ბოკუჩავა ზელს ცომს, ლობიოს არჩევს მეგი გოცირიძე, მელია სეფას გაშლის, ანუ "მიშადვიჟენიის" ქელეხი
font-large font-small
ბოკუჩავა ზელს ცომს, ლობიოს არჩევს მეგი გოცირიძე, მელია სეფას გაშლის, ანუ "მიშადვიჟენიის" ქელეხი
პროვოკატორის ბლოგი

გიხაროდეს, ერო! echowaves-ის ორგანიზატორების თქმით, ფესტივალის სტუმრების რაოდენობამ 25 აგვისტოს ღამეს 10 ათასს გადააჭარბა და არნახული ძიგძიგი იყო. ნეტავ ამ ფესტივალის ორგანიზატორებს, ესთეტიკურ მოგებაზე მეტად ფინანსური სარგებელი ხომ არ აინტერესებდათ? ეგებ მაგათ ნარკოტიკებით დაზარალებულთა რიცხვი დაეთვალათ, მაგრამ რომც დაეთვალათ, მაგაზე ილაპარაკებენ? თანაც, ნარკომანებს უფლება ჰქონიათ, თავის ორგანიზმს რაც უნდათ, ის უყონ, ოღონდაც ამ "უყონ"-ის მერე თუ საჭირო გახდა, სახელმწიფომ უნდა უმკურნალოს...

ანაკლიური ფესტივალი იქით იყოს, სასაცილო კამპანიას მართავს "გირჩი" ჯაფარიძე
- აუზში ელაპარაკება ამომრჩევლებს (ნეტავ რა სინდისით იწყებენ მტკიცებას, რომ მარიხუანა უვნებელია), მაგ აუზში წყალი ვინ ჩაუსხა მთავარი წიწვოვანიდან (ანუ მიშადან) გამოვარდნილ თუ ჩამოვარდნილ ზურაბ ჯაფარიძეს? ცალკე თემაა შტაბკვარწირა ვაშაძე! მგონი, "ნაციონალურ მოძრაობას" ქელეხს უმზადებენ თავად ამ პარტიის ლიდერები. წარმოიდგინეთ, რომ ბოკუჩავა ზელს სახმიადე ცომს, ლობიოს არჩევს მეგი გოცირიძე, რომელსაც ამავე გვარის რომანი მოხარშავს, სალომე სამადაშვილი შილა ფლავს მოათუხთუხებს, მაია ორჯონიკიძე მწვანილს დაარჩევს, ტანმაღალი მელია სეფას გაშლის, მიჰა თევზის ნაირსახეობებს მოამზადებს, ბაქრაძე დანა-ჩანგლის მარაგს გამოიტანს ირმა ნადირაშვილის გაშლილ სუფრებზე. რაც შეეხება დატირების ცერემონიას, მაგას სანდრა უხელმძღვანელებს, მეგრული შეცხადებით!

დამერწმუნეთ, რომ უნდოდეს "ქართულ ოცნებას", "მიშადვიჟენია" ანუ "ნაციონალური მოძრაობა" კარგა ხნის გატანილი იქნებოდა პოლიტიკურ მორგში, მაგრამ ისე გადაასკვნა კუდები ამ ორმა პარტიამ, უერთმანეთოდ ვერც წარმოუდგენიათ თავი. დააშავებს "ქოცობა" რამეს, გამოცქმუტურდება ულვაშიანი გოცირიძე და ატეხს მეორედ მოსვლას, რასაც 41-იანული წარღვნა მოჰყვება: ოჰ, თქვე მეცოცხეებო, სიმბოლურად მაინც გაქვთ ატრიბუტიკად ცოცხი, თქვენი ვაშაძის ულვაშის სახითო!

ვიდრე "ქოცნაცობა" თავს იქცევს პოლემიკით, მანამდე ქვეყნიდან წამსვლელთა ნაკადი არ ილევა. ჩავლენ იოლი ცხოვრების მსურველები დასავლეთ ევროპაში, იქ დააკავებენ და აბრუნებენ უკან პანტაპუნტით. ალბათ ცოტამ იცის, რომ მიგრანტთა გადინების ათეულში საქართველო საპატიოდ "საცოდავ" პოზიციას ისევ ინარჩუნებს. ის კი გეცოდინებათ, ჩვენი მეგობარი მერკელის ქვეყნიდან ყველაზე "გულუხვად" ქართველებს ადეპორტებენ! სირიელებს აქვთ გერმანიაში დარჩენისა და მუშაობის უფლება, ქართველებს კი არა!

გასაოცარია, რომ ამიერკავკასიის ტურნეს ფარგლებში მერკელი ჯერ იყო საქართველოში, მერე სომხეთში და კიდევ უფრო საოცარი ისაა, მერე როგორ მიიღეს აზერბაიჯანელებმა ნაერევნალი მერკელი? მაგრამ, როცა საქმე ეხება ენერგეტიკულ საკითხებს, ვის ახსოვს ეთნიკური პატივმოყვარეობანი! ან გგონიათ, ანგელა დეიდა საქართველოში წითელი ხალიჩის გაუშლელობას დარდობდა ან კიდევ იმას, მისი პიჯაკის შესახებ რას იტყოდნენ მოდრესკოდე უსაქმური მოლაყბეები? ისიც არ ემახსოვრება მაგას უკვე, თსუ-ის რექტორმა, გიორგი შარვაშიძემ უნივერსიტეტის საიუბილეო მედალი რომ გადასცა საქართველოსა და გერმანიის სახელმწიფოებს შორის ურთიერთობაში შეტანილი განსაკუთრებული წვლილისთვის.

პ.ს. მუნიციპალიტეტის მერი უკაცრიელ კუნძულზე მოხვდება ძალიან დიდი ხნით. ერთ დღეს მოცურდება ნავი, რომელშიც ულამაზესი ქალი ზის და ხელს უქნევს:
- მოდი ჩემთან, მე ის მაქვს, რაც შენ დიდი ხანია, არ გინახავს.
მერი მიცურავს გაჩქარებით და ფიქრობს:
- ვა, "ნიუჟელი" დიდბიუჯეტიანი ტენდერი აქვს?

ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
ქუთაისიდან პარლამენტი გადააქვთო და ისევ მოგვეცა სალაპარაკო თემა. გავიყავით ორი ნაწილად: პარლამენტის დარჩენისა და გადატანის მომხრეებად.
ცოტა ხნის წინ ჩემმა მეგობარმა ერთი ძველი ანეკდოტი გაიხსენა: "ყვავები ისხდნენ ხეზე, თან პლანს ეწეოდნენ, ერთს ზედოზირებით მოუწია ნაფაზის დარტყმა, "ხარისხიანად" დაბოლდა და ძირს ჩავარდა.
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2526 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2654 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
0 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
1 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
0 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
0 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2432 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1201 კომენტარი