"დრო ყველაფერს "ალაგებს"... - რაში გაუმართლა თინი გალდავას
font-large font-small
"დრო ყველაფერს "ალაგებს"... - რაში გაუმართლა თინი გალდავას
როდესაც იცვლება შენი ფიქრები, მაშინვე იცვლება შენი ცხოვრებაც


ხშირად ცნობილ ადამიანებს საკუთარი პოპულარობის შესანარჩუნებლად ბევრი რამის დათმობა უწევთ. რა თქმა უნდა, ყველას სურს იყოს ხალხისთვის მისაღები, მოსაწონი, მაგრამ ნიშნავს თუ არა ეს იმას, რომ ხშირად უნდა წახვიდე საკუთარი თავისა და სურვილების წინააღმდეგ? - პოპულარობაზე, წარმატებასა და მის შენარჩუნებაზე მსახიობი თინი გალდავა გვესაუბრა.



- როცა პოპულარული ხარ, შეიძლება ქუჩაში უცნობმა ადამიანმა გაგიღიმოს, მოგესალმოს, თბილი სიტყვა გითხრას. ჰოდა, შენც დადებითი ემოციებით ივსები და გიჩნდება სურვილი, მეტი და მეტი აკეთო. პოპულარული როცა ხარ, უნებლიეთ, ადამიანები შენ მიმართ კეთილგანწყობილები ხდებიან. სადაც უნდა წახვიდე, ყველგან თავაზიანად გექცევიან, პატივისცემას გამოხატავენ.

- როდის იგრძენი, რომ ცნობილი და პოპულარული ხარ?

- მაშინ, როცა სერიალ "ჩემი ცოლის დაქალების" პირველი სერიები გამოვიდა ჩემი მონაწილეობით, მაშინვე ვიგრძენი, რომ ხალხი ქუჩაში უკვე მცნობდა.

- გიფიქრია იმაზე, რომ ეს მხო­ლოდ გამართლება იყო და უბრალოდ, იღბლიანი ადამიანი აღმოჩნდი?

- ალბათ, გამართლებისა და იღბლის გარეშე არაფერი ხდება, თუმცა იმისიც მწამს, რომ ადამიანები ჩვენს ბედსა და იღბალს თვითონ ვქმნით. როდესაც იცვლება შენი ფიქრები, მაშინვე იცვლება შენი ცხოვრებაც. როგორ იმპულსებსაც გავცემთ, ისეთსავე შედეგს მივიღებთ. მთავარია გვჯეროდეს ჩვენი თავის და ჩვენი შესაძლებლობების. ბავშვობაში სულ ვამბობდი, ცნობილი ბალერინა და მსახიობი უნდა გავხდე-მეთქი. მერე ნელ-ნელა მივხვდი, რომ ცნობადობა არ არის მთავარი, ეს არასწორი ფორმულირება გახლდათ ჩემი სურვილის. მთავარია, იყო პროფესიონალი.GzaPress

- პოპულარობა შეიძლება იყოს ადამიანის მუდმივი მდგომარეობა?

- მუდმივი მგონი არაფერია. საზოგადოებას ადვილად მოჰბეზრდები, თუ მუდმივად წინ არ მიდიხარ, ისინი სიახლეს ითხოვენ... ვისაც სურს, მუდმივად იყოს ყურადღების ცენტრში, ბევრი მუშაობა და სულ ფორმაში ყოფნა დასჭირდება. თუმცა, რა თქმა უნდა, ამ პროცესს ჩავარდნებიც ახლავს თან.

- რა გარემოებამ შეგიწყო ხელი იმაში, რომ პოპულარული გახდი?

- მოვხვდი სერიალში, რომელსაც თითქმის მთელი საქართველო უყურებს, ყველაზე რეიტინგული სერიალია და ამ გარემოებამ შემიწყო ხელი, რომ მოკლე დროში უკვე პოპულარული გავხდი.

- კარგი გარეგნობა აუცილებელია იმისთვის, რომ სუპერპოპულარული იყო?

- იმისთვის, რომ სუპერპოპულარული იყო, სილამაზე აუცილებელი არ არის. ალბათ, საინტერესო ტიპი უნდა იყო, ინდივიდუალური. რაღაც ისეთი უნდა გქონდეს, რაც სხვას არ აქვს.

