"ზოგჯერ ჩემი ემოციების შესახებ ვწერ, შემდეგ - ვშლი..."
font-large font-small
"ზოგჯერ ჩემი ემოციების შესახებ ვწერ, შემდეგ - ვშლი..."
როგორი ლიტერატურა დაეხმარა თემო დადიანს ცხოვრების რთულ პერიოდში
გმირ კაპრალსა და წარმატებულ სპორტსმენს - თემო დადიანს წერა მოსწონს, მაგრამ ბოლო დროს ჩანაწერებს იშვიათად აკეთებს. რასაც წერს, იმასაც შლის... ამჟამად, თემო დადიანი მკლავჭიდში მსოფლიოს ჩემპიონატისთვის ემზადება - დაახლოებით ერთ კვირაში რუმინეთში გაემგზავრება. დღის განმავლობაში თითქმის შეუსვენებლად ვარჯიშობს. მიუხედავად ამისა, ჩვენთან წიგნების შესახებ საუბრისთვის მაინც მოიცალა. აღმოჩნდა, რომ შინ წიგნების კუთხე არ აქვს...


- ერთ დროს ჩემს ცხოვრებაში წიგნს დიდი ადგილი ეჭირა, მაგრამ ახლა ამისთვის დრო აღარ მაქვს. კარგა ხანია, წიგნი არ წამიკითხავს, რასაც მოუცლელობას ვაბრალებ, თუმცა ადამიანს თუ გინდა, დროს აუცილებლად გამონახავ. ალბათ, სურვილი აღარ მაქვს.
- რატომ?
- რა ვიცი. უფრო ინგლისურ ენაზე ვკითხულობ რაღაცებს, რომ ინგლისური არ დამავიწყდეს. მაგალითად, ახლა ვკითხულობ ჭე Dიე Aლონე-ს ("ყველანი მარტო ვკვდებით"). მეორე მსოფლიო ომის თემაზეა. მეგობარმა მირჩია, - მოგეწონებაო. ამ წიგნის კითხვა ახლახან დავიწყე. ყოველდღე ვერ ვკითხულობ. როცა შეჯიბრებისთვის ვემზადები, ბევრ ენერგიას ვხარჯავ. დასვენებისას იმის თავიც აღარ მაქვს, წიგნი წავიკითხო. ზოგჯერ უბრალოდ, ვწევარ და არაფერს ვაკეთებ... ახლა მთელი დღეები შეუსვენებლად ვვარჯიშობ. შეჯიბრების მერე, კითხვას გავაგრძელებ (იღიმის)... ისე, ბავშვობიდან ჩემთვის ყველაზე საყვარელი წიგნი "დიდოსტატის მარჯვენაა". ამ ნაწარმოების მიმართ სიყვარული დღემდე შემომრჩა. ალბათ, პირველად სკოლაში სწავლის პერიოდში წავიკითხე და დაახლოებით ოთხჯერ მაქვს წაკითხული. "ვეფხისტყაოსანიც" ძალიან მიყვარს. ალბათ, მიზეზი ის არის, რომ ამ წიგნებში ქართული ვაჟკაცობა, ქართული ხასიათი უფრო დავინახე.
- წიგნების მიმართ ინტერესი როდის გაგიჩნდა? პირველად როდის, როგორ შეარჩიე წასაკითხი წიგნი დამოუკიდებლად?
- სკოლა სოფელში დავამთავრე. ჩემს მეზობლად ერთი კაცი ცხოვრობდა (ცოცხალი აღარ არის, აცხონოს ღმერთმა). წიგნების დიდი თაროები ჰქონდა. 13-14 წლის ვიყავი, როცა ვთხოვე, რომ ჩემთვის წასაკითხად წიგნები მოეცა. "დიდოსტატის მარჯვენაც" მან მათხოვა. თავადაც მირჩევდა, რა წამეკითხა. იმ ადამიანისგან ბევრი წიგნი წამოვიღე, თუმცა ავტორებისა და ნაწარმოებების სახელები აღარ მახსოვს - ნარკოზის, ოპერაციების გამო, ბოლო დროს მეხსიერებასთან დაკავშირებული პრობლემები მაქვს. ახლა ბევრ რაღაცას ვერ ვიხსენებ...
