ნინის სიმღერა სიყვარულზე და ნანკას ოჯახური სითბო
font-large font-small
ნინის სიმღერა სიყვარულზე და ნანკას ოჯახური სითბო
ახალი წლის შეხვედრის ფორმები საქართველოში თანდათან სახეს იცვლის. ახალგაზრდების ნაწილი ქუჩაში გასვლას და საზეიმო ღონისძიებებში ჩართვას არჩევს, ნაწილს კი შინ, ოჯახურ გარემოში აღნიშვნა ურჩევნია.
ამ მხრივ არჩევანის საშუალება ნაკლებად აქვთ მსახიობებსა და მომღერლებს. ისინი ცდილობენ, მაყურებელს სადღესასწაულო განწყობა შეუქმნან. ძველი და ახალი წლის გასაყარი მათთვის ჩვეულებრივი სამუშაო დღეა.

"დიდი ხანია, ასეთი განწყობა აღარ მქონია"
"წინასაახალწლო დღეებში ჩვენს ოჯახშიც ისეთივე სამზადისი იყო, როგორიც - სხვებთან. განსხვავება ალბათ, ის არის, რომ ამ დღესასწაულს ელენესთან ერთად ვერც შარშან და ვერც წელს ვერ შევხვდი", - ამბობს მომღერალი ნინი ბადურაშვილი.

GzaPress- მე და ეკა დამდეგს სახლში, ოჯახის წევრებთან ერთად ვერ ვეგებებით, სულ გარეთ გვიწევს ყოფნა. წელსაც, სხვადასხვა კონცერტზე გამოვდიოდით. ამას ოჯახის წევრები და ჩვენც მიჩვეულები ვართ.

- ამას ელენე ხომ არ აპროტესტებს?
- არა, ჯერ ამას ვერც ხვდება.

- ელენეს საახალწლო სურვილები ჰქონდა?
- იმდენად პატარაა, კარგად ლაპარაკიც კი არ იცის. სავარაუდოდ, მისი სურვილები მომავალი წლისთვის უფრო მეტად დაიხვეწება.

- ნაძვის ხემ გაახალისა?
- ნაძვის ხე ღამით მოვრთე. გვიანი იყო და ელენეს ეძინა ანუ მორთვის პროცესში ვერ ჩაერთო. დილით რომ გაიღვიძა, მოეწონა.

- 2015 წლისგან რას ელი?
- რაღაც განსაკუთრებული, პოზიტიური განწყობა და მოლოდინი მაქვს. ასეთი განწყობილება დიდი ხანია, აღარ მქონია. ვფიქრობ, შემოქმედებითი კუთხით საინტერესო სიახლეები მელოდება.

- ბოლოს რომ გელაპარაკე, მითხარი, ახალ კლიპზე ვმუშაობო. ამ კლიპს როდის ვიხილავთ?
GzaPress- ძალიან მალე პრეზენტაცია ერთ-ერთ თოქ-შოუში შედგება. გარდა ამისა, მეორე სიმღერის ჩაწერასაც ვაპირებ. აქტიური შემოქმედებითი პერიოდი მაქვს. კლიპის ავტორი გიორგი კიკალიშვილია, ტექსტის ავტორი - მანანა გურგენიძე, მუსიკის - ეკა კახიანი და მე. მინდა, შემთხვევით ვისარგებლო და დიდი მადლობა ვუთხრა დიზაინერ რამაზო რომას, რომელმაც ლამაზი კაბები ჩამაცვა. კლიპი თბილისის ერთ-ერთ სასტუმროში გადავიღეთ. რადგან ერთი ლოკაცია გვქონდა, გადაღება 3 საათში დავასრულეთ.

- სიმღერის თემატიკაზე რას გვეტყვი?
- პორტრეტული კლიპია, ძირითადი აქცენტი ჩემზეა.

- შეიძლება ითქვას, რომ ეს კლიპი შენი პორტრეტია?
- სიმღერა სიყვარულზეა და აქცენტი ჩემს გარეგნობაზეა გადატანილი. შინაარსით მე "არ მგავს". სიუჟეტში ისეთი არაფერია, რომელსაც ჩემს ცხოვრებაში მომხდარ ამბავთან ექნება კავშირი.

- წარმატებულ 2015 წელს გისურვებ!
- მადლობა, ახალ წელს მეც ყველას ერთად გილოცავთ!

"როგორ შეიძლება ვთქვა, უიღბლო ვარ-მეთქი?"
"ყოველ ახალ წელს დიდი სიახარულით, იმედით და უკეთესი ამბების მოლოდინით ვხვდები. ეს დღესასწაული გამორჩეულად მიყვარს. იმედია, მშვიდობიანი წელი იქნება", - ამბობს მსახიობი ნანკა კალატოზიშვილი.