- ოდესმე, პოპულარობას თუ შეუშლია ხელი რაიმეში და გითქვამს, - სჯობს, არ მიცნობდნენო?

- ჩემთვის პოპულარობას ხელი ნამდვილად არაფერში შეუშლია. უხერხულიც იქნება ჩემი მხრიდან ამაზე საუბარი. ჩვენთან, საქართველოში პოპულარობა არა მგონია, ისეთი შემაწუხებელი იყოს, როგორც ეს დიდ ქვეყნებში ხდება, სადაც არსებობენ ნამდვილი ფანები და ვარსკვლავები. საინტერესოა, რომ ეს ვარსკვლავები ხშირად წუწუნებენ იმის გამო, რომ დაიღალნენ ყურადღებისგან, რომ უნდათ იცხოვრონ ისე, როგორც ჩვეულებრივმა ადამიანებმა, მაგრამ რეალურად, ისინი პოპულარობის სენით დაავადებული არიან... როგორც კი აკლდებათ პოპულარობა და ხალხის ყურადღება, ეს ხდება დეპრესიის პირველი საბაბი.

- ბევრისთვის პოპულარობა იმდენად საოცნებოა, რომ ყველაფერზე მიდის ამის გამო... მაგალითად, ბევრმა ამისთვის გაიხადა და სკანდალური გახდა. რას ფიქრობ ამაზე?

- ვერავის განვსჯი. არჩევანში ყველა თავისუფალია. თითოეული ადამიანი ცდილობს თავისი ყველაზე კარგი მხარე წარმოაჩინოს. ალბათ, ვიღაც ფიქრობს, რომ საკუთარი სხეულის გამომზეურებაა მისთვის წარმატების მომტანი, ვიღაცას კიდევ, ინტელექტზე აქვს ამბიცია, ყველას თავისი მაყურებელი და შემფასებელი ჰყავს. ისე, დრო მაინც ყველაფერს "ალაგებს".

- როგორ უნდა გახდა პოპულარული - არსებობს ამის ფორმულა?

- დღეს უკვე მარტივად შეიძლება გახდე პოპულარული. არსებობს სოციალური ქსელი, სადაც სხვის დაუხმარებლად შეგიძლია საკუთარი თავი გააპიარო. ატვირთო ფოტოები, ვიდეოები... მოძებნო ისეთი რამ, რაც გაგხდის განსაკუთრებულს და ამ ყველაფერს უნდა გაუკეთო კარგი პრეზენტაცია.

- პოპულარობის ზენიტში მყოფს, "თავში აგვარდნია"?

- "თავში ავარდნის" რა გითხრათ, მაგრამ თავდაჯერებულობა მომემატა და სტიმული, რომ უფრო მეტი შემიძლია და თუ მოვინდომებ, ყველაფერი გამომივა. ყოველთვის ეჭვქვეშ ვაყენებ ჩემს შესაძლებლობებს. სულ ვამბობ, - ბევრი წელია იმისთვის საჭირო, რომ დიდი გამოცდილება მივიღო და უფრო თავდაჯერებულიც გავხდე-მეთქი.

- პირად ცხოვრებაზე პოპულარობა ხშირად ცუდად მოქმედებს. ამ მხრივ თუ გქონია დისკომფორტი?

- დისკომფორტი არ მქონია. მე არც სკანდალური ვარ და ვერც იმას ვიტყვი, რომ რაღაც ცუდი ჭორი მოუგონიათ ჩემზე.

- შენი აზრით, ბევრი ფულით წარმატების მიღწევა გაცილებით იოლია?

- ჩემთვის წარმატება იქნება, ბევრ ფულს თუ ვიშოვი. მთავარია, როგორ გამოვიყენებ თანხას. ბევრი ფულით ისეთი საქმე შეგიძლია წამოიწყო, რომელიც წარმატებას მოგიტანს. ბევრი ფული რომ მქონდეს, ბევრს ვიმოგზაურებდი და შევეცდებოდი, ადამიანებისთვის ცხოვრება გამელამაზებინა.

- წარმატებული ადამიანი დამოუკიდებელია, თავდაჯერებულია... შენთვის ეს ყველაფერი ძალაუფლებასთან ასოცირდება?

- წარმატებული არის ის, ვინც თავისი საქმის პროფესიონალია. შემოქმედი ადამიანისთვის მთავარი ალბათ, აღიარებაა და არა - ძალაუფლება... ესეც ინდივიდუალურია, ჩემთვის ფული და წარმატება ძალაუფლებას არ ნიშნავს.

- ამჟამად თავს წარმატებულ ადამიანად მიიჩნევ?

- ამჟამად თავს ბედნიერ ადამიანად მივიჩნევ. მაქვს საყვარელი საქმე და ირგვლივ მყავს საყვარელი ადამიანები, ეს ყველაფერი საკმარისია იმისთვის, რომ ვიყო ძალიან ბედნიერი.

- ყველაზე დიდი წინაღობა წარმატების მიღწევის გზაზე, თავად ადამიანია და მას ყოველთვის შეუძლია იპოვოს მიზეზი იმისა, თუ რატომ ვერ გახდა წარმატებული...

- მიფიქრია, რატომ არ გავხდი ბალერინა? მე ხომ ამდენი დრო და ენერგია დავხარჯე ამ პროფესიის დასაუფლებლად! მაგრამ გული არ მწყდება. ვიცი, ეს ჩემთვის აუცილებელი იყო თუნდაც იმისთვის, რომ მესწავლა შრომა, დისციპლინა და მაქსიმალურად მომთხოვნი გავმხდარიყავი საკუთარი თავის მიმართ. ეს ძალიან დამეხმარა ცხოვრებაში.

- წარმატება და გამართლება ერთმანეთთან დაკავშირებულია?

- ალბათ, კი... ყველა ვარიანტში საჭირო დროს საჭირო ადგილზე უნდა აღმოჩნდე. GzaPress

- თუ ხარ წარმატებული, პოპულარული და მატერიალურად უზრუნველყოფილი, უფრო იოლია წარმატებულად გათხოვდე?

- არა მგონია. "წარმატებული" გათხოვება ყველასთვის სხვადასხვაგვარია. გააჩნია, ვისთვის რა არის "წარმატება". ვფიქრობ, მთავარია, სიყვარულით გათხოვდე ისეთ ადამიანზე, რომელსაც ენდობი და რომელიც იმედს არასოდეს გაგიცრუებს. ამას უბრალოდ ვერ დაგეგმავ, უნდა გაგიმართლოს.

- სიმხდალის ყველაზე საშინელი გამოხატულება საკუთარი თავის შეცოდებაა... შეგცოდებია ოდესმე თავი?

- როცა ადამიანი ტირის, მგონია, რომ სწორედ მაშინ ეცოდება საკუთარი თავი. მეც მიტირია და შესაბამისად, ეს ალბათ, საკუთარი თავის სიბრალულის გამოხატულება იყო.

- პოპულარობა პირადი საქმეების მოსაგვარებლად თუ გამოგიყენებია?

- მნიშვნელოვანი არაფერი მახსენდება. თუმცა, იყო შემთხვევა, როცა მეგობარმა მთხოვა, - სალონში გამყევი, თმის შეღებვა მინდა და შენ რომ დაგინახავენ, ფასს დამიკლებენო. - ნუ სულელობ-მეთქი, - ვუთხარი, მაგრამ მაინც გავყევი... მართალი აღმოჩნდა - დაუკლეს და თან, 40 ლარი... ბევრი ვიცინეთ.

- როგორ ფიქრობ, პოპულარობა თავისუფლებას ზღუდავს?

- რაღაც დოზით, კი... საზოგადოებაში ყოფნისას სულ გიწევს საკუთარი თავის კონტროლი. იცი, რომ ვიღაც გიყურებს და გაკვირდება...

სოფო ჭონიშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"ძიძა იმ ადამიანს ნივთებს ჰპარავდა, ვისთანაც 10 წელი ცხოვრობდა"
რამდენიმე თვის წინ, მომღერალმა გიო ხუციშვილმა ერთ-ერთ ინტერვიუში თავად განაცხადა, რომ მას უმძიმესი, სიმსივნის დიაგნოზი დაუსვეს
"ჩემი თავის უფალი ვარ და ვერავინ შემიზღუდავს ამ უფლებას"
"მახსოვს, ხალხი ფეხზე იდგა და ტიროდა"
შარშანდელ "ნიჭიერში" თვითნასწავლმა აკრობატმა, 26 წლის იოსებ ტლაშაძემ მაყურებლისა და ჟიურის აღფრთოვანება გამოიწვია.
ქუთაისელი მომღერლის სევდიანი თავგადასავალი
"უბედური წინათ ვიყავი, ახლა კი ბედნიერი ვარ"
კვირის სიახლეები
კოალიციამ აშშ-ის მეთაურობით სირიაზე ავიადარტყმები მიიტანა - როგორ ეხმაურება ვლადიმერ პუტინი მომხდარს?
14 აპრილს გამთენიისას საერთაშორისო კოალიციამ, რომლის შემადგენლობაშიც აშშ, საფრანგეთი და დიდი ბრიტანეთი შედის, სირიაში გარკვეულ ობიექტებზე დარტყმა მიიტანეს.
0 კომენტარი
"მეზობლებს კარზე კაკუნი რომ არ აეტეხათ, იმ არაკაცს შეიძლება, დედასთან ერთად, ბავშვებიც დაეხოცა"
ბარნოვის ქუჩაზე მომხდარი საზარელი მკვლელობის ახალი დეტალები
0 კომენტარი
საინტერესო დეტალები მსოფლიო ვარსკვლავებთან მუშაობის შესახებ
ქართულ სამზარეულოსა და კულტურაზე შეყვარებული გორან ბრეგოვიჩი
0 კომენტარი
"არ მინდა, ჩემმა შვილმა გაიგოს, რას ვსაქმიანობ" - ყოფილი ბიზნესლედი, რომელიც სასაფლაოების დამლაგებლად მუშაობს
38 წლის სასიამოვნო გარეგნობის ქალბატონი (რომელმაც ვინაობის გამხელა არ ისურვა) 2 წელია, ქალაქ რუსთავის სასაფლაოზე, საფლავების მომვლელია.
2 კომენტარი
სასამართლოში ნასროლი ბოთლი და გზა იურისტობიდან დიზაინერობამდე
დიზაინერობა 25 წლის ასაკში გადაწყვიტა და საბოლოოდ თქვა უარი იურისტობასა და ჟურნალისტობაზეც.
3 კომენტარი
ნანუკა ჟორჟოლიანმა ეფექტური და ჯანსაღი დიეტის რეცეპტი გაამხილა
ნანუკა ჟორჟოლიანი ბოლო პერიოდში შესაშურ ფორმაში ჩადგა. ტელეწამყვანი სხვადასხვა პერიოდში დიეტებით ებრძოდა ჭარბ წონას, თუმცა ზედმეტი კილოგრამების დაკლებასთან ერთად, მიღებული შედეგის შენარჩუნება არანაკლებ მნიშვნელოვანია.
4 კომენტარი
"დედამ ტელეფონში მითხრა, ჟენია დავკარგეთო და ყურმილიც გაითიშა... ისინი იღუპებოდნენ და მე ვერ ვუშველე"

25 მარტი მეორეკლასელი დარინასთვის ერთ-ერთი ლამაზი დღე უნდა ყოფილიყო, რომელსაც მეგობრის დაბადების დღეზე გასართობ ცენტრში გაატარებდა, თუმცა ყველაფერი ტრაგედიით დასრულდა... სავაჭრო-გასართობ ცენტრში მოულოდნელად ხანძარი გაჩნდა, შედეგად უამრავი ადამიანი დაიღუპა და მძიმედ დაშავდა.

1 კომენტარი
სახსრებში მამტვრევს. ალბათ ბედნიერების ნიშანია.
LIFE
უსინათლო ფეხბურთელთა პრობლემები და სპორტის მინისტრის შანსი
ახლახან სრულიად შემთხვევით გავიგე, რომ უსინათლო ბიჭები ფეხბურთს თამაშობენ და რომ ამ ჩემთვის სრულიად უცნობ სპორტის სახეობას ქართველი ახალგაზრდებიც მისდევენ.
0 კომენტარი
"თამარ მეფე იალბუზზე ცხოვრობდა" - ეროვნული გამოცდების "სალაღობო მაგალითები"
"ტარიელმა თავისი საცოლის საქმრო მოკლა და თვითონ ვეფხვის ტყავი ჩაიცვა, რომ მტერს ვეღარ ეცნო"
7 კომენტარი
მეფუტკრე გოგონა თონეთიდან
"მთვრალი ფუტკრები მეზობელ სკებს დაერევიან, მთელ თაფლს შენკენ გამოზიდავენო"
9 კომენტარი