"ფლირტი ძალიან სასიამოვნო რამაა, რომელიც ყველა გოგოსა და ბიჭს სჭირდება"
font-large font-small
"ფლირტი ძალიან სასიამოვნო რამაა, რომელიც ყველა გოგოსა და ბიჭს სჭირდება"
მსახიობი სალომე კოკუაშვილი ასოციაციურად თავისი საქმიანობის, ინტერესების, სასიამოვნო მოგონებების, წინა საუკუნის დროინდელი ნივთების, მრავალფეროვანი ბიბლიოთეკისა და "სისუსტეების" შესახებ გვესაუბრება.

პირველი სამსახური...
- ჩემი პირველი ნაბიჯები ტელევიზიაში იყო, "შაბათის შოუში". მაშინ ცეკვაზე დავდიოდი თეა გობეჯიშვილთან, მას დაურეკეს და სთხოვეს, შედარებით არტისტული გოგონა გამოგვიგზავნე, სკეტჩისთვის გვჭირდებაო. თეამ მითხრა, - შენ ხომ მსახიობობა გინდა, თუ წინააღმდეგი არ იქნები, გაგგზავნიო. რა თქმა უნდა, ბედნიერებისგან ლამის გული გამისკდა და დიდი სიხარულით მივედი. მათაც მოვეწონე და ჩვენი თანამშრომლობა შედგა.
ცეკვა...
- ვგიჟდები ცეკვაზე! მინდა, რომ ძალიან მაგრად ვცეკვავდე. ლათინურამერიკულ ცეკვებზე, თანაც წყვილში, ჭკუა მეკეტება - ტანგო, ვალსი, ფოკსტროტი - მათი ყურება დიდ სიამოვნებას მანიჭებს.
პროექტი...
- ჩემთვის ეს იყო სერიალი, რომელიც პირველ არხზე გადიოდა და "მესამე თაობა" ერქვა. თუმცა, ვფიქრობ, ცნობადობა მაინც "ჩიფსების თაობამ", "ჩვენმა ოფისმა" მომიტანა, ასევე სერიალმა - "გოგონა გარეუბნიდან". მაშინ პატარა ვიყავი და დიდი გამოცდილება მივიღე, ამიტომ, ჩემთვის ძვირფასია იქ გატარებული დრო.
კომფორტული ადგილი...
GzaPress- სახლი. მარტო ყოფნა მიყვარს, სიმშვიდეში ფიქრი, წიგნის კითხვა ან უბრალოდ, არაფრის კეთება.
გართობა...
- მეგობრების წრეში ყოფნა საუკეთესო გართობაა. მთავარია, როგორ ადამიანებთან ერთად ხარ, თორემ სად ხარ, ამას დიდი მნიშვნელობა არ აქვს.
პირველი კომპიუტერი...
- კომპიუტერი არასდროს მქონია, პირველი ლეპტოპი კი მაჩუქეს, როცა უკვე საკმაოდ დიდი ვიყავი. თუმცა, მანამდე სათამაშო მოწყობილობა მქონდა, რომელიც იმ პერიოდში ძალიან პოპულარული იყო. 13 წლის ვიქნებოდი, ერთადერთხელ რომ ვითამაშე "ლარა კროფტი" და არ მომეწონა. მას შემდეგ, კომპიუტერულ თამაშებს ვგმობ. მერე ეს ჩემი ძვირფასი საჩუქარი, რომელიც ბიძამ უცხოეთიდან ჩამომიტანა, გავაჩუქე.
საყვარელი თამაში...
- "ომობანა". იარაღების მიმართ დიდი სიყვარული დღემდე შემომრჩა.
კასეტა...
- ფანქრით რომ ახვევდნენ ხოლმე, ეს მახსოვს (იცინის) და იმ დროს, ამ ხერხს მეც ხშირად მივმართავდი.
პოლაროიდი...
- მახსოვს! 90-იანების ფოტოაპარატი - სწრაფად გადაღებული ფოტოები, ქვემოთ წარწერის გაკეთებაც რომ იყო შესაძლებელი.
საოჯახო ალბომი...
- რა თქმა უნდა, გვაქვს და ძალიან მიყვარს. დედას გაკეთებულია და მასში ყველა დროის ფოტო დევს, ჩემი მშობლების ბავშვობიდან იწყება, მერე მათი ქორწინება, ჩემი დაბადება, გაზრდის პროცესი და ა.შ. საოჯახო ალბომი ჩემი ერთ-ერთი საყვარელი ნივთია.
ქართული ფილმი...
- ძველი ქართული ფილმები კლასიკაა, რაც შეეხება ახალს - იმას, რაც ტელევიზიისთვის კეთდება და თანამედროვეა, ხარისხთან პრობლემები აქვს. თუმცა, აღსანიშნავია, რომ ბოლო პერიოდში ბევრი ისეთი მაგარი მხატვრული ფილმი შეიქმნა, რომლებიც საზღვარგარეთაც აღფრთოვანებას იწვევს და ამით ვამაყობ!
ბიბლიოთეკა...
- დიდი ბიბლიოთეკა გვაქვს, სახლში აღარ გვეტევა, ამის გამო, წიგნების ნახევარი სარდაფში ჩავიტანეთ და ამას ძალიან განვიცდი, რადგან სულ მგონია, რომ იქ გაფუჭდება და დალპება, რადგან წიგნს შესაბამის გარემოში სჭირდება შენახვა. შიგადაშიგ ჩავდივარ და ვამოწმებ ხოლმე. ნებისმიერი ჟანრის ლიტერატურა გვაქვს, ამიტომ, ახალ წიგნებს იშვიათად ვყიდულობ. თუმცა, ბოლოს "სხეულის ენა" შევიძინე, ძალიან საინტერესოა და ყველას ვურჩევ, წაიკითხონ.
