ბილწსიტყვაობა - დაბალი ხარისხის პიარი თუ აგრესიის გამოხატვის უკეთესი ფორმა?
font-large font-small
ბილწსიტყვაობა - დაბალი ხარისხის პიარი თუ აგრესიის გამოხატვის უკეთესი ფორმა?
რატომ გვასწავლიან გინებას ტელეეკრანიდან
ბილწსიტყვაობა "მოდური სენი" გახლავთ, რომლითაც დღეს უამრავი ადამიანია "დაინფიცირებული":

საზოგადოებისთვის ცნობილები, უცნობები, მოზარდები, ბავშვები, ხანდაზმულები... ავტომობილის საჭესთან მჯდომი ყველაზე ზრდილობიანი ქალბატონებიც კი ხშირად, ზრდილობას "საბარგულში ინახავენ" და ურჩ მძღოლებსა თუ ფეხით მოსიარულე "კამიკაძეებზე" გაბრაზებულები, გულიანად იგინებიან. ზოგჯერ ახალბედა მამებს რატომღაც, დიდ სიამოვნებას ჰგვრით, როცა მათი პირმშო გინებას სწავლობს. "აბა, მამი, შეიგინე!" - სიყვარულით სთხოვენ ბიჭუნას (იშვიათად - გოგონასაც) და როცა ბავშვი არც ისე წარმატებულად, მაგრამ გინების მოსმენა-წარმოთქმაში გაწაფული ყურისთვის გასაგებად რაღაც უწმაწურს იტყვის, მშობელიც კმაყოფილია და გამხიარულებული დამსწრე საზოგადოებაც.

რაც შეეხება ვირტუალურ სამყაროს: მაგალითად, სოციალურ ქსელებში მინიმუმ, 1-2 უხამსი სიტყვის შემცველი "სტატუსი" თუ არ დაგიწერია, შესაძლოა, შენს მეამბოხე და "პატრიოტულ" სულისკვეთებაში ეჭვი შეეპაროთ; საკუთარ შემოქმედებაში უწმაწურ გამოთქმებს ჭარბად იყენებენ ის ადამიანები, ვინც თავს მწერლებად "არ მიიჩნევენ", მაგრამ მაინც წერენ და ინტერვიუებსაც მწერლის სტატუსით "არიგებენ". ამ ადამიანებს ვირტუალურ სამყაროში მათი ლიტერატურისათვის შესაფერისი ლექსიკით "უმასპინძლდებიან", შემდეგ კამათში "მწერლის" მეგობრები ერთვებიან და ერთგვარი "შეჯიბრება" იმართება - რაიმე უხამსობას ვინ უფრო "მახვილგონივრულად" იტყვის. ბილწი სიტყვების "ჰარმონიულობაა" ბლოგერების "პოსტებშიც"... გადავწყვიტე, სხვადასხვა თაობის წარმომადგენლისთვის მეკითხა: - რატომ ბილწსიტყვაობს ხალხი საჯაროდ, თანაც - განურჩევლად ასაკისა, სქესისა თუ რელიგიური მრწამსისა? რას ფიქრობს უხამსი გამოთქმების მოყვარულებზე საზოგადოება?

ნინო, 31 წლის:

GzaPress- რატომ ვბილწსიტყვაობ? უბრალოდ, გრძელი სიტყვა მოკლედ ითქმის, გინებაა ამად კარგი, რა! რატომ იცინი? მე ზრდილობიანად და ვრცლად ლაპარაკი ძალიან მეზარება, ამიტომ მოკლედ და უზრდელურად ვამბობ.

- სათქმელს მოკლედ, მაგრამ ზრდილობიანად ვერ აყალიბებ?

- ვაიმე, მოკლედ და ზრდილობიანად არ ყალიბდება! ვისაც ჩემი ბილწსიტყვაობა არ სიამოვნებს, შეუძლია, აღელდეს.

- ბილწსიტყვაობისგან თავს რა შემთხვევაში იკავებ?

- როცა ბავშვებთან ან სასულიერო პირებთან ერთად ვარ, სხვები - "მკიდია".

- რამდენად "მაღალ ხარისხში" იგინები?

- რა თქმა უნდა, გინების "აკადემიკოსი" ვარ!

