"ძალიან მომწონდა და თავხედურად მოვიქეცი"
font-large font-small
"ძალიან მომწონდა და თავხედურად მოვიქეცი"
"ფილოსოფიური და ფსიქოლოგიური ჟანრის ლიტერატურა მიზიდავს. ჩემი პროფესიის ადამიანისთვის ეს ძალიან მნიშვნელოვანია", - ამბობს მარჯანიშვილის და თუმანიშვილის სახელობის თეატრების მსახიობი, მალხაზ აბულაძე.

მიუხედავად იმისა, რომ ორივე თეატრში რამდენიმე სპექტაკლში თამაშობს, პოპულარობა სერიალმა - "ჩემი ცოლის დაქალები" მოუტანა. ამის გამო ცოტათი გული წყდება.

პრეამბულის მაგიერ

- კამერასთან მუშაობა თავისებურად საინტერესოა, მაგრამ სპექტაკლის მსვლელობისას მაყურებელთან იმდენად ახლო ურთიერთობა მიწევს, მეტ სიამოვნებას ვიღებ, ვიდრე პოპულარობაა. მიუხედავად იმისა, რომ სერიალში დიდი როლი არ მაქვს, პოპულარული ერთ დღეში გავხდი.

- სამაგიეროდ, ქართველებისთვის ძალიან ნაცნობი, მოძალადე ქმრის ტიპაჟი შექმენით.
- სამწუხაროდ, ჩემი გმირის მსგავსი მამაკაცი ჩვენ გარშემო მრავლადაა. პროტოტიპის პოვნა ნამდვილად არ გამჭირვებია. ასეთი ადამიანი ბავშვობიდან მახსოვს. მოზარდს ხომ ყველაფერი სხვაგვარად ამახსოვრდება, აღიქვამს. ჰოდა, ის ადამიანიც ჩემს გონებაში განსაკუთრებულად ჩაიბეჭდა.

- თქვენი გმირის მსგავსი ადამიანებისთვის რა გაქვთ სათქმელი?
- ძალადობას გამართლება არ აქვს, დასაგმობია.

- ნაწარმოები, რომელმაც თქვენზე წარუშლელი შთაბეჭდილება მოახდინა, რომელი იყო?
- მახსოვს, ბავშვობაში "ხუთკუნჭულა" რომ წავიკითხე, დიდი ემოცია მომიტანა.

- აქტიური მკითხველი ხართ?
- საკმაოდ დატვირთული ვარ. დილიდან ღამის 11 საათამდე თეატრში ვარ. 2 თეატრში ვთამაშობ, დროის გადანაწილებას ვახერხებ.

- წიგნი მოგიპარავთ?
- კი, ბავშვობაში მამიდას ლადო გუდიაშვილის ილუსტრაციები მოვპარე. ძალიან მომწონდა და ასე თავხედურად მოვიქეცი.

- რომელ პერსონაჟთან იმეგობრებდით?
- ჰემინგუეის მეთევზესთან ("მოხუცი და ზღვა").

- მასში რა გხიბლავთ?
- სიმშვიდე და დიდი სიბრძნე. ფილოსოფიური აზროვნება მიტაცებს.

- თქვენ მიერ განსახიერებული რომელიმე პერსონაჟისთვის თუ მიგიმსგავსებიათ თავი?
- როლზე მუშაობის დასაწყისში, გმირში რაღაც ჩემეულს ვპოულობ და მერე იმ ნაპერწკლიდან ცეცხლის გაღვივებას ვიწყებ. საერთო პიროვნული თვისებები ნებისმიერ გმირთან შეიძლება გამონახო.

- კარგი მეხსიერებით გამოირჩევით?
- მეხსიერებას არ ვუჩივი. 8 ისეთი როლი მაქვს, სულ ტექსტით არის დახუნძლული. დამახსოვრება არ გამჭირვებია. სცენაზე ტექსტი დამვიწყნია, მაგრამ თავი დამიძვრენია. ინტელექტუალური თამაშები მიყვარს, მაგრამ ერთი ცუდი თვისება მაქვს, - ექსტრემალურ სიტუაციაში ძალიან ვიბნევი. შეიძლება, გავიდეს 10 წუთი და კითხვაზე პასუხი მერე გამახსენდეს.


- აღდგომის ბრწყინვალე დრესასწაულია და პირველ კითხვას რელიგიურ თემაზე დაგისვამთ. ქრისტეს ამ მოციქულმა მანამდე არ დაიჯერა უფლის ხორციელი აღდგომა, სანამ მაცხოვარს ხელით არ შეეხო. რომელ მოციქულზეა ლაპარაკი?

- ვერ ვიხსენებ.

- თომაზე. რა ერქვა ავაზაკს, რომელიც იესო ქრისტეს დასჯის სანაცვლოდ გაათავისუფლეს?
- ბარაბა.

