"ძალიან მშიშარა და ფრთხილი ვარ"
font-large font-small
"ძალიან მშიშარა და ფრთხილი ვარ"
ლევან ყოჩიაშვილის 10-წლიანი "ორმაგი ცხოვრება"

სერიალ "ჩემი ცოლის დაქალების" ახალ, მეჩვიდმეტე სეზონში ლევან ყოჩიაშვილის პერსონაჟი - დათო გოცირიძე განსხვავებულ ამპლუაშია: ოჯახში ცოლის გარეშე დარჩენილი ცდილობს, 5 ბავშვის მოვლას გაუმკლავდეს... მუშაობის აქტიურ რიტმს დაბრუნებულ მსახიობთან ბლიც-ინტერვიუ ჩავწერეთ.


- რას ნიშნავს თქვენთვის "ჩემი ცოლის დაქალები"?
- მეათე წელია, ეს სერიალი ტელეეთერში გადის. ჩემთვის ორმაგი ცხოვრებასავითაა, რადგან გადაღებებზე, პავილიონებში, პარტნიორებთან ერთად იმდენი დრო მაქვს გატარებული, რომ სერიალის გარეშე ცხოვრება ვეღარ წარმომიდგენია. სულ ვამბობ, რომ ეს დიდი გამართლებაა: ასეთი რამ ცხოვრებაში ერთხელ ხდება (ისეთ ქვეყანაში, როგორშიც ჩვენ ვცხოვრობთ) - მოვხვდი პროექტში, რომელიც სახალხოა, 10 წელია, მაყურებელსაც უყვარს, რეიტინგულია და გადაღების პირველი წამიდან მთავარ როლს ვთამაშობ. ეს ძალიან მსიამოვნებს და ბედნიერი ვარ.
- გიფიქრიათ, რომ ერთხელაც სერიალის გადაღება აღარ გაგრძელდება? ასეთ შემთხვევაში, თქვენი ცხოვრება როგორი იქნება?
- ყველაფერი იწყება და ოდესმე მთავრდება, მაგრამ არ მინდა ამაზე ვიფიქრო, რადგან ეს სერიალი ნაწილია ჩემი ცხოვრების, სხეულის, ტვინის... ადრე თუ გვიან, მაინც ყველაფერი მთავრდება, მაგრამ არ ვიცი, ასეთ დროს ჩემი ცხოვრება როგორი იქნება. ალბათ, სერიალიდან გამოცდილებას "წამოვიღებ". ამ პროექტმა დიდი პოპულარობა, მაყურებლების სიყვარული მომიტანა... სხვა რაღაცებზე ვიფიქრებ, მაგრამ მინდა, "ჩემი ცოლის დაქალები" ჯერ ისევ იყოს (იცინის).
- როცა სარკეში იყურებით, ვის ხედავთ?
- ადამიანს, რომელთანაც უამრავი შენიშვნა მაქვს, როგორც მეგობართან, შვილთან, მამასთან, მეუღლესთან, ადამიანთან (იღიმის)... მასთან ბევრი კითხვაც მაქვს...
- დღის განმავლობაში ყველაზე ხშირად ვის ესაუბრებით?
- ახლა ხშირად ლაპარაკი ტელევიზიის თანამშრომლებთან მიწევს, რადგან სერიალი დაიწყო, ჩაწერებია, გადაცემები დაგვემატა...
- საკუთარი პიროვნული თვისებებიდან, ყველაზე მეტად, რა გეამაყებათ?
- პასუხისმგებლიანი და მზრუნველი ვარ. შემიძლია, რაღაცებს თვალი არ ავარიდო, არ გადავაბიჯო და გულთან ახლოს მივიტანო. ეს თვისებები მაქვს და ვამაყობ.
- ეკრანულ შვილებთან როგორი ურთიერთობა გაქვთ?
- უფროსები, სერიალის დასაწყისში, ძალიან პატარა ასაკის იყვნენ. ერთად გავიზარდეთ. ახლა მათთან ისეთი დამოკიდებულება მაქვს, როგორიც უფროს შვილთან გექნება ადამიანს. სერიალის სცენების გადაღებაც სხვაგვარად მიმდინარეობს: მცირეწლოვანი ბავშვი უფრო იღლება, ცელქობს... უფროსები საქმეს უკვე სხვაგვარად, დიდი მსახიობების მსგავსად უდგებიან... მათთან ურთიერთობა გულთბილი, ტკბილი და სასიამოვნოა. ძალიან საყვარლები არიან. ერთად იმდენი დრო გვაქვს გატარებული, რომ სხვაგვარად როგორ იქნებოდა? კი, მამობრივი გრძნობაც "ჩართულია": სულ მაინტერესებს, როგორ არიან, როგორ სწავლობენ, როგორ მიდის მათი საქმეები...
- სოციალურ ქსელს თქვენს ცხოვრებაში რა ადგილი უჭირავს?
- საჭიროების მიხედვით ვიყენებ. მაგალითად, პანდემიის დროს, ტელეფონში რაღაცებს ვწერდი. სოციალური ქსელების ძალიან აქტიური მომხმარებელი არ ვარ. ცხოვრებამ მოიტანა, რომ სოციალური ქსელი აუცილებლობა გახდა. ადამიანს თუ ტელეფონი სადმე გრჩება, ისეთი განცდა გეუფლება, თითქოს თავი გრჩება სადღაც (იცინის).
- საღამოს 9 საათის შემდეგ, რას აკეთებთ ხოლმე?
- გადაღებები გვიანობამდე გრძელდება. წინასწარ ვერ განსაზღვრავ, როდის დასრულდება. ამიტომ საშვები გვაქვს... ისე, სცენარს ან თუ რამე მაინტერესებს, იმას ვკითხულობ ან ვუყურებ ხოლმე.
- როგორი ბავშვი იყავით?
- ცელქი. სკოლაში სწავლას რაც შეეხება, რაღაცებს ვსწავლობდი, რაღაცებს - არა. ცოტათი განსხვავებულ დროს მომიხდა ბავშვობა და სიყმაწვილე... მშობლებს ცოტათი ვაბრაზებდი. ჯობდა, არ გამებრაზებინა. ახლა სინანული გვიანია, მაგრამ მშობლებისთვის რომ დამეჯერებინა, ბევრს მოვიგებდი (იღიმის).
- ეკრანული შვილებიდან რომელიმე ხომ არ გგავთ ხასიათით?
- 21-ე საუკუნის ბავშვები სულ სხვანაირი, ბევრად უკეთესი ადამიანები არიან: ინფორმირებულები, ჭკვიანები და თავისუფლები...
- "ნინას" გარეშე, სერიალში თავს როგორ გრძნობთ?
- ვაიმე, ცუდად, ცუდად... 6 ბავშვის დამორჩილება ძნელია, რა... დაჰკრა ფეხი და წავიდა (იცინის).
- რეალურად, გადასაღებ მოედანზე 5 ბავშვთან ერთად მუშაობა რთულია?
- უფროსები პატარებს ეხმარებიან. აკონტროლებენ, ამხნევებენ, რადგან მალე მოიწყენენ ხოლმე - ბავშვისთვის ამდენი ხალხის გარემოცვაში ყოფნა მაინც ძნელია... ამიტომ უფროსებმა უკვე პატარებზე ზრუნვა დაიწყეს - აიყოლიებენ ხოლმე, რომ არ მოიწყინონ.
- როგორ ფიქრობთ, ნამდვილ სახეს ადამიანი როგორ სიტუაციაში ავლენს?
- შეიძლება, ადამიანის ნამდვილი სახე ლხინმა, უდარდელობამაც გამოავლინოს და გაჭირვებამაც. ასე ვერ განსაზღვრავ, რა... ადამიანის ნამდვილი სახე ვინ იცის, როგორია (იცინის)?..
- შემოქმედებითი თვალსაზრისით, თქვენთვის ყველაზე ნაყოფიერი პერიოდი რომელი იყო?
- "ნაფიც მსაჯულებში" ადვოკატის როლი ძალიან მომწონს და ვამაყობ, ასევე - "ჩემი ცოლის დაქალები კარანტინში", რომელშიც ყველაფერი სხვაგვარად იყო. კარგადაც იყო დაწერილი...
- როგორ ფიქრობთ, თქვენ შესახებ ხალხს როგორი წარმოდგენა აქვს?
- მგონი - ნორმალური, რადგან როცა უცხო ადამიანები მხვდებიან, ჩემ მიმართ კარგად განწყობილი არიან. სერიალის გამო, უკვე ოჯახის წევრებივით ვართ (იცინის).
- დათოსთან აღარ გაიგივებენ?
- არა, არა... როცა ეთერში სერიალის მესამე სეზონი გადიოდა, მართლა მეუბნებოდნენ - შენი შვილების ცრემლებად არც ერთი ქალი არ ღირსო. მართლა სჯეროდათ, რომ სერიალში განვითარებული მოვლენები რეალობა იყო.
- ოდესმე თქვენს შესაძლებლობებზე მცდარი წარმოდგენა შეგქმნიათ?
- პროფესიასთან დაკავშირებით, ძალიან მშიშარა და ფრთხილი ვარ. სულ ვფიქრობ, რომ რაღაც ისე არ არის, როგორც უნდა იყოს. ვნერვიულობ... გახმოვანებასთან თუ გადაღებულ სცენასთან დაკავშირებით, აზრს ბევრს ვეკითხები და ვეუბნები, რომ მისი აზრი მნიშვნელოვანია.
- ბოლოს შენიშვნა ვისგან და რის გამო მიიღეთ?
- ვაიმე, არ მახსოვს (იცინის). ძალიან ვცდილობ, შენიშვნა არ მივიღო.
- ცხოვრებაში თქვენს ქმედებებს რა მთავარი ფასეულობა განსაზღვრავს?
- პასუხისმგებლიანობა. ჩემ გარშემო ცხოვრობს ხალხი თავისი ამბით, გაჭირვებით... ეს გარკვეულ საკითხებს განსაზღვრავს... მართალი ადამიანი უნდა იყო, შენი საქმე ბოლომდე გულწრფელად აკეთო - არავინ მოატყუო და ძალიან უნდა ეცადო, ხარისხიანად იმუშაო...
ეთო ყორღანაშვილი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
ნატო დუმბაძის გულახდილი ინტერვიუ
"ჯეკოს" რეალური გამოცდილება და ინტერესები
9 აპრილის სიმბოლოდ ქცეული ფოტოს ისტორია და მისი პერსონაჟის "ამქვეყნად დაბრუნების" ამბავი
"ჩვენს მერე, ჯარში პრემიებს აძლევდნენ მეგობრის დასმენაზე"
ვისგან მიიღო თაკო ჭანუყვაძემ შთამბეჭდავი საჩუქარი
"ვცდილობ, ჩემთვის ძვირფასი ადამიანები უსიამოვნებისგან დავიცვა"
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2451 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი