რა არ იცის ერთმანეთის შესახებ მოცეკვავე ცოლ-ქმარმა
font-large font-small
რა არ იცის ერთმანეთის შესახებ მოცეკვავე ცოლ-ქმარმა
"მეუბნებოდა, - ლამაზი არა, მაგრამ ძალიან ეშხიანი ხარო"


ამჯერად გამოვცადეთ მოცეკვავე ცოლ-ქმარი - მზია ორველაშვილი და ტატო ხანთაძე, რომლებსაც უკვე ოთხწლიანი თანაცხოვრება აკავშირებთ. წყვილს ცალ-ცალკე ვესაუბრეთ და ერთი და იგივე შეკითხვები დავუსვით...


- მისი არსებობის შესახებ როგორ შეიტყვე? მან როდის შეიტყო შენ შესახებ?
ტატო:
- ვიდრე პირადად გავიცნობდი, რა თქმა უნდა, სატელევიზიო შოუდან - "ცეკვავენ ვარსკვლავები" ვიცოდი, მზიკო ვინ იყო და რას წარმოადგენდა. მან ჩემი არსებობის შესახებ სეუ-ში გაიგო: იქ, დარბაზში რეპეტიციას გადიოდა, მე კი ანსამბლში ვცეკვავდი. ერთმანეთს სეუ-ში გადავეყარეთ.
მზიკო:
- ტატო სეუ-ში შემთხვევით გავიცანი: ანსამბლის სოლისტი იყო და გველოდებოდა, ჩვენს რეპეტიციას როდის დავასრულებდით, რომ დარბაზში შესულიყო. ვიტრინის მიღმა რომ დავინახე, ვიფიქრე, - ეს ბიჭი ვის ელოდება-მეთქი? როცა ვკითხე და გავარკვიე, რომ ჩვენ გველოდებოდა, ვუთხარი, - არ გვიშლი, შემოდი და შენც "ირეპეტიციე"-მეთქი... ტატო ასე გავიცანი. მერე, ისე კარგად იცეკვა, რომ ჩვენთან ერთად ცეკვა შევთავაზე. დაგვთანხმდა. ასე დავმეგობრდით... როგორც მითხრა, თავად, "ცეკვავენ ვარსკვლავებიდან" გამიცნო.
- პირველ პაემანზე როგორ გამოიყურებოდა? შენ როგორ გამოიყურებოდი?
ტატო:
- მახსოვს, ზღვის პირას ვიყავით. ჩემთვის სასიამოვნოა, რომ ლუდი მასაც მაგრად უყვარს. ლუდს ვსვამდით, ვსაუბრობდით... თუ არ ვცდები, მუქი ლურჯი შორტი და მოკლემკლავიანი მაისური ეცვა, მე - ჯინსის შარვალი და შავი მაისური.
მზია:
- ჩვენი პირველი პაემანი ბათუმში იყო: ზღვის პირას ვისხედით, ვსაუბრობდით. ლუდი ორივეს გვიყვარს და ვსვამდით. ძალიან უბრალოდ, "ზღვის სტილზე" გვეცვა: მას - ჯინსის მოლურჯო შარვალი და შავი მაისური, თავზე შავი, მოდური კეპი ეხურა, მე კი - ლურჯი შორტი და იმავე ფერის მაისური მეცვა. საუბარში დაგვათენდა. ეს ის დღე იყო, როცა ერთმანეთს სიყვარულში გამოვუტყდით.
- შენს გარეგნობაში ყველაზე მეტად რა მოსწონს? შენ რა მოგწონს მის გარეგნობაში?
ტატო:
- მზიკოსი ყველაფერი მომწონს. სიმართლე გითხრათ, პირველად მისმა თვალებმა მიმიზიდა: საოცარი ფერის თვალები აქვს, "ქამელეონს" რომ ეძახიან - მომწვანო, მოლურჯო... დავინტერესდი და ვკითხე კიდეც: ნუთუ, თვალის ფერი მართლა გეცვლება თუ მე მატყუებს თვალი-მეთქი?.. ასევე, მისმა ღიმილმა მომხიბლა. მას ჩემი გარეგნობიდან რა მოსწონს? ალბათ, გამოხედვა. იქნებ, აღნაგობა? მოდი, ღიმილს დავასახელებ.
მზია:
- პირველ რიგში, მისი გამოხედვა შევნიშნე და ეს მომეწონა, შემდეგ - ყველაფერი... ტატო სულ მეუბნებოდა, - ლამაზი არა, მაგრამ ძალიან ეშხიანი ხარო. როცა ვეკითხები, ჩემში რა მოგწონს-მეთქი? ყოველთვის მპასუხობს - ყველაფერიო.
