"ჩაწყობილი რომ არ მქონოდა, "ორიანს" მივიღებდი"
font-large font-small
"ჩაწყობილი რომ არ მქონოდა, "ორიანს" მივიღებდი"
პროფესიით სამრეწველო პროდუქციის ექსპერტია. სახელმწიფო უნივერსიტეტში კომერციისა და მარკეტინგის ფაკულტეტი დაამთავრა, მაგრამ საზოგადოება იცნობს, როგორც იუმორისტს. ამბობს, რომ უცნაური მეხსიერება აქვს, - ვერ იმახსოვრებს პერსონაჟების სახელსა და გვარს, მაგრამ არასდროს ავიწყდება ემოცია, რომელიც წიგნის კითხვის დროს ჰქონდა და ფურცლის რომელ ნაწილზე რომელი ეპიზოდი ეწერა.
რუბრიკის სტუმარი გოჩა თანდარაშვილი გახლავთ.

პრეამბულის მაგიერ

- ინტერნეტში დიდ დროს ვატარებ, ძირითადად ინფორმაციას ვიღებ. მხატვრული ლიტერატურის გასაცნობად დროის გამონახვას ყოველთვის ვახერხებ. ახლახან ბინა გამოვიცვალე, გადაბარგების პროცესში ვარ. ძველი წიგნები ვნახე, რომლებიც მომნატრებია და მათი გადაკითხვით ვარ დაკავებული.

- სოციალურ ქსელში ფოტო ვნახე. ჩათვლის წიგნაკიც ამ გადაბარგებისას იპოვე, რომელშიც ხელს გიო ახვლედიანი (აკა მორჩილაძე) აწერს?
- კი, I კურსის ჩათვლის წიგნაკია. გიო ახვლედიანი ჩემთვის ძალიან ძვირფასი ადამიანია. ისტორიას მასწავლიდა. მანამდე, ერთ-ერთ პერიოდულ გამოცემაში მის სვეტს ვკითხულობდი. ლექციაზე რომ შემოვიდა, ვერ მივხვდი, ის გიო ახვლედიანი თუ იყო. არ ვიცოდი, ისტორიკოსი თუ იყო.

- წიგნებს როგორ დაუმეგობრდი?
- პირველ რიგში ეს მშობლების დამსახურებაა. კითხვა მათ შემაყვარეს. ბოლნისში, მამიდასთან რომ ჩავდიოდი, საინტერესო ლიტერატურას მამიდაც მირჩევდა. კითხვა 3 წლის ასაკში დავიწყე. სანამ სკოლაში შევიდოდი, რუსულადაც ვკითხულობდი. მამას სულ რუსულენოვანი სპორტული გაზეთები მოჰქონდა. მხოლოდ "ლელოს" წაკითხვა არ მაკმაყოფილებდა და იძულებული გავხდი, რუსული ანბანიც მესწავლა. ნოდარ დუმბაძე და ასტრიდ ლინდგრენი ჩემთვის დღემდე გამორჩეულად საყვარელ ავტორებად რჩებიან. მათ ნაწარმოებებს ამ ასაკშიც დიდი სიამოვნებით ვკითხულობ.

- რომელ პერსონაჟთან იმეგობრებდი?
- ალექსანდრე დიუმას შიკოსთან. ის მეფის მასხარაა, რომელიც მთელ საფრანგეთს მართავს. ეს არის ადამიანი, ვისაც შეუძლია, მეფეს ნებისმიერი რამ უთხრას. სასწაული იუმორისა და სხარტი გონების მქონე, საინტერესო პერსონაჟია. ერთი პერიოდი შერლოკ ჰოლმსზე ვიყავი გადარეული. კარლსონთანაც სიამოვნებით ვიმეგობრებდი.

- საკუთარი თავი რომელიმე პერსონაჟისთვის მიგიმსგავსებია?
- მგონია, რომ შიკოს ვგავარ. ჩვენ შორის ის განსხვავებაა, რომ საფრანგეთს ვერ ვმართავ.