ჩემ მიერ წაკითხული პირველი ლიტერატურული ნაწარმოები დეტექტიური ჟანრის იყო (სათაურს ვერ ვიხსენებ). ძალიან "შემიტყუა". მისი წაკითხვის შემდეგ, იმ კაცთან მეორე წიგნისთვის მივედი, შემდეგ მესამისთვის, მეოთხისთვის... სერიოზულ წიგნებს ვგულისხმობ, თორემ ზღაპრებსა და კლასგარეშე ლიტერატურას სულ ვკითხულობდი, მეხუთე კლასიდან.
GzaPress
- მშობლებს შენთვის წიგნის კითხვის დაძალება დასჭირვებიათ?
- არა, არასოდეს. სკოლა ისე დავამთავრე, რომ საუკეთესო თუ არა, საუკეთესო მოსწავლეთა სამეულში მაინც ვიყავი. სწავლა ყოველთვის მიყვარდა. ახლაც მიყვარს, ახლაც ვსწავლობ. მახსოვს, სკოლიდან დაბრუნებული ვისადილებდი, 1-2 საათს დავისვენებდი, მერე კი მომდევნო დღისთვის გაკვეთილებს ვამზადებდი. დისციპლინა ბავშვობიდან "მომყვება", რაც შემდეგ ჯარში გამომადგა და დღესაც მადგება. საერთოდ, დისციპლინა ყველაფერში საჭიროა, მით უმეტეს - ჯარსა და სპორტში.
- მწერლობის, ჩანაწერების გაკეთების სურვილი გაგჩენია?
- სიმართლე გითხრა, კი (იღიმის). მახსოვს, ბავშვობაში 1-2 ლექსიც მაქვს დაწერილი, მაგრამ ის რვეული ვეღარ ვიპოვე, რომელშიც მეწერა. ახლა, როცა ძლიერი ემოციები მომაწვება ხოლმე, ჩანაწერებს ტელეფონში ვაკეთებ. ავღანეთში ყოფნის დროსაც ვწერდი, კვირაში ერთხელ ან ორჯერ, როცა ვიცლიდი. ჩანაწერების კეთება მომწონს, მაგრამ ბოლო დროს თავი დავანებე; თუმცა ზოგჯერ ტელეფონში ჩემი ემოციების შესახებ ვწერ, შემდეგ ვშლი...
- რომელი ავტორის წერის სტილი მოგწონს?
- ასე გამორჩეული ავტორი არ მყავს, მაგრამ ვაჟა-ფშაველას ნაწარმოებებში ხასიათი გამოკვეთილად ვაჟკაცური, მამაცურია... სხვა ავტორებიც მომწონს, მაგრამ პირველი ვაჟა-ფშაველა გამახსენდა...
- ლიტერატურული ნაწარმოებების ეკრანიზაციებზე რას გვეტყვი?
- ქართული ლიტერატურული ნაწარმოებების ბევრი კარგი ეკრანიზაცია გვაქვს. ცუდი არ მახსენდება. საერთოდ, ვფიქრობ, რომ წიგნში უფრო მეტი ემოცია "დევს", ვიდრე ფილმში. იცი, რა მხრივ? რაღაცები წიგნში უფრო რეალურია, ფილმს კი ისე იღებენ, რომ ყურებადი იყოს - ამას უფრო მეტ ყურადღებას აქცევენ. ლიტერატურული ნაწარმოები უფრო სერიოზული, ემოციურია...
- ცხოვრების რთულ სიტუაციებში წიგნის კითხვა დაგხმარებია?
- კი. თუნდაც, ასე ვთქვათ, ქართული ხასიათის წიგნები და, რა თქმა უნდა, სასულიერო ლიტერატურა. ეკლესიებში პატარა ჩანაწერები იყიდება, რომელთა კითხვაც რთულ პერიოდში ძალიან გამომადგა და ერთ-ერთი მნიშვნელოვანი როლი ითამაშა გარდატეხის პერიოდში, როცა ახალი დაჭრილი ვიყავი - სულიერი სიმტკიცის შენარჩუნებაში დამეხმარა.
