"ხანდახან ცოტათი "შემეგინებინება" ხოლმე"
font-large font-small
"ხანდახან ცოტათი "შემეგინებინება" ხოლმე"
თამაზ მეჭიაურის გულახდილი ინტერვიუ

დავინტერესდით, თიანეთის მუნიციპალიტეტის მერის - თამაზ მეჭიაურის გულისწყრომას ქვეყანაში მიმდინარე რომელი მოვლენები იწვევს?


- რა თქმა უნდა, თიანეთშიც არის გარკვეული საკითხები, რომელიც ჩემს ყურადღებას იქცევს, მაგრამ ყველაზე მეტად ჩემს გაღიზიანებას უმადურობა იწვევს. კონკრეტული პიროვნებების მიმართ კი არა, თუნდაც - წინაპრების, თანამედროვეების და ა.შ. გამაღიზიანებელია, როცა ხედავ, რომ მერკანტილური ინტერესია წინ წამოწეული... მაგალითად, მაღიზიანებდა, როცა დიდგორობა დღეს ზოგიერთი ტელევიზიის ეთერი თურქული სერიალებით იყო გადაჭედილი. ეს უპატივცემულობაა, თუნდაც - წინაპრების მიმართ, რომელთა დამსახურებით დღემდე მოვედით და ქართველები გვქვია. ამის პატივსაცემად დიდგორობა დღეს შესაბამისი თემატიკა უნდა ყოფილიყო წინ წამოწეული, ზოგიერთ ტელევიზიაში კი პატრიარქის ლოცვა და დიდგორის ველზე პრემიერის ვიზიტი ბოლო ნიუსად გაუშვეს. ასეთი ქმედება, ცოტა არ იყოს, მარაზმთან მიახლოებულია. თურმე, 300 მეჩეთია და 301-ე თუ არ აშენდება, ქვეყანა დაიქცევა და ამას ტელეეთერში პირველ ნიუსად აჩვენებენ, ამ დროს კი ახალგაზრდა კაცი, პრემიერი დიდგორის ველზე ჩავიდა, წინაპრებისადმი თავისი პატივისცემა გამოხატა, მხცოვანმა პატრიარქმა დაგვლოცა და ამას ტელეეთერში ბოლო, 30-წამიანი სიუჟეტი დაუთმეს... მაღიზიანებს, როცა ცდილობ, რაღაც გააკეთო, ვიღაც კი, რომელსაც გაფუჭების მეტი არაფერი გაუკეთებია, ცდილობს, გაკეთებული გააუფასუროს.
- კონკრეტულად, რას გულისხმობთ?
- თუნდაც იმას, რომ ცდილობ, შენი წინამორბედი არ გალანძღო, ამის ნაცვლად კი... ერთი გაცვეთილი ანეკდოტი გამახსენდა, რომლის პერსონაჟიც ახლა ზოგიერთ პიროვნებას მაგონებს: ჩიტი გაიყინა. დათვმა ზედ მოისაქმა. ჩიტი გალღვა და ჭიკჭიკი დაიწყო. გაიგონა მელამ, ამოიყვანა და შეჭამა. ამ ანეკდოტში 3 მორალია: ვინც თავზე "გიშვრება", შენთვის ყველას ცუდი არ უნდა; ვისაც "იქიდან" ამოჰყავხარ, შენთვის ყველას კარგი არ უნდა; თუ "იქ" ზიხარ, რა გაჭიკჭიკებს, შე შობელძაღლოო?!. აი, ასეთები არიან ზოგიერთები, რომლებიც ახლა "ჭიკჭიკებენ". დაიჯერეს, რომ თავიანთი გაფუჭებული საქმის გამო არავინ დასჯის.
GzaPress- თურქული სერიალები ახსენეთ და ის თუ გაღიზიანებთ, როცა დღეს ჩვენი ქვეყნის ტერიტორიები რუსეთის მიერაა ოკუპირებული, ქართულ კინოთეატრებში კი ფილმები რუსულ ენაზე გადის?
- კინოთეატრში მართლა არ დავდივარ და არ ვიცი. რა თქმა უნდა, გაღიზიანებას ეგეც იწვევს, მაგრამ ახლა ერთ რამეს ვიტყვი: ოკუპაცია მარტო ერთი ქვეყნისგან არ არის, ჩვენი ქვეყნის დიდი ნაწილია ოკუპირებული ტრაპიზონამდე. ორმაგი სტანდარტი არ უნდა იყოს. ოკუპირებულს ყველგან "ოკუპირებული" უნდა დავარქვათ. იმას "მეგობარი" არ უნდა ვუწოდოთ, რომელსაც ტერიტორია ცოტა ადრე ჰქონდა ოკუპირებული. კონკრეტული ერების მიმართ არანაირი პრეტენზია არ მაქვს. ყველა თავისი ქვეყნის ინტერესებიდან გამოდის და სხვის ტერიტორიაზე უარს არავინ ამბობს. ამიტომაც გარშემო მეგობარს ვერ ვხედავ. მეგობარი ის არის, ვინც ტერიტორიების დაბრუნებაში მოგეხმარება. თუ არ მოგეხმარება, ყოველ შემთხვევაში, თვითონ რაც აქვს მიტაცებული, იმას მაინც დაგიბრუნებს. აი, მეგობარი ასეთია! მარტო რუსია ოკუპანტი და მე კაი ბიჭი ვარო, ასე არ გამოვა. ვისაც მიტაცებულის დაკანონება სურს და სხვა ტერიტორიებსაც ეპოტინება, ის მეგობარი როგორ არის?! ზოგიერთები თავს ისულელებენ. უმეტესობა გარედანაა დაფინანსებული და პირდაპირ რომ ვთქვათ, ქვეყნის ინტერესები "ფეხებზე ჰკიდია". ასე რომ, ორმაგი სტანდარტის მომხრე არ ვარ. და კიდევ, "პარტნიორობა" იმას არ ნიშნავს, რომ პარტნიორმა ხელი არ გაანძრიო და მხოლოდ აღშფოთებით შემოიფარგლო. არც ერთი ქვეყნის მტერი, არც ერთი ეროვნების მოწინააღმდეგე არ ვარ, მაგრამ არც თავის მოტყუების მომხრე ვარ...