- კარგი მეხსიერება გაქვს?
- ახლა - აღარ. წლების წინ ყველაფერი გაცილებით ადვილად მამახსოვრდებოდა. სამაგიეროდ, წიგნში მოთხრობილი რაიმე ეპიზოდი შემიძლია გითხრა, ფურცლის რომელ ნაწილზე ეწერა თავში, ბოლოში თუ შუაში. შეიძლება პერსონაჟის სახელი არ მახსოვდეს, მაგრამ ემოცია მამახსოვრდება. საკმაოდ სწრაფად ვკითხულობ.

- ამ რუბრიკას რესპონდენტები ხშირად გამოცდაზე გასვლას ადარებენ.
- მართლა ასეა. თან ყველა საგანში ერთდროულად გვაბარებინებ (იცინის). უნივერსიტეტში მისაღებ გამოცდაზე რომ გავედი, დავით კლდიაშვილის შემოქმედებაზე უნდა მელაპარაკა და 2 სხვადასხვა ნაწარმოების პერსონაჟები ერთმანეთში ავურიე. ჩაწყობილი რომ არ მქონოდა, "ორიანს" მივიღებდი. კომისიაში ახლობელი მყავდა. არადა, მათემატიკაში და უცხო ენაში უმაღლესი შეფასებები მქონდა.

- სანამ კითხვარზე გადავალთ, "სოციალურ ცელზე" რას იტყვი?
- იდეა "რუსთავი 2"-მა შემოგვთავაზა. ფორმატი ჩვენ მოვიფიქრეთ. ვეცადეთ, სხვა გადაცემებს არ დამსგავსებოდა. ხალისიანი და მხიარულია. რაც ყველაზე მთავარია, გვსაყვედურობენ, მალე რატომ მთავრდებაო? კარგია, ამ საყვედურებს სიამოვნებით ვისმენთ.

- "ეს არის ფითილი, რომლის ერთ მხარეს ცეცხლია, ხოლო მეორე მხარეს დგას სულელი". რის შესახებ ამბობდა ამ სიტყვებს ბერნარდ შოუ?
- მისი ბევრი გამონათქვამი მაქვს წაკითხული და ეს არ მახსოვს (პაუზის შემდეგ), ვერ ვხვდები.

- მიგანიშნებ. რაღაც ჩვევასთან არის დაკავშირებული.
- ა! მარტივია, სიგარეტზე ამბობდა.

- "ყურადღება, თქვენ გელით აქამდე არნახული სანახაობა". ამ სარეკლამო აბრის წყალობით, ფილმის პროდიუსერებმა დიდი შემოსავალი ნახეს. ნაჩვენები იყო "ჯაზის მომღერალი". რით იყო ეს ფილმი მნიშვნელოვანი?
- შეგიძლია მითხრა, რომელ წელს იყო გადაღებული?

- 1927 წელს.
- პირველი ფერადი ფილმი?

- ცდები.
- მაშინ პირველი ხმოვანი ფილმი იქნებოდა.

- გამოიცანი. რომელ ოკეანეშია ფიჯის კუნძულები?
- წყნარ ოკეანეში.

- ერთ-ერთ გალერეაში დამთვალიერებელი პორტრეტს უყურებს და ამბობს: - ამ სურათზე გამოსახული კაცის მამა მამაჩემის სიმამრია. ვინ იქნება მისთვის პორტრეტზე გამოსახული მამაკაცი?
- დედის ძმა (ფიქრობს)? გთხოვ, კითხვა გამიმეორე (გამეორების შემდეგ), სწორად ვთქვი, ბიძა გამოდის.

- რამდენიმე წლის წინ, ერთ-ერთ ბრიტანულ გაზეთში შემდეგი შინაარსის განცხადება გამოქვეყნდა: "20 წლის გოგონა კარგი ოჯახიდან, რომელსაც გააჩნია 2 მილიონი ფუნტი სტერლინგი, ოჯახის შექმნის მიზნით გაიცნობს წესიერ ყმაწვილს". როგორც მოგვიანებით გაირკვა, განცხადების ავტორი გოგონა უბრალო კოლექციონერი იყო. რას აგროვებდა ის?
- საფოსტო მარკების შემგროვებელი იქნებოდა, ჭკვიანური სვლა გაუკეთებია. ასეთი შინაარსის განცხადებას, არაერთი ადამიანი გამოეხმაურებოდა.

- თუ ღამის 12 საათზე კოკისპირული წვიმაა, შეგვიძლია თუ არა ვივარაუდოთ, რომ 48 საათის შემდეგ კაშკაშა მზიანი მინდი იქნება?
- 48 საათის შემდეგ ისევ ღამე იქნება (იცინის).

- რომელია დედამიწაზე ყველაზე პატარა კონტინენტი?
- ავსტრალია.

- ავტომობილებში კარგად ერკვევი?
- ზომიერად.

- "ბენტლი", "იაგუარი", როლს-როისი", "ლენდ როვერი" - რომელი ქვეყანა აწარმოებს ამ ავტომობილებს?
- დიდი ბრიტანეთი.

- რა ჰქვია ლომის შვილს?
- ბოკვერი.

- ლომების გუნდს?
- "ბორჯღალოსნები".

- როგორ გითხრა, ეს სწორი პასუხი არ არის-მეთქი? მორაგბე "ბორჯღალოსნები" მართლა ლომები არიან.
- ესპანელ მორაგბეებსაც "ლომები" ჰქვიათ.

- ამ შემთხვევაში სწორი პასუხია - პრაიდი. რა ნათესაური კავშირი არსებობდა ქართლის მეფე ლუარსაბ II-სა და გიორგი სააკაძეს შორის?
- მეფეს სააკაძის და ჰყავდა ცოლად.

- "ქართველებს უყვართ სტუმარი. სტუმრის პატივისცემა მათი ერთ-ერთი პირველი ღირსებათაგანია. გარდა უცხოელებისადმი მათი ბუნებრივი სიყვარულისა, ისინი განსაკუთრებით დაინტერესდნენ ჩვენით, რადგან ჩვენ ქართული ენა შევისწავლეთ და მათ სანახავად მივედით. გულითად და აღფრთოვანებულ შეხვედრებს გვიწყობდნენ და ეს შეხვედრები გვინაზღაურებდნენ იმ დიდ ცდასა და მძიმე საათებს, რაც მათი ენისა და ქართული ზმნის შესწავლას მოვანდომეთ... საქართველოში თითქმის ყველა ადამიანი ბუნებით მელექსეა". ვკითხულობთ ინგლისელი ქართველოლოგის მოგონებებში. დაასახელე ეს პიროვნება.
- მარჯორი უორდროპი.

- ერთიანი საქართველოს დაშლის შემდეგ რამდენი სამეფო ჩამოყალიბდა?
- ქართლის, კახეთისა და იმერეთის სამეფოები.

- ჭოროხი, მტკვარი, ენგური, თერგი - ამ მდინარეებიდან რომელი მიედინება მხოლოდ საქართველოს ტერიტორიაზე?
- ენგური.

- რა ჰქვია ძვირფასი ქვების წონის ერთეულს?
- კარატი.

- ეს გენიალური გერმანელი ფიზიკოსი 1863 წელს ტექნიკური სკოლიდან იმის გამო გარიცხეს, რომ არ დაასმინა თანაკურსელი, რომელმაც მასწავლებლის კარიკატურა დახატა. ვისზეა ლაპარაკი?
- ვერ გიპასუხებ.

- რენტგენზე. ნაპოლეონ ბონაპარტე საკუთარ თავს ბედნიერების ქმარს ეძახდა, ხოლო ძალაუფლებას...
- მამას, შვილს...

- საყვარელს. "პატარაობიდანვე ვოცნებობდი, კოსმონავტი გავმხდარიყავი, მაგრამ ამას საკმაოდ ბევრი მეცადინეობა სჭირდებოდა. სწორედ ამიტომ გავხდი პრეზიდენტი". ამერიკის რომელი პრეზიდენტია ამ სიტყვების ავტორი?
- ჯორჯ ბუში.

