რატომ ვეღარ ცნობენ სოფო ბათილაშვილს?
font-large font-small
რატომ ვეღარ ცნობენ სოფო ბათილაშვილს?
"წყენისგან შოკში ვვარდები და ვჩუმდები"

ახლახან სოფო ბათილაშვილის და ალეკო ბერძენიშვილის დუეტისთვის შექმნილი კლიპი გამოქვეყნდა, რომელიც ჩOVID-19-თან დაკავშირებულ მოვლენებს ეძღვნება... როგორც სოფომ გვითხრა, სიმღერის ჩაწერა მოასწრეს, სანამ კორონავირუსთან დაკავშირებული სიტუაცია გამწვავდებოდა...


- სოფო, კარანტინის პერიოდი როგორ გაიარე?
- კარანტინში ყოფნისას ახლობლებს ხშირად ვერ ვნახულობდი. სხვა მხრივ, კომფორტის ზონაში ვიყავი, რადგან განმარტოება და ფილმების ყურება, მუსიკის მოსმენა ყოველთვის მიყვარდა. ამიტომ ამ პერიოდის გადატანა არ გამჭირვებია - მხოლოდ ახლობლებისგან, მეგობრებისგან შორს ყოფნა მიჭირდა.
- საკუთარ თავს კარგად იცნობ?
- არა (იცინის). ძალიან ცვალებადი ხასიათი მაქვს. რაც დრო გადის, ჩემი ცვალებადი ხასიათიდან გამომდინარე, ახალი რაღაცები მიტაცებს; რაც წინათ მომწონდა, მის მიმართ ინტერესი უფრო მიღრმავდება... სულ ცვლილებებში ვარ. ამიტომაც მიჭირს, სათქმელად ჩამოვაყალიბო, როგორი ტიპის ადამიანი ვარ...
- შენი პიროვნული თვისებებიდან ყველაზე მეტად, რა გეამაყება?
- რა მეამაყება (ფიქრობს)?.. ალბათ, სიყვარულის უნარი.
- ბოლოს გულწრფელი "ბოდიში" როდის თქვი?
- გუშინ თუ გუშინწინ: სახლში დებატების მსგავსი გვქონდა. როცა მივხვდი და დამაჯერეს, რომ ჩემი პოზიცია მცდარი იყო, მალევე, 30 წამში ვაღიარე და ბოდიში მოვიხადე, თუმცა საბოდიშოც დიდად არაფერი ყოფილა...
- 1 თვის განმავლობაში, მხოლოდ ერთი ფერის სამოსის ჩაცმის უფლება რომ გქონდეს, რომელ ფერს აირჩევდი?
- თეთრს, მაგრამ ხვალ რომ იგივე მკითხო, შეიძლება გიპასუხო, - შავს-მეთქი, ზეგ კი შესაძლოა, ჩემი პასუხი იყოს - წითელი (იცინის).
- ბოლოს მამამ რის გამო გისაყვედურა?
- საერთოდ, ბევრი რამის გამო მსაყვედურობს, მაგრამ სავარაუდოდ, ბოლოს უყურადღებობის გამო მისაყვედურა, რადგან ძირითადად, შინ ან რაღაც მრჩება ჩართული, ან - რამეს ვტეხ და ა.შ. კონკრეტულ მიზეზს ვერ ვიხსენებ.
- შენი სახელი მოგწონს?
- ჩემი სახელის მიმართ გადასარევად ვარ განწყობილი - მაკმაყოფილებს. ბავშვობაში "კლიჩკები" მეც მქონდა არჩეული, რაღაც უცნაურ სახელებს ვირქმევდი, მაგრამ გახსენება გამიჭირდება - ამისთვის "სკაიპის" ძველი "პროფილები" უნდა მოვძებნო... ასევე, ხან სოფი მინდოდა, ვყოფილიყავი, ხან - სოფიო, სოფია... ბოლოს გადავწყვიტე, რომ "სოფო" ძალიან კარგი ვარიანტია (იღიმის).
- საკვები, რომელიც შენს მაცივარში ყოველთვის არის...
- ყველი. ყველანაირი და ყველა ფორმის ყველი მიყვარს!
- კმაყოფილების განცდა ბოლოს რის გამო დაგეუფლა?