- ეს "განათლება" სად მიიღე?

- სამშობლომ აღმზარდა.

- შენ ხომ ქალი ხარ და მეტი მოკრძალება გმართებს?

- კდემამოსილი ვიყო და - "ნერვებჩაოხრებული"?! დაე, სხვამ ინერვიულოს!..

ქრისტი, 18 წლის:

- უფროსი თაობის თანდასწრებით არ ვბილწსიტყვაობ, მხოლოდ - იმ თანატოლებთან, ვისთანაც კარგი ურთიერთობა მაქვს.

- შენს სამეგობროში გოგონები ხშირად იგინებიან?

- სიტუაციას გააჩნია: თუ ვერთობით, შეიძლება, ამას 1-2 უცენზურო სიტყვაც მოჰყვეს, მაგრამ ეს ხშირად არ ხდება.

- დედმამიშვილები გყავს?

- კი, 4 ძმა მყავს.

- შენს ბილწსიტყვაობასთან დაკავშირებით, მათ შენიშვნა არ მოუციათ?

- შენიშვნებს ყოველთვის მაძლევენ, მაგრამ ვპასუხობ, - თქვენგან ვისწავლე-მეთქი (იცინის). ახლა მინდა, რომ ეს ცუდი ჩვევა დავძლიო. ვნახოთ, რა გამომივა...

გიორგი, 28 წლის:

- ჩემი აზრით, ადამიანებს, რომლებიც სისტემატურად ბილწსიტყვაობენ, არასრულფასოვნების კომპლექსი აქვთ; ბილწსიტყვაობით ,,ტიპობენ" და ეს "კაი კაცობა" ან "კაი ქალობა" ჰგონიათ.

- უცენზურო სიტყვები თავად არასდროს გამოგიყენებია?

- კი, მაგრამ არ მიმაჩნია, რომ ასეთ დროს სწორად ვიქცევი. განრისხებულს შემიგინებია, მერე კი გულწრფელად მინანია. მანდილოსნის თანდასწრებით არასდროს ვიგინები.

- შენი თანდასწრებით, თავად მანდილოსანს თუ შეუგინებია?

- კი და ეს საშინლად არ მომწონს. ასეთებს ქალად ვერ აღვიქვამ.

ანი, 27 წლის:

- ამჟამად, იმ სიტუაციაში და გარემოში არ ვიმყოფები, რომ ვიბილწსიტყვაო. თინეიჯერობისას მეც მითქვამს "რაღაც"... როცა ასაკით უმცროსი ხარ და "გიქრის", შენზე ზეგავლენას გარემო იოლად ახდენს. ახლა უკვე ჩამოყალიბებული აზროვნება მაქვს... ოჯახში გაზრდილი, ნამდვილი ქართველი კაცი ქალის თანდასწრებით არასოდეს შეიგინებს. ჩემი ქმრის სწორედ ამ თვისებამ მომხიბლა.

ეკატერინე, 42 წლის:

- უცენზურო სიტყვებს ანეკდოტებში ვიყენებ. კიდევ, "კაფიით" პროტესტს ხშირად გამოვხატავ, მაგრამ თუკი ამა თუ იმ სიტყვას სხვები მძაფრ კონტექსტში ამბობენ, მე ცოტათი ვამსუბუქებ.

- ანუ უხამსი სიტყვა კარგად გარითმული თუ არის, არა უშავს?

- მიმაჩნია, რომ ამ შემთხვევაში უფრო კორექტულია (იცინის).

- თქვენი აზრით, ბოლო დროს ხალხი ასე ხშირად რატომ ბილწსიტყვაობს?

- შინაგანი აგრესია აქვთ, რომელსაც ამ ფორმით გამოხატავენ. შესაძლოა, ქვეცნობიერში რაღაც აქვთ დალექილი... მიმაჩნია, რომ ზრდასრულ ადამიანს საკუთარი სიტყვა-პასუხისა თუ საქციელის კონტროლი უნდა შეეძლოს.

- ზოგჯერ ადამიანები სიხარულსაც უხამსი სიტყვებით გამოხატავენ...

- ამ შემთხვევას მართლა ვერ ავხსნი... აღფრთოვანების გამოხატვა უამრავი ლამაზი სიტყვით შეიძლება, მით უმეტეს - ქართველებს არაჩვეულებრივი, უხვსიტყვიანი ენა გვაქვს.

- ალბათ გაგიგონიათ, როცა ვინმეს შესახებ ამბობენ, - გინება უხდებაო. თქვენი აზრით, გინება როგორ ადამიანს უხდება?
- გინება აგრესიის გამოხატვას და სხვა ადამიანის დამცირებას გულისხმობს. შესაძლოა, კონკრეტულ შემთხვევაში ადამიანს გავუგო - ალბათ ნერვები ვერ მოთოკა, მაგრამ ვერ გავამართლებ. ყველაზე გამაღიზიანებელი საკუთარი დედის გინებაა.

ბილწსიტყვაობასთან დაკავშირებით, აზრი რამდენიმე ცნობილ ადამიანსაც ვკითხეთ:
ბატონ გივი სიხარულიძის შესახებ ხშირად მსმენია, - რა საყვარელი კაცია, მაგრამ ბილწსიტყვაობა უყვარსო. უპირველეს ყოვლისა, სწორედ მას დავურეკე. სატელეფონო ინტერვიუ ბატონი გივისთვის ჩვეულ სტილში წარიმართა:
- მაშინ ისე უნდა დაწეროთ, როგორც გიკარნახებთ!

- უცენზურო გამოთქმებით?

- არა. თქვენ მეკითხებით, - როცა ხალხი საზოგადოებაში ყოფნისას ბილწსიტყვაობს, ამაზე რა აზრის ვარ, არა? მინდა გითხრათ, რომ დღეს მსოფლიოს საზოგადოება არ ჰყავს. ეს არის ბრბო! იმ ქვეყანაში, იმ მსოფლიოში, სადაც კაცი კაცზე თხოვდება, ქალი - ქალზე, პრეზიდენტები კი მათ გაბედნიერებას ულოცავენ და ტაშს უკრავენ, რომელ საზოგადოებაზე და ბილწსიტყვაობაზე ლაპარაკობთ?!

- ბატონო გივი, უხამსი გამოთქმები თქვენც გჩვევიათ...

- კი, ბატონო, ხშირად ვბილწსიტყვაობ. მირჩევნია, კაცი ბილწსიტყვაობდეს და ალალ-მართალი იყოს, სამშობლო უყვარდეს და მართლა ოცნებობდეს, რომ მსოფლიოში საზოგადოება იყოს და არა - ბრბო, ვიდრე - "ვითომ წესიერი" იყოს და ერთსქესიანთა ქორწინებას ტაშს უკრავდეს! მგონი, ამაზე დიდი სიბილწე და საზიზღრობა არაფერია!

- ბილწსიტყვაობის მოყვარულ ქალებზე რას ფიქრობთ?

- ყველა უნდა დახვრიტო! როგორ შეიძლება, ქალი ბილწსიტყვაობდეს? ის რაღა ქალია? ის არის ნაგავი!

- იქნებ მაგალითს კაცები აძლევენ?

- კაცები? ნახევარზე მეტი "პედარასტები" არიან და რა თქმა უნდა, ყველაფერში მაგალითს აძლევენ!

- როგორც ვიცი, ია ფარულავას დიდ პატივს სცემთ. არადა, უხამს გამოთქმებს ისიც ხშირად იყენებს.
- ია ჩემი შვილობილია და ძალიან მიყვარს. ის უხამსს არაფერს ამბობს. უბრალოდ, ხალხის ყურადღების მისაპყრობად ლაპარაკობს.

- ანუ ხალხის ყურადღების მისაპყრობად გინება გამართლებულია?

- არა, ია არასოდეს იგინება. უბრალოდ, ამბობს: - სექსი-კექსიო და მისთანები...

- სოციალურ ქსელში "კეთილმოსურნეებს" ხომ აგინებდა?..

- როცა შეგაგინებენ, შენც შეაგინებ. კაცი იქნება თუ - ქალი, მნიშვნელობა არ აქვს!

კოტე თოლორდავა, მსახიობი:

- არსებობს როლები, რომლისთვისაც მსახიობებს ბილწსიტყვაობა გვიწევს, მაგრამ ამავე დროს, ხმამაღლა ვაცხადებ: "ძირს ბილწსიტყვაობა!" რაც უფრო გალანტურად, ელეგენტურად და ინტელიგენტურად ვისაუბრებთ, მით უკეთესია ჩვენი ქვეყნისთვის.

- წინათ, ტელეეთერში უხამს სიტყვებს "ბლოკავდნენ". ახლა ასე აღარ იქცევიან.

- ჩვენ ხომ საბჭოთა კავშირში აღარ ვართ? დამოუკიდებელ სახელმწიფოში ვცხოვრობთ. ვისაც ამა თუ იმ ტიპის ფილმის ყურება არ უნდა, სხვა არხზე გადართოს. ცხადია, "თაიმცენზი" უნდა არსებობდეს.

ქეთი ორჯონიკიძე, მომღერალი:

GzaPress- ბილწსიტყვაობა არ მიყვარს, ეს ცუდ ტონად მიმაჩნია. შესაძლოა, უცენზურო გამოთქმა წონასწორობიდან გამოსულმა ვთქვა, მაგრამ ჩემს ცხოვრებაში ასეთი რამ იშვიათად ხდება. ჩემი აზრით, უწმაწურ სიტყვებსაც თავისი კლასიფიკაცია აქვს: არსებობს მაღალი და დაბალი დონის უწმაწური გამოთქმები (იცინის)...

- შენი აზრით, ცნობილი ადამიანები საჯაროდ რატომ ბილწსიტყვაობენ?

- საკმაოდ თავისუფალი ადამიანი ვარ, მაგრამ არსებობს ტაქტი, ზრდილობა... მაყურებლებს პატივი უნდა სცე - ისინი ხომ "დიალოგში ვერ შემოდიან"? ამიტომ "ოქროს შუალედი" უნდა დაიცვა. შეიძლება, რაღაც ყველას წამოსცდეს - ეს ჩვეულებრივი ამბავია, მაგრამ უხამსი სიტყვების გამიზნულად გამოყენება (თან, როცა იცი, რომ ტელევიზორს ბავშვებიც უყურებენ), დაბალი ხარისხის პიარის მოყვარულობის მაჩვენებელია.

ირინა ტაბუცაძე, ფსიქოლოგი, პრაქტიკული ფსიქოლოგიის ცენტ "პიკის" დირექტორი:

- არსებობს თეორია, რომლის თანახმადაც მხოლოდ ადამიანი კი არ ქმნის ენას, არამედ - ენა ქმნის ადამიანს ანუ - პიროვნებას როგორი ლექსიკური მარაგიც აქვს, იმ დონეზე აზროვნებს. ლექსიკური მარაგის დეფიციტის შემთხვევაში, მისი "ამოვსება" ბილწი სიტყვებით ხდება. აღშფოთებისას და გაბრაზებისას გინებას რაც შეეხება: ქართულ ენისთვის მკვეთრი, გულიდან ამოსული თანხმოვნებია დამახასიათებელი. აკაკი წერეთლის სიტყვებს გაგახსენებთ: "რუსები ამბობენ - "ლიუბლიუ", მხოლოდ ტუჩებით და ენის წვერით ეხება კბილებს; სომეხი ამბობს - "სირუმემ", ისიც ტუჩებს ამოძრავებს და ენას არ აწუხებს; ფრანგი იტყვის - "ჟევუზემ" ოდნავ ტუჩებით, ნაზად; ქართველი სულ სხვანაირად გამოთქვამს: - "მიყვარხარ", ის მთელ გულმკერდს ამოაყოლებს ამ სიტყვას. გაუჩერდება ყელში და თითქოს მას ახრჩობს ეს გრძნობა სიყვარულისა". დაახლოებით იგივეა გინებაშიც (იცინის). გინებაში მხოლოდ ცუდი არ უნდა დავინახოთ: სერიოზული აგრესიის დროს ალბათ, ფიზიკურ დაპირისპირებას ჯობია, იგინებოდე.

- როგორ ფიქრობთ, მშობლები ბავშვებს ადრეულ ასაკში გინებას რატომ ასწავლიან?

- რატომღაც მიიჩნევენ, რომ გინება მამაკაცისთვის ვაჟკაცურობის გამომხატველია. ბავშვი თუ იგინება, თითქოს სასაცილოა, მაგრამ - მხოლოდ გარკვეულ ასაკამდე: 3 წლის ბავშვი რომ იგინება, სიამოვნებთ და უხარიათ; სკოლის მოსწავლე რომ ანალოგიურად იქცევა, შეიძლება, სცემონ. ბავშვიც ვეღარ იგებს, რა არის ნებადართული და რა - აკრძალული... ასევე, იმ ოჯახში, სადაც ქრონიკულად იგინებიან, ცხადია, ბავშვიც იმავე ლექსიკით ისაუბრებს. შვილი მშობლის ქცევას ითვისებს.
ეთო ყორღანაშვილი
ბეჭდვაელფოსტა
კომენტარები (2)
13.05.2015
აპოლოგია ქართული ენისა ”ყოველივე ამა ენასა შინა დამარხულ არს, ვიდრე მეორედ მოსვლამდის და ამა ენასა ლაზარე ჰქვიან.” იოვანე ზოსიმე ”პირველად იყო სიტყვა, და სიტყვა იყო ღმერთთან, და სიტყვა იყო ღმერთი” იოანე 1. 1. ქრთული ენით ყველაფერი გამოითქმება, რაც დედამიწაზე შეიძლება გამოითქვას, რაც გინდა რა ენით, აზრი არ მოიპოვება არც ერთ ენაზე, რომ, არა თუ ქართველმა საკუთარი ენით ვერ გამოთქვას, არამედ მხატვრულობით ყალიბში ვერ ჩამოას- ხას, ისე მდიდარია ქართული. შეიძლება ითქვას შინაგანი თვისებით იგი მსოლიო ენაა.” ნიკო მარი ”რაც კარგია უკეთესი, გულით დასატარებელი, რაა უფრო უმაღლესი, მისი დასადარებელი, მიწას დედას ეძახიან, დედა გასახარებელნი.” ქართულ ენას, გარდა სხვ მრავალისა, კიდევ ერთი, სხვა ენათაგან განსხვავებუ- ლი ბუნებაცა აქვს, მამაკაცთან მიმართებაში, თითქმის ყოველთვის ქალს აკუთნებს უპირატესობას: დედ-მამა, დედ-მამაცხონებული, და-ძმა, ცოლ-ქმარი, და ასე შემდეგ, და ა. შ. ღმერთთან მიმართებაშიც კი, შეუვალია ქართული სიტყვა და კვლავ ქალს ანიჭებს უპირატესობას- ქალღმერთიო, როცა კაცის შემთხვევაში, კვლავ ღმერთია დომინანტი -ღმერთკაციო. ეს გარემოება, იქნებ იმაზეც მიუთითებს, რომ ქართული ენის ეს ფენომენი უფრო ადრე დამკვიდრ- და ხალხში, ვიდრე ერთღმერთიანობა და მისი უმაღლესობა. და თუ ეს მოსაზრება სწორია, მაშინ გასაკვირი აღარ უნდა იყოს ის გარემოება, რომ უკიდურესობის ჟამს, ქართველი რწმენას უფრო ელე- ოდა, ვიდრე მშობლიურ ენას. დედა- ბოძს, დედა-მდინარეს, დედა-მიწას და დედა- მზეს, დასაბამიდან უმღერდა ქართველი დედა1ენაზე. ენაჭიკჭიკა ბულბული ეჯდა მოთაფლულ ენაზე. დედ-მამიშვილებს ეძახდა და-ძმურად გამოზრდილებსაც, დედა-ბუდეში დაჩეკილ ქალ-ვაჟს და გოგო- ბიჭებსა. დედობის სიყვარულობით, როგორ შევამკეთ, რა არ ვთქვით, ზოგჯერ პატარა ქალაქსაც, დედა-ქალაქი დავარქვით. კაცს- გუთნის დედას ვეძახით, მომყვანს ხვავის და ბარაქის, ნეფე პატაეძალს ოჯახში ცოლ-ქმრის უღელი დავადგით. ქალს უკან დგომა ვერ ვკადრეთ, ღმერთს პირველობა წავართვთით. კაცს თუ, ღმერთკაცი ვუწოდეთ, დიდ ქალს- ქალღმერთი დავარქვით. ლაზეთს, კოლხეთს და აფხაზეთს აია ერქვა პირველად, ერთ ხანს ეგრისაც ეძახდნენ, მერე მოგვნათლეს იბერად, ერთი ცხადია, ქართული, მრავალთა გასაკვირველად, სხვათა ენაზე ნაფიქრალს, ნათქვქმს, ნაუბარს პირველად, ხან ცეცხლად