- ისააკ ნიუტონის 300 წლის აღსანიშნავად დიდ ბრიტანეთში გამოუშვეს საფოსტო მარკა. რა იყო მასზე გამოსახული?
- ნიუტონის ვაშლი.

- ვარაუდობენ, რომ მილიონობით ხე ამ ცხოველის დარგულია. ოდესღაც დამალა კაკალი და შემდეგ მისი ადგილსამყოფელი დაავიწყდა. რომელ ცხოველზეა ლაპარაკი?
- ციყვზე.

- ადამიანის ეს ორგანო ადამიანის წონის 3%-ს შეადგენს, მაგრამ მთელი ორგანიზმის ჟანგბადის 20%-ს და მიღებული კალორიების 20%-ს მოიხმარს. რომელ ორგანოზეა ლაპარაკი?
- ტვინზე.

- ვისი სახელობის იყო თბილისის საჯარო ბიბლიოთეკა?
- ლენინის.

- კარლ მარქსის სახელს ატარებდა. დაბოლოს, დაასრულე ინგლისელი ფილოსოფოსის, ჯონ ლოკის ცნობილი გამონათქვამი: "განათლება ქმნის განსხვავებას ადამიანთა..."
- "...ადამიანთა შორის".
თამუნა კვინიკაძე, ჟურნალი "გზა"
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
დედაქალაქის მერი კახა კალაძე და მისი უმშვენიერესი მეუღლე, ანუკი არეშიძე მეოთხე ბავშვის მოლოდინში არიან.
მართალია პრინც ჰარისა და მეგან მარკლის ქორწილი უკვე გაიმართა, თუმცა არ წყდება საზოგადოების ინტერესი სამეფო ოჯახისა და "ახალგამომცხვარი" ცოლ-ქმრის მიმართ.
"რთული ცხოვრება მქონდა, 14 წლიდან ვმუშაობდი სოფელში - ვინმეს ხილი ჰქონდა მოსაკრეფი თუ შეშა ჰქონდა დასატვირთი, მივდიოდი"
ნანუკა ჟორჟოლიანი ბოლო პერიოდში შესაშურ ფორმაში ჩადგა. ტელეწამყვანი სხვადასხვა პერიოდში დიეტებით ებრძოდა ჭარბ წონას, თუმცა ზედმეტი კილოგრამების დაკლებასთან ერთად, მიღებული შედეგის შენარჩუნება არანაკლებ მნიშვნელოვანია.
ოჯახშექმნილი ქალები ხშირად აღნიშნავენ, რომ წლების შემდეგ მეუღლეების მხრიდან ვერ გრძნობენ ისეთ ყურადღებასა და მზრუნველობას, როგორც ეს ხდებოდა თუნდაც შეყვარებულობის პერიოდში. იმის გასარკვევად, თუ როგორ ანებივრებენ ქართველი მამაკაცები ცოლებს, სოციალურ ქსელში პატარა გამოკითხვა ჩავატარეთ.
მსახიობმა თამუნა აბშილავამ "ჩემი ცოლის დაქალებში" მაჭანკლის პერსონაჟით მაყურებლის ყურადღება და დიდი მოწონება დაიმსახურა.
მერაბი ყოფილი მძღოლია. მამამისიც მძღოლი იყო და ბაბუამისიც, ამიტომ როცა სკოლის დამთავრებისთანავე საქალაქთაშორისო ავტობუსზე მოინდომა მუშაობა, არავის გაჰკვირვებია.
ბა­ტო­ნი ნუგ­ზა­რი წლე­ბის გან­მავ­ლო­ბა­ში მუ­შა­ობ­და შეფ-მზა­რე­უ­ლად და კარ­გად იცის ჩვე­ნი მო­სახ­ლე­ო­ბის გე­მოვ­ნე­ბა:
აღარ ვაპირებ "საიდუმლო სანტას" თავი გავაბითურებინო
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2534 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2656 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
7 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
5 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
3 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2198 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2448 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1207 კომენტარი