- რა არის მისი მავნე ჩვევა? შენი?
ტატო:
- ძალიან ხშირად ნერვებს მიშლის: მაგალითად, რომ ეტყვი, - მოდი, ასე გავაკეთოთ-თქო, მას პირიქით სურს... ამის გამო, ერთმანეთს ავყვებით ხოლმე, მაგრამ ბოლოს მაინც თავისი უნდა გაიტანოს. სიჯიუტე ახასიათებს... ჩემი მავნე ჩვევა გულმავიწყობაა, მაგალითად - მნიშვნელოვანი თარიღები მავიწყდება. ამის გამო იბუტება ხოლმე.
მზია:
- მისი მავნე ჩვევა ის არის, რომ ჩემი წვალება უყვარს: ზოგჯერ ისეთ რამეს მეტყვის, რომ "წაიგველებს", მე კი ვბრაზდები. ჰოროსკოპით მორიელი ვარ. მეც მიყვარს, როცა ადამიანს ვაწვალებ: ზოგჯერ მეც რამე "ისეთს" ვეტყვი, უფრო მეტად კი - ვჩქმეტ, ვუღუტუნებ... ამის გამო ბრაზდება: - კარგი, გოგო, უკვე აღარ შემიძლია, სული ამომხდა, თავი დამანებეო, - სულ ამას მეუბნება (იცინის).
GzaPress
- დაასახელე თქვენი ქორწინების თარიღი...
ტატო:
- 2016 წლის 28 სექტემბერი.
მზია:
- 28 სექტემბერი, 2016 წელი.
- რომელ უცხო ენებს ფლობს? შენ რომელს ფლობ?
ტატო:
- რუსული, უკრაინული, ინგლისური და ასე თუ ისე, იტალიურიც იცის. მე - რუსული და ინგლისური, თუმცა ინგლისურს ისე კარგად არ ვფლობ, როგორც - მზიკო, მაგრამ თავს ვართმევ.
მზია:
- ტატომ რუსული და ინგლისური იცის, მე - რუსული, უკრაინული, ინგლისური და ცოტათი - იტალიური. ბელორუსულიც მესმის, რადგან იქ ვცხოვრობდი.
- ცეკვა, რომელიც ორივეს ძალიან გიყვართ...
ტატო:
- "აჭარული" ორივეს ძალიან გვიყვარს. ხშირად გვიცეკვია.
მზია:
- როგორც ვიცი და უთქვამს, "პასადობლე" და "რუმბა" მოსწონს. ეს ცეკვები მეც ძალიან მომწონს. ქართულიდან "აჭარული" ორივეს გვიყვარს.
- დაბადების დღე როდის აქვს? შენ როდის გაქვს?
ტატო:
- მას - 26 ოქტომბერს, მე - 6 სექტემბერს.
მზია:
- მას 6 სექტემბერს (მამაჩემივით), მე კი - 26 ოქტომბერს.
- ვინ იყო მზიკოს პარტნიორი "ცეკვავენ ვარსკვლავებში", რომელმაც პროექტში გაიმარჯვა და რომელ სეზონში?
ტატო:
- მაშინ პროექტის მეხუთე სეზონი იყო. მზიკოს პარტნიორი ზურა მანჯავიძე გახლდათ.
მზია:
- მეხუთე სეზონი იყო, ამას რა დამავიწყებს?! ზურა მანჯავიძესთან ერთად ვცეკვავდი.
- ყავა თუ ჩაი?
ტატო:
- ორივეს ჩაი გვიყვარს.
მზია:
- არც ერთი არ გვიყვარს.
- დილით ჯერ "ფეისბუკს" "სქროლავს" თუ საუზმობს? თავად როგორ იქცევი?
ტატო:
- მზიკოს რომ სძინავს, მაშინაც "ფეისბუკს" "სქროლავს" (იცინის). მოკლედ, პირველ ადგილზე "ფეისბუკია", მაგრამ პარალელურად, საუზმობასაც ასწრებს. მეც ანალოგიურად: თვალს გავახელ, გამოვფხიზლდები და ვიდრე საწოლიდან ავდგები, მანამდე "ფეისბუკში" შევდივარ - ახალ ამბებს ვეცნობი...
მზია:
- რა თქმა უნდა, ჯერ "ფეისბუკს" "ვსქროლავ" (იცინის). ტატო არც "ფეისბუკს" "სქროლავს" და არც საუზმობს - ჯერ ფეხბურთის საიტზე შედის.
- მისი საყვარელი კერძი რომელია? შენი?
ტატო:
- შემწვარი კარტოფილი და სოსისი ორივეს ძალიან გვიყვარს.
