"კომედი ჯგუფის" ახალი სახეები, სამომავლო გეგმები და პასუხები გავრცელებულ ჭორებზე
font-large font-small
"კომედი ჯგუფის" ახალი სახეები, სამომავლო გეგმები და პასუხები გავრცელებულ ჭორებზე
"ჩემთვის ეს ძალიან მტკივნეული იყო"

"კომედი ჯგუფში" მომხდარი გაყოფის შემდეგ, "რუსთავი 2"-ის ეთერს იუმორისტული გადაცემები 21 სექტემბრიდან დაუბრუნდება. არხზე დარჩნენ: ნიკა არაბიძე, ვახო ბიჭიკაშვილი, მიშა ანდღულაძე, ალეკო მალხაზიშვილი, ბექა ონიანი, კობა ბარათელი, სცენარისტების გუნდი... ჰყავთ ახალი, მაყურებლისთვის კარგად ნაცნობი და უცნობი სახეები. როგორი იყო, ჯგუფის გაყოფის პროცესი, რომელი მსახიობები გახდნენ ჯგუფის წევრები, ვინ იქნება ახალი ღამის შოუს ფორმატის გადაცემის წამყვანი, ხედავენ თუ არა ცენზურის საფრთხეს და რომელი იუმორისტული გადაცემებით დაიტვირთება ტელევიზიის საეთერო ბადე? - ამ ყველაფერზე ნიკა არაბიძე გვესაუბრება.


- ნიკა, როგორ ხარ?
- ახლა არა მიშავს, ძალიან რთული პერიოდი გამოვიარეთ, ჯგუფის გაყოფა საკმაოდ მტკივნეული იყო. 15 წელი ერთად ვიმუშავეთ, ეს ცოტა არ არის. ერთად იმდენ დროს ვატარებდით, იმდენს ოჯახის წევრებთან ურთიერთობას ვერ ვახერხებდით. პირადად მე გაყოფის პროცესი ძალიან რთულად გადავიტანე. ბუნებრივია, სხვებმაც განიცადეს.
- აქ დარჩენის გადაწყვეტილება რატომ მიიღე?
- "რუსთავი 2" ჩემიც არის (იცინის). ყველას თავის არგუმენტი ჰქონდა, - დამრჩენსაც და წამსვლელსაც. მგონია, რომ სწორი გადაწყვეტილება მივიღე. დავრჩი იქ, სადაც შეიძლება, ის საქმე ვაკეთო, რასაც აქამდე ვაკეთებდი.
- ის ადამიანები, რომლებმაც წასვლის გადაწყვეტილება მიიღეს, ამბობენ, რომ "რუსთავი 2"-ში ცენზურა იქნება. თავად ამის საფრთხეს თუ ხედავ?
- ჯერ ამის საფრთხეს ვერ ვხედავ. დრო ალბათ ყველაფერს უფრო კარგად აჩვენებს. ხელმძღვანელობისგან მაქსიმალური ხელშეწყობა გვაქვს. გვეუბნებიან, რომ შეგვიძლია ვაკეთოთ ის, რაც გვინდა და როგორც გვინდა. უკვე ვლაგდებით, სამუშაო პროცესში აქტიურად ჩავერთეთ.
- ეთერში როდიდან ბრუნდებით?
- "კომედი შოუ" ეთერში 21 სექტემბრიდან გავა. ძალიან მალე, მაყურებელი ჩვენი გუნდის ახალ წევრებსაც გაიცნობს. საზოგადოებისთვის ცნობილი სახეებიდან შემოგვემატნენ: ზურა ნიჟარაძე, ქეთი ხუციშვილი, თაკო აბაშიძე... დაგვიბრუნდნენ ამიკო ჩოხარაძე, ეკა აბშილავა და სიკო ჭუმბურიძე...
- მთავრობის კრიტიკა ძველებურად იქნება?
- აუცილებლად! ჩვენ ამ თემაზე ხელმძღვანელობასთან ვისაუბრეთ. კრიტიკა ხელისუფლებისთვის შეიძლება "წამალიც" კი იყოს. მიმდინარე პოლიტიკურ მოვლენებს აუცილებლად გამოვეხმაურებით.
GzaPress
- არხზე რომელი გადაცემები დარჩა და რა სიახლეს გეგმავთ?
- "გააცინე და მოიგე", "კომედი შოუ", "ფარული კონვერტი" დარჩა. სანამ ეს ავადსახსენებელი დაშლა მოხდებოდა, მოვასწარით "გვიანი შოუს" რამდენიმე გადაცემის გაშვება, რომელიც ილო ბეროშვილს და ნიკა გრიგოლიას მიჰყავდათ. ეს გადაცემა ეთერში მალე დაბრუნდება. მისი წამყვანი იქნება ამიკო ჩოხარაძე და თანაწამყვანი გოგონები ეყოლება. ამ ფორმატში იქნება სიახლეებიც, ყველაფერს ახლა ნუ მალაპარაკებ.
- ღამის შოუს ფორმატის გადაცემა, ისეთი, როგორიც ვანო ჯავახიშვილის შოუ იყო, იქნება?
- რა თქმა უნდა, სავარაუდოდ ეს გადაცემა საეთერო ბადეში ოქტომბრიდან ჩაეშვება.
- წამყვანი თქვენი გუნდიდან შეირჩევა თუ რომელიმე მსახიობის მოწვევას ფიქრობთ?
- ჩვენი გუნდიდან შეირჩევა.
- ეჭვი მაქვს, თავად იქნები და არ ამხელ.
- (იცინის).
- გამოვიცანი?
- შეიძლება ასეც იყოს. ეთერში დაბრუნდა "კომედი არხიც" და ამ არხის ბადეც ახალი გადაცემებით უნდა შეივსოს. "რუსთავი 2" და "კომედი არხი" იუმორისტული გადაცემებით ეტაპობრივად დაიტვირთება. ჯერ იმას ვუშვებთ, რასაც მაყურებელი ელოდება. მოლაპარაკებას ბევრ ვინმესთან ვაწარმოებთ.
- ღამის შოუს ფორმატის გადაცემის მუსიკალურ გაფორმებაზე ვინ იზრუნებს?
- გვყავს ისეთი ახალგაზრდები, რომლებიც ამ საკითხში კომპეტენტურები არიან.
GzaPress
- თქვენი გუნდის იმ წევრებთან, რომლებმაც წასვლის გადაწყვეტილება მიიღეს, დღეს როგორი ურთიერთობა გაქვთ?
- 15 წელი ფიზიკურად ვერ გაჩერდები ადამიანთან, რომელიც არ გიყვარს, რომელსაც არ აფასებ, რომელსაც პატივს არ სცემ. მიუხედავად იმისა, რომ ჯგუფის გაყოფა მოხდა, ისინი მაინც ჩვენი მეგობრები არიან.
- უკვე კონკურენტები.
- ჩვენ შორის უნდა იყოს ჯანსაღი კონკურენცია, თითოეულ მათგანს წარმატებას ვუსურვებ! ვერ ვიტყვი, რომ მათი წარმატება არ გამიხარდება.
- მაშინ, როცა გადაწყვეტილების მისაღებად ერთად შეიკრიბეთ, აქ რა ხდებოდა?
- ეს ძალიან ოჯახური თემაა. გადაწყვეტილება ასე მარტივად არ მიგვიღია, მანამდე გვქონდა საუბრები. ნაწილისთვის დარჩენის გადაწყვეტილება იყო პრინციპული, ნაწილისთვის - წასვლის. ამ შემთხვევაში, გუნდმა ერთიანობა ვერ შეინარჩუნა. ყველა არც აქ რჩებოდა და არც იქ მიდიოდა. ამის შემდეგ საჭირო გახდა, თითოეულ ჩვენგანს გადაწყვეტილება ინდივიდუალურად მიგვეღო.
- თქვენი გუნდის დაშლის თემაზე საზოგადოების დამოკიდებულება არაერთგვაროვანი იყო: ნაწილი დარჩენის გამო გაკრიტიკებდათ, ნაწილი კი თვლიდა, რომ სწორი გადაწყვეტილება მიიღეთ.
- იმ ადამიანებს, ვისაც ჩვენი დარჩენის გადაწყვეტილება არ მოეწონა და ფიქრობენ, რომ ვერ ვიტყვით იმას, რისი თქმაც გვინდა, ვეტყვი, მალე თავად დარწმუნდებიან, რომ შეცდნენ.
- ლაპარაკი იყო ფინანსურ ინტერესზეც.
- ვიცი, გამუდმებით ამას წერდნენ და მინდა ყველას ვუთხრა, რომ ფინანსების თემაზე ლაპარაკი საერთოდ არ ყოფილა. არ ვიცი, ვინ რა დაინტერესების გამო წავიდა, მაგრამ ჩვენ, პირადად მე, რაც აქამდე მქონდა ხელფასი, ახლაც იგივე მაქვს.
- ბაჩო ახალაიასთან მეგობრობის თემაც ახსენეს. ამაზე რას იტყვი? ამბობდნენ არჩევნებზე თერჯოლაში ნიკა არაბიძე იარაღით დარბოდაო.
- ასეთ აბსურდულ ბოდვაზე კომენტარს არ უნდა ვაკეთებდე, მაგრამ... ნებისმიერს შეუძლია ჩავიდეს თერჯოლაში და იკითხოს, ოდესმე ხელში იარაღით ვინმეს თუ ვუნახავვარ. ეს ხომ ბოროტი ტყუილია. იარაღით სირბილი და ხალხის დაშინება ჩემგან ძალიან შორს არის, წარმოუდგენელია.
- ბაჩო ახალაიასთან მეგობრობ?
- კი ბატონო. იმ იარაღის ამბავსაც გეტყვი, რომლითაც ვითომ დავრბოდი. იმ პერიოდში, როცა ბაჩო ახალაია თავდაცვის მინისტრი იყო, ჯარისკაცებთან რამდენჯერმე ვიყავით შესულები, ისევე, როგორც შედიან მწერლები, მომღერლები და იქ შეხვედრებს მართავენ. ჩვენ ჩვენი ნომრები ვაჩვენეთ. მადლობის ნიშნად, რამდენიმე იარაღით დაგვასაჩუქრეს. დამირეკეს, მივედი და გადმომცეს. ეს იარაღი გაფორმებულია ყველა წესის დაცვით და სახლში მაქვს. ერთხელაც არ გამისვრია და ასეთი ამბავი რომ არის ატეხილი, ლამის მივიტანო და უკან ჩავაბარო.
GzaPress
- რა იარაღია?
- პისტოლეტია ისეთი, ძალიან ბევრ ადამიანს რომ აქვს.
- ახალ ხელმძღვანელობასთან ურთიერთობა რამდენად კომფორტულია?
- ჩვენ კომუნიკაციის პრობლემა არ გვაქვს. უმეტესად, გუნდის სახელით მათთან ალეკო მალხაზიშვილი შედის. მთლიან გუნდთან გენერალურ დირექტორს ორჯერ ჰქონდა შეხვედრა და ძალიან კარგი შთაბეჭდილება დატოვა. საქმის კეთებაში ხელს მაქსიმალურად გვიწყობს. მისგან თანადგომა გვაქვს. ვისაც ჰგონია, რომ ხვალიდან ჩვენ ამ მთავრობის ქება-დიდებას დავიწყებთ, ძალიან ცდება.
- ბიძინა ივანიშვილის ახალი პაროდისტი ხომ არ გიპოვიათ?
- ჯერ არა და იმედია, ვიპოვით.
- მადლობა ინტერვიუსთვის! წარმატებას გისურვებ!
- მადლობა შენ, ხომ იცი, "გზა" ჩემთვის გამორჩეული ჟურნალია. წიგნებთან ერთად ყველა ნომერს ვიძენ და ჟურნალები დედაჩემთან მიმაქვს. არქივში რომელიმე ნომერს თუ ვერ იპოვით, შეგიძლიათ მომმართოთ.
თამუნა კვინიკაძე
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
როგორი ლიტერატურა დაეხმარა თემო დადიანს ცხოვრების რთულ პერიოდში
რა შემთხვევაში გადავა ამერიკაში საცხოვრებლად ნინო შავგულიძე
თათა ჯაშის წარმატება "მსოფლიო დედოფლის" კონკურსზე
"თუ შინაგანად მზად ხარ, შენთან მოდის ბედნიერება!"
უცნაური ზარი ვახო ბიჭიკაშვილთან
როგორ აღმოჩნდა ქალების გარემოცვაში "რუსთავი 2"-ზე დაბრუნებული ამიკო ჩოხარაძე
რა კურიოზები ემართებოდა რამილია ალიევას ქართულად საუბრისას
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2532 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2656 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
7 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
5 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
3 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
984 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2446 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1207 კომენტარი