ოლგა ბაბლუანი: "ადამიანი უკეთესი უნდა წავიდეს, ვიდრე დაიბადა"
font-large font-small
ოლგა ბაბლუანი: "ადამიანი უკეთესი უნდა წავიდეს, ვიდრე დაიბადა"
საკუთარ თავს თვითონ ქმნი უამრავი წინააღმდეგობის გადალახვის პროცესში

დედობა, სიყვარული, იდეალური მამაკაცი, ექსტრიმი, ყველაზე რთული მომენტი ცხოვრებაში და ყველაზე ბედნიერი წამი - ეს ის თემებია, რაზეც ოლიკო ბაბლუანს ვთხოვეთ, საკუთარი ასოციაციები გაეზიარებინა.


ჩემი დიდი ოჯახი ჩემთვის არის...
- სიყვარული, მორალური ღერძის, ადამიანური სიმყარის წყარო.
GzaPressდედობა...
- სიცოცხლის გაგრძელება, ბედნიერება, ყველაზე დიდი ემოცია...
თბილისური სახლი, ეზო...
- მთაწმინდა, ჭავჭავაძის ქუჩა, იტალიური ეზო, სადაც 11 წლამდე ვცხოვრობდი. ზღაპრულად თბილი, დაცული სამყარო.
სვანეთი, სვანური კოშკი...
- ჩემი ხასიათის მთავარი შტრიხები. კოშკი - სიმყარე და ჩემი ისტორიის გაუცნობიერებელი პატივისცემა.
წინაპართა დანატოვარი...
- ყველაზე ძველი, სვანური კოშკი.
ყველაზე რომანტიკული ადგილი მსოფლიოში...
- პარიზი. შარმის განუმეორებელი დედაქალაქი.
ჩამავალი მზე...
- არ მიყვარს. მზე არ ჩადის ჩემთვის, მიუხედავად მისი ბუნებრივი დარდიანი სილამაზის.
"უძინართა მზე"...
- სტუდენტობა, სახალხო ემოციური ცუნამი, სიხარული, სილაღე... მამას ბერლინიდან ჩამოტანილი "ვერცხლის დათვი" ერთია საქართველოში.
იდეალური მამაკაცი...
- კაცობრიობამ ღმერთი დაარქვა. იდეალი მითია...
ქალური სისუსტე...
- ისევე, როგორც კაცური, ადამიანური - ერთია, ინდივიდუალურია. ყველას ჩვენ-ჩვენი გვაქვს.
კადრი მეხსიერებაში, რომელიც არ დამავიწყდება...
- ჩემი შვილების სახეები დაბადებისას.
საუკეთესო კინოკადრი...
- "ლეოპარდი". ლუკინო ვისკონტის ფილმი დაუვიწყარი შედევრია.
გამორჩეული ხმა...
- სიჩუმის.
ეპოქის გამორჩეული ადამიანი...
- მე-20 საუკუნის - განდი, მანდელა. ისინი, ვინც პიროვნული და მორალური ფასეულობების ხარჯზე საკუთარი ხალხის ცხოვრება რადიკალურად შეცვალეს. ასევე, სტივ ჯობსი. საქმე, რომელსაც აკეთებ, აუცილებელია, ადამიანის სამსახურში იყოს - სხვა მხრივ აზრს კარგავ შენც და შენი საქმეც ხომ თავიდანვე დაკარგულია.
ნიღაბი...
- ვენეციაში, კარნავალისთვის განკუთვნილ პატარა მაღაზიებში კარგი ალეგორიული სივრცეა კაცობრიობის სპექტაკლის...
ნაჭუჭი...
- დიდად დადებითი ასოციაციის ვერ არის. პატარა და ჩაკეტილი სულის ასოციაციას იწვევს ჩემში.
რუსული ჩექმა...
- რუსულ ველურ, "ქურდულ", დამპყრობლურ პოლიტიკას ნიშნავს ყველა ჯანსაღად მოაზროვნისათვის.
მაგნიტოფონი...
- ბავშვობაში მქონდა მაგნიტოფონიც, კასეტებიც, ფრჩხილის ლაქით გადაწებებული ლენტები...
ბნელი გვირაბი...
- 90-იანები. დანგრეული სიმშვიდე, ადრეულ ასაკში დაკარგული მეგობრები, სიკვდილის ეპიდემია, ქვეყნის დატოვება.
მთის მწვერვალი...
- სულ ჩანს ლაიტმოტივად... მზიანი.
წყალქვეშა სამყარო...
- რასაც გადარჩენა და მოფრთხილება სჭირდება. ადამიანის უპასუხისმგებლობა ბუნების მიმართ, ეკოლოგიური სიბეცე საშინელებაა.
"ბეღურების გადაფრენა"...
- მამაჩემის მონაყოლი: დედასთან ერთად აივანზე ვიდექი, 1 წლისა და ხელს ვუქნევდი მამას, გადაღებაზე რომ მიდიოდა.
დავეხმარებოდი...
- ვეხმარები! ადამიანებს ერთმანეთი გვჭირდება, კარგი გაგებით. განათლება პრიორიტეტია - ეს არის უდიდესი დახმარება მომავალი თაობისთვის.
მოტოციკლეტი...
- მარტივი, თავისუფალი ტრანსპორტი. თანამედროვე ცხენია. წლებია, საფრანგეთიდან ვატარებ ვესპას.
ექსტრიმი, ადრენალინი...
- ექსტრიმი არ მიყვარს, ადრენალინი - დასახული მიზნისთვის ბრძოლასთან ასოცირდება.
მუსიკა...
- ოკეანის ხმა ღამით, ნორმანდიაში.
ყველაზე რთული მომენტი ცხოვრებაში...
- "ყველაზე" არ არსებობს, პერიოდებს გააჩნია. ვფიქრობ, ცხოვრების საჭირო ნაწილია. ადამიანი უკეთესი უნდა წავიდეს, ვიდრე დაიბადა. საკუთარ თავს თვითონ ქმნი უამრავი წინააღმდეგობის გადალახვის პროცესში.
GzaPress
ყველაზე ბედნიერი წამი...
- არსებობს სწორად შეგრძნება სიცოცხლის ფასის. ადამიანები უბედურები არიან იმით, რაც არ აქვთ.
ადამიანი, რომელიც არასოდეს დამავიწყდება...
- ხარისხიანი ურთიერთობები არასოდეს დაგვავიწყდება... ეს ქმნის ჩვენს საარსებო გარემოს.
გამარჯვების სურნელი...
- სურნელის რა მოგახსენოთ და შეგრძნებას არა უშავს, რა.
სიყვარული არის...
- "სიყვარული ერთადერთი რამ არის, რისთვისაც ებღაუჭებიან ცხოვრებას ეს საცოდავი ადამიანები", - ფრაზა წიგნიდან "მზე, მთვარე და პურის ყანა", თემურ ბაბლუანის.
სიცოცხლე...
- დიდი შანსია - ჩემი მცირე გადმოსახედიდან.
ვისურვებდი...
- ბანალურად: ახლობელების ჯანმრთელობას, ზოგადად, ჯანმრთელობას. დანარჩენი მადლობა "შემქმნელ ძალას" და არა მიშავს, რა...
თამთა დადეშელი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"მიწის სახლი სუნთქავს, ამ სიტყვის სრული მნიშვნელობით"
საკუთარ თავზე გაგონილმა რა ჭორმა გააოცა ბექა ბროლაძე
"პოლიტიკაში რომ მოვიდე, ვიღაცის მარიონეტი უნდა გავხდე"
ბედნიერების "რეცეპტი" მომხიბვლელი მაგდა ვასაძისგან
"ზოგიერთი ადამიანი მთელი ცხოვრება პატარა ბავშვად რჩება"
რა ასწავლა საკუთარმა გამოცდილებამ ირინა ონაშვილს
რატომ მიიჩნევს თავს ნარცისად და ეგოისტად კაკია
სოფია სებისკვერაძე ქვეყანაში არსებულ პრობლემებზე საუბრობს
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2532 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2655 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
6 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
5 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
3 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
537 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2445 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1207 კომენტარი