GzaPress- 31 დეკემბრის ღამეს "ცეკვავენ ვარსკვლავების" საფინალო ტური მიმყავდა. საქმეს მოვრჩი თუ არა, სახლისკენ გავეშურე. 2015 წლის დადგომამდე 1 წუთით ადრე მივედი შინ და დამდეგს ახალობელი ადამიანების გარემოცვაში შევხვდი.

- დანის ეძინა?
- კი, ეძინა. ასაკიდან გამომდინარე, ამ დღესასწაულს ვერ აღიქვამს. თოვლის ბაბუა და მსგავსი ამბები არ იცის. საჩუქრები მოსწონს, მაგრამ ჯერ ნორმალურად ლაპარაკიც არ იცის. ემოციებს დიდად ვერ გამოხატავს.

- ნაძვის ხე რომ დაინახა, როგორი რეაქცია ჰქონდა?
- შარშან ასეთი რეაქცია არ ჰქონდა, წელს კი ნაძვის ხე იატაკზე ვერ დავდგით, რადგან დიდი ალბათობა იყო, გადმოეყირავებინა. ჰოდა, კედელზე მივამაგრეთ. მეც ასე უფრო მომწონს... მოკლედ, ახალი წლის დღესასწაულს სახლში შევხვდი, მერე კედოს მშობლებს ვესტუმრეთ.

- ბავშვობაში შენი საახალწლო სურვილები, მაშინდელი განცდები გახსოვს?
- ყველაზე მეტად, დილით ადრე გაღვიძება მიყვარდა. საწოლში ფეხებთან ყოველთვის საჩუქრები მხვდებოდა და უზომოდ ბედნიერი ვიყავი. ვიცოდი, საჩუქრები თოვლის ბაბუას მოჰქონდა და ეს სიხარულს მიორმაგებდა.

- ახალ წელს საზღვარგარეთ შეხვედრიხარ?
- არა. ყოველთვის მინდა, ამ დღეს სახლში ვიყო. ერთხელ ქუჩაში შევხვდი, საახალწლო კონცერტი მიმყავდა და ძალიან არ მომეწონა. ოჯახური სითბო მაკლდა. უცხო ხალხთან ერთად ყოფნა არ მხიბლავს.

- თხის წელში ხარ დაბადებული. ასტროლოგები ამბობენ, ამ წელში დაბადებული ადამიანები იღბლიანები არიანო.
- ჰო, ჩემი წელი დაიწყო (იცინის). მე მყავს საყვარელი ადამიანი, ვისგანაც დანი გავაჩინე და როგორ შეიძლება ვთქვა, - უიღბლო ვარ-მეთქი?

- შემოქმედებით საქმიანობაში რა სიახლეებს ელოდები?
GzaPress- სიახლეებს ველოდები, ზოგიერთი რამ უკვე დაგეგმილია, მაგრამ წინასწარ ლაპარაკი არ მინდა.

- რატომ, ცუდად გაქვს დაცდილი?
- ცრუმორწმუნე არ ვარ, მაგრამ მირჩევნია, რაღაც კონკრეტული დაიწყოს და ამაზე მერე ვილაპარაკო. ერთხელ მქონდა შემთხვევა, როცა ვთქვი: ამა და ამ სპექტაკლში უნდა ვითამაშო, რა ბედნიერებაა-მეთქი და მერე იმ სპეტაკლზე მუშაობა საერთოდ გაჩერდა. ახლა საშობაო შესვენების პერიოდი მაქვს. ამას "დანის პერიოდს" ვეძახი და ძალიან მომწონს. ზამთრის კურორტებზე დასასვენებლად არ დავდივარ, რადგან თოვლი და სიცივე არ მიყვარს.
თამუნა კვინიკაძე
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
რის გამო აქვს მეუღლესთან "ომი" ციაკო ფიფიას
როდის დასჭირდა დეპრესიის მედიკამენტებით მკურნალობა ქეთი ხუციშვილს
მარტო ნათამაშევი "გიჟობანა" და ახალი წელი თამრიკო ჭოხონელიძის ოჯახში
გიორგი გაბუნიას წარმატების ფორმულა, სპონტანურობა და გამოწვევები
"ძალიან პრეტენზიული გემოვნება მაქვს"
"ამ დროს ყოველთვის ოპტიმისტურ განწყობაზე ვარ"
"ვერასდროს იგრძნობ, რომ ცნობილი ადამიანების შვილია"
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2534 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2656 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
7 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
5 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
3 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2198 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2448 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1207 კომენტარი