მზია:
- ტოლმაზე ვგიჟდები, ისე მიყვარს!.. ახლახან მე და ტატოს ახალი საყვარელი კერძი - "ხინკილა სოკოს სოუსში" - გამოგვიჩნდა, რომელსაც ერთ-ერთ რესტორანში ამზადებენ. კიდევ, ტატოს შემწვარი კარტოფილი უყვარს... ჩემთვის არასოდეს უთქვამს, - კონკრეტულად, ეს კერძი მიყვარსო. ბადრიჯნის გარდა, ყველაფერს ჭამს. ბადრიჯანი ეზიზღება.
- მისი საყვარელი ფერი რომელია? შენი?
GzaPress
ტატო:
- ჩემი საყვარელი ფერი შავია. მზიკოს შავი და ლურჯი უყვარს, უფრო მეტად - შავი.
მზია:
- ჩემი - მწვანე და შავი, მისი - არ ვიცი (იცინის).
- თავისუფალ დროს ყველაზე მეტად რისი კეთება უყვარს? შენ რისი კეთება გიყვარს?
ტატო:
- ბევრი რამის კეთება უყვარს, მაგალითად - კერძების. მე ტელევიზორის ყურება მიყვარს, კონკრეტულად კი - ფეხბურთის.
მზია:
- ახალი გატაცება მაქვს: თავისუფალ დროს ვკერავ. ტატოს ჩემთან ერთად ჯდომა უყვარს.
- მისი აკვიატებული ფრაზა ან სიტყვა რომელია? შენი?
ტატო:
- საუბრისას, წინადადებას სიტყვა "ქალოს" დაურთავს ხოლმე - ჩვევად აქვს. ჩემი აკვიატებული ფრაზაა - "რა "ძერსკი" ხარ, ტოო".
მზია:
- ჩემი - "რა ცოდო ვარ", ტატოსი - "რა "ძერსკი" ხარ, ტოო".
- ერთმანეთს რა მეტსახელებით მიმართავთ?
ტატო:
- "მზიკოთი" და "მიკათი" იშვიათად მივმართავ. სიტყვა "ცხოვრება" შევამოკლეთ და ერთმანეთს "ცხოვრით" მივმართავთ.
მზია:
- "ცხოვრება" შევამოკლეთ და ერთმანეთს ასე მივმართავთ: "ცხოვრი", "ცხოვრიკო"...
- ბავშვობაში რომელ პროფესიაზე ოცნებობდა? შენ რომელზე ოცნებობდი?
ტატო:
- დარწმუნებული ვარ, მოცეკვავეობა და მომღერლობა უნდოდა, ალბათ უფრო მეტად - მოცეკვავეობა. მე ფეხბურთელობა სიგიჟემდე მინდოდა!..
მზია:
- ტატო რომელ პროფესიაზე ოცნებობდა, არ ვიცი. მე კოსმონავტობა ან ქირურგობა მსურდა. განსაკუთრებით, კოსმონავტობაზე ვოცნებობდი.
- რომელი ფერის ფრჩხილის ლაქი არ მოსწონს? შენ რომელი არ მოგწონს?
ტატო:
- ალბათ, შავი არ მოსწონს. ამას იმიტომ ვამბობ, რომ ცოტა არ იყოს, მეც არ მომწონს, როცა გოგოს ფრჩხილებზე შავი ლაქი უსვია.
მზია:
- მოშინდისფრო ლაქი არ მოსწონს. მე ნაზ ფერებს ვამჯობინებ.
- როგორ ფიქრობ, თქვენი პასუხები ერთმანეთს რამდენი პროცენტით დაემთხვევა?
ტატო:
- აუ, ალბათ - 35-40%-ით.
მზია:
- მგონია, რომ 40%-ით მაინც უნდა დაემთხვეს...
ეთო ყორღანაშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
"მისი ლექციები ნამდვილი ფეიერვერკი იყო"
თვითიზოლაციაში დაკლებული კილოგრამები
მოცეკვავე, რომელიც საზოგადოებამ სოციალური ქსელით გაიცნო
ყოველთვის ვცდილობ, სხვა ადამიანის მდგომარეობაში შევიდე
"თურმე ეს ის გოგო ყოფილა, ვისაც წლები ველოდი..."
"როცა შეგნება მოიკოჭლებს, იქ ძალა უნდა ჩაანაცვლო"
რას ფიქრობენ ცნობილები თვითიზოლაციის დამრღვევ პირებზე
"შვილი შენი გაგრძელება, შენი დარგული ხეა"
როგორ ახერხებენ ქალები კაცების გამოშტერებას
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2537 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2450 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი