გალაკტიონის გალაქტიკა
font-large font-small
გალაკტიონის გალაქტიკა
"რამდენიმე ათეული წელია ვცდილობ, მივუახლოვდე გალაკტიონის სულიერ იდუმალებას"

ახლახან ლიტერატურის მუზეუმის ოთხ დარბაზში რეზო-ემელიანე ადამიას გალაკტიონ ტაბიძისადმი მიძღვნილი პერსონალური გამოფენა - "გალაკტიონი და კოსმოსი" გაიხსნა. ნოდარ ტაბიძის თქმით, "რეზო პირველი ბრძანდება, ვინც გალაკტიონი კოსმოსთან დაკავშირებით წარმოაჩინა". სურათებზე, რომლებსაც ერთი ტკივილი აერთიანებდა, კედლებზე პოეტის ტრაგიზმით აღსავსე ცხოვრების გზის მანიშნებლად, თითქოს, შთამაგონებელი ფერებითა და ფორმებით დატვირთული ერთი უწყვეტი ხაზი იყო გავლებული... იმერეთის დღისა თუ ღამის პეიზაჟები, მზის ჩასვლა და ამოსვლა სხვადასხვა ვარიაციით, თოვლი... მგოსნის სისხლის შხეფებით დაღდასმული კოსმოსი, ტრაგედიის გამო მგლოვიარე, დაბნელებული მზე და კოსმოსური სასაფლაო; თეთრად, იისფრად და მზისფრად მოელვარე პლანეტები, კოსმოსური ბნელეთი და იქვე - სიცოცხლის ვარსკვლავი... მხატვრული ტილოები, თითქოს, ერთმანეთში საუბრობენ, ერთი მეორიდან გამომდინარეობენ და არსებობენ ერთად და დამოუკიდებლად თავისი საერთო და ინდივიდუალური სათქმელით... მათი გლოვის ობიექტი კი - "სულთა მედროშე" გალაკტიონია... ნახატებით გადმოცემული უხილავი, მოუხელთებელი სამყარო, ამავდროულად, იმდენად ხელშესახები იყო, რომ ოთახებში მგოსნის მძიმე ნაბიჯებისა და ხშირი სუნთქვის ხმაც ისმოდა...
GzaPressრეზო ადამია, მხატვარი, მწერალი:
- პლანეტარიუმის ახალი ტექნიკით შესრულებით, სულიერი წვდომით, ფერწერის არასტანდარტული აზროვნების მიდგომით გალაკტიონის პოეზიის სიდიადე გამოვხატე. ძველი მხატვრული ხერხებით გალაკტიონის პოეზიის იდუმალების ხატვა შეუძლებელია. რეალური ხერხებით ვერ მივუახლოვდებოდი მის გენიას. ის ილუსტრაცია იქნებოდა და არა სულის სურათი თავისი უცნაური ფერებით, ხაზებითა და ფორმით. რამდენიმე ათეული წელია კოსმოსური, ჩემეული ხერხებით ვცდილობ მივუახლოვდე გალაკტიონისა და ტერენტი გრანელის სულიერ იდუმალებას, რითიც ისინი იტანჯებოდნენ, იმ ტანჯვას მეც გავდივარ და მათ ამ გზით ვუახლოვდები... ყოველი დიდი შემოქმედების ძირფესვიანად შესწავლა, ღრმად გარკვევა და შეგრძნება, შორეულ იდუმალებაში ჩაწვდომა, განხილვა და მეცნიერული აღწერა პიროვნების ჯეროვან სულიერ და ფიზიკურ შეწირვას მოითხოვს. სხვა მხრივ ყოველი ცდა მარცხით მთავრდება. გალაკტიონზე "პლანეტარიუმის" 200-ზე მეტი სურათი მაქვს შექმნილი. მე 200-ზე მეტჯერ ავად ვიყავი... ამ ნამუშევრებს რვა წელია ვქმნი. ტერენტი გრანელზე კიდევ უფრო მეტი, თხუთმეტი წელი ვიმუშავე და ჯერაც არ დამისრულებია. ყოველი ზომიერი ინტელექტუალი ნამუშევრების წინ აღელვებული დგება საკუთარი აზროვნებით - შეუზღუდავი შინაგანი შეხედულებებით, უცნაური კითხვებით, ემოციებით და მისეული, ინდივიდუალური გალაკტიონით ივსება...
GzaPress- სურათების მიხედვით გალაკტიონი და მისი შემოქმედება მთელ სამყაროშია განფენილი, თითქოს, არც დასაწყისი აქვს და არც დასასრული... მიუხედავად ამისა, რიგ ნამუშევრებში წარმოჩენილია, როგორ ბოჭავს მას ცივილიზაციის მარწუხები...
- ჩემი არ ესმით, ძამიკოო, - წუხდა გალაკტიონი და საყვედურობდა კოლეგებსა და უცნობ თანამედროვეებს. ხშირად ამბობდა: "მდევნიან, ვერ მიგებენ, ვძულვარ, რას მერჩიან?!" მოზღვავებულ მუზებთან და წარმოსახვებთან ერთად, აბსტრაქტული ხილვები დასდევდა და ნაადრევად აბერებდა სულიერად მარტოხელა მგოსანს. კომუნისტური ეპოქის ფანატიკოსი მესვეურები რკინის ჩარჩოებში ამწყვდევდნენ, მისი ზეციდან მოვლენილი მუზები და წარმოსახვები მარქსისტებმა უმოწყალოდ გაფანტეს. პოეტი შეგნებულად გაურბოდა პირადი ინდივიდის ურთულეს სახეს ალკოჰოლის მეშვეობით. სმა გახლდათ ცხოვრებისა და გარემოსგან დაქანცული მგოსნის უკიდურესი ქმედება. ამით ის სულიერ შვებას პოულობდა თავისი პოეზიის ნიჭისაგან აწიოკებული. ბახუსის თანადგომით არბილებდა კოსმოსური ნიჭის ზეწოლას, რომელიც დღე და ღამე ბორბალივით ატრიალებდა გაწამებულ მგოსანს და ამ გზით იბადებოდა მეორის დასასრულის და მესამე ათასწლეულის შედევრები.
- ციკლი გალაკტიონის შესახებ დასრულდა თუ შემოქმედებითი პროცესი კვლავ გრძელდება?
- შემოქმედებითი პროცესი გრძელდება, გალაკტიონის დაუოკებელი ლურჯი რაში სპირალურად მიაჭენებს უსასრულობისკენ. მას ვერ შეაჩერებ, ვერც მოთოკავ. ჩემსა და გალაკტიონს შორის ფერები, მუზები, სიტყვის საკრავზე აჟღერებული მუსიკა, კოსმოსური აზროვნება, პოეზიის იდუმალება და წმიდანური ხიბლი, ფერწერის ღვთიური რაობა და სიყვარული აღმართულა ურღვევ კედლად...
შორენა ლაბაძე
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"ამ გოგოს ბრძოლისუნარიანობით ყველანი გავვოცდით"
ქეთი წიქვაძის გულახდილი ინტერვიუ
"ახლა ყველა ქვას ისვრის, რადგან უნდათ აჩვენონ, რომ თავად მართლები არიან"
ხალხით გაჭედილი ავტობუსები და სამარშრუტო ტაქსები, გაუვალი საცობები და შავი "ჯიპებით" ჩახერგილი ქუჩები - ამ ყველაფერზე ჩვენ ბევრჯერ დაგვიწერია.
ჩვენს ხარჯზე ცხოვრობენ და ცხადია, ამის დაკარგვაც არ უნდათ
"ეს იყო ჩემი და სერგოს გაცნობის პირველი კადრები"
"შეცდომების დაშვების რომ შემეშინდეს, საერთოდ ვერ ვიცხოვრებ"
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2530 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2655 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
3 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
4 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
5 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2444 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1206 კომენტარი