- როცა ალეკოსთან ერთად სიმღერა ჩავწერე, რომელიც ჩოვიდ-19-თან დაკავშირებულ მოვლენებს ეძღვნება. ბედნიერი და კმაყოფილი ვიყავი.
- მაკიაჟის დეტალი, რომლის გარეშეც შინიდან ვერ გახვალ...
- მინდა, გულწრფელად გიპასუხო: რაც აკნეს პრობლემა მოვაგვარე, მას შემდეგ ყოველდღიურად მაკიაჟს საერთოდ არ ვიყენებ. ჩაწერები ან გადაღება თუ მაქვს, მაკიაჟს მაშინაც იშვიათად ვიკეთებ.
- ადვილად გწყინს?
- თუ კონკრეტული ადამიანი ჩემთვის ძალიან ძვირფასია, რა თქმა უნდა, მისგან ადვილად მწყინს, მაგრამ ზოგადად - არა. ბევრი რამე, რაც შეიძლება, 5 წლის წინ მწყენოდა, ახლა აღარ მწყინს.
GzaPress
- წყენას როგორ გამოხატავ?
- სხვადასხვა ფორმით, მაგრამ ძირითადად, 2 წუთით ვიბუტები, ანუ ვჩუმდები. ეტყობა, წყენისგან შოკში ვვარდები და ამიტომ. შემდეგ ვცდილობ, იმ ადამიანს ვუთხრა, რომ მეწყინა. ასე მოქცევა მირჩევნია, ვიდრე წყენა გულში დავიტოვო და მერე "წამოვაძახო".
- უსამართლობის მსხვერპლი გამხდარხარ?
- ეგ ხომ ძალიან ბუნებრივია, რომ ყოველდღიურ ცხოვრებაში, უსამართლობის მსხვერპლი უეჭველი ყველანი გავმხდარვართ? საერთოდ, უსამართლობა ხშირად ხდება - ბევრად დიდი უსამართლობებიც, ვიდრე მე გამომიცდია... სასაცილოა, რომ კონკრეტული შემთხვევა არ მახსოვს. შეიძლება, მიზეზი ის არის, რომ უკვე გავლილი, "მონელებული" ამბავია და მასთან ემოციური კავშირი აღარ მაქვს.
- კომპლექსი, რომელიც ვერ დასძლიე...
- ასეთი ბევრი კომპლექსი მაქვს, მაგრამ აი, როცა სცენის გარდა, სხვაგან ყურადღების ცენტრში ვექცევი, ყველგან უხერხულობის ზენიტში ვარ - ძალიან ვკომპლექსდები.
- ბოლოს რომელი საზოგადოებრივი ტრანსპორტით იმგზავრე და როდის?
- ვიდრე კორონავირუსი გავრცელდებოდა, მეტროთი ვიმგზავრე. მეტრო ძალიან მიყვარს. საერთოდ, საზოგადოებრივი ტრანსპორტით ხშირად ვერ ვსარგებლობ.
- პოპულარობის გამო, კომფორტულად გადაადგილებას ახერხებ?
- რაც თმა შევიჭერი და სათვალე დამჭირდა, ძირითადად, ვერ მცნობენ, მით უმეტეს - თუ ქუდიც მახურავს. ამიტომ ეგ პრობლემა დიდად აღარ მაქვს.
- როგორ ფიქრობ, სამყაროსთვის რა სარგებლობის მოტანა შეგიძლია?
- წარმოდგენა არ მაქვს. ალბათ, ხის დარგვით სარგებლის მოტანა შემიძლია... ასევე, ალბათ, მომავალში თუ ისეთ რაღაცებს გავაკეთებ, რაც იმას მომიტანს, რაც მინდა, გარშემო მყოფ ადამიანებსაც დავეხმარები...
ეთო ყორღანაშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
ვინ უპროტესტებს სოფო ბედიას მეუღლესთან ჩახუტებას
"ყველაფერი ისე ტრიალდება, შურისძიებას ჩემს სახელს არ ვაწერ"
რას ფიქრობენ პლასტიკურ ქირურგიაზე ყველაზე მოხდენილი, ლამაზი ქალები?
"სულ ვცდილობ, საბოდიშო საქმე არ გავაკეთო"
რატომ მიიჩნევს უშედეგოდ სამედიცინო ნიღბის ტარებას მსახიობი?
იაკო ჭილაიას ბედნიერება, უცნაური შიში და მონატრება
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2450 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი