"შეჩერდი, შვილო, არ გაიქცე..."
font-large font-small
"შეჩერდი, შვილო, არ გაიქცე..."
მერაბი ყოფილი მძღოლია. მამამისიც მძღოლი იყო და ბაბუამისიც, ამიტომ როცა სკოლის დამთავრებისთანავე საქალაქთაშორისო ავტობუსზე მოინდომა მუშაობა, არავის გაჰკვირვებია. ოცი წლის იყო, პირველად რომ ჩაიყვანა მგზავრებით სავსე ავტობუსი თავისი პატარა ქალაქიდან დედაქალაქში და დღემდე ახსოვს, რაც მაშინ განიცადა: შიშში გაზავებული სიამაყის გრძნობა, რომ ამდენმა ადამიანმა ანდო საკუთარი სიცოცხლე და ეს მოლოდინი არავის გაუწბილა. ასე გრძელდებოდა თითქმის ორი ათეული წლის განმავლობაში, სანამ ერთ დღესაც, მის თავს ტრაგედია არ დატრიალდა: მთელი სიჩქარით მოძრავ "იკარუსს" ბავშვი გადმოუხტა წინ და ბორბლებში ჩაუვარდა...
იმ ხუთი წლის ბიჭის დედაც იქვე იყო, მაგრამ ვერ შეძლო შვილის შეჩერება, რომელმაც არავინ იცის, რატომ გადაწყვიტა მანქანებით დატვირთული ტრასის სირბილით გადაჭრა...
რა თქმა უნდა, ის დაიღუპა.
თვითმხილველები ამბობდნენ: მერაბი გაგიჟდა და ისიც თავს იკლავდა, ძლივს გააკავესო. თავადაც ჰყავდა სახლში მისი ტოლი ტყუპი ბიჭი და მთელი ხმით მოთქვამდა თურმე: ეს რა მომივიდა, შვილებს თვალი როგორ გავუსწორო და რა ვუთხრაო...
მერე სასამართლო შედგა და ერთი სიტყვითაც არ უმართლებია თავი. პირიქით, იხვეწებოდა: ისე დამსაჯეთ, მზის სხივსაც ნუ დამანახვებთ, სიცოცხლეს აღარ ვიმსახურებო. არადა, დარბაზიდან გაათავისუფლეს, რადგან მართლა უდანაშაულო იყო, რაც პირველ რიგში, ბავშვის დედამ დაადასტურა: შვილი მოულოდნელად გამისხლტა ხელიდან, შეუძლებელი იყო იმ მომენტში ავტობუსის დამუხრუჭებაო...
სასამართლოს შემდეგ დაიფიცა მერაბმა, რომ არათუ საჭესთან აღარ დაჯდებოდა თავის ცხოვრებაში, მანქანაშიც კი აღარ ჩაჯდებოდა. ბევრმა თქვა მაშინ: ცხელ გულზე ამბობს დაზაფრული, თორემ დრო რომ გავა, აზრზე მოვა და მიხვდება, რომ უდანაშაულოა, ასეც არ უნდა მოექცეს საკუთარ ცხოვრებასო, მაგრამ იმ ტრაგედიის შემდეგ წლები გავიდა და სოფელში გადასახლებული მერაბი, აღარც ქალაქში ჩამოსულა და არც თავის რაიონს გასცილებია. მხოლოდ იქ მიდის, რა მანძილის დაფარვაც ფეხით გადაადგილებისას შეუძლია.
ეს უცნაური კაცი გასულ ზაფხ­ულს გავიცანი, როცა მეგობარმა წამიყვანა თავის სოფელში რამდენიმე დღით. მერაბს სამოცი წელიწადი შეუსრულდა და შვილებმა სიურპრიზი გაუკეთეს, სუფრა გაუშალეს, ახლობლები დაუპატიჟეს. სტუმართა შორის მოვხვდი მეც და იქ გავიგე ის, რაც ზემოთ გიამბეთ. უფრო მეტიც: საკუთარი ფერმის პატრონს, არც ოჯახის რჩენა უჭირს და ქველმოქმედებასაც ეწევა. მიცვალებულთა მოხსენიების დღეებში უზარმაზარ სუფრებს შლის და ახლობელი მიცვალებულების გვერდით, პირველ რიგში, იმ პატარა ბიჭს ახსენებს, მის ავტობუსს რომ შეუვარდა ბორბლებქვეშ, მერე კი ყველა უპატრონო მიცვალებულს. ნაკურთხი საკვები ეკლესიაში მიაქვს უზარმაზარი კალათებით და მთელი დღე უმასპინძლდება მშიერსა და გაჭირვებულს. სათხოვარი კი ყველასთან ერთი აქვს: ცოდვილი ვარ და ლოცვებში მომიხსენიეთ, რომ ჩემი ცოდვების გამო ჩემს შვილებსა და შვილიშვილებს არ მოეკითხოთო...
ისიც მითხრეს, რომ დღემდე ახლობლობს იმ პატარა ბიჭის ოჯახთან და რადგან დიდად დალხინებულები არასოდეს ყოფილან, დღემდე ეხმარება მათ ფინანსურად და მაინც ვერ მშვიდდება. ახლობლები ამბობენ: დღემდე ესიზმრება ის ტრაგედია და დაძინებული, ყვირილით იღვიძებს: შეჩერდი, შვილო, არ გაიქცეო...