ფლირტი...
- ფლირტი ძალიან სასიამოვნო რამაა, რომელიც ყველა გოგოსა და ბიჭს სჭირდება, რათა თავი მუდმივად ლამაზად, მომხიბვლელად და სასურველად იგრძნონ.
საღამო პლაჟზე...
- საღამოს პლაჟზე ჯდომა და მზის ჩასვლის ყურება მიყვარს. ძალიან რომანტიკული ადამიანი ვარ.
ლაშქრობა...
- ძალიან მიყვარს, თუმცა, ვერასდროს ვერავინ ავიყოლიე, ამიტომ, ხშირად არ დავდივარ. ძირითადად, დედაჩემს თუ ავიყოლიებ და ერთ ან ორდღიან ტურებში დავდივართ.
ფუფუნების საგანი...
- საგნად არ ითვლება, მაგრამ კარგი აგარაკი; ასევე, ფუმფულა ლოგინი, რომლის გარეშეც ვერ ვიცხოვრებდი (იცინის).
"ნარკოტიკი"...
- ზოგადად, ძალიან ჯანსაღი ცხოვრების წესით მაქვს, სიგარეტსაც არ ვეწევი და სულ ვქადაგებ, რომ ყველანაირი ნარკოტიკი დასაგმობია. ამის გარეშეც შეგვიძლია გავერთოთ, მთავარია, კარგი ადამიანების გარემოცვაში ვიყოთ. თუმცა, ჩემს "ქადაგებას" ყურადღებას არასდროს არავინ აქცევს. ადამიანია და გუნება, ვერავის ვერაფერს აუკრძალავ, ისე უნდა იცხოვრო, როგორც შენ გინდა.
ყვავილები...
- ყველანაირი, ყველა ფერის ყვავილი მიყვარს და როდესაც მათ მჩუქნიან, ბედნიერი ვარ.
განსაკუთრებული საჩუქარი...
- მიხარია, როცა რაღაცას მჩუქნიან. მთავარია, ისეთი რამ გისახსოვრონ, რაც შენს ხასიათს ესადაგება, მოვალეობის მოხდის მიზნით რაიმეს ჩუქებას კი ჯობია, საერთოდ არ აჩუქო. მთავარი ფასი კი არა, ის არის, თუ რამდენად ორიგინალურია და როგორი გულითაა ნაჩუქარი.
ქალური სისუსტე...
- დღემდე მომწონს "მაჩო" ბიჭები (იცინის).
ყველაზე ქალური სამოსი...
- ქუსლიანი ფეხსაცმელი, რომელიც ჩემთვის ტანჯვაა. ძალიან მომწონს, ვგიჟდები, როცა ლამაზად არიან გამოწყობილები, მაგრამ პირადად მე, აუცილებლობას თუ არ წარმოადგენს, ყოველდღიურად ასეთ სტილს ვერაფრით მოვირგებ, ვერც ასეთ ფეხსაცმელს და ვერც კაბებს. ჩემთვის ყველაზე კომფორტული სამოსი სპორტულია, განსაკუთრებით, თუ მამაკაცისაა.
საყვარელი ფერი...
- ცისფერი, ყვითელი, შავი და თეთრი. გემოვნება სეზონების და ხასიათის მიხედვით იცვლება. ზამთარში სულერთია, რა მაცვია და როგორ გამოვიყურები, რადგან მცივა, ეს კი ჩემთვის დისკომფორტია.
ბავშვობისას გარეგნობაში მინდოდა შემეცვალა...
- ღიპუცა ვიყავი და სულ მინდოდა, სწორი, ლამაზი მუცლის პრესი მქონოდა, დღემდე ვიბრძვი და არ გამომდის. პრესის ვარჯიში თვითმკვლელობაა (იცინის). ყველას უნდა, უკეთესი იყოს, მაგრამ როგორიც ვარ, ამისთვისაც მადლობელი გახლავართ.
ბედნიერება...
- ...როდესაც შენი მიზნის მისაღწევად მკაცრად იბრძვი და საკუთარი თავის გჯერა. მგონია, რომ ყველა ადამიანის საბოლოო მიზანი ბედნიერებაა, ეს კი წვრილმანებისგან შედგება, ყოველდღე შეგიძლია იყო ბედნიერი, თუ ამის დანახვის უნარი გაქვს.
თამთა დადეშელი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"სტუმარმასპინძლობა თვალის დაბრმავებამდე ხდება"
ქეთის ორჯონიკიძის ახალი გატაცება
რაც დრო გადის, უფრო შორს მიდიან, - ყოველდღე ახალ-ახალ "სიურპრიზს" გვთავაზობენ, - ახალგორის ბაღებსა და სკოლებიდან რამდენიმე მასწავლებელი ქართულად გადალაპარაკების გამო გაათავისუფლეს.
ნინო იოსელიანი: "შეიძლება ითქვას, რომ 25-ე საუკუნის მსოფლიოში ვიცხოვრე"
თათია სულუაშვილი სულ სხვა ამპლუაში
აეროპორტში დასაქმებული მოდელის გულახდილი ინტერვიუ
აქვს თუ არა ქეთი დოლიძეს თუმანიშვილის თეატრში მუშაობის საშუალება
რატომ შეწყვიტა მოცეკვავემ ავტობიოგრაფიული ნოველის წერა
"ეს სიყვარული კი არა, ქალის რეაქცია იყო"
თამარ დათუაშვილის "რეცეპტი", ყველა საქმე რომ გამოგივიდეთ
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2526 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2654 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
0 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
1 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
0 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
0 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2432 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1201 კომენტარი