ქეთი წიქვაძის ბედნიერება, სინანული და ყველაზე დიდი სისუსტე - გზაპრესი

"ცხოვრებას თავიდან რომ ვიწყებდე, პატარ-პატარა ცვლილებებს შევიტანდი", - ამბობს მსახიობი ქეთი წიქვაძე. რის გამო აქვს სინანული, შეცვლიდა თუ არა რაიმეს საკუთარ გარეგნობაში, ვინ და რა ენატრება ყველაზე მეტად, რას არ გააკეთებს არასდროს არანაირი თანხის სანაცვლოდ, რა ვერ ისწავლა დღემდე და რა თვისებას გამოასწორებდა საკუთარ ხასიათში? - ამ ყველაფერს მის მიერ დასრულებული წინადადებებიდან შეიტყობთ.

- დაბადების თარიღი...

- ...6 მაისი.

- ბავშვობაში მინდოდა გამოვსულიყავი...

- ...ჟურნალისტი.

- ჩემზე ამბობენ...

- ...რომ კარგი გოგო ვარ.

- ცხოვრებას თავიდან რომ ვიწყებდე...

- ...პატარ-პატარა ცვლილებებს შევიტანდი.

- ჩემი პირველი წარმატება იყო...

- ...მაშინ, როცა მესამე კურსის საკურსო სპექტაკლზე "ყვავილების ფესტივალი" ვიმუშავე.

- ჩემს წარმატებაში ყველაზე დიდი წვლილი მიუძღვის...

- ...ჩემს ყველაზე კარგ დედას მსოფლიოში.

- ბედნიერი ვარ, რომ...

- ...მყავს ორი ყველაზე კარგი შვილი.

- ყოველთვის მაქვს სურვილი...

- ...ვიმოგზაურო.

- თვისება, რომელიც ჩემში ყველაზე მეტად მომწონს...

- ...ვარ ობიექტური.

- თვისება, რომელიც არ მომწონს და ვცდილობ გამოვასწორო...

- ...ცოტათი ჯიუტი ვარ.

- დაშვებულ შეცდომებს...

- ...სიამოვნებით გამოვასწორებდი.

- საკუთარ შეცდომებზე ვისწავლე...

- ...სწორი ქცევა.

- პატიება შემიძლია, თუ...

- ...მიყვარს.

- როცა მომავალზე ვფიქრობ...

- ...ვხედავ ფეიერვერკებს.

- ვიბნევი...

- ...არ ვიბნევი.

- ვნანობ...

- ...რომ ბევრ დროს ვერ ვუთმობ საყვარელ ადამიანებს, ბევრი დრო ვერ დავუთმე სწავლას.

- ამ წუთში ძალიან მინდა ვიყო...

- ...მილიონერი.

- ჩემი ჰობია...

- ...ფოტოების გადაღება, მიყვარს ვარჯიში.

- წონასწორობიდან ჩემი გამოყვანა შეუძლია...

- ...ტყუილს.

- მეზარება...

- ...უსაქმოდ ცხოვრება.

- სიყვარული ეს...

- ...არის ბედნიერება.

- პირველად რომ შემიყვარდა...

- ...გული ამიჩქარდა.

- მიკვირს...

- ...არაფერი მიკვირს.

- ყოველთვის შეუძლია, კარგ ხასიათზე დამაყენოს...

- ...ეს ზღვას შეუძლია.

- ვრისკავ...

- ...იშვიათად.

- ჩემი ყველაზე დიდი სისუსტე...

- ...ასაკის შიშია.

- ვამაყობ...

- ...ჩემი ოჯახით.

- ბოლოს ვიტირე...

- ...სიხარულისგან.

- როცა საჯაროდ მაქებენ...

- ...მსიამოვნებს და ოდნავ უხერხულობას ვგრძნობ.

- მეშინია...

- ...ადამიანების დაკარგვის.

- ვმალავ...

- ...არაფერს ვმალავ.

- ხშირად მსაყვედურობენ...

- ...მეგობრები, დროის უქონლობის გამო, მათთან ურთიერთობას ხშირად ვერ ვახერხებ.

- ჩემს გარეგნობაში შევცვლიდი...

- ...არაფერს შევცვლიდი.

- ვუფრთხილდები...

- ...ძვირფას ადამიანებს.

- დღემდე ვერაფრით ვისწავლე...

- ...საჭმლის გაკეთება.

- ვიტყუები, როცა...

- ...საჭიროება მოითხოვს.

- ყოველთვის მრცხვენია, როცა...

- ...ვტყუი.

- თავისუფლება არის...

- ...ცხოვრების აზრი.

- ინტუიცია...

- ...50/50-ზე მაქვს.

- როცა მარტო ვარ...

- ...მიყვარს, როცა მარტო ვარ.

- ძალიან ბევრი ფული რომ მქონდეს...

- ...ბევრ ადამიანს გავახარებდი.

- რამდენიც უნდა გადამიხადონ...

- ...არ გავიყიდები.

- მენატრება...

- ...მამა და ბავშვობა, საშინლად მენატრება.

- ვაგროვებ...

- ...კარგ ადამიანებს.

- ბედისწერა...

- ...ალბათ არსებობს.

- როდესაც დაძაბული პერიოდი მაქვს...

- ...ვერიდები ადამიანებთან კონტაქტს.

- დარიგება, რომელიც არასდროს დამავიწყდება...

- ...მქონდეს საკუთარი თავის იმედი.

- დაბოლოს, გეტყვით...

- ...გიყვარდეთ ერთმანეთი, გიხაროდეთ სხვისი ბედნიერება და რაც შეიძლება ხშირად გაიღიმეთ!

თამუნა კვინიკაძე