გრეგორი პეკისა და ქართველი ბალერინის კინოდებიუტი
font-large font-small
გრეგორი პეკისა და ქართველი ბალერინის კინოდებიუტი
მშობიარობა მატარებლის ვაგონში და თამარ თუმანიშვილის ჰოლივუდური კარიერა

1944 წელს ეკრანზე "დიდების დღეები" გამოვიდა. მხატვრული ფილმის პლაკატებზე ლამაზი წყვილი იყო აღბეჭდილი: მგზნებარე შეყვარებულები ზოგან მჭიდროდ იკრავენ ერთმანეთს გულში, ზოგ ფოტოზე კი ისეთი შთაბეჭდილება დაგრჩებოდა, თითქოს, წყვილი წამი-წამზე, მხურვალე კოცნას აჩუქებდა ერთმანეთს...

რეჟისორ ჟაკ ტერნერის რომანტიკული მელოდრამა - "დიდე­ბის დღეები" გრეგორი პეკის კინო­დებიუტი გახლდათ. ასევე, პირველი როლი იყო მისი პარტნიორისთვის - თამარა თუმანოვასთვის, რომელიც ფილმში რუსი ბალერინის როლს ასრულებდა. ქალს ეკრანზე გამოჩენამდე შთამბეჭდავი სასცენო გზა ჰქონდა გავლილი. მისი დებიუტი სცენაზე 9 წლის ასაკში, პარიზის ოპერაში შედგა. საოცრად მსუბუქი მანერებისა და დახვეწილი იერის მქონე ბალერინამ, მაშინვე მიიქცია ბალეტის კრიტიკოსთა ყურადღება. XX საუკუნის ერთ-ერთი გამორჩეული ბალერინა და მსახიობი, ამერიკაში მცხოვრებ იმ ქართველთა შორის იყო, რომელმაც თავისი ცხოვრების 77 წლის განმავლობაში მნიშვნელოვანი კვალი დატოვა სცენასა და გადასაღებ მოედანზე...

თამარს საქართველო არასოდეს უნახავს, მაგრამ ის გორის რაიონის სოფელ ხელთუბნელი თავადი თუმანიშვილის შთამომავალი გახლდათ. დედამისი, ევგენია თუმანიშვილი რუს სამხედროს, კონსტანტინე ზახაროვს გაჰყვა ცოლად. ოქტომბრის რევოლუცია რომ ახლოვდებოდა, ცოლ-ქმარმა რუსეთიდან გაქცევა დაგეგმა და ერთი წყაროს მიხედვით, კაცი გზაში, მატარებელში დაიღუპა, სადღაც ციმბირსა და შანხაის შორის. ამგვარად, 1919 წლის 2 მარტს გაჩენილი თამარი მამით დაობლდა; ხოლო მეორე ვერსიით, კონსტანტინე გადარჩა და ცოლ-შვილთან ერთად, რამდენიმე თვე შანხაისა და კაიროს დევნილთა ბანაკებში გაატარა. თუმცა, პირველი ვერსია უფრო სარწმუნო ჩანს, რადგან იქვე, მატარებელში, ევგენიამ პოლონური წარმოშობის მეფის არმიის ოფიცერი, ვლადიმერ ხასიდოვიჩი გაიცნო, რომელმაც ახალნამშობიარევ ქალსა და დღენაკლულ ბავშვს უპატრონა და მოგვიანებით, თამარის მამინაცვალი გახდა.
ეგვიპტე და საფრანგეთი - ის ქვეყნებია, სადაც თამარმა პირველი ნაბიჯები გადადგა და ლაპარაკი დაიწყო. ამ დროისთვის ის უკვე დედის გვარს ატარებდა. ევგენიამ გადაწყვიტა, რომ ქალიშვილი ცნობილი რუსი ბალერინას, ოლგა პრეობრაჟენსკაიას მოწაფე გამხდარიყო და პარიზში, საბალეტო სკოლაში მიიყვანა.
13 წლის თამარ თუმანიშვილს უკვე კარგად იცნობდნენ ქორეოგრაფიულ წრეებში და მას მერე, რაც გიორგი ბალანჩივაძემ, იმავე ჯორჯ ბალანჩინმა კონტრაქტი გაუფორმა, პატარა ბალერინას შემოქმედებითი გზა კიდევ უფრო გააქტიურდა. ქორეოგრაფმა ბალანჩინმა მცირეწლოვანი ბალერინებისთვის სპეციალური ნომერიც დადგა, სადაც თამარა ორ რუს ემიგრანტ გოგონასთან ერთად ცეკვავდა და იმ დროისთვის "ბეიბი ბალერინები" ძალიან პოპულარულები იყვნენ.

1932 წელს, ჯორჯ ბალანჩინმა თამარისთვის შექმნა ახალგაზრდა გოგონას სახე ბალეტში - "ჩოტტილონ", რომელიც პარიზის ოპერის სცენაზე დაიდგა.
ბალანჩინისავე რჩევით, თუმანიშვილმა გვარ-სახელი შეიმოკლა და მას შემდეგ, აფიშებსა თუ სხვა დოკუმენტებში, თამარა თუმანოვას გვარ-სახელით იწერებოდა. მისივე რეკომენდაციით, 20 წლის ბალერინა საცხოვრებლად ამერიკის შეერთებულ შტატებში გადავიდა, სადაც მალე შეამჩნიეს ჰოლივუდის პროდიუსერებმა და რეჟისორებმა. იმავე წელს, მან მონაწილეობა მიიღო ბროდვეის მიუზიკლში - "shtars in your eyes" და დაიწყო ტურნე მსოფლიოს გარშემო. მსოფლიო ტურნეში და მანამდეც, თამარას მუდამ თან ახლდა დედა. მშობლიური მზრუნველობის გარდა, ის ქალიშვილის მენეჯერის ფუნქციებსაც ითავსებდა. აქვე, ისიც უნდა აღინიშნოს, რომ ამერიკაში წასვლამდე, თამარას საფრანგეთში დიდი პროფესიული აღმავლობა ჰქონდა და იმ დროისთვის ცნობილ საბალეტო დასებთან ერთად ცეკვავდა ისეთ სცენებზე, როგორიცაა: პარიზის "გრანდ ოპერა", მილანის "ლა სკალა", ნიუ-იორკის "მეტროპოლიტენ ოპერა" და ა.შ. მის რეპერტუარში კლასიკურის გარდა, თანამედროვე ბალეტებიც შედიოდა.
ქართული წარმომავლობის მოცეკვავეს სხვადასხვა მეტსახელს ეძახდნენ, მაგრამ ვინაიდან იმ დროისთვის საქართველო რუსეთთან განუყოფლად მოიაზრებოდა, თამარას "რუსული ბალეტის შავი მარგალიტი" შეარქვეს.
მასზე წერდა მსოფლიო პრესა. რამდენჯერმე ისეთი გავლენიანი ჟურნალების გვერდებზე მოხვდა, როგორიცაა: "ვოგი" და "ლაიფი".
იმ წელს, როცა "დიდების დღეების" პრემიერა გაიმართა, თამარა თუმანოვა ამერიკის მოქალაქე გახდა.

იმავდროულად, დადიოდა ჭორები გრეგორი პეკისა და თამარას რომანზე, მაგრამ ისინი მხოლოდ ეკრანული პარტნიორები იყვნენ და მეგობრობდნენ. ხალხმა ჭორაობა მაშინ შეწყვიტა, როცა თუმანოვა 1944 წელსვე, კინოპროდიუსერსა და სცენარისტ ქეისი რობინსონზე გათხოვდა. თუმცა, მათი ქორწინება უიღბლო აღმოჩნდა და ათი წლის შემდეგ განქორწინდნენ (შვილი არ ჰყოლით). ცნობილია ისიც, რომ თამარას მიმართ სიმპათია ჯორჯ ბალანჩინსაც ჰქონდა და ცოლობაც სთხოვა, მაგრამ დიდი ასაკობრივი სხვაობის გამო თუ სხვა მიზეზით, ეს კავშირი არ შედგა.
თამარა ამერიკაში ცხოვრების პერიოდში წამყვან საბალეტო დასებთან თანამშრომლობდა. 1950 წელს "გრანდ ოპერის" დასთან ერთად, სამხრეთამერიკულ ტურნეში გაემგზავრა. ტრიუმფალური ტურნეს შემდეგ კი პარიზის თეატრის პრიმა-ბალერინა გახდა და პარიზელ მაყურებელს კვლავ მოევლინა, როგორც ოდეტა-ოდილიას, ფედრას და ჟიზელის დაუვიწყარი შემსრულებელი.

პირველი მხატვრული ფილმის შემდეგ, რამდენიმე მნიშვნელოვანი როლი შეასრულა; მათ შორის, ბალერინა ანა პავლოვას სახე შექმნა ფილმში - "ამ საღამოს ვიმღერებთ" და აღმოჩნდა ისეთი ცნობილი რეჟისორის ფილმში ("დახეული ფარდა"), როგორიც ალფრედ ჰიჩკოკია. ასევე ითანამშრომლა რეჟისორ ბილი უაილდერთან ფილმზე - "შერლოკ ჰოლმსის პირადი ცხოვრება".
თამარ თუმანიშვილმა სიცოცხლის უკანასკნელი წლები საკუთარ სახლში, ბევერლი ჰილზში გაატარა. გარდაცვალებამდე ანდერძი დატოვა, რომ მისი ქონება ქველმოქმედებას მოხმარებოდა და ერთ-ერთი საბალეტო სკოლისთვის გადაეცათ. 1996 წელს ის დედის, ევგენია თუმანიშვილის გვერდით, ლოს-ანჯელესის სასაფლაოზე დაკრძალეს.


ანა კალანდაძე
ბეჭდვაელფოსტა
კომენტარები (3)
26.05.2016
ეგრეა რა ,, მამამ პეტერბურგში რომ წაგიღო კარტული სულ დაგავიწკდა,,
777
21.05.2016
თუ არ ვცდები მას და ჭაბუკიანს მგონი შემოქმედებითი კავშირიც ჰქონდათ ერთმანეთთან.
მარკი
ამ კატეგორიის სხვა სიახლეები
დედაქალაქის მერი კახა კალაძე და მისი უმშვენიერესი მეუღლე, ანუკი არეშიძე მეოთხე ბავშვის მოლოდინში არიან.
მართალია პრინც ჰარისა და მეგან მარკლის ქორწილი უკვე გაიმართა, თუმცა არ წყდება საზოგადოების ინტერესი სამეფო ოჯახისა და "ახალგამომცხვარი" ცოლ-ქმრის მიმართ.
"რთული ცხოვრება მქონდა, 14 წლიდან ვმუშაობდი სოფელში - ვინმეს ხილი ჰქონდა მოსაკრეფი თუ შეშა ჰქონდა დასატვირთი, მივდიოდი"
ნანუკა ჟორჟოლიანი ბოლო პერიოდში შესაშურ ფორმაში ჩადგა. ტელეწამყვანი სხვადასხვა პერიოდში დიეტებით ებრძოდა ჭარბ წონას, თუმცა ზედმეტი კილოგრამების დაკლებასთან ერთად, მიღებული შედეგის შენარჩუნება არანაკლებ მნიშვნელოვანია.
ოჯახშექმნილი ქალები ხშირად აღნიშნავენ, რომ წლების შემდეგ მეუღლეების მხრიდან ვერ გრძნობენ ისეთ ყურადღებასა და მზრუნველობას, როგორც ეს ხდებოდა თუნდაც შეყვარებულობის პერიოდში. იმის გასარკვევად, თუ როგორ ანებივრებენ ქართველი მამაკაცები ცოლებს, სოციალურ ქსელში პატარა გამოკითხვა ჩავატარეთ.
მსახიობმა თამუნა აბშილავამ "ჩემი ცოლის დაქალებში" მაჭანკლის პერსონაჟით მაყურებლის ყურადღება და დიდი მოწონება დაიმსახურა.
მერაბი ყოფილი მძღოლია. მამამისიც მძღოლი იყო და ბაბუამისიც, ამიტომ როცა სკოლის დამთავრებისთანავე საქალაქთაშორისო ავტობუსზე მოინდომა მუშაობა, არავის გაჰკვირვებია.
ბა­ტო­ნი ნუგ­ზა­რი წლე­ბის გან­მავ­ლო­ბა­ში მუ­შა­ობ­და შეფ-მზა­რე­უ­ლად და კარ­გად იცის ჩვე­ნი მო­სახ­ლე­ო­ბის გე­მოვ­ნე­ბა:
აღარ ვაპირებ "საიდუმლო სანტას" თავი გავაბითურებინო
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2534 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2656 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
7 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
5 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
3 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
2 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
1561 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2446 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1207 კომენტარი