- ვინ ასრულებდა გეურქოვის როლს ფილმში "ვერის უბნის მელოდიები"?
- ეროსი მანჯგალაძე.

- "ყურადღება, თქვენ გელით აქამდე არნახული სანახაობა". ამ სარეკლამო აბრის წყალობით, ფილმის პროდიუსერებმა დიდი შემოსავალი ნახეს. ნაჩვენები იყო "ჯაზის მომღერალი". რით იყო ეს ფილმი მნიშვნელოვანი?
- (პაუზის შემდეგ) პირველი ხმოვანი ფილმი არ იყო?

- გამოიცანით. რომელი ქართველი პოეტი მონაწილეობდა რუსეთის დაპყრობით ომებში, ჩრდილოეთ კავკასიაში?
- გრიგოლ ორბელიანი.

- რომელ თევზს აქვს ორივე თვალი ცალ მხარეს?
- კამბალას. თევზაობა ჩემი ჰობია.

- თქვენ რომელ სახეობაზე თევზაობთ?
- უმეტესად კობრსა და ქარჩხანაზე. ეს სახეობები ტბებში, წყალსაცავებში ძალიან მალე მრავლდება.

- თევზაობის მუღამზე რას გვეტყვით?
GzaPress- მუდმივ მოძრაობაში იმყოფები. თითქოს არაფერს აკეთებ, მაგრამ სულ საქმიანობ. ირგვლივ სიწყნარეა, მოლოდინის რეჟიმი ხომ ფილოსოფიაა, თავში ათასი აზრი გიტრიალებს. შეიძლება, ბუნებაში ჩაფლული ისე გაირინდო, დაგავიწყდეს, სად და რატომ ხარ.

- ხშირად თევზაობთ?
- ბოლო ერთი წელია, ხშირად ვერ ვთევზაობ და ამას ძალიან განვიცდი.

- ვისთან ერთად იპოვა განძი ტომ სოიერმა?
- ჰეკლბერი ფინთან ერთად.

- რომელი მწერლის რომელი ნაწარმოების გმირია კირილე მიმინოშვილი?
- დავით კლდიაშვილის "სამანიშვილის დედინაცვალის".

- პოეზია გიყვართ?
- სტუდენტობის წლებში ლექსებს სცენაზეც ხშირად ვკითხულობდი. ზეპირად ნაკლებად მამახსოვრდება. პოეტებიდან ვაჟა-ფშაველა ჩემთვის შეუცვლელია, ყველაზე მაღლა დგას.

- "მიყვარდა მაშინ, მათრობდა მაშინ/ მშვიდი დღეების თეთრი ბროლება/, მინდვრის ფოთლები შენს დაშლილ თმაში/ და თმების ქარით გამოქროლება". ვინ არის ამ სტროფის ავტორი?
- ნამდვილად არ მახსოვს.

- გალაკტიონი. რომელ თვეს ეძახიან გიორგობისთვეს?
- ნოემბერს.

- წარსულში ქმრის მოღალატე ცოლებსა და მსუბუქი ყოფაქცევიის ქალებს შუბლს უდაღავდნენ, რათა მათი უღირსი საქციელის შესახებ ყველას გაეგო. სწორედ მაშინ წარმოიშვა და დღემდე არსებობს ვარცხნილობის ეს ფორმა. რომელ ფორმაზეა ლაპარკი?
- "ჩოლკა", არა?

- რა თქმა უნდა. მანდილოსნებს კომპლიმენტებს ხშირად ეუბნებით?
- საკმაოდ ხშირად.

- სახელმწიფო ტოგოში თუ მამაკაცი ქალს კომპლიმენტს ეტყვის, რა ვალდებულება ეკისრება მის წინაშე?
- არ ვიცი. სავარაუდო პასუხი რომ გითხრათ?

- გისმენთ.
- ვალდებული ხდება, რომ მასზე იზრუნოს.

- უფრო მეტიც: ვალდებულია, ცოლად მოიყვანოს.
- ო! ეგ ნამეტანია.

- "მე თითქმის ყველაფერი ვნახე თბილისში - ქართულ სამოთხეში. მთელი ცხოვრების მანძილზე ისე ნაყოფიერად არსად მიმუშავია, როგორც თბილისში", - წერდა საქართველოში მოგზაურობის შემდეგ ეს ფრანგი მწერალი. დაასახელეთ იგი.
- ალექსანდრე დიუმა.

- რომელი პრეზიდენტი იყო მსახიობი?
- რეიგანი.

- სხეულის რა ნაწილზე აქვს ფუტკარს ნესტარი?
- თავზე.

- ცდებით, კუდზე აქვს. ცნობილია, რომ მონღოლები დაბეგვილ უმ ხორცს მიირთმევდნენ. როგორ ბეგვავდნენ?
- უნაგირის ქვეშ დებდნენ და მგზავრობის დროს იბეგვებოდა.

- რომელ ქვეყანას მართავდა გენერალი ფრანკო?
- ესპანეთს.