- ბოლო ფაქტი, რამაც ყველაზე მეტად გაგაბრაზათ...
- ყველაზე მეტად გამაბრაზეს იმათმა, ვინც შეეცადა, რომ დიდგორობის დღესასწაული იაფფასიანი თურქული სერიალებით გადაეფარა, ბათუმში მეჩეთის აშენებაზე მოთქვამდა - თურმე, როგორ იჩაგრებიან და არსებული მეჩეთის ტერიტორია არ ჰყოფნით, თავს სადღაც აფარებენ, შევიწროებული არიან. არადა, მეჩეთის პირველი სართულები თვითონ აქვთ გაქირავებული კონკრეტული მიზნებისთვის. ახლა არ ვიცი, მაგრამ რამდენიმე წლის წინ, ბათუმის მეჩეთის პირველი სართული კომერციულ ფართობებად ჰქონდათ გაქირავებული და ილუზიას ქმნიდნენ, თითქოს ტერიტორია არ ჰყოფნიდათ და გარეთ ლოცულობდნენ. გამოეთავისუფლებინათ გაქირავებული ტერიტორიები, შესულიყვნენ და ელოცათ. მგონი, იმის წინააღმდეგი არავინ ყოფილა, რომ თვითონ იქვე "გაფართოებულიყვნენ", თუ მეჩეთში ვერ ეტეოდნენ. რაღა ახალი მეჩეთი ააშენონ?! თუ ჩვენი მეგობრები არიან, მოქმედი ტაძრები რატომ არ არის თურქეთში ან სხვაგან? იქ ქართულ ეკლესიებს ჩვენ რატომ არ გვაშენებინებენ? აშენებულს ანგრევენ...
- გაბრაზებას როგორ გამოხატავთ?
- ხანდახან ცოტათი "შემე­გი­ნებინება" ხოლმე, თუკი ახლომახლო მანდილოსნები არ არიან... ზოგჯერ ძალიან ზრდილობიანი ვერ ვარ.
- გაბრაზებულ გულზე ჩადენილი საქციელი მოგვიანებით გინანიათ?
- რა თქმა უნდა. ხან შეიძლება, ვინმესთვის ზომაზე მეტად მისაყვედურია.
- ხელქვეითებთან როგორი დამოკიდებულება გაქვთ?
- ძალიან კომუნიკაბელური ვარ, მაგრამ თუ გავბრაზდი, ვცდილობ, შეურაცხყოფა არავის მივაყენო, მაგრამ თუ ზღვარს გადადიან, მერე ყველაფერს თავის სახელს ვარქმევ. ხანდახან შეიძლება, ცოტათი უხეში ვიყო. თუ ვინმეს შეურაცხყოფა დაუმსახურებლად მივაყენე, ბოდიშის მოხდასაც არ მივიჩნევ ცუდ საქციელად...
ეთო ყორღანაშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"ირაკლი კობახიძემ და მამუკა ბახტაძემ შესაძლოა, წელს თანამდებობები დაკარგონ", - ასეთია ასტროლოგ მიხეილ ცაგარელის ვერსია.
"მაგარი შეგრძნებაა, როცა ამ ადგილებში დადიხარ და შენი ქვეყნის მესაზღვრე გქვია"
"რით დაგამახსოვრათ თავი 2018 წელმა? ჩამოთვალეთ 5 თქვენთვის მნიშვნელოვანი ფაქტი", - ასეთი "დავალება" ჰქონდა ხელოვანებს.
იმერელი ქალის შეუპოვრობით მოხიბლული შევარდნაძე
ფსიქოლოგი სოფო ხარატი, წლებია, ადამიანების სხეულის ენის შესწავლითაა დაინტერესებული.
25 წლის მფრინავი, საბა ქორთოშიძე თავისი "ოჯახური პროფესიის" ღირსეული გამგრძელებელია.
"ლეიბორისტი" ლიდერი გიორგი გუგავა ხელისუფლებას სთხოვს, იზრუნოს ადამიანებზე, რომლებიც ახალ წელს ზეიმითა და გაშლილი სუფრით ვერ ხვდება.
როგორ "წაიღო წყალმა" ღმერთისგან მოვლენილი წყალობა
ქვეყანაში მომხდარ ამბებს, ოპოზიცია და ხელისუფლება ყოველთვის სხვადასხვაგვარად აფასებს.
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2528 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2654 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
0 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
2 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
1 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2438 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1201 კომენტარი