აქცევს, ხან რკინად, ცაში ააფრენს ფრინველად, თავის ენაზე ჩამოქნის, ლექსად, თხრობათ და სიმღერად. ვის ეპყრა ვერ გამიგია, ქართული ენის სადავე, რომ, როგორც ერთგულ ბედაურს თავის ჭკუაზე ატარებს. ქალს პირველობას ანიჭებს, როგორც სიცოცხლის სათავეს, -სხვისი არ ვიცი მე თავად, ამას ღვთის ნებას ვადარებ. ერთს კიდევ ვიტყვი სადაოდ და ლექსაც აქ გავათავებ: -ლაზარედ ენად წოდებულს, მეორედ მოსვლის მხილველად, ხალხების განსაკითხად და, ცოდვების განსახილველად. იქნებ ეს არის მიზეზი ყოველთა გასაკვირველად: ქართველი რწმენას თმობდა და, მშობლიურ ენას კი ვერა. *
ლუხო
13.05.2015
მოკლედ და გასაგებ ენაზე ვიტყვი-ვინც ბილწსიტყვაობს უბრალოდ ბანძია!
ელგუჯა
ამ კატეგორიის სხვა სიახლეები
დედაქალაქის მერი კახა კალაძე და მისი უმშვენიერესი მეუღლე, ანუკი არეშიძე მეოთხე ბავშვის მოლოდინში არიან.
მართალია პრინც ჰარისა და მეგან მარკლის ქორწილი უკვე გაიმართა, თუმცა არ წყდება საზოგადოების ინტერესი სამეფო ოჯახისა და "ახალგამომცხვარი" ცოლ-ქმრის მიმართ.
"რთული ცხოვრება მქონდა, 14 წლიდან ვმუშაობდი სოფელში - ვინმეს ხილი ჰქონდა მოსაკრეფი თუ შეშა ჰქონდა დასატვირთი, მივდიოდი"
ნანუკა ჟორჟოლიანი ბოლო პერიოდში შესაშურ ფორმაში ჩადგა. ტელეწამყვანი სხვადასხვა პერიოდში დიეტებით ებრძოდა ჭარბ წონას, თუმცა ზედმეტი კილოგრამების დაკლებასთან ერთად, მიღებული შედეგის შენარჩუნება არანაკლებ მნიშვნელოვანია.
ოჯახშექმნილი ქალები ხშირად აღნიშნავენ, რომ წლების შემდეგ მეუღლეების მხრიდან ვერ გრძნობენ ისეთ ყურადღებასა და მზრუნველობას, როგორც ეს ხდებოდა თუნდაც შეყვარებულობის პერიოდში. იმის გასარკვევად, თუ როგორ ანებივრებენ ქართველი მამაკაცები ცოლებს, სოციალურ ქსელში პატარა გამოკითხვა ჩავატარეთ.
მსახიობმა თამუნა აბშილავამ "ჩემი ცოლის დაქალებში" მაჭანკლის პერსონაჟით მაყურებლის ყურადღება და დიდი მოწონება დაიმსახურა.
მერაბი ყოფილი მძღოლია. მამამისიც მძღოლი იყო და ბაბუამისიც, ამიტომ როცა სკოლის დამთავრებისთანავე საქალაქთაშორისო ავტობუსზე მოინდომა მუშაობა, არავის გაჰკვირვებია.
ბა­ტო­ნი ნუგ­ზა­რი წლე­ბის გან­მავ­ლო­ბა­ში მუ­შა­ობ­და შეფ-მზა­რე­უ­ლად და კარ­გად იცის ჩვე­ნი მო­სახ­ლე­ო­ბის გე­მოვ­ნე­ბა:
აღარ ვაპირებ "საიდუმლო სანტას" თავი გავაბითურებინო
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2538 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2658 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
9 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
6 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
4 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
4 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
2570 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2451 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1219 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1208 კომენტარი