- ახალგაზრდა ტიბეტელი ბიჭები მოწონებულ გოგონას ქუდს ჰპარავენ. რისი ნიშანია, თუ გოგონა ქუდის დაბრუნებას მოითხოვს?
- შესაძლოა, თანხმობასაც ნიშნავდეს, ასე არ არის?

- გამოიცანით. ცოტა ხნის წინ, ინგლისის ერთ-ერთ ქალაქში გაიხსნა მუზეუმი, რომლის ექსპონატებს შორის შეხვდებით რეაქტიულ სკუტერს, მოტოციკლს ვერტმფრენის ტურბინით, შავ "ვოლგას", ტანკს - "ტ-55"-ს... მითხარით, ვის ეძღვნება ეს მუზეუმი?
- ექსპონატები კიდევ ერთხელ ჩამომითვალეთ. (გამეორების შემდეგ) ჩემი აზრით, ჯეიმს ბონდს ეძღვნება. ფილმებში მის მიერ გამოყენებული ტრანსპორტია.

- 1911 წელს ლეონარდო და ვინჩის "ჯოკონდა" მოიპარეს. ერთ-ერთ ეჭვმიტანილად ცნობილი ესპანელი მხატვარი იყო მიჩნეული. დაასახელეთ, რომელი?
- (ფიქრობს) არ ვიცი.

- მიგანიშნებთ: ეს მხატვარი საფრანგეთში გარდაიცვალა.
- მაინც ვერ გიპასუხებთ.

- პიკასო. "ამ მდუღარეგადასხმულ ჩემს ბიოგრაფიაში, - წერს ერთ-ერთი მწერალი, - ვერც ერთი ნათელი დღე ვერ გამოვძებნე. რაც არ იყო, რას გამოძებნი. ყურმოკრული მაქვს, თითქოს ჰემინგუეის უთქვამს - "მწერლის აკადემია უბედური ბავშვობააო" - ჩინებულად მაქვს დამთავრებული ეს აკადემია". დაასახელეთ, რომელი მწერალია ამ სიტყვების ავტორი?
- ქართველ მწერალზეა ლაპარაკი?

- დიახ.
- ოტია იოსელიანი.

- რომელ ტაძარში იყო შემორჩენილი ერთიანი საქართველოს პირველი მეფის ერთადერთი გამოსახულება, რომელიც ახლახან განადგურდა?
- არ ვიცი.

- ბედიის ტაძარში. რომელი ზღვის სანაპიროზე მდებარეობს ცნობილი კურორტები - ნიცა და კანი?
- ხმელთაშუა ზღვის.

- ტრადიციისამებრ, რა ნიშანს იძლევიან, საკვამურიდან ტაძარში შეკეტილი კარდინალები, პაპის არჩევის დასადასტურებლად?
- თეთრ ბოლს უშვებენ.

- ძველ იუდეველებში არსებობდა ჩვეულება, რომლის მიხედვითაც, ისინი თავიანთ ცოდვებს სიმბოლურად, თხას აჰკიდებდნენ და უდაბნოში აგზავნიდნენ. ამ წეს-ჩვეულების თანახმად, თითქოს ცოდვებისგან თავისუფლდებოდნენ. აქედან წარმოიშვა გამოთქმა...
- ვერ გიპასუხებთ.

- "განტევების ვაცი". რიგში დგას 25 ბავშვი. მერამდენე ბავშვი დგას შუაში?
- მე-13.

- თუ ღამის 12 საათზე კოკისპირული წვიმაა, შეიძლება თუ არა, ვივარაუდოთ, რომ 48 საათის შემდეგ, კაშკაშა მზიანი ამინდი იქნება?
- რა თქმა უნდა.

- ხომ არ დაიბენით?
- შეგვიძლია, ვივარაუდოთ. არა?

- 48 საათის შემდეგ ისევ ღამე არ იქნება?..
- ო, ამ ეშმაკობას ვერ მივხვდი.

- დაბოლოს, დაასრულეთ ნიცშეს ცნობილი გამონათქვამი: "სიყვარულის სიმცირე კი არა, მეგობრობის ნაკლებობა განაპირობებს უიღბლო..."
- მომავალს.

- "...უიღბლო ქორწინებას".
თამუნა კვინიკაძე
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"ძალიან პრეტენზიული გემოვნება მაქვს"
"ამ დროს ყოველთვის ოპტიმისტურ განწყობაზე ვარ"
"ვერასდროს იგრძნობ, რომ ცნობილი ადამიანების შვილია"
უცნაური კომპლიმენტი და კუნთმაგარი ფინანსისტი
"არ ვარ ევროპელი და ამის გამო საბოდიშოდ არავისთან მაქვს საქმე"
კონკურსანტი, რომელიც პროკურორობაზე ოცნებობს
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2534 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2656 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
7 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
5 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
3 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2088 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2448 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1207 კომენტარი