არც უყვარს მას შემდეგ ძილი თურმე: სისხამ დილით დგება და დაღამებამდე შრომობს მუხლჩაუხრელად. სოფელში ეკლესია კი მისი ინიციატივით აშენდა თურმე და უამრავი სიკეთის მქმნელი, როგორც უნდა ეხვეწო, საკუთარ თავზე სიტყვასაც არ ამბობს. სევდიანი ღიმილით მომიშორა მეც თავიდან:
- მოსაყოლი არაფერია... როგორც საჭიროდ მივიჩნევ, ისე ვცხოვრობ და ვცდილობ, კაცის წინაშეც მართალი ვიყო და თავის დროზე უფალთანაც მიმესვლებოდესო...
უნებურად გამახსენდნენ ის მძღოლები, გადაჭარბებული სიჩქარით მოჯირითენი უდანაშაულო ადამიანების სიცოცხლეს რომ შეიწირავენ და მერე მიმალვას ცდილობენ: ისინიც კაცები და ქრისტიანები არიან და მერაბიც?!
ინგა ჯაყელი
ბეჭდვაელფოსტა
კომენტარები (0)
კომენტარი არ გაკეთებულა
ამ კატეგორიის სხვა სიახლეები
დედაქალაქის მერი კახა კალაძე და მისი უმშვენიერესი მეუღლე, ანუკი არეშიძე მეოთხე ბავშვის მოლოდინში არიან.
მართალია პრინც ჰარისა და მეგან მარკლის ქორწილი უკვე გაიმართა, თუმცა არ წყდება საზოგადოების ინტერესი სამეფო ოჯახისა და "ახალგამომცხვარი" ცოლ-ქმრის მიმართ.
"რთული ცხოვრება მქონდა, 14 წლიდან ვმუშაობდი სოფელში - ვინმეს ხილი ჰქონდა მოსაკრეფი თუ შეშა ჰქონდა დასატვირთი, მივდიოდი"
ნანუკა ჟორჟოლიანი ბოლო პერიოდში შესაშურ ფორმაში ჩადგა. ტელეწამყვანი სხვადასხვა პერიოდში დიეტებით ებრძოდა ჭარბ წონას, თუმცა ზედმეტი კილოგრამების დაკლებასთან ერთად, მიღებული შედეგის შენარჩუნება არანაკლებ მნიშვნელოვანია.
ოჯახშექმნილი ქალები ხშირად აღნიშნავენ, რომ წლების შემდეგ მეუღლეების მხრიდან ვერ გრძნობენ ისეთ ყურადღებასა და მზრუნველობას, როგორც ეს ხდებოდა თუნდაც შეყვარებულობის პერიოდში. იმის გასარკვევად, თუ როგორ ანებივრებენ ქართველი მამაკაცები ცოლებს, სოციალურ ქსელში პატარა გამოკითხვა ჩავატარეთ.
მსახიობმა თამუნა აბშილავამ "ჩემი ცოლის დაქალებში" მაჭანკლის პერსონაჟით მაყურებლის ყურადღება და დიდი მოწონება დაიმსახურა.
ბა­ტო­ნი ნუგ­ზა­რი წლე­ბის გან­მავ­ლო­ბა­ში მუ­შა­ობ­და შეფ-მზა­რე­უ­ლად და კარ­გად იცის ჩვე­ნი მო­სახ­ლე­ო­ბის გე­მოვ­ნე­ბა:
აღარ ვაპირებ "საიდუმლო სანტას" თავი გავაბითურებინო
მე­გობ­რო­ბით დაწყე­ბუ­ლი ურ­თი­ერ­თო­ბა წლის ბო­ლოს შე­იძ­ლე­ბა ქორ­წი­ნე­ბის შან­სებ­ში გა­და­ი­ზარ­დოს
კვირის სიახლეები
"ასე უჭირს ერს და ბერს, რომ 11-სულიანი ოჯახი ქუჩაში არ დავტოვოთ?!"
მამა ათანასეს დახმარება სჭირდება
2527 კომენტარი
სპორტსმენი იატაკქვეშეთიდან
ხელოვნების რანგამდე აყვანილი სპორტის სახეობა, რომელიც ცხოვრების წესს გიცვლის
2654 კომენტარი
"ქალს სათქმელს ეტყვი, კაცს კი უნდა გაულაწუნო"
რით დაიმსახურა ორმა მამაკაცმა ასმათ ტყაბლაძისგან სილის გაწნა
0 კომენტარი
"ფრაზა "შენ უფრო ჩაცმული ხარ", ჩვენს სახლში ხშირად ისმის"
ნინო მუმლაძის თავს გადახდენილი მხიარული ამბები
2 კომენტარი
"გაუნათლებელი ადამიანი ყველა დროში საცოდავად გამოიყურება"
ია სუხიტაშვილი შვილებსა და საკუთარ თვისებებზე
1 კომენტარი
"ზოგჯერ ჯიბეში სამგზავრო ფულიც არ მქონია"
რა ბიზნესი წამოიწყო ნინი ონიანმა
0 კომენტარი
სახსრებში მამტვრევს. ალბათ ბედნიერების ნიშანია.
LIFE
ფერწერაში ამღერებული ქართული ქორეოგრაფია, ფრესკები, ჩუქურთმა
ქალი, რომელმაც მსოფლიოს თანამედროვე ქართული ფერწერის სიძლიერე გააცნო
0 კომენტარი
ტრამვაის ქვეშ მოყოლილი გოგონას ამბავი
"მართლა ძალიან საშინელი სანახავი ვიყავი და ხალხმა უკან დაიხია"
2438 კომენტარი
"პირველი გასროლისას ადრენალინის უდიდეს მოზღვავებას გრძნობ"
ტანკი "წიქარა" და ტანკისტების "ნათლობა"
1218 კომენტარი
"იმ მოტივით, რომ "რაღაც იქნება", საქართველოდან არ წამოხვიდეთ"
ავსტრიაში მცხოვრები წარმატებული ქართველი და მისი რობოტები
1201 კომენტარი