- ყველაზე მეტად რომელ ლიტერატურულ პერსონაჟს ამსგავსებ საკუთარ თავს? რომელთან პოულობ მეტ საერთოს?
- ვერც ერთთან. ბავშვობიდან ასე ვარ. არასოდეს მითქვამს, მინდა ასეთი ვიყო-მეთქი. უბრალოდ, მე მე ვარ და ბოლომდე მივდივარ.
- ისეთი ლიტერატურული პერსონაჟი თუ გყავს, რომელთან ურთიერთობასაც ისურვებდი?
- სიმართლე გითხრა, არა. ალბათ იმიტომ, რომ წიგნებთან ისე "ახლოს" არ ვარ, რომ რომელიმე მწერლისა თუ ლიტერატურული პერსონაჟის მიბაძვის სურვილი გამიჩნდეს.
- ბოლოს რომელი წიგნი წაიკითხე?
- 1-2 წლის წინ რაღაც ხელახლა გადავიკითხე, მაგრამ არ მახსოვს, ვერ მოგატყუებ.
- შინ მრავალფეროვანი ბიბლიოთეკა გაქვს?
- არც ისე მრავალფეროვანი. წიგნების კუთხე არ მაქვს. მარტო ვცხოვრობ. ამ ბინაში ახალი გადმოსული ვარ. ცოტა ხანში ისევ სხვაგან გადასვლა მინდა. მედლების კუთხეც არ მაქვს. სხვა ბინაში რომ გადავალ, იქ ყველაფერს ძირფესვიანად გავაკეთებ.
- როგორ ფიქრობ, შენს პირად ბიბლიოთეკაში რომელი წიგნები იქნება აუცილებლად?
- ძველი ქართული ნაწარმოებები: "ვეფხისტყაოსანი", "შუშანიკის წამება", აბო ტფილელი"... ჩემს პირად ბიბლიოთეკაში უმრავლესობა ქრისტიანობისთვის თავდადებული ხალხის ცხოვრების და ქართული ხასიათის ამსახველი წიგნები (ვაჟა-ფშაველას შემოქმედება, "დიდოსტატის მარჯვენა"...) იქნება.
- უცხოურ ლიტერატურაზე არაფერი გვითქვამს...
- მაგალითად, "მადამ ბოვარი" ბავშვობაში, ჩემ მიერ წაკითხული მესამე ლიტერატურული ნაწარმოებია. თან, მაშინ წიგნებს რომ ვკითხულობდი, ცალკე რვეულში ჩანაწერებს ვაკეთებდი, რომ არ დამვიწყებოდა, რაც მინდოდა მხსომებოდა, მაგრამ მაინც არ მახსოვს (იცინის). ამას წინათ, ამ ჩანაწერების რვეულს სოფელში ვეძებდი, მაგრამ ვერ ვიპოვე...
ეთო ყორღანაშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"მემკვიდრეობა სხვა პასუხისმგებლობას მაკისრებს"
"ალბათ რთული იქნება, ვიღაც ისე შევიყვარო, როგორც მიყვარდა"
"პატრიარქის გვარს დასაბამი ქართლის მეფე ვახტანგ გორგასლის ნათლულმა - ღუდუშამ ჩაუყარა"
ჯულიანას ოცნებები და დღევანდელი რეალობა
ვირტუალურ სამყაროში ტროლების თემა აქტუალურია, ვირტუალური სამყარო კი უკვე ჩვენი ყოველდღიურობის განუყოფელი ნაწილია.
50 წელი სცენაზე - გოგი ოსეფაშვილის საინტერესო ცხოვრების გზა
არცთუ ისე დიდი ხნის წინ, ხაშურში, ყოფილმა მეუღლემ ახალგაზრდა, სიცოცხლით სავსე ქალი სიცოცხლეს გამოასალმა.
რატომ არ დადის მეუღლის სპექტაკლებზე ნიაზ დიასამიძე?
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2533 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2656 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
7 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
5 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
3 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
1307 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2446 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1207 კომენტარი