვნელოვანი იყო ევროპაში მიღებული ცოდნა და გამოცდილება"
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2530 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2655 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
2 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
4 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
5 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2442 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1206 კომენტარი